ཟླ་འདིའི་ཕྱི་ཚེས་ ༦ ཉིན་གྱི་སྤྱི་ནོར་༧གོང་ས་མཆོག་གི་སྐུའི་འཁྲུངས་སྐར་དུས་ཆེན་དང་བསྟུན་ཏེ། བླ་བྲང་འབོ་ར་དགོན་པའི་དགེ་འདུན་པ་ཚོས་ཉིན་དེའི་སྔ་དྲོ་བསང་གསོལ་དང་། དགོང་མོ་རྒྱ་སྒོར་སུམ་སྟོང་ལྷག་གི་ཤོག་སྦག་སྒྲོན་ཏེ། ༧གོང་ས་མཆོག་གི་འཁྲུངས་སྐར་ལ་དགའ་སྟོན་བརྟེན་འབྲེལ་ཞུས་ཡོད་འདུག་ཅིང་། ད་ཆར་ཞང་དང་རྫོང་གི་ཉེན་རྟོག་པ་དང་དམག་མི་སོགས་ཀྱི་དམ་དྲག་གང་ཡང་སླེབས་ཡོད་རབས་མི་འདུག གཞན། ཉེ་ཆར་ཕྱི་ཟླ་ ༤ ནང་འབོ་ར་ཞང་སྲིད་གཞུང་གིས་བཀའ་རྒྱ་བཏང་སྟེ། འབོ་ར་སློབ་འབྲིང་གི་འཛིན་ཁང་དང་ཉལ་ཁང་། ཚོགས་ཁང་སོགས་སུ་མཁས་དབང་དགེ་འདུན་ཆོས་འཕེལ་དང་དཔལ་དོན་འགྲུབ་རྒྱལ། སྙན་ངག་པ་ཡི་དམ་ཚེ་རིང་བཅས་ཀྱི་སྐུ་པར་དང་བཀའ་རྩོམ་སྒྲིག་གཤམ་བྱས་ཡོད་པ་ཚང་ཕྱིར་བསྡུ་བྱེད་དུ་བཅུག་སྟེ། རྗེས་ཕྱོགས་ཁོང་ཅག་གི་སྐུ་པར་སྒྲིག་གཤམ་དང་། བཀའ་རྩོམ་འགྲེམས་སྦྱར་བྱ་མི་ཆོག་པའི་བཀའ་རྒྱ་བཏང་ཡོད་འདུག འབོ་ར་དགོན་པར་ཁྱོན་བསྡོམས་དགེ་འདུན་པ་ ༣༠༠ ལྷག་ཡོད་འདུག་ལ། ཕྱི་ལོ་ ༢༠༠༨ ལོའི་ས་བྱི་ཞི་རྒོལ་ཆེན་མོའི་སྐབས། དགོན་གྲོང་གཉིས་རུབ་ཐོག་རྒྱ་གཞུང་ལ་ངོ་རྒོལ་ཤུགས་ཆེན་བྱེད་མཁན་གྲས་ཡིན་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ནམ་མཁའི་མིག། དོན་མེད་དུ་ཁྲིམས་བཤེར་བ་མ་བྱེད་ཅིག
མིའི་འཁྲུངས་སྐར་མ་གཏོགས་དགོན་པའི་འཁྲུངས་སྐར་གོ་ཉོང་མེད།
ངའི་ཕ་ཡུལ་གཡང་གི་རྭ་བའི་མི་དམངས་ཚོའི་སྙིང་སྟོབས་དེར་ང་ཡིད་ཁེངས་ཏེ་བསྡད་ཡོད།
བཀུར་འོས་པའི་རྒྱལ་གཅེས་དཔའ་བོ་དཔའ་མོ་ཚོར་གཏན་དུ་གུས་བཀུར་ཞུ།
ཧ་ཅང་ཡག་པོ་རེད། ཡིན་ནའང་། ་ལ་དཀའ་ངལ་ཆེན་པོ་ཡོད་རེད། སྙིང་རྗེ།
ལྷག་བསམ་ དང་ སྙིང་སྟོབས་ལ་ རྗེས་སུ་ཡིད་རངས་དང་ ཐུགས་རྗེ་ཆེ་ ཞུ་