ཟླ་འདིའི་ཚེས་ ༢༩ ཉིན་གྱི་ཧི་མ་ལ་ཡའི་མེ་ལོང་ཞེས་པའི་བལ་སྐད་ཚགས་པར་དང་ Telegraph ཞེས་པའི་དབྱིན་སྐད་ཚགས་པར་གཉིས་ཀྱི་ཐོག་གནས་ཚུལ་ཐོན་གསལ་ལྟར་ན། རྡོར་གླིང་ས་གནས་བོད་མིའི་གཞོན་ནུ་ཚོགས་གཙོ་ཉི་མ་རྡོ་རྗེ་དང་ཁོང་གི་ཕ་རྒན་གཉིས་ལ་བོད་མི་ཁག་ཅིག་གིས་གྲི་བརྒྱབ་སྟེ་རྨས་སྐྱོན་ཚབས་ཆེན་བཟོས་ཡོད་སྐོར་གྱི་གནས་ཚུལ་ཞིག་ཚགས་པར་དེ་གཉིས་ནས་ཕྱི་ལ་ཁྱབ་པའི་ངོ་བཤུས་ཇི་བཞིན་ཟུར་གསལ་དང༌། གནས་ཚུལ་འདི་བཞིན་གོང་གསལ་ཚགས་པར་གཉིས་ནས་ཤེས་རྗེས། ལམ་སང་གནས་ཚུལ་ཞིབ་རྟོགས་སླད་བོད་པའི་བརྒྱུད་ལམ་ཁག་ཅིག་ལ་བལྟས་ཀྱང་བོད་པའི་བརྒྱུད་ལམ་ཁག་ཏུ་དེ་སྐོར་གྱི་གནས་ཚུལ་གང་ཡང་ཐོན་མི་འདུག འབྲེལ་ཡོད་བརྒྱུད་གནས་ཚུལ་ཤེས་རྟོགས་ལྟར་ན། གྲིས་རྨས་ཀྱི་དོན་རྐྱེན་འདི་བྱུང་ཡུལ་བོད་མི་ཡིན་པ་ཙམ་དུ་མ་ཟད། རྡོར་གླིང་བོད་མིའི་ས་གནས་གཞོན་ནུ་ནང་ཁུལ་དུ་བྱུང་བ་ཞིག་ཡིན་པ་ཡང་དངོས་འབྲེལ་རེད་འདུག
ངས་འདིར་ཤོད་འདོད་པའི་སྙིང་བོ་ནི། ད་རེས་ཀྱི་རྩོད་རྙོག་འདི་སུའི་ཕྱོགས་ནས་ལན་པ་དང་ཇི་ལྟར་བྱུང་མིན་སོགས་ཀྱི་རྒྱབ་ལྗོངས་སྔོག་ཅིང་རྩ་བ་འདེད་རྒྱུ་དེ་མིན་པར། གྲི་ཁྱེར་ནས་བོད་མི་ནང་ཁུལ་ལ་འཁོན་པའི་བསམ་བློ་དང༌། གནས་ཚུལ་འདི་ལམ་སང་བོད་མི་ནང་ཁུལ་ནས་མ་བཟླུམས་པར་ཕྱི་ལ་གྱར་ཏེ་བོད་མིའི་སྤྱིའི་གཟུགས་བརྙན་ལ་གྲིབ་ནག་ཕོག་བཅུག་པ་ནི་ཧ་ཅང་གི་རྫབ་ཆེན་ཞིག་རེད་སྙམ་གྱི་ཡོད།
འདས་པའི་ལོ་རབས་བརྒྱད་ཅུའི་ནང་བོད་མིའི་དབུ་ཁྲིད་ྋགོང་ས་མཆོག་ལ་ནོ་སྦེལ་ཞི་བདེའི་གཟེངས་རྟགས་རེག་པ་དང་དུས་མཚུངས་སུ། བོད་མིའི་གཟུགས་བརྙན་ཡང་ྋགོང་ས་མཆོག་གི་མཛད་པ་འཕྲིན་ལས་དང་བསྡོངས་ནས་འཛམ་གླིང་འདིའི་སྟེང་ལ་གོམ་པ་རྒྱག་མགོ་ཚུགས། བོད་མི་རིགས་ལ་མཚོན་ན་རང་ཉིད་ལ་ངོམ་རྒྱུ་ཞིག་ཡོད་པ་ནི་བོད་བརྒྱུད་ནང་བསྟན་དང༌། དེས་བསླད་པའི་ཡ་རབས་བཟང་སྤྱོད་ཀྱི་གཤིས་རྒྱུད་ཅིག་ཁྱེར་ནས་ད་བར་འཛམ་གླིང་འདིའི་སྟེང་ལ་ངོ་གདོང་སྟོན་ཐབས་བྱེད་ཀྱིན་ཡོད་ཀྱང༌། ད་ཆ་བོད་མིའི་ངོ་གདོང་དེར་ཡང་ཟ་ཟུར་མང་པོ་ཞིག་ནས་འདི་ལྟར་གྲིབ་ནག་འགོས་བཞིན་པ་ནི་ཆེས་ཉེན་ཚབས་ཀྱི་རང་བཞིན་ཞིག་རེད།
ད་རེས་ཀྱི་དོན་རྐྱེན་འདིའི་ཁྲོད་ཡིད་སྐྱོ་གཞི་ཞིག་ནི་གནས་ཚུལ་འདི་ཕྱོགས་གཉིས་ནས་ཛ་དྲག་གི་ངོ་བོར་འཕེལ་མི་འཇུག་རྒྱུར་འབད་བརྩོན་མ་བྱས་པ་དང༌། གནས་ཚུལ་ཧ་ཅང་ཛ་དྲག་ཆགས་རྗེས་ས་གནས་བོད་མིའི་བདེ་དོན་གཙོས་ཚོགས་སྐྱིད་ཁག་ལ་སྙན་གསན་མ་ཞུས་པའམ། ཞུས་ཀྱང་འཕྲལ་དུ་མ་ཕེབས་པ་གང་ལྟར་རྩོད་རྙོག་འདི་བོད་མིའི་ནང་ཁུལ་དུ་ཞི་འཇགས་མ་ཐུབ་པར་ཕྱི་ལ་གྱར་པ་དེ་ནི་སྐབས་འདིའི་འཐུས་ཤོར་དང་ནོར་འཁྲུལ་གྱི་གཞི་རྩ་ཞིག་རེད།
ཕྱོགས་གཞན་ནས་བཤད་ན་དེ་སྔ་བོད་མིའི་སྤྱི་ཚོགས་ནང་མིང་དོན་མཚུངས་པའི་གཞོན་ནུ་ཚོགས་པ་དེ། བར་སྐབས་ཤིག་ནས་ནང་ཁུལ་གླེང་རྙོག་འདྲ་མིན་ལ་བརྟེན་བོད་མིའི་སྤྱི་ཚོགས་ནང་མཐོང་ཚུལ་ཡོང་གཞིར་ཡང་ཁ་སྣོན་བཏང་པ་ལྟ་བུ་ཞིག་ཡིན་སྟབས། དབུས་གཞོན་ནུ་ཚོགས་པས་ས་གནས་ཁག་སོ་སོར་ཏག་ཏག་རྒྱུས་ལོན་དང་སྟངས་འཛིན་ཐུབ་ཀྱིན་མེད་པའི་མངོན་མཚན་ཞིག་ཀྱང་ཡིན་པར་འདོད།
བོད་མིའི་ནང་ཁུལ་གྲི་འཛིང་གི་དོན་རྐྱེན་ནི་ད་རེས་ཙམ་ཞིག་མིན་པར་འདས་པའི་ཟླ་ངོ་ཁ་ཤས་གོང་དུ་ཡང་རྒྱ་གར་གྱི་རྒྱལ་ས་ལྡི་ལིར་ཐེངས་གཉིས་ལ་བྱུང་ཞིང༌། དེའི་ཁྲོད་བོད་མི་རེ་རེ་འདས་གྲོངས་སུ་གྱུར་པའི་གནས་ཚུལ་ཡོངས་ཁྱབ་དང༌། བྱུང་རབས་འདི་དག་གིས་བོད་མིའི་ཁྱད་ཆོས་གཅིག་པོ་སྟེ་ཡ་རབས་བཟང་སྤྱོད་ཀྱི་ཚད་གཞི་དེ་དམའ་རུ་འགྲོ་བཞིན་པའི་བརྡ་རྟགས་གསལ་བོ་ཞིག་སྟོན་བཞིན་མེད་དམ།
བཀུར་འོས་ཁང་གསར་རྡོ་རྗེ་ལགས།
ཁྱེད་ཀྱིས་ང་ལ་དགག་ལན་མ་བྲིས་པར་འཁང་ར་གང་ཡང་བྱེན་ཀྱིན་མེད། སྐབས་དེར་སེམས་ཁྲལ་ཆེ་ཤོས་དེ་སྐྱེ་རྒུ་མདོའི་ས་ཡོམ་གོད་ཆག་དང་ཁྱེད་ཀྱི་ལག་པར་རྨས་སྐྱོན་ཐེབས་པ་གཉིས་ལ་བྱུང༌། བར་ལམ་ནས་ཁྱེད་ཀྱི་རྩོམ་ཡིག་རེ་འགའ་མཇལ་རྒྱུ་བྱུང་བས་ཧ་ཅང་དགའ་ཡོད། དྲང་མོར་ཞུ་ན་ཁྱེད་ཀྱི་རྩོམ་ཡིག་ཁག་མཇལ་དུས་མཆན་རེ་འཇོག་འདོད་ཆེ་མོད། ང་ནི་ས་ཆ་ཁུག་ཀྱོག་ཅིག་ཏུ་ཡོད་སྟབས་དྲ་རྒྱའི་མཐུན་རྐྱེན་དང༌། དེ་བཞིན་གཅིག་གྱུར་གྱི་ཡིག་གཟུགས་གཏགས་རྒྱུར་སྟབས་བདེ་མེད། དེར་བརྟེན་མཆན་འཇོག་གི་མེད་ལ་གལ་སྲིད་འཇོག་དགོས་བྱུང་བ་དང༌། རྩོམ་ཡིག་རེ་བྲིས་ཚེ་གྲོགས་དགེ་བརྩོན་ལ་བསྐུར་ཞིང་ཁོས་བོད་ཀྱི་དུས་བབ་དྲ་བར་ཕུལ་བཞིན་ཡོད།
ཞོར་ལ་ཞུ་འདོད་པ་ཞིག་ནི་སྤྱི་ལོའི་བརྒྱ་ཕྲག་ཉིས་བརྒྱའི་ནང་རྒྱ་ནག་གི་རྒྱལ་ཁབ་གསུམ་གྱི་དུས་ཧྲིའུ་རྒྱལ་ཁབ་ཏུ་ཇུས་འདོན་བློན་ཆེན་ཀྲུའུ་ཀའོ་ལེང་ཞེས་པ་ཞིག་བྱུང་འདུག དེ་སྐོར་རགས་རིམ་ཞིག་རང་རེའི་སྐད་ཡིག་གི་ཁྲོད་ཚེ་ཏན་ཞབས་དྲུང་གི་བསྟན་རྩིས་དང་དུང་དཀར་ཚིག་མཛོད། དེ་བཞིན་དུང་དཀར་གྱི་དེབ་དམར་མཆན་སོགས་ནའང་ཐོར་རེ་བ་ཞིག་མཆིས། ངའི་སེམས་ངོགས་ཀྱི་ངོས་གཅིག་ཏུ་བློན་ཆེན་དེ་དང༌། ཁྱེད་ཀྱིས་རང་རེའི་མི་རིགས་འདིའི་ལས་དབང་ཐད་བསམ་ཤེས་བྱེད་བཞིན་པ་གཉིས་ལ་གདེང་འཇོག་ཆེན་པོ་ཡོད། མཐར་སྐུ་ལུས་བདེ་ཞིང་བསམ་དོན་འགྲུབ་པར་སྨོན། རྡོར་རིན་གྱིས།
བཀུར་འོས་ཁང་གསར་རྡོ་རྗེ་ལགས།
ཁྱེད་ཀྱིས་ང་ལ་དགག་ལན་མ་བྲིས་པར་འཁང་ར་གང་ཡང་བྱེན་ཀྱིན་མེད། སྐབས་དེར་སེམས་ཁྲལ་ཆེ་ཤོས་དེ་སྐྱེ་རྒུ་མདོའི་ས་ཡོམ་གོད་ཆག་དང་ཁྱེད་ཀྱི་ལག་པར་རྨས་སྐྱོན་ཐེབས་པ་གཉིས་ལ་བྱུང༌། བར་ལམ་ནས་ཁྱེད་ཀྱི་རྩོམ་ཡིག་རེ་འགའ་མཇལ་རྒྱུ་བྱུང་བས་ཧ་ཅང་དགའ་ཡོད། དྲང་མོར་ཞུ་ན་ཁྱེད་ཀྱི་རྩོམ་ཡིག་ཁག་མཇལ་དུས་མཆན་རེ་འཇོག་འདོད་ཆེ་མོད། ང་ནི་ས་ཆ་ཁུག་ཀྱོག་ཅིག་ཏུ་ཡོད་སྟབས་དྲ་རྒྱའི་མཐུན་རྐྱེན་དང༌། དེ་བཞིན་གཅིག་གྱུར་གྱི་ཡིག་གཟུགས་གཏགས་རྒྱུར་སྟབས་བདེ་མེད། དེར་བརྟེན་མཆན་འཇོག་གི་མེད་ལ་གལ་སྲིད་འཇོག་དགོས་བྱུང་བ་དང༌། རྩོམ་ཡིག་རེ་བྲིས་ཚེ་གྲོགས་དགེ་བརྩོན་ལ་བསྐུར་ཞིང་ཁོས་བོད་ཀྱི་དུས་བབ་དྲ་བར་ཕུལ་བཞིན་ཡོད།
ཞོར་ལ་ཞུ་འདོད་པ་ཞིག་ནི་སྤྱི་ལོའི་བརྒྱ་ཕྲག་ཉིས་བརྒྱའི་ནང་རྒྱ་ནག་གི་རྒྱལ་ཁབ་གསུམ་གྱི་དུས་ཧྲིའུ་རྒྱལ་ཁབ་ཏུ་ཇུས་འདོན་བློན་ཆེན་ཀྲུའུ་ཀའོ་ལེང་ཞེས་པ་ཞིག་བྱུང་འདུག དེ་སྐོར་རགས་རིམ་ཞིག་རང་རེའི་སྐད་ཡིག་གི་ཁྲོད་ཚེ་ཏན་ཞབས་དྲུང་གི་བསྟན་རྩིས་དང་དུང་དཀར་ཚིག་མཛོད། དེ་བཞིན་དུང་དཀར་གྱི་དེབ་དམར་མཆན་སོགས་ནའང་ཐོར་རེ་བ་ཞིག་མཆིས། ངའི་སེམས་ངོགས་ཀྱི་ངོས་གཅིག་ཏུ་བློན་ཆེན་དེ་དང༌། ཁྱེད་ཀྱིས་རང་རེའི་མི་རིགས་འདིའི་ལས་དབང་ཐད་བསམ་ཤེས་བྱེད་བཞིན་པ་གཉིས་ལ་གདེང་འཇོག་ཆེན་པོ་ཡོད། མཐར་སྐུ་ལུས་བདེ་ཞིང་བསམ་དོན་འགྲུབ་པར་སྨོན། རྡོར་རིན་གྱིས།
བཀུར་འོས་རྡོ་རྗེ་རིན་ཆེན་ལགས། ཁྱེད་རང་གི་རྩོམ་འདི་མཐོང་བ་དང་། དེ་སྔོན་ཕྲན་གྱིས་སྐུ་ཉིད་ལ་དགག་ལན་ཞིག་འབྲི་རྒྱུའི་ཁས་ལེན་བྱས་པ་དེ་དྲན་སོས་བྱུང་། སྐབས་དེར་སྐྱེ་དགུ་མདོའི་ས་ཡོམ་གྱི་གནས་ཚུལ་དེ་ཚོ་ཐོན་སྟབས་བྲིས་མེད། ད་ནི་ཡུན་རིང་སོང་སྟབས། བྲིས་ན་ཁྱད་མཚར་ཞིག་ཆགས་ཀི་འདུག ངས་ཁས་བླངས་པ་དེ་མ་སྒྲུབ་པར་དགོངས་སེལ་ཞུ་བ་ཡིན། ཁང་རྡོར་གྱིས།
དཔའ་དང་བློ་ཁོག་ཡོད་ན་ལ་ཕར་ནང་ལ་དགྲ་བོ་ཡོད་པས་སྙིང་ཚིམས་པ་ཞིག་འཛིངས་དང་། ནང་རྨེ་ལ་བཞོལ་བའི་མི་ངན་དེ་རྣམས་ལག་པ་ལྩགས་སྒྲོགས་བཅིངས་ཏེ་ས་དོང་ནང་གསོན་སྦས་རྒྱག་དགོས། ཁྱི་སྤྱང་ཡིན་ཀྱང་རིགས་མཐུན་མཉམ་རུབ་ཀྱིས་དགྲ་བོར་གདོང་ལེན་ཁ་སྡེབས་བྱ་བ་ལས་ནང་རྨེ་གང་ལ་བྱེད་དེ་དག་ནི་ཁྱི་སྤྱང་ལོད་པའི་མི་ངན་དེ་ཚོའི་རྒྱུན་མྱུར་དུ་ཆད་པར་ཤོག་ཞེས་སྨོན་ལམ་འདེབས་བཞིན་ཡོད།
རེག ནི། ཡུལ་གཉིས་ཕན་ཚུན་རེག་པ་སྟེ་འཕྲད་པའི་དོན་ལ་གོ་དགོས།
རག ནི། རང་ལ་མཁོ་བའི་དངོས་པོ་དེ་རང་ལག་ཐོག་ཏུ་རག་པའམ་ཐོབ་པའི་དོན་འཇུག་པས། དེ་གཉིས་སོ་སོར་དབྱེ་ནས་བྲིས་ན། ཞེས་ཐེངས་གཉིས་པའི་ཚུལ་དུ་འབོད་བསྐུལ་ཞུ།
རྡོ་རྗེ་རིན་ཆེན་ལགས་ཀྱིས་དངོས་གནས་མཐོང་ན་ཤ་འདར་བའི་གནས་ཚུལ་ཞིག་མཁོ་སྤྲོད་བྱས་འདུག འདི་འདྲའི་བྱ་སྤྱོད་ངན་པ་ནི་རྡ་སར་ནམ་རྒྱུན་བྱུང་གི་ཡོད། ཉིན་གཉིས་ཀྱི་གོང་ལ་ཡང་རྡ་སར་གྲི་རྩེད་ཅིག་བྱུང་མྱོང་བ་དང་། བོད་པ་གང་དུ་ཡོད་ན་དེར་གྲི་རྩེད་ཀྱི་སྐྱོ་གར་ཞིག་ཡོད་ཡོད་འདྲ་ཞིག་རེད།
ཁྱེད་ཀྱིས་བཤད་པ་བཞིན་འདི་འདྲའི་ཞབས་འདྲེན་ཁ་ཤས་ཤིག་གིས་བོད་ཀྱི་ངོ་གདོང་ལ་གྲིབ་ནག་བྱུགས་ཀྱི་ཡོད། གཞོན་ནུའི་ནང་ཁུལ་དུ་དེ་འདྲ་བྱུང་བར་བློ་ཕམ་ཚད་མེད་ཡོད། དེ་ལྟར་བྱས་པས་བོད་མི་མང་ལ་ཁ་གསོས་རྒྱུ་དང་ནམ་ལངས་རྒྱུ་མེད་སོང་བ་རེད། འདི་ལ་ཁ་བརྡུང་གཏོང་དགོས་པ་རེད།