༸གོང་ས་མཆོག་ལ་དྭགས་ཆུ་ལོག་གནོད་ཐེབས་ས་ཁུལ་དུ་ཆིབས་སྒྱུར་གྱིས་གནོད་འཚེ་ཁྲོད་རྐྱེན་འདས་སུ་སོང་བ་རྣམས་ལ་བསྔོ་སྨོན་དང་ཤུལ་ལུས་རྣམས་ལ་ཐུགས་གསོའི་གསུང་བཤད་གནང་རྒྱུ་རེད།
ཟླ་འདིའི་ཕྱི་ཚེས་ ༨ ཉིན་ནས་མགོ་འཛུགས་ཀྱིས་ཉིན་གྲངས་གསུམ་རིང་༸གོང་ས་མཆོག་གིས་བཞུགས་སྒར་དུ་སེང་གྷ་ཕོར་དང་མ་ལི་ཤི་ཡ། ཧོང་ཀོང་བཅས་ནས་ཕེབས་པའི་རྒྱ་རིགས་ཆོས་ཞུ་བ་གཙོས་ཀོ་རི་ཡ་དང་ཉི་ཧོང། ཝེ་ཐི་ནམ་བཅས་འཛམ་གླིང་ཡུལ་གྲུ་ཁག་གི་ཆོས་ཞུ་བ་དང་བཞུགས་སྒར་སེར་སྐྱ་མི་མང་བཅས་ལ་ཤེས་རབ་སྙིང་པོ་དང་རྒྱལ་སྲས་ལག་ལེན་སོ་བདུན་མའི་འཆད་འཁྲིད་གནང་བ་དང་འབྲེལ། བཞུགས་སྒར་དུ་སྐོང་ཚོགས་གནང་ཡོད་པའི་རྒྱལ་སྤྱིའི་བོད་མིའི་ཁྱད་ལས་པ་ ༨༠ ལྷག་ལ་དམིགས་བསལ་གྱི་མཇལ་འཕྲད་གནང་ཡོད། ཐེངས་འདིིའི་བཞུགས་སྒར་གྱི་མཛད་འཕྲིན་ཡོངས་སུ་གྲུབ་སྟེ་ཕྱི་ཚེས་ ༡༣ ཉིན་གྱི་སྔ་དྲོ་བཞུགས་སྒར་ནས་ཆིབས་ཐོན་གྱིས་ལ་དྭགས་ཀྱི་རྒྱལ་ས་སླེ་རུ་ཆིབས་སྒྱུར་བསྐྱང་འཆར་ཡོད་པ་དང་། ཁུལ་དེའི་ཇོ་ཁང་གི་ལྷ་ཁང་དུ་ཉེ་ལམ་ཆུ་ལུད་འདམ་ཟེགས་ཀྱི་གོད་ཆག་འོག རྐྱེན་འདས་སུ་གྱུར་བ་རྣམས་ལ་ཐུགས་སྨོན་གསོལ་འདེབས་དང་ཤུལ་ལུས་ནང་མི་སྤུན་མཆེད་རྣམས་ལ་སེམས་གསོའི་བཀའ་སློབ་བསྩལ་འཆར་ཡོད་པ་རེད།
ཕྱི་ཚེས་ ༡༤ ཉིན་གྱི་སྔ་དྲོར་༸གོང་ས་མཆོག་ཀཱར་གིལ་མཐུན་ཚོགས་ཞེས་པའི་ཚོགས་པ་ཞིག་གིས་གསོལ་འདེབས་གནང་བ་ལྟར། ཀཱར་གིལ་དུ་ཆིབས་སྒྱུར་བསྐྱངས་ཏེ་མང་ཚོགས་ལ་བཀའ་སློབ་གསུང་བཤད་གནང་རྒྱུ་དང་། ཁུལ་དེའི་གྲོང་ཚོ་མུལ་བྷེག་ (Mulbekh) ཏུ་ཆིབས་སྒྱུར་གྱིས་དེར་ཡོད་མང་ཚོགས་ལ་བཀའ་སློབ་གསུང་བཤད་གནང་རྒྱུ་མ་ཟད། ཕྱི་ཚེས་ ༡༥ ཉིན་གྱི་སྔ་དྲོ་ཁུལ་དེའི་གྲོང་ཚོ་བྷོཌ་ཁར་བྷོ་ (Bodhkharboo) རུ་ཆིབས་སྒྱུར་གནང་བསྐྱངས་ཏེ། སྤྱན་རས་གཟིགས་ཀྱི་བཀའ་དབང་གནང་རྒྱུ་ཡིན་འདུག
གསར་འགོད་པ། དོན་གོ།
ཨ་རིག་དགེ་མཐོང་གི་མཆན་བུ་འདི་ལས་རེ་ཐག་ཆད་འདུག་པ་འམ་ཧི་མ་ལ་ཡི་རི་རྒྱུད་དག་ལ་སྤྲེལ་ལེད་ཞིག་་་་ཧ་ཧ་ཧ་ཧ་ཧ་ཧ་
ལ་དྭགས་སུ་ཕེབས་རྒྱུ་འདི་གལ་ཆེན་རེད། ངོས་གནས་ཡག་པོ་འདུག མ་འོངས་བོད་ཀྱི་རིག་གནས་ཀྱི་སྐྱིད་སྡུག་དེ་ལ་དྭགས་དང་ཧི་མ་ལ་ཡི་རི་རྒྱུད་ལ་རེ་དགོས་པ་རེད།
བོད་ཁ་བ་གངས་ཅན་པ་རྣམས་ཀྱི་བླ་ན་མེད་པའི་མགོན་པོ་འམ་བཀའ་དྲིན་གསུམ་ལྡན་གྱི་བླ་མས་འདི་ལྟར་མ་སེམས་ཅན་གྱི་དོན་དུ་ལས་དང་བྱ་བ་རང་དོན་དུ་འཛིན་པ་ནི་སྐྱེ་བུ་དམ་པའི་མངོན་རྟགས་ཤིག་མ་ཡིན་ནམ།
དངོས་གནས་མི་བུ་དང་མི་བུའི་འཇོན་ཐང་མི་འདྲ་བས་དབང་གིས་འདི་འདྲ་ཡོང་གི་ཡོད་པ་རེད།
ལ་དྭགས་མི་དམངས་རྣམས་ཀྱི་འདས་གསོན་གཉིས་ལ་རྒྱབ་སྐྱོར་ཅི་དང་ཅི་ཞིག་ལས་དགའ་བ་༧གོང་ས་མཆོག་གིས་དངོས་ཕེབས་ནས་ཐུགས་སྨོན་དང་ཐུགས་གསོ་བྱེད་ཀྱི་རེད།
ཡིན་ན་ཡང་རང་ཅག་བོད་ནང་དུ་ས་གཡོ་བ་དང་ཆུ་ལོགས་ཀྱི་དཀའ་སྡུག་འོག་ལྷུང་པའི་འདས་པོའི་ནང་མི་རྣམས་ཀྱི་བསམ་དོན་འགྲུབ་ཐུབ་ཡོད་པ་མ་རེད།
དེ་ནི་གཞིས་བྱེས་གཉིས་ཀྱི་སེམས་ཤུགས་མ་འདངས་པའི་དབང་གི་ཡིན་པར་སྙམ།
གལ་ཏེ་ཆོལ་གསུམ་གཅིག་བསྒྲིལ་གྱི་ནུས་པའི་གོང་བུ་ཞིག་བསྒྲིལ་ན་རྒྱ་ནག་གི་ལག་འོག་ནས་མཐར་ཐུབ་ཀྱང་ད་ལྟ་བར་ཆོལ་གསུམ་མི་དམངས་རྣམས་ཀྱི་དོན་དངོས་ཐོག་གཅིག་བསྒྲིལ་གྱི་སེམས་ཤུགས་མེད་པས་རེད།