བོད་མིའི་གཏན་སློབ་དགེ་རྒན་གཉིས་ལ་ཕྱི་ལོ་ ༢༠༠༩ ལོའི་རྒྱ་གར་རྒྱལ་ཡོངས་ཀྱི་ཆེ་བསྟོད་གཟེངས་རྟགས་འབུལ་གཏན་འཁེལ་འདུག
དེ་རིང་བོད་གཞུང་དྲ་རྒྱས་གནས་ཚུལ་སྤེལ་བ་ལྟར་ན། སང་ཉིན་ཏེ་རྒྱ་གར་སྲིད་འཛིན་ལྕམ་སྐུ་པར་ཏི་བྷ་པ་ཊེལ་མཆོག་གི་དགེ་རྒན་ཉིན་མོ་དང་སྟབས་བསྟུན། བོད་མིའི་གཏན་སློབ་དགེ་རྒན་གཉིས་ལ་ཕྱི་ལོ་ ༢༠༠༩ ལོའི་རྒྱ་གར་རྒྱལ་ཡོངས་ཀྱི་ཆེ་བསྟོད་གཟེངས་རྟགས་འབུལ་གཏན་འཁེལ་འདུག
ཐེངས་འདིའི་གཟེངས་རྟགས་འབུལ་ཡུལ་གྱི་དགེ་རྒན་གཉིས་ནི། ཨོ་རི་ས་ཕུན་ཚོགས་གླིང་གཏན་སློབ་ཀྱི་གཞི་རིམ་འོག་མའི་སློབ་དགེ་སྐུ་ཞབས་འཆི་མེད་གཡུང་དྲུང་ལགས་དང་། མ་སུ་རི་གཏན་སློབ་གཞི་རིམ་གོང་མའི་ཚོང་ལས་སློབ་དགེ་སྐུ་ཞབས་(Mr. Brij Mohan Aggarwal) ལགས་གཉིས་ཡིན་ལ། དགེ་རྒན་གྱི་ཉིན་མོར་རྒྱ་གར་སྲིད་འཛིན་མཆོག་གིས་ཕྱག་ཁྱེར་དང་དངུལ་སྒོར་༢༥༠༠ དེ་བཞིན་དངུལ་གྱི་རྟགས་མ་བཅས་གནང་རྒྱུ་ཡིན་པ་དང་། སྐབས་དེར་རྒྱ་གར་རྒྱལ་ཡོངས་ཀྱི་སློབ་གྲྭ་ཁག་འདྲ་མིན་ནས་དགེ་རྒན་ ༣༧༤ཙམ་ལ་ཆེ་བསྟོད་ཀྱི་གཟེངས་རྟགས་གནང་རྒྱུ་ཡིན་འདུག
རྒྱ་གར་རྒྱལ་ཡོངས་དགེ་རྒན་གཟེངས་རྟགས་ཚོགས་ཆུང་ནི་ཕྱི་ལོ་ ༡༩༥༨ལོར་བཙུགས་པ་དང།ལོ་ལྟར་གཞི་རིམ་འོག་མ་དང་བར་མ། གོང་མ་བཅས་ཀྱི་སློབ་གྲྭ་ཁག་གི་ནང་རང་འཁྲིའི་ལས་འགན་ལ་ཧུར་བརྩོན་གནང་བའི་སློབ་དགེ་ཚོར་རྒྱ་གར་དབུས་གཞུང་ནས་ངོས་བཞེས་ཐོགཆེ་བསྟོད་གཟེངས་རྟགས་འབུལ་བཞིན་ཡོད་འདུག
གསར་འགོད་པ། ཨ་རིག་འགྱུར་མེད།
བཀྲ་ཤིས་བདེ་ལེགས་ཞུ།
ཡིད་རང་ཞུ་དངོས་ནས་སྐུ་ལས་རྐྱོན་བའི་འབྲས་བུ་རེད་
བཀྲ་ཤིས་བདེ་ལེགས་ཞུ།།
རྒན་ལགས་རྣམ་གཉིས་ཀྱིས་མིག་དཔེ་འོས་པའི་བྱ་བཞག་ལ་ཡི་རང་དང་བསྔགས་བརྗོད་ཡོད།
རྗེས་སུ་ཡི་རངས་ཡོད། གཞི་རིམ་དགེ་རྒན་ལ་གང་ཡག་གང་དགའ་ཡོད་ན་ཕན་ཐོགས་འདུག
ཧ་ཧ་མཐའ་མཚམས་ཀྱི་ཕོ་ཉ་རང་རེད། མཐའ་མཚམས་ཀྱི་ཡི་གེ་རང་བླུགས་འདུག་ག
དརྒེན་རྣམ་པ་གཉིས་ལ་བཀྲ་ཤིས་བདེ་ལེགས་ཞུ།
ད་དུང་མུ་མཐུད་དེ་བོད་རིགས་དརྒེན་རྣམ་པས་གཉིས་ལས་གྲངས་ཡར་སྤར་ཐབས་ལ་བརྩོན་དགོས་སོ།
རྟེན་འབྲེལ་ཞུའོ།།