གྲྭ་ས་གྲྭ་རྒྱུན་གྱིས་སྟོང་རྒྱུའི་དན་རྟགས་ཤར་བ། ཨ་རིག་དགེ་མཐོང་།

ཨ་དགེ་ལེགས་ཁྱོད་ཀྱི་བཤད་པ་དེ་ཚོ་རི་བོང་གནམ་རྡུབ་གྱི་སྡུག་བསྔལ་ལས་མེད།གྲྭ་ས་ན་གྲྭ་བའི་སྤྱང་བའི་ཤེས་བྱ་དེ་དག་མི་སྐྱ་ནང་ཧ་ཅང་ཤེས་ཚུལ་སྐྱོ་བའི་དབང་གི་གྲྭ་ས་ན་ཤེས་ཡོན་མི་འདུག་ཟེར་བ་རེད།དེ་ཁག་མེད།རང་ཉིད་ལ་ཤེས་ཚུལ་དེ་མེད་ན་གཞན་ལ་ཤེས་ཚུལ་དེ་ཡོད་པ་མཐོང་མི་ཐུབ།གྲྭ་རྒྱུན་སྟོང་ལ་ཉེ་ཞེས་པ་དེ་ནོར་བ་རེད།གྲྭ་རྒྱུན་མང་ནས་ཕན་ཐོག་མེད་གང་ཡོད་པ་རེད།དེ་ལས་ཡོད་པ་དེ་ཚོ་སྤུས་དག་པོ་དགོས་བདག་པོ་ཡག་པོ་རྒྱག་རྒྱུ་དེ་གཙོ་བོ་རེད།གྲྭ་ས་ན་སྟིང་འཛིན་འོག་སློབ་སྤྱོང་སྤྲོད་མཁན་མེད་དེ་རྗེས་ལས་རེད།སྔོན་མ་མེད་པས་རྒྱུ་མཚན་གྱི་དེ་འདྲ་བཤད་མཁན་ཡོད།དེ་ཚོའི་ནོར་ཡོད།སློབ་གཉེར་གྱི་དུས་ཡུན་རིང་ཡོད་པ་གསལ་བོ་རེད་དེ་བདེན་པ་རེད།དུས་ཡུན་ཐུང་རི་གཏོང་དགོས་ན་དཔེ་ཁྲིད་དགེ་རྒན་གྲྭ་ཚང་ནས་བསྐོས་ཏེ་དུས་ཚོད་དམ་འཛིན་ཐོག་འགྲོ་དགོས།དེ་ཡོངས་པ་ལ་ད་དུང་ལོ་མང་དགོས་རྒྱུ་རེད།གྲྭ་ས་ཁག་གི་ནང་དངུལ་སློབ་གཉེར་བའི་སློབ་སྤྱོང་ཐོག་བེད་སྤྱོད་གཏོང་ཐུབ་མཁན་མེད།འདུག་ས་ཞིག་ཁང་ཚན་དང་ཡང་ན་རང་ཉིད་ནས་གྲ་སྒྲིག་བྱས་གྲྭ་ཚང་ནས་ཆོས་གྲྭར་འཚོགས་ས་ཞིག་དང་གྲྭ་ཇ་འཚོགས་ས་ཞིག་ལ་འགྲོ་སོང་བཏང་ཡོད།དེ་བཀའ་དྲིན་ཆེན་པོར་རྩིས་རྒྱུ་ཡོད།དོན་ངོ་མ་འདུག་ས་མ་རེག་པ་དང་བཟའ་འཐུང་མ་རེག་པས་དབང་གི་འདིར་འོང་བ་གཏན་ནས་ཡིན་རྒྱུ་མ་རེད།སློབ་གཉེར་ཞིག་བྱེད་ཆེད་ཡོང་བ་ཡིན་པས་དམིགས་ཡིད་དེ་བསྒྲུབ་མེད།མཐར་ཐུག་རང་ཉིད་ལ་ཤེས་ཡོན་ཡོད་པ་དེ་མི་ལ་བཤད་མ་ཤེས།མའི་གོ་དཀའ་བ་དེ་འདྲའི་འོག་སེམས་ཤུགས་ཆགས་ནས་གྲྭ་བ་ལོག་པ་དང་ལས་དཀའ་གཞན་ལ་ཞུགས་རྒྱུ་ཡོད་པ་དངོས་བདེན་རེད།གྲྭ་ས་གྲྭ་བ་མང་དགོས་ན་ཤེས་རིག་གི་སྡེ་ཚན་མང་དགོས།ད་དུང་མི་མང་ནང་ཆོས་ཀྱི་ཤེས་ཚུལ་མཐོ་རུ་གཏོང་དགོས།དེ་མིན་ཐབས་ཤེས་མཐོང་མ་སོང་ལ།དགོངས་དག་ཞུ་མང་པོ་ཆགས་སོང་།

ཨ་དགེ་ལགས་ཁྱེད་ཀྱི་ཡིད་བཟབགནངབ་དང་ཐུགས་ཁུལ་གནང་བ་ལ་ཡིད་རང་དང་ཁྱེད་ལ་དེ་འདྲ་མི་ཡོང་བའི་ཐབས་ལམ་ཞིག་ཡོད་དམ་

མཆན་གྱི་མཇུག་ཏུ་༼འདི་ནི་རིགས་པ་ལ་ལོགས་སུ་ཤར་བ་མེད་པར་ཁྱོད་ཀྱང་འདི་སྣང་གི་རིག་པ་སུ་ལའང་མི་བཤད་ཐུ་མེད་༽ཅེས་པའི་ཚིག་ལྷག་ཅིག་ཤོར་ཡོད་པ་ནི་མཆན་འདིའི་མཇུག་ཚིག་མིན་པས་དགོངས་དག་ཞུ།

༅ གནས་ཚུལ་འདི་ཉེན་ཁ་ཆེ་བའི་རང་བཞིན་དུ་༧གོང་ས་མཆོག་གིས་གཟིགས་ནས་མི་མང་ལ་ནང་ཆོས་གོ་རྟོགས་ཇེ་མཐོར་གཏོང་དགོས་པའི་བཀའ་སློབ་མང་པོ་ཕེབས་ཡོད་ནའང་ད་བར་གླེང་མཁན་བྱུང་ཡང་ལག་བསྟར་འཐུས་ཚང་བྱེད་མཁན་བྱུང་མེད། ཁྱེད་ཅག་གིས་ཛ་དྲག་གི་གནས་སྟངས་འདི་ད་བར་མཐོང་མེད་ན་མཐོང་རྒྱ་ཆུང་བའི་རྟགས་སུ་བགྲང་རྒྱུ་ལས་གཞན་གང་ཡང་མིན། འདི་ནི་༧གོང་ས་མཆོག་གི་བཀའ་སློབ་སྔ་ཕྱི་མང་པོ་ཕེབས་ཡོད། ད་ལྟའི་གནས་སྟངས་འདི་མུར་གནས་ན་གྲྭ་ས་ཁག་རྒན་གསོ་ཁང་བཞིན་དུ་མི་འགྱུར་བའི་ངེས་པ་མེད།
ད་ལྟ་གྲྭ་ས་ཁག་ཏུ་ལོ་རེ་ནས་ལོ་རེར་གྲྭ་རྒྱུན་ཉུང་དུ་འགྲོ་བཞིན་པའི་ངང་ཚུལ་ལ་བསམ་ན་རྩོམ་སྒྲིག་པའི་རྨི་ལམ་དང་དགེ་མཐོང་གི་འཁྲུལ་སྣང་རྣམས་མངོན་དུ་མི་འགྱུར་བའི་ངེས་པ་མེད། ཁྱེད་ཅག་གིས་གླེང་སློང་སྟངས་འདི་ལྟར་བསྐྱར་སློང་ཡང་སློང་བྱས་ཀྱང་དམིགས་ཕུགས་པའི་ལེགས་གང་ཡང་མཐོང་རྒྱུ་མི་འདུག
རྣམ་དཔྱོད་ཡོད་འདིའི་ཐབས་ལམ་ཇི་འདྲ་ཞིག་གིས་མྱུར་སྐྱོབ་ཐུབ་མིན་སྐོར་ལ་གླེང་དང་། ངས་བསམ་ན་འབྱུང་འགྱུར་མི་ལོ་བཅུ་གྲངས་ཀྱི་རྗེས་སུ་གྲྭ་ས་ཁག་ཏུ་སྔར་ལས་ལྷག་པའི་གྲྭ་རྒྱུན་འཕེལ་བར་སེམས།
༧གོང་ས་མཆོག་གི་རླབས་ཆེན་གྱི་མཛད་འཕྲིན་བསྐྱངས་དང་སྐྱོང་བཞིན་པ་ལ་གཞིགས་ན་དེ་ལྟ་བུའི་ཐབས་སྐྱོ་བའི་གནས་ཚུལ་མི་འབྱུང་བའི་ཡིད་ཆེས་ཡོད།

སྔར་དཔལ་ཎ་ལེནཌཱ་ཤུགས་ཆེར་དར་བའི་སྐབས། མ་འོངས་པ་ན་ཁྱོད་ཀྱི་ཤུལ་འདི་ད་ལྟའི་ངང་ཚུལ་གྱི་ཅང་མེད་ཤུལ་སྟོང་ཞིག་ཏུ་འགྱུར་ངེས་ཟེར་ན། དེ་དུས་ཀྱི་དགྲ་བཅོམ་པ་དག་གིས་རྡོ་དང་དབྱུག་པ་གཉིས་ཆ་བཟུང་ནས་ཁྱོད་རང་མི་གསོད་ནའང་། མིག་གིས་མི་རིག་ས་ཞིག་ཏུ་བརྫངས་རྒྱུ་ཐག་གིས་ཆོད།

ཡང་བོད་གངས་ཅན་གྱི་ཡུལ་དུ་སངས་རྒྱས་ཀྱི་བསྟན་པ་དར་བ་དང་ལྷག་པར་དུ་རི་བོ་དགེ་ལྡན་པའི་བསྟན་པ་མདོ་ཁམས་སྨད་དུ་དར་བའི་མགོ་བཙུགས་རྗེས། བོད་ཀྱི་ལོ་རྒྱུས་ཐོག་སྐད་གྲགས་འབར་བའི་མཁས་པ་མང་བོ་བྱོན་མྱོང་སའི་ཅོ་ནེ་དང་དཔའ་རིས་ཡུལ་དུ། མ་འོངས་པ་ན་ཁྱོད་ཚོའི་མི་འདི་དག་དགྱ་མི་རུ་འགྱུར་ངེས་ཞེས་བརྗོད་ན། ཡང་མི་གསོད་རུང་ཁྱོད་ལ་གཅར་བརྡུང་ཚད་མེད་ཅིག་བྱེད་རྒྱུ་ཐག་གིས་ཆོད།
དེ་དང་དེ་ལ་སོགས་པ། ལྷག་པར་དུ་སོག་ཡུལ་གྱི་ཁལ་ཁ་རྗེ་བཙུན་དམ་པའི་དགོན་པ་སོགས་ད་ལྟ་ཤུལ་རོ་ཙམ་དུ་གྱུར་བ་སོགས་ཀྱི་ལོ་རྒྱུས་ནི་རྒྱང་ཐག་རིང་བོ་ནི་གང་ཡང་མིན། དེ་དང་དེ་ལ་སོགས་པའི་ལོ་རྒྱུས་ཀྱི་བདེན་པས་ངོ་སྤྲད་ན། ང་ཚོས་ཀྱང་དང་བོ་ནས་དེར་གཟས་པའི་གྲ་སྒྲིག་ཅིག་དང་སྔོན་དཔག་གི་བསམ་བློ་ཞིག་ཏན་ཏན་དགོས་པར་སེམས། དེ་རིང་ཨ་དགེ་ལགས་ཀྱིས་འདིའི་སྐོར་གྱི་ཉེན་བརྡ་ཞིག་བཏང་བ་དང་ཉེ་སྔོན་རྩོམ་སྒྲིག་པས་ཀྱང་དེ་ག་རང་གསུང་བ་སོགས་ནི། མ་འོངས་པའི་ལོ་རྒྱུས་ལ་བསམ་གཞིགས་ནན་མོ་བཏང་བ་ལོས་ཡིན།

ང་ཚོའི་བོད་མི་རིགས་འདི་མགོ་ལ་ཡོང་རག་བར་སྒུག་འདུག་མཁན་ཞིག་ཡིན་པ་ནི་ང་བརྒྱད་དང་ང་དགུའི་ལོ་ལྟ་བུ་རེད། དེ་དུས་ཀྱང་དགྱ་ནག་གིས་མཆེ་བ་གཙིགས་ནས་ཧམ་ཟ་བྱེད་རྒྱུར་སྒུག་བསྡད་པ་ལྟ་བུ་ཞིག་ཏུ་གྱུར་ཡོད། དོན་དངོས་ཀྱིས་བཤད་ན། བོད་ལ་བཤད་སྒྲུབ་གཉིས་ལྡན་གྱི་དགོན་སྡེ་དགོས་པ་དངོས་ཡོད་ཡིན་ཡང་། དེང་སང་གི་བོད་ཕྱི་ནང་གི་དགོན་ལྷག་དང་དེར་ཉུག་མར་གནས་པའི་གྲྭ་བཙུན་དག་ནི་ཁྱིམ་པ་སུན་འབྱིན་ལྟ་བུར་ཆེད་དུ་མི་ཞིག་གིས་གོ་སྒྲིག་གནང་བ་ལྟ་བུ་ཞིག་ཡིན་པ་ནི་ཀློག་པ་པོ་ཁྱེད་མི་རློམ་ན་རྡ་སར་ཐེངས་གཅིག་ཤོག་དང་ཡོངས་སུ་རྟོགས་ངེས། གྲངས་ཀ་གཙོ་བོ་མ་ཡིན་པར་སྤུས་པ་གཙོ་བོ་རེད། སྤུས་ལེགས་ཅན་གྱི་གྲྭ་བཙུན་མཁོ་བ་ལས། ལྟོ་དོན་ཁོ་ན་གཉེར་བའི་གྲྭ་བཙུན་གྱིས་ཕན་ལས་གནོད་བསྐྱལ་གྱི་འདུག

ད་གང་ལྟར་དུས་ཚོད་ཀྱིས་རང་རེའི་དགོན་སྡེ་དག་ལ་རང་བཞིན་གྱི་ཉེན་ཁ་ཞིག་སླེབས་ཡོང་གི་རེད། དེར་ཕལ་ཆེར་ཟློག་ཐབས་མེད་པར་མཐོང་། དྲང་མོར་བཤད་ན་ཟློག་དགོས་དོན་ཡང་མེད། ཆོས་པ་ཇེ་ཉུང་དུ་སོང་ན། རྒྱལ་ཁབ་ཀྱི་ཆབ་སྲིད་ཀྱི་སྤུས་ཀ་ཡང་ཇེ་ལེགས་སུ་འགྲོ་ངེས། ཆོས་མ་ཡིན་ཞིང་སྲིད་ཀྱང་མ་ཡིན་པའི་ཁྲིམས་ཤིག་གིས་རྒྱལ་ཁབ་སྐྱོང་དགོས་ན་ཧ་ཅང་ཁེག་པ་ཡང་རེད། འདིའི་ཐད་ནས་བདག་གིས་《བཙན་པོ་ཨུ་དུམ་བཙན་ལ་དཀར་འདོན》ཞེས་པའི་དཔྱད་རྩོམ་གྱི་ཁུལ་ཞིག་ཀྱང་བྲིས་ཡོད་མོད། རང་རེའི་འདོན་སྤེལ་བྱེད་སའི་སྟེགས་བུ་ཅང་མེད་སྟབས། ཀློག་པ་པོ་དག་གི་སྤྱན་ལན་ལམ་དུ་འབུལ་རྒྱུ་མ་བྱུང་བར་ལྕགས་སྒམ་དུ་བླུགས་ནས་ཁ་ཟ་ཡིས་མནན་ཡོད།

ཨ་དགེ་ལགས། འདི་འདྲའི་རིགས་ལ་རྗེས་ཕྱོགས་དྲ་བའི་སྐུ་ངོ་ལུང་རིགས་ཀྱིས་ལམ་སྟོན་གནང་བའི་ཐིག་ཤིང་དེ་འདྲའི་སྒང་ནས་བྲིས་ན་རིན་ཐང་ཞིག་ཡོང་གི་རེད། དེ་རིང་འདི་ཙམ་བྱ། རྗེས་མར་འདིའི་ཐད་དུ་གླེང་རྒྱུ་དང་རྩོད་རྒྱུ་མང་བོ་ཞིག་ཡོད་སྟབས་རྗེས་མར་མཇལ།

༧གོང་ས་མཆོག་གིས་ཧི་མ་ལ་ཡའི་རི་རྒྱུད་ཀྱི་གྲྭ་རྒྱུན་ཚོ་དང་། སོག་པོའི་གྲྭ་རྒྱུན་ཚོར་ཐུགས་རེ་ཆེན་པོ་གནང་བཞིན་པ་ཡང་སྔ་ལྟས་ཤིག་རེད།
ཟམ་གདོང་རིན་པོ་ཆེས་མི་རིགས་ལས་རིག་གཞུང་རྩ་ཆེ་བར་གསུངས་པ་ཡང་སྔ་ལྟས་ཤིག་གཟིགས་པ་འདྲ།
ལྟས་འདི་དག་ལྟས་བཟང་དང་ལྟས་ངན་གང་ཡིན་བཤད་དཀའ་བ་ཞིག་རེད།

ཨ་རོ་གྲྭ་ས་གྲྭ་རྒྱུན་གྱིས་སྟོང་རྒྱུ་ཡིན་ན་དེ་ལ་ཐབས་ལམ་ག་རེ་ཡོད་པ་རེད་དེ་བཤད་དགོས་པ་ལས་སྡུག་སྐད་བརྒྱབ་ནས་ཅི་ཕན། ༼ངས་བལྟས་ན་འདི་ནས་བརྩིས་པའི་ལོ་ངོ་ཉི་ཤུ་སུམ་ཅུའི་རྗེས་སུ་གྲྭ་ས་ཁག་ན་དགོན་པའི་འདུ་ཁང་སྲུང་མཁན་གྱི་གྲྭ་བ་བརྒྱ་སྐོར་ཞིག་ལས་མེད་པ་ཁ་ཚོན་གཅོད་ཐུབ། ༽མ་འོང་བ་འདི་ལྟར་ཁ་ཚོན་བཅད་ནས་བཤད་པ་ཅུང་གླེན་རྟགས་མིན་འགྲོ། ཡིན་ནའང་ངས་བལྟས་ན་ད་ནི་༧གོང་ས་མཆོག་གི་དགོངས་གཞི་སྟེ། མང་བ་ལས་སྤུས་དག་པོ་ཞིག་དགོས་གསུངས་པ་དེའི་སྟེང་བསླེབས་ལ་ཉེ་བས་ཧ་ཅང་ཡག་པོ་རེད་དྲན་ཡོད། ལོ་ཆུང་གྲྭ་བ་མི་བྱེད་ནི་ཚོ་དང་གཅིག གྲྭ་བ་གྲྭ་ལོག་བྱེད་མི་དང་གཉིས། ཡང་ཆོས་རྣམ་དག་མི་བསྒྲུབ་པར་འཁྱམས་ནས་འདུག་མི་ཚོ་དང་གསུམ་སྟེ་འདི་གསུམ་གྲྭ་བ་ཉུང་དུ་འགྲོ་བའི་བརྩི་གཞི་ཡིན་པས་དེ་དག་མེད་ན་ཡག་པས་ཤུལ་ནས་གང་ལྷག་པ་དེ་གྲྭ་བ་ཚད་ལྡན་དག་ཡིན་པས་དེ་ལས་ལྷག་ཅི་ཡོད། དེང་སང་ཡིན་མིན་གཉིས་ཀ་གྲྭ་བ་མི་བྱེད་པ་དང་གྲྭ་ས་ནས་འགྲོ་མཁན་མང་བ་དེ་སོ་སོས་རྣམ་དཔྱོད་བེད་སྤྱོད་གཏོང་གི་ཡོད་པས་རྟགས་རེད། ཡག་པོ་རེད། ཁུངས་མི་ཆོད་ན་སྐྱ་མིན་སེར་མིན་བསྟན་པའི་ཞབས་འདྲེན་ཞིག་བྱེད་པ་ལས་མི་རིགས་ཀྱི་རིགས་རྒྱུད་སྤེལ་དུ་སོང་ན་ཡག་ཤོས་རེད། འདི་ལྟར་བྱས་ན་རི་ཡུལ་གཉིས་ཀ་སྤུས་གཙང་ཆགས་ཀྱི་རེད། སེམས་ཁྲལ་མ་བྱེད། དགའ་བ་སྒོམ།

ཨ་རིག་དགེ་མཐོང་ཟེར་བ་འདི་ལ་མི་གཞི་ཞིག་མི་འདུག
ཁྱོད་གྲྭ་བ་ཞིག་དང་ཆོས་བ་ཞིག་ཡིན་ན་ཁྱོད་རང་ཚོར་ཁྱོད་རང་ཚོར་ཐོབ་པའི་སྐད་ཆ་ཞིག་ཡོད་ནི་རེད།རྒད་པོ་ཁང་སར་ལ་ཁང་སར་ལ་དབང་བའི་སྐད་ཆ་ཞིག་ཡོད་ནི་རེད།སྒུར་རྐྱང་བྱེད་དགོས་ནི་མ་རེད།
ཁྱེད་ཚོ་ཨ་ཁུ་ཁ་ཤས་ནང་བའི་གཞུང་ཆེན་ཁག་ལ་སློབ་སྦྱོང་བྱས་མཐར།མགོ་ལེན་དགོས་མིན་ཀྱི་སྐད་ཆ་ཡོངས་རྫོགས་མགོ་ལངས་འཇོག་པ་འདིས་ང་མོག་པོར་བཟོས་སོང་།
དེ་ཞེ་དྲག་སྣང་བ་འགྲོ་མ་སོང་།

དེའི་སྟབས་༧གོང་ས་མཆོག་གིས་ང་ཚོའི་ནང་ཆོས་འདི་མང་ཚོགས་ཁྲོད་དུ་ཁྱབ་སྤེལ་དང་དར་རྒྱས་གཏོང་དགོས་པའི་འབོད་སྐུལ་ནན་གྱིས་ཞུ་བཞིན་པ་རེད།
ཡིན་ན་ཡང་།    དེ་ལ་གསན་འཇོག་གནང་མཁན་དང་མནོ་བསམ་གཏོང་མཁན་ཉུང་ཉུང་མ་རེད་དམ
ངོ་མས་བཤད་ན་འ
འདིའི་ཕྱོགས་སུ་སེམས་ཁྲེལ་དང་འོས་འགན་དང་ཁག་ཁུར་དང་དུ་ལེན་དགོས་པ་ཞིག་རེད།      ཁྱེད་ལྟ་བུའི་ལྷག་བསམ་དང་དྲང་ཚུགས་ཀྱིས་ལངས་མཁན་དཀོན་པ་རེད།

ད་ལྟ་བོད་གཞིས་བྱེས་གཉིས་ཀ་ན། བོད་མིའི་མི་རྒྱུན་སྟོངས་ཉེན་ཡོད་པའི་སྔ་ལྟས་ཕྱི་ནང་གཉིས་ཀ་ནས་ཤར་བཞིན་པའི་སྐབས་འདིར། གྲྭ་ས་གྲྭ་རྒྱུན་གྱིས་སྟོངས་ཉེན་ཡོད་པ་དང་། དེ་ཡང་གྲྭ་པ་བྱེད་མཁན་ཉུང་བ་དང་། གྲྭ་ལོག་བྱེད་མཁན་མང་བའི་དབང་གིས་ཡིན་ན། གྲྭ་ས་ལ་གཏམ་ངན་ཞིག་ཡིན་སྲིད་ཀྱང་། བོད་མི་རིགས་ལ་གཏམ་བཟང་ཞིག་ཡིན་སྲིད།

ཨོ་རེད།

སྤྱིར་སངས་རྒྱས་ཀྱི་བསྟན་པ་གནས་མིན་ཡང་དགེ་འདུན་གྱི་སྡེ་ལ་རག་ལས་པ་དང་། དེ་ཡང་ལུང་རྟོག་གི་བསྟན་པ་འཛིན་སྐྱོང་སྤེལ་གསུམ་ལ་རག་ལས་པ་རེད། མཁས་མཆོག་དབྱིག་གཉེན་གྱིས།
སྟོན་པའི་ཆོས་ནི་རྣམ་གཉིས་ཏེ།
ལུང་དང་རྟོགས་པའི་བདག་ཉིད་དོ།
དེ་འཛིན་བྱེད་དང་སྨྲ་བྱེད་པ།
སྒྲུབ་པར་བྱེད་པ་ཁོ་ན་ཡིན། ཞེས་གསུངས་པ་ལྟར་རེད།

འོན་ཀྱང་གྲྭ་བ་མང་ཉུང་ལ་ཁྱད་པར་དེ་ཙམ་མེད། གང་ཡོད་པ་དེ་སྤུས་དག་པོ་དགོས་རྒྱུ་གལ་ཆེ། གྲྭ་རྒྱུན་ཉུང་དུ་འགྲོ་རྒྱུ་མཚན་ཡང་། སྐྱ་མིན་སེར་མིན་གྱི་གྲྭ་གཟུགས་འགས་སྤྱོད་པ་མ་རུང་བ་བྱས་པའི་ཉེར་ལེན་གྱིས་སྤྱི་ཚོགས་ནང་གྲྭ་བཙུན་གྱི་ཆེ་མཐོང་བརླགས་པ་དང་། དེང་དུས་ཀྱི་སྤྱི་ཚོགས་དཔལ་འབྱོར་ཡར་ཀྱི་རྒྱས་རྣམ་པས་འཁྲུག་ཆ་ཆེ་བ། ལྷག་པར་ཆགས་སྲེད་ཀྱི་རྦ་རླབས་དྲག་ཏུ་གཡོ་བས་ཆགས་ལྡན་གྱི་སྐྱེ་བོ་ཕྱི་རོལ་ཁོ་ནས་གཅུན་པར་དཀའ་བ་བཅས་ལ་བརྟེན་ནས་བྱུང་བ་ཡིན་ཤས་ཆེ།།

ཨ་ཁུ་དགེ་མཐོང་ལགས།

འདིའི་ཐད་ལ་ཞིབ་འཇུག་ནན་ཏན་ཞིག་བྱེད་ཐུབ་ན་ཡག་གི་རེད། དཔེར་ན། ཁང་ཚན་སོ་སོའི་ད་ཡོད་གྲྭ་པའི་ཁྲོད་དུ་བརྒྱ་ཆ་ཟིན་སྟངས་ག་ཚོད་རེད།

དེ་ནས་གྲྭ་པ་རྒན་གཞོན་གྱི་བརྒྱ་ཆ་ག་ཚོད་རེད།

ལོ་རེར་གསར་ཞུགས་དང་གྲྭ་བ་ལོག་གིན་པའི་གྲངས་ཚད་ཅི་ཙམ་རེད།

ད་ཡོད་གྲྭ་པ་དག་ལ་འདིའི་ཐད་བསམ་ཚུལ་ག་རེ་འདུག

འདི་དང་འདི་ལ་སོགས་པའི་དྲི་བ་བཅོ་ལྔ་ཉི་ཤུ་ཞིག་སྒྲིག་སྟེ་འདྲི་ཐུབ་རྒྱུ་ན་ཞིབ་འཇུག་ཅུང་འཐུས་ཚང་ཞིག་ཡོང་གི་རེད་འདོད།