བོད་ནས་ཁ་པར་བརྒྱུད་ཨེ་ཤ་ཡ་རང་དབང་རླུང་འཕྲིན་ཁང་ལ་གནས་ཚུལ་འབྱོར་བ་ལྟར་ན། ཕྱི་ཚེས་ ༡༨ ཉིན་མདོ་སྨད་རྔ་པ་བོད་རིགས་རང་སྐྱོང་ཁུལ་འབར་ཁམས་རྫོང་ནས་ཁྲིན་ཏུའུ་རུ་སྐྱོད་བཞིན་པའི་རླངས་འཁོར་ཞིག་རྒྱ་རོང་རོང་བྲག་རྫོང་གི་གཡང་གཟར་ལས་ཟགས་ཡོད་པ་དེའི་ནང་འགྲུལ་བ་ ༢༧ ལྷག་རྐྱེན་འདས་སུ་ཕྱིན་ཡོད་ཅིང་། དེའི་ཁྲོད་རྔ་པ་བོད་རིགས་རང་སྐྱོང་ཁུལ་ཆབ་སྲིད་གྲོས་ཚོགས་ཀྱི་ཚོགས་གཙོ་དང་རྐ་ཁོག་རྫོང་གི་རྫོང་དཔོན་གནང་མྱོང་མཁན། དེ་བཞིན་རྔ་པའི་ས་ཁུལ་ཁག་ཅིག་ཏུ་སློབ་གྲྭ་དང་སྨན་ཁང་གསར་རྒྱག་དང་ཐེབས་རྩ་ཁང་བཙུགས་ཏེ། མི་དམངས་ཞབས་ཞུའི་ལས་དོན་རླབས་ཆེན་སྒྲུབ་མཁན་བོད་རིགས་ལས་བྱེད་རྒན་རབས་པ་བསྟན་འཛིན་ཟེར་བ་ཞིག་རྐྱེན་ལམ་དུ་ཕྱིན་ཡོད་འདུག གནས་ཚུལ་འདིའི་སྐོར་རྒྱ་ནག་ཞིན་ཧྭ་གསར་ཁང་གིས་བསྒྲགས་པའི་ནང་མི་གྲངས་ ༢༢ རྐྱེན་ལམ་དུ་ཕྱིན་ཡོད་སྐོར་བརྗོད་ཀྱང་། ས་གནས་འབྲེལ་ཡོད་མི་སྣས་བརྗོད་པ་ལྟར་ན་རླངས་འཁོར་དེའི་ནང་གི་མི་ ༨ མ་གཏོགས་གཞན་ཚང་མ་རྐྱེན་ལམ་དུ་ཕྱིན་ཡོད་ཚུལ་བཤད་འདུག
གསར་འགོད་པ། དོན་གོ
ཕྱི་མའི་ལྔ་ལམ་དུ་གྱུར་པ་བསྟན་འཛིན་གཙོས་པའི་བོད་མི་རིགས་ཀྱི་དོན་དུ་ཕྱག་ལས་གནང་མཁན་ཚེ་འདས་ཚང་མ་ཐར་པ་དང་ཐམས་ཅད་མཁྱེན་པའི་གོ་འཕང་འཐོབ་པར་ཤོག་་་་
བོད་རིགས་བསྟན་འཛིན་ལགས་འདས་གྲོངས་སུ་གྱུར་པར་མྱ་ངན་ཞུ། ཁོས་མི་ཚེ་ནང་བོད་རིགས་ལ་ལྷག་བསམ་དཀར་པོས་བྱས་རྗེས་བཞག་ཡོད་ན་ཚེས་ཕྱི་མར་ལམ་བཟང་ཞིག་ཏན་ཏན་རྙེད་ངེས།