དུས་རབས་སྔ་མའི་ལོ་རབས་དགུ་བཅུ་པའི་ནང་། བཙན་བྱོལ་ནང་འདིར༼སྲེག་ཀྱང་མི་ཚིག་པའི་བོད༽ཟེར་བའི་དེབ་ཅིག་བྱུང་། རྗེས་ལ་དེར་༼སྤྲད་ཀྱང་མི་མཁོ་བའི་དེབ་༽ཅེས་པའི་མིང་ཐོགས། དུས་དེ་ནས་དེ་རིང་གི་བར་དུ། ཟླ་བ་གཅིག་ནས་ཚེ་ཚད་རྫོགས་འགྲོ་མཁན་གྱི་དེབ། ལོ་ཕྱེད་དང་ལོ་གཅིག་ནས་གྲག་མེད་ཆགས་སོང་བའི་དེབ། ལོ་དུས་གང་འཚམ་ནས་གླེང་མེད་ཆགས་སོང་བའི་དེབ་སོགས་མང་པོ་ཞིག་བྱུང་ཡོད། ཐ་ན་ཁྱི་རྔ་ལ་བཏགས་པའི་དེབ་ཀྱང་བྱུང་ཡོད།
དེབ་ཀྱི་འཕེལ་གྲངས་དང་ཕྱོགས་མཚུངས་པར། ཚགས་པར་དང་དུས་དེབ་ཀྱི་རིགས་ཀྱང་དུས་རབས་སྔ་མའི་ལོ་རབས་དགུ་བཅུ་པ་ནས་འཕེལ་ རྒྱས་བྱུང་ཡོད། ད་ཆར་ཚེ་དང་ལྡན་པ་ཉུང་ངུ་ལས་མེད། ལ་ཤས་ནི་དཔལ་འབྱོར་གྱི་མཐུན་རྐྱེན་མེད་ནས་ཚེ་རྫོགས། རེ་ཤས་ནི་རྩོམ་ཡིག་མ་རག་ནས་ཚེ་ཡི་ཀ་བ་འགྱེལ། འཆི་སྟངས་གསོན་སྟངས་སྣ་ཚོགས་ཤིག་བྱུང་ཡོད།
དགུ་བཅུ་གོ་གྲངས་ནང་། མཁས་དབང་ཟམ་གདོང་རིན་པོ་ཆེས། སྒོ་དང་སྒེའུ་ཁུང་ཡོད་ཚད་ནས་དེབ་དང་ཚགས་པར་བཏོན་ཡོང་གི་འདུག་ཅེས་གསུངས་མྱོང་བ་རེད། དེ་ནི་སྐབས་དེར་གནས་ཚུལ་གསར་པ་ཞིག་དང་། གཅིག་ཐང་ན། བོད་ཡིག་ཀློག་མཁན་ཤིན་ཏུ་ནས་ཉུང་བའི་ཁོར་ཡུག་འདིར། འདི་འདྲ་མང་པོ་ཞིག་བཏོན་པར། ཀློག་མཁན་དེ་ཙམ་ཞིག་ཡོང་གི་ཡོད་མེད་ལ་ཚད་འདེབས་བྱས་པ་ཞིག་ཀྱང་ཡིན་ཆོག ཕྱི་ལོ་ 2007 ལོར་༼སློབ་དཔོན་ཟམ་གདོང་རིན་པོ་ཆེས་བཀའ་ལན་དང་གསུང་བཤད་གལ་ཆེ་ཁག་ཕྱོགས་ བསྡུས༽ ༼སློབ་དཔོན་ཟམ་གདོང་རིན་པོ་ཆེའི་གསུང་བཤད་དང་ལམ་སྟོན་སོགས་གལ་ཆེ་ཁག་ཕྱོགས་ བསྡུས༽ཟེར་བའི་དེབ་ཕྲེང་དམར་པོ་དེ་ཚོ་བཏོན་པ་རེད། ད་ཆར་བོད་ཡིག་ཀློག་མཁན་མང་ཆེ་བས་དེབ་ཕྲེང་དེ་ཚོར་༼ཇ་བག་ཆུང༽ཞེས་འབོད་ཀྱི་ ཡོད། ད་བྱས་ན། བོད་ཡིག་གི་དེབ་ཀློག་མཁན་ཚོས་དེབ་ལ་ལྟ་སྟངས་འདི་འདྲ་ཞིག་ཀྱང་ཡོད་པ་གསལ་པོ་ རེད།
ངས་འདིར་ཅི་བཤད་བསམ་པ་ཡིན་ལབ་ན། མིང་འབོད་མ་འདྲ་བ་ག་རེ་བཏགས་ནའང་འདྲ། མིང་འབོད་གཞན་ཞིག་གིས་འབོད་སྟངས་འདིས། དེབ་ཀྱི་སྤུས་ཚད་ཅིག་ཤོད་ཀྱི་ཡོད་པ་དེ་ཡིན། དཔེར་ན། ཆེ་གེ་མོའི་དེབ་ལ་༼རང་གི་སྐྱེས་དམན་ལ་བསྟོད་པའི་སྙན་ངག་ཕྱོགས་བསྒྲིགས༽ ཆེ་གེ་མོའི་དེབ་ལ་༼ཁ་གསག་སྙན་ངག་ཕྱོགས་བསྒྲིགས༽ ཆེ་གེ་མོའི་དེབ་ལ་༼གྲགས་པ་ས་བརྡབ་ཀྱི་དེབ༽ གཞན་ཡང་། ༼རང་མགོ་རྡོ་གནོན་གྱི་དེབ༽ ༼གཞན་མགོ་དཔང་བསྟོད་ཀྱི་དེབ༽་སོགས་འབོད་མིང་སྣ་ཚོགས་པ་ཡོད་པ་འདི་དག་ནི། དེབ་དེ་ཡག་ན་འདྲ། སྡུག་ན་འདྲ། ཀློག་མཁན་ཅིག་ནི་ཡོད་པའི་རྟགས་སུ་མཐོང་ཞིང་། བོད་ཡིག་གི་དེབ་ལ་ཀློག་མཁན་ཏན་ཏན་འདུག་ཅེས་ཞུ་འདོད་པ་དེ་ཡིན།
ད་ལྟ་ངས། བོད་ཡིག་ཀློག་མཁན་སུས་ཀྱང་ཀློག་འདོད་པ། ལྷག་ཏུ་ལོ་རྒྱུས་ཉམས་ཞིབ་པ་ཚོས་སྐོམ་པས་ཆུ་ལ་བཞིན་ཀློག་སྙིང་དོད་དེ་ཡོད་པ། ད་ལྟ་ཕན་ལ་རྡོ་ལག་བརྒྱུད་ཀྱི་ཟོལ་གྱིས་གསང་བ་ཡང་གསང་ལྟ་བུའི་མུ་ན་མི་ངོ་རེ་ ཟུང་གིས་མ་གཏོགས་ཀློག་ཐུབ་ཀྱི་མེད་པའི་གླེགས་བམ་ཞིག་ཀློག་གིན་ཡོད། ཡིག་ཆ་འདིའི་ནང་། ད་ལྟ་ཕན་ལ་གླེགས་བམ་འདི་བཀླགས་ནས་ལོ་རྒྱུས་གླེང་མཁན་དང་། དངོས་སུ་ཀློག་སྐལ་མ་ལྡན་ནའང་། གོ་ལོ་ཐོས་ལོའི་རྗེས་སུ་ཞུགས་ནས་བཤད་མཁན་ཚོས་མང་པོ་ཞིག་བཤད་མྱོང་བ་དེ་ཚོ་ འདིའི་ནང་ན་ཡོད་མེད་འཚོལ་གྱི་ཡོད། གང་ལྟར། ལོ་རྒྱུས་ནི་བདེན་པ་གཙོ་བོར་གླེང་བའི་རྩོམ་རིག་ཅིག་ཡིན་དགོས་པའི་བཤད་སྟངས་ ཀྱིས་བལྟས་ན། དེབ་འདི་ནི་དུས་སྐབས་དེའི་ལོ་རྒྱུས་ཕྱི་གསལ་ནང་གསལ་གྱིས་བྲིས་ཡོད་པ་ཞིག་ རེད། ཡིན་ནའང་། ད་ལྟ་ཕན་ལ་གླེགས་བམ་འདི་བཀླགས་ནས་རྩོམ་ཡིག་སྤེལ་མཁན་དང་། གཏམ་བཤད་གནང་མཁན་མང་ཆེ་བས་གནད་དོན་ངོ་མ་དེ་མགོ་འབུས་ཙམ་རེ་ལས་གླེང་མི་འདུག ཁ་གསལ་པོ་ཞིག་བཤད་མི་འདུག གླེགས་བམ་འདི་ནི་བོད་ཡིག་ཀློག་མཁན་ཁག་ཅིག་གིས་༼གཉན་པོ་གསང་བ༽་ཞེས་འབོད་མིང་གཞན་ཞིག་གིས་འབོད་ཀྱིན་ཡོད་པ་དེ་ལགས།
རྡ་རམ་ས་ལར་མཚོན་ན། དེབ་ཁང་ཁ་ཤས་ཤིག་ཡོད། དེབ་ཁང་དེ་ཚོའི་ནང་ཡོད་པའི་དེབ་མང་ཆེ་བ་ནི། དབྱིན་ཡིག་གི་དེབ་ཡིན། བོད་ཡིག་གི་དེབ་ནི་མང་ཆེ་བས་རིན་མེད་ཀྱི་སྤྲོད་རྐྱང་བྱེད་ཀྱི་ཡོད། ད་དུང་མི་ངོ་ཁག་ཅིག་ལ་དཔར་ཕུད་དུ་ཕུལ་ཞེས་གུས་གུས་ཞུམ་ཞུམ་གྱིས་འབུལ་གྱིན་ ཡོད། ཡིན་ནའང་། དེ་ཚོའང་ད་ནི་བོད་ཡིག་གི་དེབ་མཐོང་ན་ཉོབ་འགྲོ་བའི་ཚོད་དུ་ཡོད། དོན་ངོ་མར་བོད་ཡིག་གི་དེབ་ཉོ་མཁན་མེད་པ་ཡིན་ནམ། ཚོང་ཁང་དང་ཟ་ཁང་། མགྲོན་ཁང་སོགས་ན་བོད་ཡིག་གི་དེབ་འཚོང་བཅོལ་ལ་བཞག་ཡོད་པ་མང་བར་བལྟས་ན། ཉོ་མཁན་གྱི་རེ་བ་རྒྱག་ཡུལ་ཞིག་ཏན་ཏན་ཡོད་པ་འདྲ། ངས་ད་ལྟ་ཀློག་མུས་༼གཉན་པོ་གསང་བ༽དཔར་འགྲེམས་བྱས་པ་ཡིན་ན། ཉོ་མཁན་ཡོད་མེད་ཀྱི་ཕྱོགས་ལ་སེམས་ཁྲལ་ཡེ་ནས་བྱེད་མི་དགོས་པ་ངས་ཤེས། ཡིན་ནའང་། གསང་བ་འདི་ཕྱི་ལ་བཀྲམས་པ་ཡིན་ན། ང་ལ་ཉེན་ཁ་གཞན་ཞིག་གིས་བལྟས་ནས་བསྡད་ཡོད་སྟབས། དེ་ཁོ་ནར་ང་འཇིགས་ཏེ། ངས་ཀྱང་གླེགས་བམ་འདི་རྡོ་ལག་བརྒྱུད་ཀྱིས་གསང་བ་དེ་མུར་འཇོག་རྒྱུ་འདམས་ཡོད།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
ཡོན་བྷེས་ད་ལྟ་ཀློག་བཞིན་ཡོད་ཟེར་བ་དེ་སྔོན་མ་ཞིག་ལ་ངས་ཀྱང་བཀླགས་མྱོང་།
དེ་ནི། ༼རྗེ་བཙུན་དམ་པ་མཚན་བརྗོད་པར་དཀའ་བ་འཇམ་དབྱངས་བཞད་པའི་རྡོ་རྗེའི་རྣམ་པར་ཐར་པ་ཡོངས་སུ་བརྗོད་པའི་གཏམ་དུ་བྱ་བ་དད་པའི་སྒོ་འབྱེད་ཀཻ་ཏ་ཀའི་ཕྲེང་བ་ཞེས་བྱ་བ་བཞུགས་སོ།།༽ཞེས་བཀོད་ཡོད་པ་དེ་རེད་པཱ།
ཁྱེད་ཀྱིས་ཆེས་མཆོག་ཏུ་བཀུར་བར་འོས་པའི་བཀའ་ཁྲི་ཟམ་གདོང་རིན་པོ་ཆེའི་གསུང་བཤད་གཅེས་བཏུས་ཀྱི་དེབ་འཕྲེང་རྣམས་ལ་ཇ་བག་ཆུང་ཟེར་གྱི་འདུག་ཅེས་པར་དེབ་གཟུགས་བྱུས་བཀོད་བྱེད་སྟངས་སམ་དེབ་གཟུགས་མཐུག་དྲག་པས་སྐྱོན་བརྗོད་པ་ཡིན་ཤས་ཆེ། དེ་མིན་ཁོང་གིས་བཤད་པ་དང་ང་ཚོས་ཉིན་མཚན་མང་པོ་བསྒྲིལ་ཏེ་བྲིས་པ་གཉིས་ལ་གནམ་སའི་ཁྱད་པར་བསླེབས་འོང་བ་ནི་ལོང་བས་བལྟས་ཀྱང་རྒྱལ་ཁམས་རང་རེད། མ་གཞི་ཁྱེད་དང་ང་གཉིས་ཁོང་གིས་སྐྱག་གཅིང་ག་གཏོང་ས་ཡང་སླེབས་ཐབས་མེད་ན་བླུན་པོ་ཆུ་སྣེ་གར་ཁྲིད་ཀྱི་བརྟུལ་ཞུགས་མ་འཆང་བར་དྲང་པོའི་གཞུང་སྲངས་ནས་བདེན་པའི་ལམ་དུ་འཇུག་གལ་ཆེ།
རབ་གསལ་འདིས་ཁ་འཁྲུགས་བཤད་ཀི་ཡོད་ཀ
ངས་བལྟས་ན་ཁྱོད་སྲོང་བཙན་བུ་མ་རེད། རྒྱལ་བཟའ་ཀོང་ཇོའི་བུ་ཡིན་པ་འདྲ།
ཇ་བག་ཆུང་ཞིམ་པོ་འདུག
རེད། ཕྲན་གྱིས་ཀྱང་དེང་གསང་ཡིག་ཅིག་ཀློག་བཞིན་པའི་སྒང་ཡིན། ཅིག་བྱས་ན་ངེད་གཉིས་ཀྱི་གསང་ཡིག་དེ་གཅིག་མིན་འགྲོ། ཕྲན་གྱི་ཀློག་བཞིན་པའི་གསང་ཡིག་དེ་ནི་བླ་མ་གཅིག་གི་སྐུ་ཕྲེང་དང་པོའི་གསང་བའི་མཛད་རྣམ་ཡིན་རེད། དེའི་མིང་གཞན་ལ་རྣམ་ཐར་བཙན་པོ་ཅིག་ཅིག་ལབ་ཀྱི་འདུག འདི་ཕལ་ཆེར་ཡིན་རྒྱུ་རེད།