བཀའ་ཁྲིའི་འོས་གཞི་ཞིག

རང་གཞུང་བདེ་སྲུང་སྐུ་ངོ་འབྲོང་ཆུང་དངོས་གྲུབ་ལགས་བཀའ་བློན་ཁྲི་བར་མཚན་འཁོད་གནང་བར་འཚམས་འདྲི་དང་བཀྲིས་བདེ་ལེགས་ཡོད།

སྐུ་ངོ་མཆོག་གི་དགོངས་བཞེད་ལྷུན་འགྲུབ་ཡོང་བར་རེ་བ་དང་སྨོན་ལམ་ཞུ་བཞིན་ཡོད།

མཐུ་སྟོབས་ལགས་ཁྱེད་ཀྱི་གསུང་པ་དངོས་གནས་རེད།
ཁོང་ནི་མཐོ་ཉམས་དང་སྤོ་ཉམས་དོད་པའི་དཔོན་པོ་བཟང་པོ་ཞིག་རེད།

མི་བརྟན་པོ་དང་ལྷག་བསམ་ཅན་ཞིག་ཡིན་པ་དེ་ཡོངས་གྲགས་རེད་འདུག

སྤྱིར་བཏང་བྱས་ན་ཁོང་བཀའ་ཁྲིར་མི་འོས་པ་མེད། འོན་ཀྱང་བཀའ་ཁྲིར་སུ་སླེབས་ཀྱང་སྐད་སངས་མཐོན་པོར་སྒྲོག་ཐུབ་མཁན་ཞིག་དགོས་སྟབས། ཁོང་གིས་དེ་ལྟར་སྒྲོག་མ་ཐུབ་པ་དེ་ཡོངས་གྲགས་རེད། ཁོང་གིས་གསུང་སྐད་ཇི་ཙམ་གྲགས་ཀྱང་རང་གི་ཉེ་འཁོར་གྱི་མིས་ཀྱང་ཅུང་གོ་དཀའ་བར་འགྱུར་གྱིན་ཡོད། དེས་ན་ཁྱེད་ཚོས་བསམ་གཞིག་བྱོས། ཁོང་ལ་སྐུ་ངལ་མ་སྤྲོད་རོགས།

བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་བཀའ་ཁྲིའི་འོས་མིར་འདོན་མཁན་ཚོས་ནོར་མི་འདུག

ཁོང་ནི་དངོས་གནས་བཙན་བྱོལ་སྤྱི་ཚོགས་ཁྲོད་ཀྱི་འགྲན་ཟླ་བྲལ་བའི་མི་སྣ་ཚད་ལྡན་ཞིག་ཡིན་པ་ཡོངས་གྲགས་ཡིན།

ང་ཚོའི་བཀའ་བློན་ཁྲི་བར་ཁོང་ལས་ལྷག་ཡོད་པ་མ་རེད།
འོན་ཀྱང་བཙན་བྱོལ་སྤྱི་ཚོགས་ཡར་རྒྱས་གཏང་དགོས་ན་ཁོང་གིས་ཀྱང་དཀའ་སེ་ཞིག་ཡིན་ངེས།

མཁས་དབང་ཟབ་གདོང་རིན་པོ་ཆེ་ལྟ་བུའི་བཀའ་ཁྲི་ཞིག་ང་ཚོར་ཡོད་ཀྱང་ཁོང་གིས་ཀྱང་བཙན་བྱོལ་སྤྱི་ཚོགས་དམིགས་བསལ་ཡར་རྒྱས་བཏང་བ་འདི་རེད། ཅེས་སྟོན་འོས་པ་ཅི་ཡང་བྱུང་མེད།

དེ་བཞིན་མ་འོངས་པར་ཡང་བཙན་བྱོལ་སྤྱི་ཚོགས་འདི་ཡར་རྒྱས་འགྲོ་རྒྱུ་ཧ་ཅང་དཀའ་སེ་ཞིག་ཡིན་པའི་དཔང་རྟགས་གང་མང་ཐོན་བཞིན་འདུག

དཔེར་ན་བོད་ཀྱི་ཟིན་བྲིས་པ་ཨ་རིག་དགེ་མཐོང་གི་ཟིན་བྲིས་ནང་།

རྩོད་རྙོགས་ཅན་གྱི་གསང་སྤྱོད། པར་དང་གསལ་བཤད། ཅེས་པའི་ཁ་བྱང་འོག་གི་མོན་གྷོ་འདོད་རྒུ་གླིང་གི་དཔར་རིས་རྣམས་ལ་དྲ་གྲོགས་ཚོས་གཟིགས་དང་། ང་ཚོས་ལས་དོན་ཆ་ཚང་ཧ་གོ་ཡོང་།

ལོ་འདི་ཙམ་ཞིག་ལ་ག་གེ་མོས་དབུ་ཁྲིད་གནང་བ་རེད་ཟེར་བ་ཙམ་གྱིས་འགྲིག་གི་མི་འདུག ལོ་དེ་གའི་རིང་ལ་དབུ་ཁྲིད་གནང་ནས་མཛད་རྗེས་ཅི་ཞིག་བཞག་འདུག ཕན་པའི་ལས་གང་བྱས་འདུག འབུར་ཐོན་རང་བཞིན་གྱི་གསུང་བཤད་གང་དང་ཅི་གནང་འདུག མི་ཞིག་ལ་ཚད་འཛིན་ནམ་ཆ་འཇོག་བྱེད་པ་ལ་ངེས་པར་དུ་འདི་འདྲའི་ཁྱད་ཆས་སམ་མཛད་རྗེས་ཤིག་སྟོན་རྒྱུ་དང་བཤད་རྒྱུ་ལོས་དགོས།
ཁ་སྔོན་དྲ་གྲོགས་ཤིག་གིས་སྐད་ཆ་འདི་འདྲ་ཞིག་བཤད་སོང་། མི་ག་གེ་མོ་ཞིག་བཀའ་ཁྲིར་བསྡད་ཀྱང་དམིགས་གསལ་གྱི་འཇོན་པོ་བྱས་ནས་ལས་དང་རྒྱུ་ཡང་ཅང་མེད་པ་དང་། ཡང་མ་འཇོན་ཡང་དམིགས་བསལ་གྱིས་ལྷུང་འགྲོ་བ་ཡང་ཅང་ཡོད་ནི་མ་རེད་ཟེར། སྐད་ཆ་འདིས་དོན་དག་ཞིག་གླེང་གི་འདུག རྒྱུ་མཚན་ནི་ད་ལྟའི་ང་ཚོའི་དབུ་ཁྲིད་ཚོའི་ནུས་པ་འདི་ཙམ་ཞིག་གིས་བསྡོམས་བརྒྱབས་ཡོད་པ་རེད། དོན་དུའང་འདི་འདྲ་ཞིག་རེད་སྙམ། ལོ་མང་པོ་ཞིག་ལ་ལས་སྣེ་ག་གེ་མོ་ནས་བསྡད་པ་རེད་ཟེར་བ་ཙམ་ལས། གཞན་དམིགས་ཀྱིས་ཁྱད་ཆས་དང་མཛད་རྗེས་བགྲངས་ཡོང་དུས་ད་ལྟའི་ལས་ཐོག་བཀའ་ཁྲི་ཟམ་གདོང་རིན་པོ་ཆེ་ལ་ཡང་མཛད་རྗེས་རེ་གཉིས་ལས་བགྲངས་རྒྱུ་མེད་པ། ཟམ་གདོང་རིན་པོ་ཆེའི་རྒྱབ་ནས་ཀ་ལངས་ལངས་བྱེད་མཁན་ཚོར་མི་འདུག་གཱ ཨོ་ཡ། དེ་ཙམ་རེད། དེ་བས་མི་ཞིག་བཀའ་བློན་ཁྲི་བ་དང་སྤྱི་འཐུས་འོས་གཞིར་ལངས་དགོས་པ་དང་འོས་ཤོག་འཕེན་པ་ལ། ཆེས་དམའ་མཐར་ཡང་ང་ལ་པོངས་དང་། ངས་ཅིག་བྱེད་ཀི་ཡིན། འདི་བྱེད་ཀི་ཡིན། གན་བྱེད་ཀི་ཡིན་ཟེར་མཁན་ཞིག་ལས། ཁུ་སིམ་མེར་སྡོད་མཁན་ཞིག་ལ་འོས་འཕངས་ཀྱང་། རྗེས་མ་འཇོན་དང་མི་འཇོན་གྱི་སྐད་ཆ་བཤད་ཡོང་དུས། ཨོ་ང་ནི་ཁྱོད་ཚོས་བདམས་པ་ལས་ང་རང་འདུག་འདོད་པ་མིན་ལ། དམིགས་ཀྱིས་བྱེད་དང་རྒྱུ་ཡང་ཅང་མེད་ཟེར་གི་རེད། ཁོ་ཡིན་ང་ཡིན་ཟེར་མཁན་ཚོར་འོས་བླུགས་ན། རྗེས་མ་ཁ་གཏོང་བ་དང་འདི་འགྲིག་མི་འདུག གན་འགྲིག་མི་འདུག ཁྱོད་ཀྱིས་འཇོན་མ་སོང་། སྔོན་མ་ཁྱོད་ཀྱིས་ང་འོས་བླུགས་དང་ངས་འདི་འདྲ་དང་དེ་འདྲ་བྱེད་ཀི་ཡིན་ཞེས་ལབ་སོང་ད་ནི་སྔོན་ཀྱི་ཁ་ཤོམ་དེ་གང་དུ་ཡོད་སོགས་ཁོ་ལ་སྐུལ་མ་དང་ལས་བདའ་བྱས་ཆོག དེ་མིན་རྗེས་མ་ཞིག དབུ་ཁྲིད་ཀྱིས་ངས་ཁྱོད་ཁས་ནི་ལེན་རྒྱུ་མ་བྱུང་མདོག་མདོག དམངས་ཀྱིས་ཁྱོད་ཀྱིས་འཇོན་མ་སོང་མདོག་མདོག དཔོན་པོས་དམངས་ཀྱི་མགོར་གཡོགས དམངས་ཀྱིས་དཔོན་པོའི་མགོར་གཡོག ཅི་ཡིན་འདི་ཡིན་མེད་པ་ཆགས་ཀི་རེད།

ད་སྔའི་ལས་དོན་དེ་མི་མཐུད་དུ་སྐྱོངས་རྒྱུ་གལ་ཆེན་པོ་རེད་སྙམ།

ཁ་བརྡ་དྲ་ཐོག་ཏུ་གཅིག་གིས་འདི་ལྟར་བྲིས་འདུག་པ་དངོས་གནས་བདེན་པ་རེད། ༡༨༽ བོད་ཀྱི་བུ་ནས།
སྤྱི་ལོ་ ༢༠༡༠ ཟླ་ ༨ ཚེས་ ༢ གི་ཆུ་ཚོད་ ༡༠ སྐར་མ་ ༣༥

འབྲོང་ཆུང་དངོས་གྲུབ་ལགས་ཀྱིས་བདེ་སྲུང་གི་ལས་ཀ་ལས་བསྡད་ན་ཡག་ཤོས་རེད།

གསང་བའི་ལས་ཀ་བྱེད་མཁན་ཞིག་བཀའ་བློན་ཁྲི་བའི་གསེར་ཁྲིའི་སྟེང་བཞུགས་ན་ལན་པོ་འདྲ་ཡོད་མ་རེད།
གསང་བའི་ལས་ཀ་བྱེད་མཁན་དེ་ཚོའི་ལས་ཀ་ཇག་པའི་ལས་ཀ་དང་འདྲ་སེ་ཡོད་རེད།

བཀའ་བློན་འཚམ་ཤོས་ཤིག་འབྲོང་ཆུང་ལགས་ཁོང་རང་མཐོང་སོང་།
གཞོན་སྐྱེས་བློ་བཟང་སེང་གེ་འདྲ་བོའི་ད་ལྟ་ཐད་སྤྱི་ཚོགས་སྟེང་ལག་རྗེས་ཞིག་ཡོད་པ་རྩ་བ་ནས་མཐོང་མ་སོང་། ཁོང་ནི་ཕལ་ཆེར་ཨོ་བྷ་མ་དང་འདྲ་བོ་རེད། ཁ་ནས་བདེ་པོ་ཙམ་ལས་ལག་ལེན་ཡོད་པ་མ་རེད།

ཁོང་དངོས་གནས་བཀའ་ཁྲིར་འོས་པའི་འོས་མིའི་གྲས་ཤིག་རེད། སྤྱི་ཚོགས་ཀྱི་མི་མཐོ་དམའ་གཉིས་ལ་འབྲེལ་འདྲིས་ཡོད་པ། ཕྱི་ནང་གཉིས་ཀྱི་གནས་ཚུལ་གསན་བཞེས་ཡོད་པ། རང་གཤིས་བརྟན་ལ་དྲང་ཚུགས་ཅན་ཁོང་འདྲ་ཧ་ཅང་ཉུང་ཉུང་རེད། ད་ལྟའི་བཙན་བྱོལ་གཞུང་གི་སྒྲིག་འཛུགས་འདིའི་འོག་བཀའ་ཁྲི་ཡིན་ཞེས་དམིགས་བསལ་སྒྲུབ་འཇོག་རྒྱུ་ཅང་ཡོད་པ་མ་རེད། གཙོ་བོ་ལྷག་བསམ་རྣམ་དག་དྲང་བོ་དྲང་བཞག ལྷོད་ཡངས་མེད་པ། རང་ཚིགས་བརྟན་པོས་སྒོ་ནས་སྒྲིག་གཞིའི་འོག་གི་ལས་འགན་དག་ཕྱི་ནང་མངོན་ལྐོག་མེད་པ། གཞན་བསླུ་དགའ་ཉེ་ཀྱི་ཆགས་སྡང་གི་དབང་དུ་མ་སོང་བའི་སྒོ་ནས་སྒྲུབ་ཐུབ་ན་དེ་ལས་གཞན་ག་ལ་ཡོད།

ད་ལྟའི་བཙོན་བྱོལ་བོད་གཞུང་གི་བཀའ་ཁྲིའི་ཁྲི་ཐོག་ནས་རང་སྣང་གར་ཤར་གྱི་ཆབ་སྲིད་ལངས་ཕྱོགས་ཤིག་འཛིན་ས་མེད་པ་ཤེས་བཞིན་དུ། སྐབས་འཚོལ་བ་རེ་འགས་རང་ལ་གོ་སྐབས་རེ་རག་ཆེད་མང་ཚོགས་ལ་བསླུ་བྲིད་བཏང་སྟེ་ངའི་ལངས་ཕྱོགས་ཅིག་ཅིག་ཅིག་ཡིན། ངས་རྗེས་ཕྱོགས་ཅིག་ཅིག་ཅིག་སྒྲུབ་གི་ཡིན་ཞེས་ད་ལྟའི་མང་ཚོགས་ཚོའི་སེམས་ཁམས་དང་བསྟུན་ནས་ཟློས་གར་སྣ་ཚོགས་འཁྲབ་ཀྱིན་ཡོད། མཐའ་མ་ཁྲི་ཐོག་ཏུ་ཐོན་རྗེས་གྲགས་འགུལ་ཅི་ཡང་མེད་པར་ཕྱོགས་རེས་རྔ་ཚིགས་རེ་སྒྲུག་གྱིན་ལོ་ལྔའི་དུས་ཡུན་ཆུ་ནང་ལ་ཕངས་མེད་དུ་འདེབས་གི་རེད། འདི་གཟབ་དགོས་ས་ཞིག་རེད། གཙོ་བོ་མི་རང་ཚིགས་བརྟན་པོ་དང་ཕྱོགས་རེས་འཐེན་འཁྱེར་མེད་མཁན། རང་གི་ནོར་འཁྲུལ་ངེས་ལེན་ཐུབ་མཁན། གཞན་གྱི་ནོར་འཁྲུལ་ལ་མཛུབ་མོ་འཛུགས་ཐུབ་མཁན་གྱི་གཡོ་སྒྱུ་མེད་མཁན་ཞིག་འདེམས་ཐུབ་རྒྱུ་ནི་གཞི་རྩའི་དགོས་མཁོ་རེད། སྐད་ཡིག་སྣ་མང་དང་ཤེས་འཇོན་ནུས་ལྡན་ཞེས་པ་ནི་ཡག་ཐོག་ཡག་བརྩེགས་ཀྱི་མཛེས་རྒྱན་ལྟ་བུ་ལས། ད་ལྟའི་འུ་ཚོའི་ནད་རྙིང་སྣ་ཚོགས་ཁ་རུབ་ཏུ་ཡོད་པ། ཆགས་ཞེན་འདྲ་མིན་གཏིང་རུབ་སྦོས་པའི་བཙན་བྱོལ་སྤྱི་ཚོགས་འདིའི་བཀའ་ཁྲིའི་འོས་གཞིའི་གཞི་རྩའི་ཆ་རྐྱེན་མ་རེད།

བདེ་སྲུང་བཀའ་བློན་འབྲོང་ཆུང་དངོས་གྲུབ་ལགས་དངོས་གནས་དྲང་གནས་བཙན་བྱོལ་བོད་པའི་སྤྱི་ཚོགས་ནང་གི་མི་ཡག་ཤོས་ཤིག་རེད། ཁོང་ལ་གུས་བཀུར་ཆེན་པོ་ཡོད། འོན་ཀྱང་ཁོང་བཀའ་བློན་ཁྲི་པ་ལ་དེ་ཙམ་འོས་པོ་མི་འདུག རྒྱུ་མཚན་ནི་བཀའ་བློན་ཁྲི་པས་སྤྱི་ནང་གི་ཚོགས་འདུ་ཁག་དང་མི་མང་འཛོམས་སར་གསུང་བཤད་གནང་དགོས་པས། ཁོང་གི་གསུང་སྐད་དེ་ཧ་ཅང་འགག་ཡོད་སྟབས་གསུང་བཤད་གནང་རྒྱུ་ལ་དཀའ་ལས་ཁག་པོ་འདུག དེར་བརྟེན་བཀའ་བློན་ཁྲི་ལས་དོན་ནང་ནས་གལ་ཆེ་ཤོས་གཅིག་གསུང་བཤད་གནང་རྒྱུ་དེ་ཡིན་པས་ཁོང་ལ་གསུང་སྐད་འགག་པ་དེས་སྐུ་ངལ་ཆེན་པོ་བཟོས་འདུག་པ་མ་གཏོགས། གཞན་མ་འོས་པ་གཅིག་ཀྱང་མི་འདུག གང་ལྟར་ཁོང་ལ་འོས་ཤིང་འཚམས་པ་དེ་བདེ་སྲུང་བཀའ་བློན་རང་རེད། དེའི་སྐོར་གྱི་ཉམས་མྱོང་ཡོད་པ། དྲང་ཚུགས་ལྡན་ཞིང་མི་གཞི་བཟང་བ། བློ་གཏད་ཆོག་པའི་ཕོ་ཁྱོ་ག་ཞིག་ཡིན་པས། བཀའ་བློན་ཁྲི་པ་སུ་སླེབས་ཀྱང་ཁོང་བསྐྱར་དུ་བདེ་སྲུང་བཀའ་བློན་ལ་མ་བསྐོས་ན་མི་དེ་མ་རབས་ཐ་ཤལ་ཞིག་ཡིན་པ་ར་སྤྲོད་བྱས་པ་རེད།
བསོད་ནམས་ཚེ་རིང་ལགས་སོགས་ཁོང་བཀའ་ཁྲིའི་འོས་གཞིར་འདོན་མཁན་རྣམས་ལ་བསྔགས་བརྗོད་ཡོད། མི་ཡག་པོ་དེ་ཚོ་སེམས་ཤུགས་མ་ཆགས་པ་བྱེད་དགོས་པ་ང་ཚོའི་ལས་འགན་རེད།

མ་གཞི་ཁོང་ལ་དངོས་གནས་ཞུ་རྒྱུ་གང་ཡང་མེད། མི་ཚད་ལྡན་དང་དྲང་པོ། ཁ་ཞེ་གཉིས་མེད་འདྲ་ཞིག་རེད། འོན་ཀྱང་བཀའ་ཁྲིར་དེ་ཙམ་མཚུངས་པོ་མི་འདུག བཀའ་ཁྲི་ཞེས་པ་དེ་ལྷག་བསམ་ཡོད་པ་མ་ཟད། དེའི་སྒང་ལ་མཚམས་རེ་བྱུས་འདིང་མཁས་པོ་དགོས་རྒྱུ་གལ་ཆེན་པོ་རེད།
བཀའ་ཁྲི་ལྷ་སྐུ་ནང་བཞིན་བཤམས་འཇོག་རྒྱུ་ནི་མ་རེད། ཏོག་ཙམ་འཁྲབ་རྒྱུ་མེད་ན་ཆབ་སྲིད་ཀྱི་དབུ་ཁྲིད་གནང་རྒྱུ་ཁག་ཙམ་རེད་ད།