ཨ་མས་རྡ་རམ་ས་ལ་ནི་རྒྱ་གར་གྱི་ལྷ་ས་ཡིན་པར་བཤད། ཨ་ཕས་རྡ་རམ་ས་ལ་ནི་བོད་ཀྱི་མ་འོངས་པའི་རེ་ལྟོས་ཉག་ཅིག་ཡིན་པར་བཤད། ཕུ་བོས་རྡ་རམ་ས་ལ་ནི་གངས་ལྗོངས་ཀྱི་རྣམ་ཤེས་གསོན་པོ་བཞུགས་སའི་ གནས་སྐབས་ཀྱི་ཕ་ཡུལ་ཡིན་པར་བཤད། ཨ་ཅེ་ཡིས་རྡ་རམ་ས་ལ་ན་བོད་ཀྱི་བུད་མེད་ཀྱི་ཐོབ་ཐང་སྙོམས་པའི་གྲུ་ཁ་ཞིག་ཡོད་པར་བཤད།
ངས་ཡང་ནས་ཡང་དུ་གསན་ཞིང་ཡང་ནས་ཡང་དུ་བསམས་གཞིགས་བཏང་རུང་། ཁོ་ཚོས་བཤད་པ་ལ་གནས་ལུགས་ཆེན་པོ་ཞིག་འདུག་སྟེ། རྡ་རམ་ས་ལ་ནི་སྤྱི་ནོར་༧གོང་ས་སྐྱབས་མགོན་རིན་པོ་ཆེ་མཆོག་གི་བཞུགས་ཡུལ་ཡིན་ལ། དྲོད་འཇམ་གྱི་ལག་ཟུང་གིས་བླངས་ཏེ་ཨ་མ་རྗེ་བཙུན་པདྨས་ཞིམ་མངར་གྱི་ནུ་ཞོ་བསྣུན་ས་ཡིན་པ་མ་ཟད། གནས་དེ་ན་བཀའ་བློན་ཁྲི་བ་ཟམ་གདོང་རིན་པོ་ཆེ་མཆོག་གིས་དབུ་ཁྲིད་པའི་དགའ་ལྡན་ཕོ་བྲང་ཡོད་ལ། སྨིན་ལ་ཉེ་བའི་དམངས་གཙོ་དང་འདྲ་མཉམ་གྱི་ཁོར་ཡུག་ཡངས་མོ་ཞིག་ཀྱང་ཡོད། འདི་ནི་མི་ལོ་དྲུག་ཅུ་ལྷག་གི་རིང་ལ་ཕ་ས་ཕ་ཡུལ་ཤོར་བའི་ཉམས་ཆུང་གི་མི་རིགས་འདིའི་བསམ་པའི་འཚོ་བཅུད་ཡིན་ངེས།
དེ་ལྟ་དེ་ལྟར་འཕྲུལ་སྣང་གིས་ཁེངས་པའི་ན་གཞོན་གསར་བུ་མི་ཉུང་བ་ཞིག་གིས་ཕ་ས་དྲོན་མོ་དང་ཨ་མའི་ལག་ཟས་མངར་མོ། ད་དུང་ཕུ་ནུ་མིང་སྲིང་གི་བརྩེ་བ་དང་ཆུང་འདྲིས་གྲོགས་པོ་དག་གི་དུངས་པ་དག་རྒྱབ་ཏུ་བསྐྱུར་ནས་རི་བོ་ཧི་མ་ལ་ཡའི་ཀྱག་ཀྱོག་དང་དཀའ་སྡུག་གི་བགྲོད་ལམ་རིང་མོ་དེར་འཛེམས་དོགས་སྤུ་ཙམ་ཡང་མེད་པར་རྡ་རམ་ས་ལའི་ཕྱོགས་སུ་ཤོར་འགྲོ་ལ།
རེ་བས་ཁེངས་པའི་ཕ་མ་གང་མང་ཅིག་གིས་རང་གི་ཤ་དང་ཁྲག་ལས་གྲུབ་པའི་བྱིས་པ་སྣབ་ལུག་གང་མང་ཅིག་རྡ་རམ་ས་ལར་སྐྱེལ་བར་བྲེལ། ཡིན་ཡང་། ཕྲན་ཆུང་དུས་ད་ལྟ་བར་དུ་གནས་མཆོག་དེར་སོང་མ་མྱོངས་མོད། གནས་མཆོག་དེའི་མཁའ་དབུགས་ལ་ཡིད་ཚིམ་པ་ཞིག་རྔུབ་འདོད་ཀྱི་ འདུན་པ་དྲག་པོ་ཞིག་སྔ་མོ་ནས་སྐྱེས་མྱོངས།
ཡིན་ཡང་རང་གི་ཉེ་འཁོར་གང་ཞིག་ཏུ་རྐུན་མ་སུ་ཞིག་རྡ་རམ་ས་ལར་བྲོས་སོང་ཟེར་བ་དང་། མི་གསོད་ཀྱི་ལག་དམར་སུ་ཞིག་གི་རྡ་རམ་ས་ལར་ཤོར་སོང་ལྟ་བུའི་གནས་ཚུལ་ཕྲན་ཚགས་རེ་གོ་ཐེངས་རེ་རེར། ངའི་སེམས་ཀྱི་འཚོ་བཅུད་ལྟ་བུའི་གནས་མཆོག་དེ། ངའི་བྲང་གི་དམར་བོ་སྙིང་དང་འདྲ་བའི་ལྷ་ཡུལ་དེར་ཁོ་ཚོ་འགྲོ་ས་གཏན་ནས་མེད་ཅེས་ཨག་སྐད་རེ་ཡང་བཏབ་མྱོངས། ཆ་འཕྲིན་གྱི་འཕེལ་ཁ་མགྱོགས་པའི་དུས་རབས་ཉེར་གཅིག་གིས་དུས་འདིར་དྲ་རྒྱ་བརྒྱུད་དེ་རྡ་རམ་ས་ལའི་བོད་མི་ཚོའི་སེམས་ལྗོངས་ཀློག་པའི་གོ་སྐབས་ཇེ་མང་ནས་ཇེ་མང་དུ་འགྲོ་བ་དང་བསྟུན་ནས། གསར་བུ་སྐྱལ་སྟོང་རེ་གཉིས།
མིན། གསར་བུ་སྐྱལ་སྟོང་གང་མང་ཞིག་གིས་དོན་མེད་ཀྱི་སྟོང་གཏམ་དང་མདོ་མེད་པའི་འཆལ་གཏམ་རེ་བཤད་ཞོར་རྡ་རམ་ས་ལ་ན་ཉི་མ་འཁྱོལ་ཐབས་བྱས་བསྡད་ཡོད་པའི་གནས་ཚུལ་ལ་རྒྱུས་ལོན་རེ་བྱེད་ཐེངས་རེ་རེར། ཕྲན་ལ་མི་བཤད་ཀ་མེད་ཀྱི་སྐད་ཆ་ཐུང་ཐུང་ཞིག་ཡོད་དེ།
ཁྱེད་ཚོ་རི་བོ་ཧི་མ་ལ་ཡ་བརྒལ་པའི་སྙིང་སྟོབས་དང་དམིགས་ཡུལ་དེ་དུས་ད་ལྟ་གང་ན་ཡོད་ཅེས་འདྲི་གཞི་ཞིག་མི་གཏོང་ཀ་མེད་རེད།
༼ རྩོམ་སྒྲིག་པའི་གསལ་བཤད། རྩོམ་པ་པོ་ཁོང་དང་མཉམ་དུ་གྲོས་བྱས་པ་ལྟར་ཁོང་གི་དངོས་མིང་འདིར་མི་འགོད་རྒྱུ་བྱས་ཡོད། ༽
ཀློག་པ་པོ་ཚོར་ཆེད་ཞུ།
ཁྱེད་ཅག་རྩོམ་ཡིག་ཧྲིལ་པོ་ལས་ཚིག་འབྲུ་རེ་གཉིས་བཟུང་ནས་མི་གཏོང་པ་འདི་དངོས་ནས་དགོད་བྲོ་བ་ཞིག་རེད་མོད།
འདི་ཡང་བོད་ནང་གི་བོད་མི་ཞིག་གི་ཁྱེད་ཚོར་བཟུང་བའི་རེ་བ་དང་ལྟ་སྟངས་ཡིན་པས་བསམ་བློ་ཞིག་བཏང་འོངས་ན་ཅི་འདྲའི་དགའ་བ་ལ།
རང་ཉིད་སྐྱལ་སྟོང་མིན་ན་སྐྱལ་སྟོང་ཞེས་པའི་ཐ་སྙད་འདི་ལ་དེ་འདྲའི་སྲོག་ལངས་དོན་མི་འདུག་སྙམ།
སྐྱལ་སྟོང་ཟེར་བའི་ཚིག་འདིར་ཚུགས་པ་ཟ་མཁན་དག་གིས་མཉམ་ཞོག་ལགས
ཉི་ཧོང་མཁའ་དབུགས་གསར་པས་བཏོན་གནང་བའི་བསམ་ཚུལ་ལམ་དོན་དངོས་དང་མཐུན་པའི་རྩོག་བྲིས་ལ་རྒྱབ་སྐྱོར་ཡོད། རྡ་སར་ཆ་བཞག་ན་བརྒྱ་ཆ་བརྒྱད་ཅུ་དགུ་ཅུ་བོད་ནས་ཕེབས་པ་རེད་ལ་དེ་ནས་གང་མང་ལས་མེད་རེད་ཅེས་བརྗོད་པར་མི་ཆོག་རྒྱུ་མིན་འདུག གང་ལྟར་རྡ་ས་ནི་ཞུགས་སྒར་རེད་ལ།་བོད་མི་ཀླད་མེད་འགའ་དབྱིན་ཇི་དང་ལྷན་དུ་མྱོས་རྫས་རིགས་བེད་སྤྱོད་ཀྱིས་ཉི་མ་འཁྱོལ་ཐབས་བྱ་ཡུལ་ཞིག་ཏུ་ཡང་མཐོང་།
མཁའ་དབུགས་གསར་པ། ཁྱོད་ཉི་ཧོན་དུ་ཡོད་ན་ང་ཚོའི་མཛེས་མ་ཟླ་བ་སྒྲོལ་མ་མཐོང་སོང་ངམ། དེའི་སྐོར་གོ་རྒྱུ་འདྲ་ཅང་འདུག་གམ།
མཁའ་དབུགས་གསར་པ་ལགས། ཁོ་བོས་ལས་མེད་དུ་སྡོད་པའི་གསར་བུ་ཚོ་སྣང་མེད་དུ་བཞག་ན་འགྲིག་ཟེར་བ་མིན་ལ་བོད་གཞུང་གིས་ཀྱང་བཞག་ཡོད་པ་མ་རེད། ཁོ་བོས་བཤད་འདོད་པ་ནི་ལས་མེད་རེ་ཟུང་ཡོད་པ་དེར་དེ་ཙམ་གྱིས་བློ་ཕམ་བྱེད་མི་དགོས། བློ་ཕམ་བྱས་པས་ཁོང་ཚོ་ཡིན་ལུགས་ཚུལ་ལྡན་དུ་འགྱུར་མི་སྲིད་ལ་ཁོ་ཚོ་ཡོད་པས་བོད་ཉམས་ཆག་ཏུའང་འགྱུར་མི་སྲིད། ཉི་ཧོང་དང་ཨ་རི་ལྟ་བུའི་སློབ་གསོ་དང་དཔལ་འབྱོར་གྱིས་ཕྱུག་པའི་སྟོབས་ཆེན་རྒྱལ་ཁབ་དག་གིས་ཀྱང་གནད་དོན་འདི་གཙང་སེལ་བྱེད་ཐུབ་མི་འདུག་ལ། སྒྲི་ཁྲིམས་དང་བཙན་ཤེད་ཆེ་བའི་རྒྱ་ནག་དང་ཨུ་རུ་སུས་ཀྱང་གནད་དོན་འདི་ཐག་གིས་ཆོད་མི་འདུག་ན་འུ་ཚང་སྨྲོས་ཅི་ལ་དགོས། རྡ་སའི་ཁོར་ཡུག་དང་མཐུན་རྐྱེན་འདི་འདྲའི་འོག་ཏུ་ཉི་ཧོང་དང་ཨ་རི་ལས་ཀྱང་ལྷག་པའི་འབྲས་བུ་ཞིག་འབྱུང་རྒྱུའི་རེ་བ་བྱེད་པ་ནི་ཅུང་ཐལ་དྲགས་པ་རེད། ངས་བཤད་འདོད་པ་ནི་དེའོ། སྐུ་ཉིད་ཀྱིས་ལས་མེད་ཚོར་སེམས་ཁུར་གནང་བར་ཐུགས་རྗེ་ཆེ། བཀྲ་ཤིས་བདེ་ལེགས།
མཁའ་དབུགས་གསར་པ་ལགས། ཁྱེད་ཀྱི་རྩོམ་ཡིག་ཧྲིལ་བོ་ཀློག་རྗེས་ཀྱི་མྱོང་བ་ནི་རྡ་རམས་ས་ནི་མི་ངན་གྱི་ཚང་ལྟ་བུ་ལས་ཡིན་སྙམ། མི་མང་པོ་ཞིག་གིས་ཁྱེད་ལ་དགོག་པ་ཁོག་མི་འདུག
འོན་ཀྱང་གཤམ་གྱི་རིག་པ་འདོན་སར་ཁྱེད་རང་གིས་མཆན་ཞིག་བཀོད་ཡོད་པ་དེ་ཡག་འདུག ཁྱེད་རང་བོད་པ་ཞིག་ཡིན་པ་ཤེས་སོང་།
སྣང་རྒྱལ་ཤར་དགེ་ཟེར་བ་ལགས
ཧ་ལས་དགོས་དོན་མེད་ཟེར་ནས་སྣང་མེད་དུ་སྐྱུར་བ་ནི་ཁྱེད་ཀྱི་གནད་དོན་ལ་ལྟ་ཚུལ་འཛིན་སྟངས་ཡིན་སྲིད་མོད།
ཨ་རི་དང་ཉི་ཧོང་དུ་མེད་ན་ང་ཚོར་ཡང་མེད་ཆོག་ཞིག་མ་རེད། ངས་རྡ་རམ་ས་ལ་ནི་ལྷ་ཡུལ་ལྟ་བུ་ཞིག་རེད་འདོད་ཀྱིན་མེད་ལ། ཉི་ཧོང་ཀྱང་ལྷ་ཡུལ་ལྟ་བུ་ཞིག་ཡིན་པ་དེ་ལས་ཀྱང་འདོད་ཀྱིན་མེད།
ཨ་རི་དང་ཉི་ཧོང་ནས་གསར་བུ་རེ་གཉིས་ལམ་ཆགས་སུ་ལྷུང་རུང་མ་གཞི་སྤྱི་ཚོགས་ཀྱི་སྒྲིག་གཞི་ཆ་ཚང་བའི་རྒྱལ་ཁབ་འདི་དག་ལ་མཚོན་ན་གོ་ཆག་ཞིག་ཏུ་འགྱུར་མི་ངེས་མོད། ཅི་ཡང་མེད་པའི་ང་ཚོར་མི་བུ་རེ་གཉིས་ཀྱང་ལམ་ཆགས་སུ་སོང་ན་གྱོང་གུད་ཆེན་པོ་ཞིག་རེད་བསམ་གྱིན་ཡོད།
རྒྱ་མཚོ་ཆེན་པོའི་ནང་དུ་ཡོད་པ་ཚང་མ་སྦྲུལ་མ་རེད་ལ་སྦལ་པའང་མ་རེད། རྡ་སའི་གསར་བུ་ཡོད་ཚད་རྐྱལ་སྟོང་ཡང་མ་རེད་ལ་བཙུན་པའང་མ་རེད། བོད་ནས་ངན་པར་གྲགས་པ་འགའ་རྡ་ས་ནས་བཟང་བར་གྱུར་པ་ཡོད་ལ། བོད་ནས་བཟང་བར་གྲགས་པ་འགའ་རྡ་ས་ནས་ངན་པར་གྱུར་པའང་ཡོད།
རྡ་ས་ཟེར་བ་ལྷ་ཡི་ཞིང་ཁམས་ལྟ་བུ་ཞིག་ག་ལ་ཡིན། ཉི་ཧོང་ཡང་དེ་འདྲ་མ་རེད་དམ། མི་ཡུལ་འདིར་མི་མ་རབས་མེད་པའི་སྤྱི་ཚོགས་ཤིག་གང་ན་ཡོད། དེར་སུས་ཀྱང་དོགས་པ་ཟ་དགོས་དོན་མེད་ལ་གནས་དེར་ཕྱིན་ཏེ་རྟོག་དཔྱོད་བྱེད་དགོས་དོན་དེ་བས་མེད། སྟོབས་ཆེན་རྒྱལ་ཁབ་ཨ་རི་ལའང་ལས་ཀས་མི་འདངས་བའི་དཀའ་ངལ་འཕྲད་ཡོད་ན་རྡ་སར་ལས་མེད་ཀྱི་ཕོ་གསར་ཡོད་པ་ལ་ཧ་ལས་དགོས་དོན་མི་འདུག
ཀློག་པ་པོ་རྣམ་པར།
ཐོག་མར་ཁྱེད་ཅག་གིས་གསར་ལས་གཅེས་དུས་ཚོད་འཕྲོ་བརླག་ཏུ་བཏང་ནས་ཕྲན་གྱི་རྩོམ་ཐུང་འདིར་བཀླགས་པར་བཀའ་དྲིན་ཆེ་ཞུ་བ་དང་ཆབས་ཅིག་ཚིག་འགའ་བཤད་པར་འདོད།
རེད་དེ། ངས་བཤད་པར་འདོད་པ་ནི་གཞི་ལུས་མི་དམངས་ཀྱི་སེམས་ཁོངས་ཀྱི་རྡ་རམ་ས་ལ་གནས་བབས་དང་ཉེ་ལམ་གྱི་གསར་འགྱུར་སྟེང་ནས་བཤད་ན[ཐ་མ་ནག་པོ་སྤྱོད་མཁན་མང་དུ་འགྲོ་ཡི་འདུག་ཟེར།][ན་ཚོད་མ་སྨིན་པའི་བརྩེ་དུང་ལ་སྐྱུར་དྲི་ཁ་སོང་།]སོགས་དབར་གྱི་བར་ཐག་ཅིག་བཤད་འདོད་པ་ཡིན།
མགོ་བརྗོད་དུ་བོད་མིའི་སེམས་ནང་གི་རྡ་རམ་ས་ལ་དང་བར་དུ་དངོས་པ་དོན་གྱི་རྡ་རམ་ས་ལ།
མཇུག་ཏུ་ད་ལྟའི་དུས་འདིར་གཞོན་སྐྱེས་མང་པོ་ཞིག་གིས་རང་ཉིད་དང་མི་རིགས་ཀྱི་མདུན་ལམ་དང་མ་འོངས་པ་བོར་འདུག་པའི་རྣམ་པ་དེའི་སྟེང་ནས།
རྡ་རམ་ས་ལར་ཡོད་པའི་གཞོན་སྐྱེས་ཁྱེད་ཚོ་ནི་གཞི་ལུས་རྒན་དར་གཞོན་གསུམ་གྱི་རེ་ལྟོས་བྱེད་ས་ཉག་ཅིག་དེ་ཡིན་པས་ན། དྲ་སྟེང་དུ་སྐད་ཆ་ཚིག་གཅིག་བཤད་ཚེ་ཡང་བློ་གཟུར་བོ་དང་ཁོག་རྒྱ་ཡངས་པའི་སྟེང་ནས་ཀུན་སྤྱོད་ལྡན་པའི་གཏམ་ཚིག་བརྗོད་པར་སྐུལ་པ་དང་ཆབས་ཅིག
ཁྱེད་ཅག་རི་བོ་ཧི་མ་ལ་ཡ་བརྒལ་དུས་ཀྱི་ཕུགས་འདུན་དང་སྙིང་སྟོབས་དེ་དག་དུས་ནམ་ཡང་བརྗེད་དུ་མ་འཇུག་པར་ཤུ་རེ་བྱོས་ཅེས་སྐུལ་ལྕག་གི་བཏང་བ་དེའོ།
དེ་མི་ང་སུ་ཞིག་ཡིན་པ་དང་ངས་བོད་དོན་གྱི་ཆེད་དུ་བྱ་བ་ཅི་ཞིག་སྒྲུབ་ཀྱིན་ཡོད་མེད་དེ་སྒོས་སུ་བབས་དུས་ཁྱེད་ཚོས་ཀྱང་ཤེས་ངེས་པས། རེ་ཞིག་གསལ་བོར་བརྗོད་ཀྱིན་མིན་ཤེས་མཛའ་སེམས་དར་སྐུ་རིང་མོ་ཞིག་གི་ཚུལ་དུ་ཉི་ཧོང་ནས་སྦྱར་བའོ།
ཁ་དབུགས་གསར་བ་ཡིན་ན་འདིས་དོན་དུ་དྷ་རམ་ས་ལར་གསརག་འདྲི་ཡི་ཡོད་ས་རེད་། གལ་སྲིད་སྐད་ཆ་དེ་ཚོ་ཁྱོད་ཀྱིས་བཤད་པ་མིན་ཚེ་ཁྱོད་ཀྱང་ད་བར་དུ་དྷ་ས་ནས་ཆུ་འཐུང་སྟེ་རྩྭ་ཟོས་ཏེ་བསྡད་པ་ཡིན་པས་ན། འབྲེལ་ཡག་ཉེས་གང་འདྲ་ཞིག་ཇི་ལྟར་བརྒྱག་དགོས་པ་ཁྱོད་ཀྱིས་ལོས་ཤེས་ཏེ། རང་ཉིད་ཐར་ཙམ་གྱིས་ཕྱིར་ཁ་རྒྱག་བཤད་རྩིས་མ་བྱེད་ལགས།
དངོས་གནས་ཡག་པོ་བྲིས་འདུག་ག་་་་་་་་་་་་་་་་་་་་་་་་་་་་་་་་་
གྲོགས་པོ་མཁའ་དབུགས་གསར་བ་ལགས། ཁྱེད་ཀྱི་བཤད་འདོད་པའི་སྐད་ཆ་གང་ཡིན་ནམ་རྩོམ་ཡིག་འདི་ཐང་གཅིག་ཞུབ་བཀླགས་བྱས་ཡང་དྲི་བ་གཅིག་ལས་
གཞན་བརྗོད་གཞི་དང་དམིགས་གསལ་གྱི་འབྲེལ་བ་མཐོང་མ་སོང་མོད་གང་ལྟར་རྡ་སར་ཡོད་པའི་གསར་བུ་ཕོ་རྒོད་ཚོ་དང་བཙན་བྱོལ་དུ་ཡོད་པའི་གསར་བུ་སུ་མ་འགྲིག་ན་དེ་ལ་སྐྱོན་བརྗོད་བྱེད་དགོས་པ་ལས་སྤྱི་ཡོངས་ལ་སྐྱལ་སྟོངདང་མགོ་སྟོང་ཞེས་བཤད་པའི་ཅི་ཕན། ཁྱོད་ཉི་ཧོང་ལ་ཡོང་དགོས་པའི་དོན་གང་ཡིན་དང་བོད་ཀྱི་བསྟན་སྲིད་ཀྱི་ལས་དོན་གང་བྱེད་མྱོང་། གང་ཡང་བྱེད་མྱོང་མེད་ན་ཁྱོད་ལ་འདི་ལྟར་བཤད་པའི་གདང་སྤོབས་ཅི་ཅི་ཞིག་ཡོད།
ངས་ཀྱང་ལོས་བདེན་བསམས་གི ཡིན་ན་ཡང་བདེན་པ་ཡིན་ཆོག་ཅེས་པ་ཙམ་གྱིསངའི་སྐོམ་མི་སོད་གི དཔེ་མཚོན་འགའ་རེ་བཤད་རྒྱུ་ཡོད་དམ།
མང་པོ་མ་བཤད་བ་བྱེད་དང་པོ་ནས་དོན་དག་རྡོག་རྡོག་དེ་བཤད་ན་འགྲིག་གི་འདུག་་་་་་་རྩོམ་ཡིག་མང་བ་ཞིག་འདུག་ཀློག་ཡ་ལ་དཀའ་ལས་ཁག་སོང་། མདོ་དོན་དྲི་བ་དེ་རང་རེད་འདུག་ཨ། དཀོན་མཆོག་་་་་ངའི་ནི་ཅི་ཞིག་བཤད་ཀྱི་ཡོད་ན་བསམ་སོང། མ་གཞིག་ནས་ཡག་པོ་འདུག་་་་་་ཉི་ཧོང་ནས་གཏང་བ་རེད། ཧཧཧཧཧཧཧཧཧ
ལྷ་མོ་དོན་གྲུབ།ལགས
དེ་བདེན་པ་ཡིན་ཆོག་
མི་ལ་རང་བཞིན་གྱི་བཟང་ངན་གྱི་དབྱེ་བ་མེད་
རང་ཉིད་གནས་སའི་འཁོར་ཡུག་དེ་དང་འབྲེལ་བ་དམ་ཟབ་ཡོད་
དེར་བརྟེན་ཁོ་བ་ཚོ་རྡ་སར་སླེབས་ན་རང་བཞིན་གྱི་མི་གཤེས་ཡག་དུ་འགྲོ་ཆོག་གི་རེད
ཁོ་དང་ང་འདྲ་བ་ཚོས་ངོ་མ་རྡ་རམ་ས་ལ་ཡག་པོ་ཞིག་མི་ཤེས། ངོ་སྤྲོད་གསལ་བོ་རེ་བྱེད་ཐུབ་ན་བཟང། ངའི་གོ་བ་ལ་་རྡ་སར་མི་ངན་ཐོན་ན་ཡང་མི་བཟང་ཆགས་དང་བསམ་ཤེས་ཉན་གི་རེད་ཟེར། དེ་བདེན་ནམ། དེ་འདྲ་ཡིན་ན་མི་ངན་མང་ཙམ་དེར་ཐོན་ན་ཅི་འདྲ་བཟང་ཨང།
ཁྱེད་ཀྱི་བཤད་འདོད་པའི་སྐད་ཆ་གང་ཡིན་ནམ་
རྩོམ་ཡིག་འདི་ཐིང་གཉིས་ཙམ་བཀླགས་ཡང་དྲི་བ་གཅིག་ལས་
གཞན་བརྗོད་གཞི་དང་དམིགས་གསལ་གྱི་འབྲེལ་བ་མཐོང་མ་སོང།།
རྡ་སར་ཡོད་པའི་གསར་བུ་ཕོ་རྒོད་ཚོ་ལ་སྐྱལ་སྟོང་ཞེས་འབོད་མཁན་ཚོ་ཡང་སྙིང་སུ་ཡིན་མཁྱེན་ནམ། འདི་མཁའ་དབུགས་ལགས་ལ་སྲངས་བ་ཡིན
ཁོ་བ་ཚོ་ལ་སྐྱལ་སྟོང་ཞེས་འབོད་ཀྱང་དེ་ཁོ་ན་ཉིད་ལ་དཔྱད་ན་དོན་སྟོང་ཞིག་གཏད་ནས་མིན་ཞེས་སྤྱིའི་ཆ་ནས་བཤད་ཆོག།
ཉི་ཧོང་མག་པར་དྲི་བ་གཉིས་ཡོད། ༡ མ་ཡུམ་གངས་ཅན་གྱི་རྩམ་པ་མི་ཟ་བར། ཡབ་ཆེན་ཀྲུང་དབྱང་གི་བྱམས་བརྩེ་མི་ཆགས་པར་ཉི་ཧོང་དུ་ཡོང་ནས་མིང་ཙམ་ཡང་ཕྱི་ལ་འདོན་མི་ཐུབ་དོན་ཅི། རྡ་རམ་སཱ་ལ་ན་མིང་འདོན་མི་ཐུབ་པའི་སྡར་མ་མེད། ༢ ཉི་ཧོང་དུ་བག་ལེབ་བསྲེག་ནས་འཚོ་བ་སྐྱེལ་མྱོང་ངམ། ཉི་ཧོང་ལ་རྐང་པ་བརྒྱབ་ནས་ཐོན་པ་ཡིན་ནམ། དེ་ལྟ་མིན་ན། རྡ་རམ་སཱ་ལར་འཕྲིན་ཡིག་གཏོང་རྐྱང་མ་བྱེད། དེ་ལས་རྡ་སར་རིག་གཞུང་མཐུད་སྐྱོང་དང་གསར་བ་གང་མང་ལ་ཉམས་ཞིབ་ཀྱི་ལས་ཀར་ཕན་པའི་སྒོར་མོ་གཏོང་རོགས། ད་གཟོད་ཨ་ཕ་ཨ་མདོ་ཞེས་ངོ་ཆེན་ཞིག་དང་བཤད་པར་ཉན་མཁན་བྱུང་གི་རེད་མ་གཏོགས་ཉི་ཧོང་མག་རུལ་ཞེས་མཐོང་སར་ཡོང་ས་ཡོད་པ་མ་རེད། ཧ་གོ་སོང་ངམ།
མདོ་དོན་རྩོམ་ཡིག་འདི་དྲི་བ་གཅིག་རང་རེད་འདུག་གཱ