རྡོ་རྗེ་དབང་རྒྱལ། ༼བོད་འབྱོར་རྩོམ་ཡིག༽
གཉིས་པ། བོད་བཙན་བྱོལ་སྤྱི་ཚོགས་ཀྱི་འཕྲོད་བསྟེན་ཡར་རྒྱས་གཏོང་རྒྱུ།
འཕྲོད་བསྟེན་ལེགས་པོ་མེད་པའི་སྤྱི་ཚོགས་ཞིག་གིས་སྤྱི་ཚོགས་དེ་འཛུགས་སྐྲུན་དང་ཡར་རྒྱས་གོང་འཕེལ་དུ་གཏོང་པའི་འཕྲལ་ཕུགས་གཉིས་ཀྱི་དམིགས་ཡུལ་བསྒྲུབ་མི་ཐུབ། དཔེར་ན། ནད་གཅོང་ཅན་གྱི་གང་ཟག་ཞིག་གིས་ཡིད་ལ་དམིགས་འདུན་ཅི་འདྲ་ཆེན་པོ་བཅིངས་ན་ཡང་གཟུགས་གཞི་བདེ་ཐང་མེད་པའི་དབང་གིས་དམིགས་འདུན་དེ་དག་མངོན་འགྱུར་བྱེད་མི་ཐུབ་པ་ལྟར་རོ། དེའི་དབང་གིས་བཙན་བྱོལ་བོད་གཞུང་གིས་ངེས་པར་དུ་བཙན་བྱོལ་སྤྱི་ཚོགས་ཀྱི་འཕྲོད་བསྟེན་ཡར་རྒྱས་སུ་གཏོང་རྒྱུ་དེ། ཉིན་རེའི་ལས་རིམ་ཁྲོད་བཅུག་ཏེ་ངེས་པར་དུ་ཐབས་བརྒྱ་ཇུས་སྟོང་གིས་བཙན་བྱོལ་བོད་མིའི་སྤྱི་ཚོགས་བདེ་ཐང་ཅན་དུ་འགྱུར་བར་འབད་བརྩོན་བྱེད་དགོས།
དེའི་ཆེད་གཤམས་གསལ་གྱི་ལས་གཞི་སྒྲུབ་དགོས།
ཀ འཕྲོད་བསྟེན་ལས་གཞི།
༡ བཙན་བྱོལ་བོད་གཞུང་འཕྲོད་བསྟེན་ལས་ཁུངས་ཀྱིས་བཙན་བྱོལ་བོད་མིའི་སྤྱི་ ཚོགས་ཁྲོད་ཀྱི་འཕྲོད་བསྟེན་ལས་བྱེད་མི་སྣར་འཕྲོད་བསྟེན་ཐད་ཀྱི་ཟབ་སྦྱོང་སྤྲོད་རྒྱུ། ཟབ་སྦྱོང་དེ་ཚོ་ཡང་ཞིབ་ཕྲ་ཡིན་དགོས་པ་(Specific)གྲུབ་འབྲས་རྣམས་གྲངས་ཚད་ཡོད་ པ།(Measurable)སྒྲུབ་ཐུབ་པ།(Achievable)དངོས་ཡོད་གནས་ཚུལ་དང་མཐུན་པ།( Realistic)དུས་ཡུན་གྱ ི་ཚད་ཡོད་པའི།(Timely)སྒོ་ནས་ལག་བསྟར་བྱེད་དགོས།
༢ བཙན་ བྱོལ་བོད་གཞུང་འ ཕྲོད་བ སྟེན་ལས་ཁུངས་ ཀྱིས་བཙན་ བྱོལ་བོད་མིའི་ སྤྱི་ཚོགས་ནང་དར་ ཁྱབ་ཆེ་བའི་ནད་ཡམས་ཀྱི་རིགསT.Bལྟབུ་ལ་སོགས་པར་ནད་བཅོས་ ཆེད་དམིགས་གསལ་ གྱིས་ སྨན་བཅོས་རུ་ཁག་བཙུགས་ནས་ སྨན་བཅོས་བྱེད་ རྒྱུ།
༣ བཙན་བྱོལ་བོད་གཞུང་འཕྲོད་བསྟེན་ལས་ཁུངས་ཀྱིས་ཆེད་དམིགས་རེག་དུག་ གི་ན་ཚ་ལ་སོགས་འགོས་ནད་རིགས་སྔོན་འགོག་གི་སྨན་བཅོས་རུ་ཁག་བཙུགས་ནས་འགོས་ ནད་རིགས་ཀྱི་ན་ཚ་ཁྱབ་བསྒྲགས་ཀྱིས་སྔོན་འགོག་དང་སྨན་བཅོས་ཀྱི་ནུས་པ་འདོན་རྒྱུ།
ཁ། འཕྲོད་བསྟེན་ལས་རིགས་ཀྱི་ཕུལ་བྱུང་བྱ་དགའ། དེ་ཡང་བཙན་བྱོལ་བོད་གཞུང་གིས་བོད་བཙན་བྱོལ་སྤྱི་ཚོགས་འཕྲོད་བསྟེན་ལས་རིགས་ཡོངས་ལ་ཁྱབ་པའི་བོད་རྒྱལ་ཡོངས་འཕྲོད་བསྟེན་ཕུལ་བྱུང་བྱ་དགའ་གཏན་འབེབས་བྱས་ཏེ། བྱ་དགའ་དེ་ཉིད་ལོ་རེའི་ཕྱི་ཟླ་༩་པའི་ཚེས་༢་ཉིན་བོད་ཀྱི་དམངས་གཙོའི་དུས་ཆེན་ཐོག། ༧གོང་ས་རྒྱལ་བ་རིན་པོ་ཆེ་མཆོག་དབུ་བཞུགས་ཀྱིས།འཕྲོད་བསྟེན་ལས་དོན་ཐད་ཕུལ་དུ་ བྱུང་བའི་བྱས་རྗེས་འཇོག་མཁན་དེ། འཕྲོད་བསྟེན་མི་སྣ་དང་ཚོགས་པ། སྡེ་ཚན། བོད་མི་སྤྱི་ཡོངས་ཀྱི་འཕྲོད་བསྟེན་ཡར་རྒྱས་དང་བྱེ་བྲག་གི་ནད་རིགས་ལ་བཅོས་ཐབས་ གསར་བ་དང་ཕན་ནུས་ཅན་གྱི་སྨན་རིགས་གསར་གཏོད་བྱེད་མཁན།
བྱས་རྗེས་ དང་གྲུབ་འབྲས་རླབས་ཆེན་འཇོག་མཁན་གྱི་འཕྲོད་བསྟེན་འཛིན་སྐྱོང་དོ་དམ་པ་བཅས་ལ་བྱ་དགའ་སྤྲོད་རྒྱུ།
མུ་འགོད།
རྩོམ་ཡིག་འདི་ཚོ་ཆར་བ་དུས་ཐོག་ལྟ་བུ་རེད། ད་སྐབས་མང་པོ་ཞིག་བཀའ་ཁྲི་དང་སྤྱི་འཐུས་ལ་ལངས་བཞིན་པའི་དུས་རེད། ལངས་ན་ཡང་གསར་པ་ཞིག་བཤད་རྒྱུ་མ་རག་པ་དང་། ཅུ་བྱེད་མ་ཤེས་པར་ཡོད་པའི་སྐབས་ཤིག་ལ་ཁྱེད་ཀྱིས་རང་དབང་བརྩོན་ལེན་གྱི་འཐབ་བྱུས་ཤིག་ཞིབ་ཚགས་པོའི་སྒོ་ནས་བཤད་ཀྱིན་པ་འདི་དག་ནི་ཁོང་ཚོར་ཕན་ཐོགས་ཆེན་པོ་ཡོང་གི་རེད།
ཁོང་ཚོ་ལྐུག་དྲགས་པ་མིན་ན་འཆར་གཞི་གསར་པ་འདི་ཚོ་ཧབ་ཐོབ་བརྒྱབ་ནས་བཤད་དགོས་པ་རེད།
ཐུགས་རྗེ་ཆེ།
སེམས་ལ་གནག་ནས་བསམ་ཚུལ་སྤེལ་བར་སྙིང་ནས་ཐུགས་རྗེ་ཆེ་ཞུ་འདོད་བྱུང་། འོན་ཀྱང་། མི་རིགས་ལས་དོན་འཐབ་རྩོད་པ་ཞིག་ལ་ཆ་མཚོན་ན་རྒྱུན་གྱི་ཆར་ཕྱོགས་ཡོངས་ནས་རང་ཉིད་ལ་ཚང་རྩིས་དང་ཞི་བརྡར་བྱེད་དགོས་རྒྱུ་ནི་གལ་ཆེ་སྟེ། གོང་སྨྲས་དབྱིན་ཡིག་གི་བརྡ་ཆད་འདི་དག་གིས་ཀྱང་ཉམ་ཆག་དང་བཙན་འཛུལ་གྱི་ངོ་བོ་སྦམ་མཐོ་བ་ཞིག་བཟུང་ཡོད་པ་ཤེས་དགོས། དེ་ཕྱིར་བརྡ་ཆད་འདི་དག་བོད་བསྒྱུར་བྱ་རྒྱུ་གལ། ཕྱོགས་གཅིག་གླེང་ཞོར་ཕྱོགས་གཅིག་དོར་ན། དེ་ནི་དྲེད་མོ་ཡིས་ཕྱི་བ་བཟུང་བའི་དཔེ་རུ་འགྱུར་ངེས།