འབྲི་མཁན། དཔལ་ལྡན་རྒྱལ།
རྩོམ་པ་པོ་བཀྲ་རྒྱའམ་ཞོགས་དུང་དངོས་སུ་འཛིན་བཟུང་བྱས་སྐོར་རྒྱ་ནག་གཞུང་ཕྱོགས་ནས་ཁོང་གི་ནང་མིར་བརྡ་ལན་སྤྲད་འདུག ཟླ་བ་བཞི་བའི་ཚེས་ ༢༣ ཉིན་རྩོམ་པ་པོ་གྲགས་ཅན་བཀྲ་རྒྱལ་ལམ་ཞོགས་དུང་ཟི་ལིང་ཉེན་རྟོག་པས་རྒྱལ་ཁབ་ཁ་བྲལ་ལ་ངན་སྐུལ་གྱི་ཉེས་འཛུགས་བྱས་ནས་བཀག་ཉར་བྱས་ཡོད་པ་རེད་ལ། ཟླ་བ་ལྔ་བའི་ཚེས་ ༢༨ ཉིན་ཁོང་དངོས་སུ་འཛིན་བཟུང་བྱས་པ། རྒྱ་ནག་གཞུང་ཕྱོགས་ནས་ཁོང་གི་ནང་མིར་བརྡ་ལན་སྤྲད་ཡོད་སྐོར་དཔལ་ལྡན་རྒྱལ་གྱིས་ཁོང་གི་བུ་མོ་ཡེ་ཤེས་མཚོ་མོར་ཁ་པར་བརྒྱུད་བཅར་འདྲི་བྱས་པ་ཡིན།
དཔལ་ལྡན་རྒྱལ། ཁྱེད་ཀྱི་ཨ་ཕ་འཛིན་བཟུང་གྱི་ཡི་གེ་ཁྱེད་ཚོར་འབྱོར་ཡོད་པ་དེའི་སྐོར་ནས་བཤད་རོགས།
ཡེ་ཤེས་མཚོ་མོ། ཡི་གེ་དེ་ཟླ་བ་ལྔ་བའི་ཚེས་ཉེར་བརྒྱད་ཉིན་གྱི་ཕྱི་དྲོ་དུས་ཚོད་དྲུག་པའི་ཐོག་ཨ་མ་དང་ངེད་གཉིས་འཛིན་བཟུང་ཡི་གེ་ལེན་ཏུ་ཤོར་ཟེར་བ་བཞིན་ཉེན་རྟོག་ཁང་དུ་སོང་དུས་སྤྲད་བྱུང་།
དཔལ་ལྡན་རྒྱལ། ཡི་གེ་དེའི་ནང་ག་རེ་བཀོད་འདུག
ཡེ་ཤེས་མཚོ་མོ། ཡེ་གེ་དེའི་ནང་ཁོང་ཚོས་(རྒྱ་གཞུང་)བཤད་བཞིན་པའི་ཉེས་བ་སྔོན་མ་ནང་བཞིན་རེད། “རྒྱལ་ཁབ་ཁ་བྲལ་ལ་ངན་སྐུལ་”བྱས་པ་ཟེར་པ་དེ་རེད། སྔོན་ལ་བཀག་སྐྱིལ་བྱེད་སྐབས་སྤྲད་པའི་ཡེ་གེ་དང་ཕལ་ཆེར་གཅིག་མཚུངས་རེད། མི་འདྲ་ས་ནི་གྱོད་དོན་འདི་ཁྲིམས་དཔྱོད་ཁང་ལ་སྤྲད་པ་དང་ཁྲིམས་དཔྱོད་ཁང་གིས་དོ་དམ་བྱེད་བཞིན་ཡོད་ཅེས་པ་དེ་རེད།
དཔལ་ལྡན་རྒྱལ། ཁྱེད་ཀྱི་ཨ་ཕ་གང་དུ་ཡོད་མེད་ཤེས་སམ།
ཡེ་ཤེས་མཚོ་མོ། ཟི་ལིང་གྲོང་ཁྱེར་གྱི་བཀག་སྐྱིལ་ཁང་དང་པོའི་ནང་བཀག་ཡོད་པ་ཡི་གེ་སྔོན་མའི་ནང་བཀོད་ཡོད་པ་ནང་བཞིན་བཀོད་འདུག
དཔལ་ལྡན་རྒྱལ། ཁྲིམས་དཔྱོད་ཁང་ལ་རྩིས་སྤྲད་བྱས་ཡོད་ན་ཁྲིམས་ཐོག་ལ་འགྲོ་དགོས་པ་ཨེ་རེད།
ཡེ་ཤེས་མཚོ་མོ། རེད། ཁྲིམས་ཐོག་ལ་འགྲོ་དགོས་པ་རེད་ཟེར། ཁྲིམས་ལྟར་ན། དངོས་སུ་འཛིན་བཟུང་བྱས་པའི་ཡི་གེ་ངའི་ཨ་ཕ་ཁྲིད་པའི་ཉིན་མོ་ནས་བཟུང་ཉིན་གྲངས་ ༣༧ གྱི་ནང་ཚུད། ཁྱིམ་ཚང་གི་ལག་ཏུ་སྤྲོད་དགོས་ཟེར་བ་ལྟར། ང་ཚོས་དེ་ཡང་འབྱོར་གྱི་མ་རེད་བསམ་ནས་སེམས་ཁྲལ་བྱས་པ་ཡིན། འོན་ཀྱང་ཆེས་མཐའ་མཇུག་གི་ཉིན་མ་སོ་བདུན་པར་འཛིན་བཟུང་ཡི་གེ་ང་ཚོར་འབྱོར་ སོང་། ཁྲིམས་ཁང་ལ་ག་དུས་སྤྲོད་རྒྱུ་རེད་ཅེས་དྲིས་པར་ད་ལྟ་ཁྲིམས་དཔྱོད་ཁང་དུ་ཡོད། ཟླ་གཉིས་ཀྱི་རྗེས་སུ་ཁྲིམས་ཁང་ལ་རྩིས་སྤྲོད་དགོས་རེད་ཟེར།
དཔལ་ལྡན་རྒྱལ། ཁྲིམས་ཁང་དུ་འགྲོ་དགོས་དུས་ཁྱེད་རང་ཚོའི་ངོས་ནས་ཁྲིམས་རྩོད་པ་བཙལ་གྱི་ཡོད་དམ།
ཡེ་ཤེས་མཚོ་མོ། ཁྲིམས་རྩོད་པ་བཙལ་རྒྱུ་ཡིན། ཁྲིམས་རྩོད་པ་བཙལ་ཆོག་གམ་ཅེས་དྲིས་པར་བཙལ་ཆོག་ཀྱང་གསལ་བོ་ལབ་ཀྱི་མི་འདུག་ལ། བཙལ་མི་ཆོག་ཀྱང་གསལ་བོ་བྱས་ནས་ལབ་ཀྱི་མི་འདུག་མོད། ངེད་ཚང་གི་ངོས་ནས་ཁྲིམས་རྩོད་པ་འཚོལ་རྒྱུའི་ཐབས་ཤེས་བྱེད་བཞིན་ཡོད།
དཔལ་ལྡན་རྒྱལ། ཁྱེད་རང་གི་ངོས་ནས་ཨ་ཕར་སེམས་ཁུར་ཆེ་ཤོས་ག་རེ་ཡིན།
ཡེ་ཤེས་མཚོ་མོ། ཨ་ཕའི་བདེ་ཐང་གི་སྐོར་ལ་ངེད་བཟའ་ཚང་ཧྲིལ་བོར་སེམས་འཁུར་ཡོད། བཀག་སྐྱིལ་ཁང་དང་པོའི་ནང་ཡོད་ཟེར་གྱི་ཡོད་པ་རེད་མ་གཏོགས་དངོས་སུ་དེར་ཡོད་ མེད་ཀྱང་གསལ་བོ་མི་ཤེས་ལ། སྐད་ཆ་དང་གནས་ཚུལ་གང་ཡང་གོ་རྒྱུ་མི་འདུག ཁོང་གི་གཟུགས་གཞིའི་བདེ་ཐང་དང་གཅར་རྡུང་གཏོང་གི་ཡོད་མེད་ཐད་ཧ་ཅང་གི་སེམས་ འཁུར་ཡོད།
དཔལ་ལྡན་རྒྱལ། ཁྱེད་གྱི་ཨ་ཕའི་ཕ་མ་རྒན་རྒོན་གཉིས་ག་འདྲ་འདུག
ཡེ་ཤེས་མཚོ་མོ། སྤོ་སྤོ་དང་རྨོ་རྨོ་གཉིས་ངར་བ་རེད། ཁོང་གཉིས་ཀྱིས་ཧུར་ཐག་བྱེད་ཀྱིན་འདུག སྤོ་སྤོ་ལོ་ ༨༠ རེད། ཉིན་རྒྱུན་སེམས་ཁྲལ་བྱེད་ཀྱི་མེད་ཟེར་ན་ཁག་པོ་རེད། ཁོང་གཉིས་ཀྱིས་ཧུར་ཐག་བྱེད་ཀྱིན་འདུག
དཔལ་ལྡན་རྒྱལ། བཀའ་དྲིན་ཆེ། རྗེས་ཕྱོགས་འབྲེལ་བ་བྱེད་ངེས་ཡིན།
དྲ་འབུ་ཚོར་ཕྱོགས་ཞེན་དང་འཐེན་འཁྱེར་རེ་ལས་རྩོམ་པ་པོའི་བདེ་སྡུག་དང་བསམ་བློ་ངོ་མ་དེ་གླེང་མཁན་མི་འདུག
བཙན་པོའི་བུ་ སྐབས་འདིར་བདག་གིས་འདི་ལྟར་བྲིས་པ་ཡོད། ༼གང་ལྟར་ཡང་ཞོགས་དུང་བཙོན་འཇུགས་བྱས་པ་འདི་བློ་ཕན་པའི་གནས་ཞིག་ཡིན་ཕྱིར། གདུང་སེམས་མཉམ་སྐྱེད་འོག་ཁོང་ཀློད་གྲོལ་འོངས་ཐབས་ཞིག་ཡོན་ན་རོགས་རམ་བྱེད་དགོས།༽ཞེས་འབོད་བསྐུལ་ཞུས་ཡོད། འོན་ཀྱང་ཞོགས་དུང་རྒྱལ་པ་ཚངས་དབྱངས་རྒྱ་མཚོ་དང་ཨ་མདོ་བ་དགེ་འདུན་ཆོས་འཕེལ་མཉམ་དུ་བཞག་འོས་པའི་མཁས་དབང་ཞིག་ཡིན་པར་རྩ་བ་ནས་ཁས་མི་ལེན།
དངོས་གནས་བཤད་ན་རང་གི་འཚོ་གནས་བཙལ་ཆེད་དེབ་ཁ་ཤས་བཟོས་རྗེས་བོད་མི་མང་པོ་ཁོས་ལྟ་བ་ལ་མ་དགའ་ནས་དེབ་ཉོ་མཁན་མ་རྙེད་པར། ད་གཟོད་བོད་དོན་དང་འབྲེལ་བའི་དེབ་པར་སྐྲུན་བྱས་དེ་བཙོང་བ་པ་རེད། འོན་ཀྱང་བོད་མི་ཞིག་འཛིན་བཟུང་བྱས་པའི་ཆ་ནས་རོགས་བྱེད་ཡུལ་ཡིན་པར་ངོས་འཛིན་བྱེད་ཀྱིན་ཡོད།
བདག་གིས་བསམ་ན་ཞོགས་དུང་སུས་ཀྱང་རྒྱ་ནག་ལ་མཁོ་སྤྲོད་བྱས་པ་མ་རེད།
གལ་སྲིད་མི་ཞིག་རྒྱ་ནག་ལ་མཁོ་སྤྲོད་བྱས་པ་ཡིན་ན། བཙན་པོའི་བུ་ཟེར་ཁོད་ཀྱི་ཅི་བྱེད་ཐུབ ཧཧཧཧཧཧཧཧཧཧཧཧཧཧཧཧ
སྐར་མདའ་ཟེར་བའི་བསམ་མེད་ཁྱོད། གལ་ཏེ་སྐུ་ཞབས་ཞོགས་དུང་ལགས་ཀྱི་ལྟ་བའི་ཆ་ནས་ཁྱེད་ལ་མི་མཐུན་པ་དང་སྣང་བར་མི་འགྲོ་བ་དེ་འདྲ་ཡོད་སྲིད་ཀྱང་། ཁོང་ནི་ད་སྐབས་མི་རིགས་ཀྱི་ཆེད་དུ་རང་གི་ཆུང་མ་དང་བུ་ཕྲུག་རྣམས་ཀྱང་བཞག་ནས། རྒྱ་དམར་གྱི་བཙོིན་དུ་བཀག་ཉར་དང་སྡིགས་སྦྱོང་མནར་གཅོད་མྱོང་གི་ཡོད་ན་ཡང་། མྱི་ངན་བསམ་མེད་སྐར་མདའ་ཟེར་བའི་ཁྱོད་ཀྱིས། ང་ཚོ་བོད་པ་ཚང་གི་སྟེང་ལ་རོག་ཐོག་རྟ་རྒྱུགས་བྱེད་ཀྱིན་འདུག་པས། གཞུག་ཕྱོགས་ཅི་ནས་ཀྱང་ཁ་ཚོད་ཡོད་ལས་ཚིག་ཚོད་མ་བཤད་རོགས་ཞུ་འདུན་ཡིན། ཁྱོད་ཀྱིས་བཤད་ན། ‘‘གང་ལྟར་ཡང་ཞོགས་དུང་བཙོན་འཇུགས་བྱས་པ་འདི་བློ་ཕན་པའི་གནས་ཞིག་ཡིན་ཕྱིར།” སྐར་མདའ་ལགས། ངས་ཁྱོད་ལ་དྲི་བ་འདྲི་དོན། སྐུ་ཞབས་ཞོགས་དུང་ལགས་བཙོན་དུ་བཅུགས་པ་དེས་ཁྱོད་ཀྱི་བློ་ལ་ཅི་ཞིག་ཕན་སོང་། གལ་ཏེ་ཁྱོད་ནི་མི་སེམས་ཡོད་མཁན་ཞིག་ཡིན་ན། ཁོང་གི་སྟེང་ལ་འདི་འདྲའི་བསམ་པ་ནག་པོ་ཞིག་འཛིན་དོན་ཨེ་ནམ།
གལ་ཏེ་ཁྱེད་ཀྱིས་བོད་ཡིག་མ་ཤེས་པར་འབྲི་ནོར་བཏགས་ནོར་བྱས་པ་ཡིན་ན། འོ་ན། གོང་དུ་ཁྱེད་ཀྱིས་ ‘‘རྡ་སའི་བོད་ཡིག་ཡག་པོ་མི་ཤིས་མཁན་རྣམས་དང་དམར་སྲུང་རུ་ཁག་གི་བསམ་བློ་རེད།” རེད་ཅེས་བོད་ཡིག་མི་ཤེས་མཁན་རྣམས་ལ་ཡང་ཚི་མཚོན་བཏབས་འདུག
གལ་ཏེ་ངས་ལྟ་ཚུལ་ནོར་མེད་མ། སྐུ་ཞབས་ཞོགས་དུང་ལགས་རྒྱ་ནག་ལ་མཁོ་སྤྲོད་བྱེད་མཁན་དེ། སྐར་མདའ་ཟེར་བ་དེ་ཡིན་ཚོད།
རྒྱལ་པ་ཚངས་དབྱངས་རྒྱ་མཚོ་དང་། ཨ་མདོ་བ་དགེ་འདུན་ཆོས་འཕེལ། འདི་གཉིས་ལ་མཚོན་ན་བོད་ཀྱི་ཆོས་དང་རིག་གཞུང་གཉིས་ལ་བྱང་ཆུབ་པའི་རྕོམ་པོ་ཞིག་རེད། དཔལ་དོན་འགྲུབ་རྒྱལ་ནི་བོད་ཀྱི་ལོ་རྒྱུལ་ལ་མཁས་ཤིང་དེང་རབས་སྔོན་ཐོན་གྱི་ལྟ་ལའང་བཅུད་ལེན་སྙིགས་འདོར་བྱེད་ཐུབ་བའི་རྩོམ་པ་པོ་ཞིག་རེད།
ཞོགས་དུང་ལ་མཚོན་ན་མར་ལེ་རང་ལུགས་ཀྱི་ལྟ་བ་ཁྲལ་ཁྲོལ་ཞིག་གོ་ལོ་དང་ཐོས་ལོ་ཡོད་ཐོག་དེ་བོད་ཡིག་གི་ཐོག་ལ་འབྲི་ཐུབ་པའི་སུམ་རྟགས་དག་གསུམ་སོགས་ཀྱི་ཆ་སྐྱེན་ཙམ་ཚང་བའི་རྩོམ་པ་པོ་ཞིག་རེད།
རྡ་སའི་དམར་སྲུང་རུ་ཁག་གི་རྣ་བ་ལ་ཞོག་དུང་གི་ལྟ་བ་འདི་ཧ་ཅིང་སྙན་པོ་དང་། སེམས་ནང་ལ་ཧ་ཅིང་མཐོང་ཆེན་བྱེད་ཡུལ་ཞིག་ཆགས་ཡོད། འོན་ཀྱང་ལྟ་བ་འདི་ནི། དེང་རབས་གཞོན་སྐྱེས་ཀྱི་བསམ་བློ་སྔོན་ཐོན་ཞིག་མ་ཡིན་པར། འདས་པའི་དུས་ཀྱི་མར་ལེ་རངས་ལུགས་ཀྱི་ལྟ་བ་གཞིར་བཞག་ཐོག བོད་མི་ཕྱོགས་ཡང་གཡེམ་རྒྱུགས་མཁན་ལ་མཛའ་བའི་ཚིགས་ཁ་ཤེས་རེ་གསར་དུ་བསྣན་ནས་བྲིས་པ་ཞིག་ཡིན་པ་ངོས་ཟིན་དགོས།
གང་ལྟར་ཡང་ཞོགས་དུང་བཙོན་འཇུགས་བྱས་པ་འདི་བློ་ཕན་པའི་གནས་ཞིག་ཡིན་ཕྱིར། གདུང་སེམས་མཉམ་སྐྱེད་འོག་ཁོང་ཀློད་གྲོལ་འོངས་ཐབས་ཞིག་ཡོན་ན་རོགས་རམ་བྱེད་དགོས། དེ་མིན་རྒྱལ་པ་ཚངས་དབྱངས་རྒྱ་མཚོ་དང་ཨ་མདོ་བ་དགེ་འདུན་ཆོས་འཕེལ་སོགས་དང་མཉམ་པའི་མཁས་དབང་ཞིག་ལ་ངོས་འཛིན་བྱེད་པ་འདི་ནི། རྡ་སའི་བོད་ཡིག་ཡག་པོ་མི་ཤིས་མཁན་རྣམས་དང་དམར་སྲུང་རུ་ཁག་གི་བསམ་བློ་རེད།
ཞོགས་དུང་ལགས།ཁྱེད་ལ་རྒྱ་ནག་གིས་གཅར་རྡུང་དང་བརྙེས་བཅོས་ག་ཚོད་བཏང་ཡང་།དེ་ནི་ཁྱེད་ཉིད་བཙོན་ཁང་དུ་མ་འཛུལ་བའི་སྔ་ཉིན་ནས་ཤེས་ཡོད་ལ།དེ་ནི་ཁྱེད་ཀྱིས་བདམས་ཟིན་པའི་ལམ་ཁ་ཞིག་རེད་ཅེས་བཤད་ན་མི་འགྲིག་པ་མེད་མོད།ངས་ཁྱེད་ལ་གསལ་འདེབས་ཤིག་ཞུ་རྒྱུ་ནི།རྒྱའི་བཙོན་འོག་དམྱལ་ཁམས་བཅོ་བརྒྱད་ལས་སྡུག་ཀྱང་འཛུལ་ལ་སྡོད།ཕྱི་ལ་གཏན་ནས་མ་འབུད།ཤེས་ཡོན་པ་དང་བསམ་བློ་བ་སུ་ཡིན་ཡང་།ཁྱེད་ཀྱི་ལེགས་བཤད་དག་ལས་ཁྱེད་དངོས་སུ་མཇལ་ཐུབ་ཀྱང་།དེ་ལས་ལྡོག་པའི་མི་ངན་ཅོལ་ཆུང་ཚོས།ཁྱེད་ཕྱིར་བུད་ན་སྔོན་མ་མེས་པོ་ཚོས་གྱོན་མྱངས་པའི་ལྷ་འདྲེ་གདོན་བགག་གི་ཞྭ་རིང་ལས་ཐུ་བ་ཞིག་འགེབ་ས་རེད།ད་ལྟ་ནས་དྲ་ཚིགས་དང་གསར་ཤོག་སོགས་ཕྱོགས་གང་སར་བཟོ་བཞིན་འདུགམི་རིགས་ཟེར་བ་ཞིག་གི་ཁྱེད་དུ་ཁྱེད་ཀྱིས་བསམ་བློ་ག་འདྲ་བཏང་ཡང་མཐར་ཐུག་འགྲོ་ས་དེ་མི་ངན་འགའ་ཞིག་གི་ལག་འོག་ནས་འགྲོ་དགོས་པ་རེད།དཔེར་ན།དགེ་ཆོས་དང་།དོན་གྲུབ་རྒྱལ་འདི་དག་ལྟར་འགྲོ་དགོས་ན་ངོ་མ་ཡིད་ཕང་བ་ཞིག་རེད།ཁོང་ཚོ་ཡང་མི་ངན་འགའ་ཞིག་གིས་ཞྭ་མི་བཟོས་བབའི་རྐྱེན་གྱིས་འགྲོ་སོང་བ་ལས་བོད་མི་མང་གཏན་ནས་མ་ཡིན་ནོ།ཤེས་པར་ཅེས་དྲ་འབུ་དང་ང་བླ་མ་དག།།
བཙན་པོ་འདི་བླུན་པོ་ཞིག་མིན་ན། དབུ་གོང་ས་ནས་མར་ལེ་རིང་ལུགས་ཆགས་ཟིན་པའི་དེ་རིང་། དམར་སྲུང་དམག་མི་ཡིན་ད་ཡིན། ཧ་ལམ་ཁྱོད་རང་ལ་རྗེས་ལུས་ཐེབས་ཤག ཨུ་ཚུགས་བསྐྱོན་རོགས་ཞུ་འདུན་བྱུང་སོང་།
དུག་ཚེར་ལགས། ངས་བཤད་པའི་ཚིག་ལས་དོན་ལ་སོ་གིས་ཆོད་གི་ཡོད་ས་མ་རེད།
ཁྱེད་ཚོས་ཞོགས་དུང་འདི་ས་འབྲི་རྡོ་འབྲི་བྱེད་བཞིན་ཡོད་པས།་དེ་ནི་་ཕྱོགས་སུ་ལྷུང་བ་ཞིག་ཡིན་པས་ཕྱོགས་དུང་འདི་བྲིས་བ་ཡིན།
ཁྱེད་ཀྱིས་ཡི་གེ་ཐིག་ཕྲེང་གཉིས་བྲིས་བའི་ནང་དག་ནོར་དང་དོན་མེད་པའི་ཡི་གེ་དེ་དག་ལ་འགྲེལ་བྱེད་རེ་བྱས་ནས་ཁྲེལ་དགོད་གནང་རོགས།
ཁྱེད་ཀྱི་གསུང་འདི་རེད།
བློ་བཟང་ཐུབ་བསྟན་ཟེར་བས ཞོགས་དུགི་བསམ་བློ་ངོ་མ་གཏན་ནས་གོ་མི་འདུག
ཞོགས་དུང་མིང་ཙམ་ཡང་དག་ཆ་འབྲི་མི་ཤེས་འཁན་ཞིག་གིས ཁོང་གི་བསམ་བློ་ལ་དཔྱད་པ་བྱེད་འདོགས་སྟོན་ཡོང་དུས་ང་རང་དབང་མེ་དཔར་ཁྲེལ་རྒོད་ཤོར་གི་་་་ཟེར། ༡ ཟེར་བས ཞོགས་དུགི་་་་ཟེར་བ་དང་་་་་་་མེ་དཔར་་་་་་ད་དུང་་་་
འཁན་་་ཟེར་བ་འདི་དག་གི་དོན་དག་ཅི་རེད། འདི་དག་ད་དུང་བོད་སྐད་ནང་མིང་དུ་གྲུབ་མེད་བ་འདྲ།
༢ དེ་མིན་་་་་་བྱེད་འདོགས་སྟོན་ཡོང་དུས་་་་བསྟན་ཡོང་དུས་ཟེར་དགོས། ཁྲེལ་རྒོད་ཟེར་བ་འདི་ཡང་ཡོངས་གྲགས་དགོད་འདི་ཡིན།
གཞན་ལ་དག་བྱེད་པ་ལ་རང་ལ་ཡང་དག་ཆ་དགོས་ནི་རེད་ལོ།
དུག་ཚེར་ལགས། ངས་བཤད་པའི་ཚིག་ལས་དོན་ལ་སོ་གིས་ཆོད་གི་ཡོད་ས་མ་རེད།
ཁྱེད་ཚོས་ཞོགས་དུང་འདི་ས་འབྲི་རྡོ་འབྲི་བྱེད་བཞིན་ཡོད་པས།་དེ་ནི་་ཕྱོགས་སུ་ལྷུང་བ་ཞིག་ཡིན་པས་ཕྱོགས་དུང་འདི་བྲིས་བ་ཡིན།
ཁྱེད་ཀྱིས་ཡི་གེ་ཐིག་ཕྲེང་གཉིས་བྲིས་བའི་ནང་དག་ནོར་དང་དོན་མེད་པའི་ཡི་གེ་དེ་དག་ལ་འགྲེལ་བྱེད་རེ་བྱས་ནས་ཁྲེལ་དགོད་གནང་རོགས།
ཁྱེད་ཀྱི་གསུང་འདི་རེད།
བློ་བཟང་ཐུབ་བསྟན་ཟེར་བས ཞོགས་དུགི་བསམ་བློ་ངོ་མ་གཏན་ནས་གོ་མི་འདུག
ཞོགས་དུང་མིང་ཙམ་ཡང་དག་ཆ་འབྲི་མི་ཤེས་འཁན་ཞིག་གིས ཁོང་གི་བསམ་བློ་ལ་དཔྱད་པ་བྱེད་འདོགས་སྟོན་ཡོང་དུས་ང་རང་དབང་མེ་དཔར་ཁྲེལ་རྒོད་ཤོར་གི་་་་ཟེར། ༡ ཟེར་བས ཞོགས་དུགི་་་་ཟེར་བ་དང་་་་་་་མེ་དཔར་་་་་་ད་དུང་་་་
འཁན་་་ཟེར་བ་འདི་དག་གི་དོན་དག་ཅི་རེད། འདི་དག་ད་དུང་བོད་སྐད་ནང་མིང་དུ་གྲུབ་མེད་བ་འདྲ།
༢ དེ་མིན་་་་་་བྱེད་འདོགས་སྟོན་ཡོང་དུས་་་་བསྟན་ཡོང་དུས་ཟེར་དགོས། ཁྲེལ་རྒོད་ཟེར་བ་འདི་ཡང་ཡོངས་གྲགས་དགོད་འདི་ཡིན།
གཞན་ལ་དག་བྱེད་པ་ལ་རང་ལ་ཡང་དག་ཆ་དགོས་ནི་རེད་ལོ།
རང་དབང་ཡ་ཡ། ངོ་མ་བོད་མིའི་ལས་དབང་འདི། དུས་ནམ་ཞིག་ལ་བོད་མི་ཚོ་རང་དབང་གི་ཉིན་མ་ཤར་བ་ཡིན་ན་རྒྱ་གཞུང་གིས་བཤད་བཞིན་པའི་ཡར་རྒྱས་ཟེར་བ་དེ་མེད་ན་ཁྱད་མི་འདུག གཞིས་བཞུགས་བོད་མི་ཚོ་རྒྱ་གཞུང་གི་བྱེད་སྟངས་འདི་ཚོ་དངོས་ནས་བཙན་པའི་དབང་ཡོད་རང་རེད། ད་ང་ཚོས་ག་རེད་བྱེད་ཐུབ་ཀྱི་རེད།
ཁྱེད་ཅག་གི་འུར་སྐད་རྒྱབ་པའི་འབྲས་བུ་རེད
ད་དུང་ཚོད་མ་བཟོང་ན
ཁོང་ཚེ་བཙོན་དུ་
བློ་བཟང་ཐུབ་བསྟན་ཟེར་བས ཞོགས་དུགི་བསམ་བློ་ངོ་མ་གཏན་ནས་གོ་མི་འདུག
ཞོགས་དུང་མིང་ཙམ་ཡང་དག་ཆ་འབྲི་མི་ཤེས་འཁན་ཞིག་གིས ཁོང་གི་བསམ་བློ་ལ་དཔྱད་པ་བྱེད་འདོགས་སྟོན་ཡོང་དུས་ང་རང་དབང་མེ་དཔར་ཁྲེལ་རྒོད་ཤོར་གི
རྒན་ཞོགས་དུང་ལགས་ཁྱེད་འཛིན་བཟུང་བྱས་པ་ནས་བཟུང་བདག་གི་རེ་བ་ཆེན་པོ་ཞིག་དོར་དགོས་བྱུང་
ང་ཚོའི་བོད་མི་རིགས་ཀྱི་ཆེད་དུ་ཀླད་སྙིང་གི་ལྟ་བ་ནང་ཆོས་རྩ་གཏོར་བྱེད་བསམ་རུང་ཁྱེད་ལ་བར་ཆད་འདི་
འཕྲད་ཀྱི་རེད་བསམ་བསམ་མ་བྱུང་ རང་རེ་བོད་མི་རྣམས་མིག་མེད་པའི་གང་ཟག་ཞིག་གི་རྗེས་སུ་རང་ཉིད་མི
བཙུམ་ནས་འགྲོ་མཁན་ཤ་སྟག་རེད་ ཚ་མདའ་མྱུག་ལགས་ང་ཚོའི་ད་ཁྱེད་ལ་སྐྱབས་བཅོལ་གྱི་ཡོད་
ཀླད་སྙིང་བོད་མི་རྣམས་ལ་ཞོགས་པ་དུང་ཞིག་བཏང་ནས་ཡར་དཀྲོག་རོགས་
ཕྱོགས་དུང་གི་རྒྱབ་སྐྱོར་བ་རྣམ་པ། ཁྱེད་ཚོ་ཁ་སང་གྱེན་ལོགས་ཕྱོགས་ཁག་ཡིན་ད་ལ། ཁྱེད་ཚོ་དེ་རིང་དམར་སྲུང་དམག་མི་ཆགས་འདུག་ག ངོ་མ་གསར་བརྗེ་བ་ཟེར་བ་རེད། ཕྱོགས་དུང་ལ་བོད་ཀྱི་དཔའ་བོ་དཔའ་མོ་ཚོ་དང་གཅིག་མཚུངས་ཀྱི་རྒྱབ་སྐྱོར་དང་ལྟ་ཚུལ་ཡོད། ཁོ་ལ་དམིགས་གསལ་གི་ཅང་མེད། ཁོ་བཙོན་འཇུག་བྱས་པར་བློ་ཕམ་ཡོད། ཡིན་ནའང་ཁོའི་རྩོམ་བྲིས་མང་ཆེ་བ་ལོགས་བཤད་རེད། དེ་ཕྱིར་ཁོའི་ལྟ་ཚུལ་ལ་མོས་མཐུན་མེད།གནམ་ས་གོ་འབྱེད་ནང་ཁོའི་བསམ་བློར་འགྱུར་ལྡོག་མང་ཙམ་སོང་འདུག ཁོའི་སྐོར་ལ་རྩོམ་རེ་འབྲི་བསམ་ཡོད། ཁོ་བཙོན་ལ་འགྲོ་བ་ལ་བོད་ནང་ལ་འང་ངན་ཁག་ཡོད་པ་རེད། ༡ སྤྱིར་ཕྱོགས་དུང་མི་དྲང་བོ་ཞིག་ཡིན་པས།ཁོའི་ཉེ་འཁོར་གྱི་གྲོགས་པོ་ཡིན་ཟེར་མཁན་ཚོས་ཁོ་ལ་ཕུ་བརྒྱངས་ནས་ཁོ་མདུང་མགོ་ཅུང་ཙམ་བྱས་ཡོད་པ་རེད་ཟེར།
༢ བླ་རྒན་རྣམས་གཙོ་བར་འགྱུར་བའི་ཁོའི་ལྡོག་ཕྱོགས་པ་ཚོས་༢༠༠༨་ལོའི་ཞི་རྒཽལ་ཆེན་མོའི་རྗེས་སུ་ཕྱོགས་དུང་ལ་ངོ་འཚང་མང་པོ་དྲིས་ཡོད་པ་རེད། ཕྱོགས་དུང་གང་ལ་འགྲོ་སོང། ཕྱོགས་དུང་གཉིད་ཁུག་སོང་ས་རེད་ཟེར་བ་སོགས་བཤད་ནས་ཁོ་འདུག་མི་བདེ་བ་བཟོས་པ་རེད།
ཨ་ཤུ་རེ་ཁོ་ངོ་མ་ཡིད་ཕངས་བ་ཞིག་རེད་ཡ།
ད་མང་བོ་བཤད་ནས་མ་འདུག དངོས་གནས་ལས་ཀ་ལས་ཀི་ཡིན་ན། ཞོགས་དུང་མྱུར་སྐྱོབ་ཚོགས་ཆུང་ཞིག་བཙུགས་ནས་གོ་སྐབས་ཡོད་ཚད་མ་ཤོར་བའི་ལམ་ནས་རྒྱལ་སྤྱིའི་གནོན་ཤུགས་ཐད་ཀར་རྒྱ་ནག་ལ་བརྒྱུད་སྤྲོད་བྱེད་ཐུབ་པ་ཞིག་ལ་བརྩོན་གལ་ཤིན་ཏུ་ཆེ། དེ་ལྟའི་འབྲས་བུས་ད་གཟོད་བོད་ལའང་ཕན་ཆེན་པོ་ཐོགས་པར་འདོད། དེ་འདྲ་ཞིག་རེད་དམ།
བསང་ཆུ་འབྲུག་བྷེས་བཤད་པ་ངོ་མ་རེད།
འདི་ནི་འུ་ཚང་གི་གྱོང་གུད་ཆེན་པོ་ཞིག་ཡིན་པས་ཁོང་གི་གསུང་རྩོམ་དག་ཡིག་རིགས་འདྲ་མིན་ནང་བསྒྱུར་དེ་ཁྱབ་བསྒྲགས་བྱེད་རྒྱ་ཧ་ཅང་གལ།
སྒོར་མོ་མང་པོ་དགོས་རྒྱུ་རེད་ཡ།
ད་རེས་བོད་གངས་རིའི་ལྗོངས་ཀྱི་མི་བུ་རུས་པ་ཅན་སྐུ་ཞབས་ཞོགས་དུང་ལ་གཏད་པའི་དབང་བསྒྱུར་བའི་མདུང་རྩེ་འདི་ནི། སྐུ་ཞབས་ཁོང་ལ་གཏད་པ་གཅིག་གོ་མ་ཡིན་པར་བོད་ཀྱི་ཤེས་ཡོན་པའི་སྟེང་ལ་བསྐོར་བའི་སྦྱུལ་གསོད་ན་སྦྱུལ་མགོ་རྙེད་དགོས་པའི་སྲིད་ཐབས་ཤིག་རེད་འདོད།
དྲ་གྲོགས་གཉམ་ལྕགས་ལགས། ཀུང་སློང་གི་ཆ་ནས་བཙན་བྱོལ་བོད་མིའི་ཕྲོད་ལྷག་བསམ་གྱིས་རྒྱབ་སྐྱོར་བྱེད་ཡོད་ཅིང༌། ལས་འགུལ་སྤེལ་སྟངས་ཐབས་ཇུས་ཀྱི་ཆ་ནས་ང་ཚོའི་འགྲིག་གི་མེད་པ་གསལ་པོ་རེད། གལ་སྲིད་བོད་ནང་གི་ཆབ་སྲིད་བཙོན་པ་ཚང་མ་རྒྱལ་སྤྱིའི་རང་བཞིན་གྱིས་ངོས་འཛིན་ལྡན་པའི་མི་སྣ་བཟོ་ཐུབ་ན་ང་ཚོའི་འཇོན་ཐང་་དང་དགོས་རྒྱུ་དེ་རེད་མོད། དེ་ལྟར་ཐུབ་ཀྱི་མེད་པ་གསལ་པོ་རེད། གང་ཡིན་ཟེར་ན་ཆབ་སྲིད་ཀྱི་དོན་རྐྱེན་འོག་རྒྱ་དམར་གྱིས་སྲོག་ཐོག་བཏང་བ་དང་གཏོང་རྒྱུ་བསྡད་པ་གང་མང་ཡོད་རེད། དེ་ལྟར་འཇོན་གྱི་ཡོད་ན་འདྲ་མཉམ་གྱི་དགོས་པ་རེད་བསམ་གྱི་འདུག
གོང་དུ་སྨྱུ་གུས་བཤད་པ་དེ་ཧ་ཅང་གིས་བདེན། ཞོགས་དུང་ཁོང་གིས་ཀྱང་”ནམ་ཞིག་ཕྱི་རང་དབང་གི་རྒྱལ་ས་ཟིན་ཀྱང་ནང་རང་དབང་གི་རྒྱལ་ས་ཟིན་མེད་ཚེ་སྔར་བཞིན་སྒེར་གཅོད་ཡིན་པ་གཅིག་མཚུངས་ཡིན”ཞེས་གསུང་ཡོད། དེའི་སྟབས་ཀྱིས་ཁོང་གི་དགོངས་པ་བཞིན་ང་ཚོའི་མང་ཚོགས་ཀྱི་ཁྲོད་དུ་ཁོང་གི་བསམ་བློའི་རྒྱབ་ལྗོངས་ལ་གོ་རྟོགས་ཐོབ་རྒྱུ་གལ་ཆེ་བ་དེ་རེད། ད་འགྲིག་མ་སོང་། ཁོང་བཟུང་སོང་ཟེར་ནས་འདུག་པ་ལས་ཁོང་གི་རླབས་ཆེ་བའི་བསམ་བློའི་ལངས་ཕྱོགས་ལ་སློབ་སྦྱོང་བྱས་ནས་མི་མང་བྱིངས་ལ་གོ་རྟོགས་སྤེལ་རྒྱུ་གལ་ཆེ་བ་འདུག་སྙམ།
ངག་དབང་རབ་རྒྱས་ལགས། ཞོགས་དུང་གློད་སོང་ན་མི་འདོད་མཁན་གཅིག་ཀྱང་མེད། གསར་འགོད་པ་དག་དང་ལས་འགུལ་བ་དག་གིས་འདི་ལྟར་བྱས་པའང་གློད་ཐབས་ཀྱི་རེ་བ་ཞིག་ཡིན། ད་བཟུང་ནི་བཟུང་ཚར་བ་རེད། ང་ཚོའི་རང་དབང་ལུང་བ་ནས་ལས་འགུལ་འདྲ་མིན་སྤེལ་ནས་ཁོང་རྒྱལ་སྤྱི་རང་བཞིན་ཅན་གྱི་མི་སྣ་ཞིག་ཆགས་སུ་འཇུག་རྒྱུ་དེ་རེད། དེ་ལྟར་བྱུང་ན་དགྲ་ནག་གི་ཕྱོགས་གང་འདོད་འདོད་བྱེད་མི་ཐུབ་པ་མ་ཟད། ང་ཚོས་ཞོགས་དུང་ཁོང་ཚོའི་ལག་ནས་འཕྲོག་ཐུབ་པའི་རེ་བའང་ཡོད། དཔེར་ན་ཨ་ནེ་ངག་དབང་སངས་གྲོལ་དང་ཕུན་ཚོགས་ཉི་སྒྲོན། རྟ་ནག་འཇིགས་མེད་བཟང་བོ། ངག་དབང་ཆོས་འཕེལ་སོགས་ལྟ་བུ་རེད། དེ་ལྟ་བུ་ཞིག་བྱུང་ན་དེ་དུས་ང་ཚོས་འཇོན་ན་ཞོགས་དུང་གང་ལ་འཇོག་འཇོག་རེད། རེ་བ་དེ་འདྲ་རེད།
དང་པོ། སྐུ་ཞབས་ཞོགས་དུང་ལ་གདུང་སེམས་མཉམ་བསྐྱེད་ཀྱི་གུས་འདུད་དང་ཁོང་བཀུར་འོས་བསྔགས་ཆོག་གི་ཡུལ་དུ་ངོས་འཛིན་ཞུ་རྒྱུ་ཡིན།
གཉིས་པ། རྩོམ་པ་པོ་ཁོང་གི་ཆེད་དུ་གདུང་སེམས་མཉམ་བསྐྱེད་ཀྱི་ལས་འགུལ་སྤེལ་མི་རྣམས་ལ་ཐུགས་རྗེ་ཆེ་ཞུ་རྒྱུ་ཡིན།
གསུམ་པ། ཞོགས་དུང་བཙོན་ནས་གློད་ཐབས་བྱེད་གལ་ཆེ་བ་ཙམ་མ་ཟད། ཞོགས་དུང་གི་བསམ་བློའི་རྒྱབ་ལྗོངས་ལ་ཞིབ་འཇུག་བྱས་ནས་མང་ཚོགས་ཀྱི་གོ་རྟོགས་སད་ཐབས་སུ་འབད་བརྩོན་བྱེད་དགོས།
བཞི་པ། ཞོགས་དུང་གིས་མཚོན་པའི་རྒྱལ་གཅེས་པ་ཚོར་སྟོབས་ཤུགས་ཆིག་སྒྲིལ་གྱི་རོགས་རམ་བྱེད་དགོས།
ལྔ་པ། ལོ་རྒྱུས་ཀྱི་བསླབ་བྱ་བླངས་ནས་ལོ་རྒྱུས་གསར་པའི་གླེགས་བམ་ལྗིད་པོ་ཞིག་འབྲི་རྒྱུར་ཧུར་བརྩོན་བྱེད་དགོས།
ངའི་བལྟ་ཚུལ་བྱས་ན། བཙན་བྱོལ་ནང་སྔ་ཕྱིར་ཞོགས་དུང་གི་རྩོམས་ཡིག་དང་ཁོང་གི་སྙིང་སྟོབས་ལ་ཡི་རང་དང་བསྟོད་བསྔགས་བྱས་ཆེ་དྲགས་པའི་རྐྱེན་གྱིས་ཞོགས་དུང་འཛིན་བཟུང་དང་བཙོན་འཇུག་ཁྲིམས་ཆད་གི་གནས་སྟངས་འདི་ཤར་བ་རེད། དེ་སྔོན་གནས་ཚུལ་འདི་འདྲ་ཐེངས་མང་ལྷགས་མྱོང་ཡོད་པ་རེད། བོད་ནང་བོད་མི་ག་གེ་མོ་བ་ཞིག་ཐོག་མར་འཛིན་བཟུང་བྱེད་སྐབས་བཙན་བྱོལ་ནང་གདེང་འཇོག་བྱེད་རྒྱུ་ཆེས་མང་དྲགས་ཏེ། ད་ཕན་བཙོན་འཇུག་གི་ཁྲིམས་ཆད་ཕོགས་པ་ཉུང་ཉུང་ཞིག་མ་རེད། ཞོགས་དུང་ལྟ་བུ་ཤེས་ལྡན་དང་སྔོན་ཐོན་གྱི་བསམ་བློ་བ་ཁོང་བཙོན་འཇུག་ཁྲིམས་ཆད་ཕོགས་པ་བློ་ཕམ་གྱི་རང་བཞིན་དང༌། ང་ཚོ་ཁོང་གང་མྱུར་གློད་བཀྲོལ་ཡོང་བ་ཐབས་ཤེས་དང་འབད་བརྩོན་བྱེད་དགོས།
ང་ཚོའི་བོད་ཕྱི་ནང་གཉིས་ ནས་ཞོགས་གཙོས་བོད་ནང་གི་ཤེས་ཡོན་པ་ཚོ་གློད་ཐབས་ཀྱི་ལས་འགུལ་མཚམས་མི་ཆད་པར་ སྤྲེལ་དགོས་འདུག བནས་ཚུལ་གང་ཡིན་ཀྱང་གོ་མ་ཐག་ཚ་ཚ་འུར་འུར་འདྲ་བྱེས་རྗེས་འཇགས་འགྲོ་བ་འདི་ཡག་ པོ་མི་འདུག ཕན་བོད་ཀྱི་རྩོམ་པ་པོའི་མཐུན་ཚོགས་ཀྱིས་ཀྱང་མགོ་ཁྲིད་དེ་ཡང་ནས་བསྐྱར་དུ་ལས་ འགུལ་སྤེལ་ན་རེད། རྒྱལ་སྤྱིའི་རྩོམ་པ་པོའི་མཐུན་ཚོགས་ལའང་ཡང་ཡང་སྙན་ཞུ་དང་རྒྱབ་ སྐྱོར་རེ་སྐུལ་ཞུ་དགོས་ཀྱི་འདུག
ལས་འགུལ་ལ་ས་མཚམས་ཡོད་ཀྱི་མ་རེད། ཁྲིམས་རྩོད་པ་འཚོལ་དགོས་ན་འགྲོ་སོང་ཆེན་པོ་ཡོད་ཤག་ལ། ང་ཚོས་དེའི་ཐད་ལ་ཞལ་འདེབས་ཕུལ་ནའང་ཆིག་གི་རེད་སྙམ། གང་ལྟར་ཕྱོགས་གང་ཐད་ནས་སྣ་མང་རང་བཞིན་གྱི་ལམ་ནས་རྒྱབ་སྐྱོར་བྱེད་རྒྱུ་གལ་ཆེན་རེད།
སྐུ་ཞབས་ཞོགས་དུང་འཛིན་བཟུང་བྱས་རྗེས། འབྲོག་པ་འགའ་རེས་མར་ཕྱུར་རྩམ་གསུམ་རེ་འཁུར་ནས་བྲོ་བསྐྱལ་དུ་ཟི་ལིང་ལ་སླེབས་འདུག་པའི་སྐོར་གྱི་གནས་ཚུལ་རེ་ཐོས་རྒྱུ་འདུག གནས་ཚུལ་དེ་ནི་ཅུང་དགའ་འོས་པ་ཞིག་རེད་ཨང་།
བཙན་བྱོལ་ནང་ཞོ་གདུང་གི་བདེ་སྐྱར་དཔར་བྱས་ནས་མང་པོ་བཀྲམ་སོང་བྱས་ཙམ་དེའི་རྐྱེན་གྱིས་ཁོང་ལ་རྒྱ་དམར་གྱིས་གསང་བ་ཕྱིར་སྒྲགས་བྱེད་མཁན་གྱིས་ཉག་ཉེས་བཀལ་ངེས་ང་ཚོར་མཚོན་ན་ཞོ་གདུང་མཁས་པ་དང་ཁོང་གི་བརྩམ་ཆོསརྣམས་ལ་རིན་ཐང་སྔར་སར་ནས་མ་ཤེས་པ་ངོ་ཚ་སྐྱེ་གཞི་ཞིག་རེད།
ད་མ་བཟང་ཐ། བོད་ཀྱི་ཤེས་ལྡན་དང་འབྱོར་ལྡན་སོགས་འདོར་ན་གྲགས་ཅན་མི་སྣ། རང་གི་རིགས་ལ་ཞན་པ་དཀར་བའི་བོད་རིགས་ཡོད་ཚད་རྒྱ་གཞུང་གིས་འཇུ་བཟུང་དང༌། བཀག་གཉེར། བཙོན་འཇུག་སོགས་བྱེད་མུས་ཡིན་པ་དེ་མི་རིགས་འདིའི་བདེན་པའི་འཐབ་རྩོད་ལ་འགོག་རྐྱེན་ཆེན་པོ་ཞིག་ཆགས་འདུག
ད་དངོས་གནས་འགྲིག་མ་སོང་ཡ།
ཁྲིམས་རྩོད་པ་གླས་ཀྱང་ཏག་ཏག་ཅིག་ཡོང་གི་མ་རེད།
ཞོགས་དུང་བཙོན་འཇུག་གི་རིང་དེ་དག་ལ་རྒྱ་གཞུང་གིས་ཐབས་བརྒྱ་ཇུས་སྟོང་གིས་ཞོགས་དུང་གི་ཀླད་ཤུགས་ཏག་ཏག་བཟོས་ནས་ང་ཚོར་ཕྱིར་སྤྲད་གི་རེད། ད་དངོས་གནས་འགྲིག་མ་སོང་ཡ།
ནོར་བུ་རང་ལ་ཡོད་དུས།།
ནོར་བུའི་རིན་ཐང་མ་རྟོགས།།
ནོར་བུ་གཞན་ལ་ཤོར་དུས།།
་་་་་་་་་་
ཞེས་པ་དེ་དྲན་གྱི་འདུག་གམ།
ཁྲིམས་རྩོད་པ་གླས་ན་སྒོར་མོ་མང་པོ་དགོས་པ་རེད། ད་ང་ཚོས་རང་འཁྲི་དང་དུ་བླངས་ནས་དེའི་ཕྱོགས་སུ་རོགས་འདེགས་བྱེད་དགོས།