བོད་པར་ནོར་ལྷ་ཛམ་བྷ་ལ་སོགས་ཡོད་ན་ཡང་བོད་པ་དངུལ་སྒོར་ས་ཡའི་བདག་པོ་དེ་འདྲ་གཅིག་ཀྱང་མཐོང་རྒྱུ་མེད། རྒྱ་མི་གུང་ཁྲན་ལ་ནོར་ལྷ་མེད་ཀྱང་ས་ཡ་བདག་པོ་མང་པོ་འདུག ཕྱི་རྒྱལ་བ་ཚོའང་དེ་བཞིན་རེད། ང་ཚོ་བོད་པ་ཚོར་ཛམ་བྷ་ལ་གྲོད་པ་ལུག་པ་དེ། ལྷ་ཁོང་རང་ས་ཡ་བདག་པོ་ཡིན་ན་མ་གཏོགས་ང་ཚོ་ས་ཡ་བདག་པོ་བཟོ་ཐུབ་ཀྱི་མེད། དེར་བརྟེན་དཀའ་ལས་བརྒྱབ་ནས་དངུལ་བཟོ་དགོས་པ་རེད་མ་གཏོགས་ལྷ་གསོས་ནས་དངུལ་བཟོ་ཐུབ་ཀྱི་མེད་པས་ཁྱེད་རང་ཚོས་བྱེད་ཐུབ་ན་སྐྱག་རྫུན་དང་ཧམ་པ་མིན་པར་དྲང་པོ་དྲང་བཞག་ཐོག རང་ངོས་ནས་བཟོ་གྲྭ་དེ་འདྲ་བཙུགས་ཏེ་གང་ཐུབ་ཐུབ་ཀྱིས་ཡར་རྒྱས་གཏོང་ཐུབ་པ་བྱུང་ན་ཡག་པོ་རེད། ཅེས་༧གོང་ས་མཆོག་གིས་གསུངས་ཡོད།
རྒྱལ་སྤྱིའི་བོད་མིའི་ཁྱད་ལས་པའི་ཚོགས་འདུ་ཐེངས་དང་པོ་དེ་ཟླ་འདིའི་ཕྱི་ཚེས་ ༦ ནས་ཉིན་གྲངས་གསུམ་རིང་བཞུགས་སྒར་བོད་ཀྱི་དཔེ་མཛོད་ཁང་གི་ཚོགས་ཁང་དུ་འཚོགས་ཡོད་ལ། ཚོགས་འདུ་དེའི་སྟེང་རྒྱ་གར་གཙོས་འཛམ་གླིང་ཡུལ་གྲུ་ཁག་ནས་ཕེབས་པའི་བོད་པའི་ཁྱད་ལས་མི་སྣ་ ༨༠ ཙམ་མཉམ་ཞུགས་བྱས་ཡོད། ཕྱི་ཚེས་ ༧ ཉིན་༸གོང་ས་མཆོག་གིས་ཁྱད་ལས་མི་སྣར་དམིགས་བསལ་མཇལ་འཕྲད་དང་བཀའ་སློབ་གསུང་བཤད་གནང་ཡོད་ཅིང་། མཇལ་འཕྲད་སྐབས་༸གོང་ས་མཆོག་གིས་ཆེད་ལས་མི་སྣ་རྣམས་ལ་གསུང་བཤད་གནང་དོན། ང་ཚོ་ཕྱི་ལོ་ ༡༩༥༩ ལོའི་ཟླ་ ༤ བའི་ནང་རྒྱ་གར་ལ་བཙན་བྱོལ་དུ་འབྱོར་ཡོད། སྐབས་དེར་མི་ལོ་ ༥༠ ཕྱིན་རྗེས་བཟོ་ལྟ་གང་འདྲ་ཆགས་གྲབས་ཡོད་མེད་སུ་གཅིག་གི་བསམ་བློའི་ནང་མེད། ཡིན་ནའང་། ང་ཚོར་བདེན་པ་ཡོད་སྟབས་བདེན་པའི་ནུས་པ་གསལ་ངེས་པའི་སེམས་ཤུགས་ཡོད་ལ། སེམས་ཤུགས་དེའི་ཐོག་ཨུ་ཚུགས་བརྒྱབ་པའི་དབང་གིས་མི་མང་པོ་ཞིག་གི་བསམ་བློའི་ནང་ལོ་འགའ་ཤས་ནང་འགྱུར་ཡོང་གི་རེད་བསམ་སྟེ་རེ་བ་རྒྱག་མཁན་མང་པོ་བྱུང་ཡོད། ང་ཚོས་རེ་བ་བཟང་ས་དང་གྲ་སྒྲིག་སྡུག་ས་ནས་བྱ་དགོས་པའི་བསམ་ཚུལ་འཁྱེར་ཏེ་གཞིས་ཆགས་གསར་འཛུགས་བྱས་ཡོད། ལོ་ ༥༡ ཕྱིན་པའི་ད་ལྟ་བོད་པའི་གནས་སྟངས་ལ་ཕྱིར་བལྟས་བྱས་ན། ང་དགུ་ལོར་རྒྱ་གཞུང་གིས་བོད་ས་ཡོངས་དྲག་གནོན་བྱེད་སྐབས། ལོ་ལྔ་བཅུའི་རྗེས་སུ་བོད་པ་ཚོས་རྒྱ་ནག་གཞུང་ལ་མུ་མཐུད་སུན་པོ་བཟོ་གི་རེད་བསམ་པ་ཕལ་ཆེར་མེད། བོད་ཀྱི་གནད་དོན་ཡལ་འགྲོ་བའི་ཚོད་དཔག་བྱས་ཀྱང་ཡལ་མེད། དེ་ཡང་གཙོ་བོ་དེ་བོད་ནང་ཡོད་པའི་རྒྱ་ཆེའི་མི་མང་གི་སེམས་ཤུགས་ཧ་ལས་པ་ཡོད་པའི་དབང་གི་རེད་ལ། རྒྱ་ཆེའི་མི་མང་ལ་སེམས་ཤུགས་དེ་འདྲ་ཡོད་པ་དེའང་རྒྱ་ནག་གཞུང་གི་བཀའ་དྲིན་རེད། བོད་པར་སྡུག་ཐག་ཆོད་བྱས་སྟབས་སོ་སོ་ལོ་རྒྱུས་དང་སྐད་ཡིག་ཡོད་པའི་མི་རིགས་ཤིག་དང་། སངས་རྒྱས་པའི་ལྟ་གྲུབ་ཟབ་ཤོས་བོད་ཡིག་ནང་ཡོད་པའི་མི་རིགས་ཤིག་ལ་རྒྱ་མིས་མཛུབ་མོ་གང་བསྟན་ཤར་རེད་ཟེར་ན་ཉན་གྱི་མ་རེད། དེར་བརྟེན། དྲག་གནོན་བྱེད་སྐབས་བོད་པའི་སེམས་ནང་ལ་ན་ཚ་གཏོང་གི་ཡོད། ང་ཚོ་བོད་པ་སེམས་ཤུགས་མཁྲེགས་པོ་ཡོང་བ་དེ་རྒྱ་མིའི་བཀའ་དྲིན་རེད། ཅེས་གསུངས་ཡོད།
ཡང་༸གོང་ས་མཆོག་གིས། ང་ཚོ་རྒྱ་གར་དུ་སླེབས་ཏེ་རང་དབང་ཞིག་ཐོབ་ཡོད་སྟབས། བོད་པའི་ཕྲུ་གུས་དེང་དུས་ཀྱི་ཤེས་ཡོན་ཐོག་སློབ་སྦྱོང་བྱེད་རྒྱུ་གཅིག་མཚུངས་སླེབས་ཐུབ་ཀྱི་ཡོད། ཆ་རྐྱེན་དང་མཐུན་རྐྱེན་འཛོམས་མིན་གྱི་ཁྱད་པར་ཕྲན་བུ་ཡོང་གི་རེད་མ་གཏོགས་བོད་པ་ཡག་ཐག་ཆོད་ཡོད། སྤྱི་ཡོངས་ཀྱི་ཆ་ནས་ང་ཚོ་བོད་པ་ཧ་ལས་པ་རེད། སོ་སོའི་མི་རིགས་ཀྱི་ཞེན་ཁོག་སྙིང་སྟོབས་དང་དཀའ་ལས་རྒྱག་ཐུབ་མཁན་གྱི་རྣམ་དཔྱོད་ཡོད་མཁན་ཞིག་ཡིན་པ་ང་ཚོས་ཤེས་དགོས། ང་ཚོ་བཙན་བྱོལ་དུ་འབྱོར་མ་ཐག་བོད་པ་འགའ་རེས་བོད་པའི་གྱོན་གོས་གྱོན་རྒྱུར་ངོ་ཚ་མཁན་འདུག་ཟེར་མཁན་བྱུང་བ་རེད། བོད་པར་སྐྱེས་པ་དེས་གྱོང་རག་འདུག་ཟེར་མཁན་ཡང་བྱུང་བ་རེད། དུས་དེར་ང་ཚོས་འཛམ་གླིང་འདིའི་སྟེང་ཕར་དྲིལ་བསྒྲགས་བྱེད་ཐུབ་ཀྱི་མེད་ལ་བྱས་ཀྱང་མེད། འོན་ཀྱང་། འཛམ་གླིང་ཐོག་བློ་གཟུ་བོར་གནས་མཁན་མང་པོས་བོད་པ་ཞེས་བརྗོད་སྐབས་ཡ་རབས་དང་དྲང་པོ། སེམས་པ་བཟང་པོ་ཡིན་པ་ཞིག་ལ་ངོས་འཛིན་བྱས་པར་བརྟེན་བོད་པའི་སྤུས་ཚད་དང་ཆེ་མཐོང་ཇེ་ཆེར་ཕྱིན་ཡོད། ཡིན་ནའང་། དེང་སང་བོད་པ་སྐྱག་རྫུན་ཤོད་མཁན་མང་དུ་ཕྱིན་ཏེ་ཨ་རིའི་གཞུང་ཚབ་ཁང་གིས་མཐོང་མཆན་སྤྲོད་རྒྱུ་དེའང་དཀའ་ལས་ཁག་པོ་ཆགས་པ་དང་། ལྡི་ལི་དོན་གཅོད་ཀྱི་ངོས་སྦྱོར་ཡོད་ནའང་ངོས་ལེན་བྱེད་ཀྱི་མེད་ཚུལ་བརྗོད་ཀྱིན་འདུག དོན་གཅོད་ཀྱིས་ངོས་སྦྱོར་བཏང་བའི་མི་འགའ་ཤས་ཨ་རིར་ཕྱིན་སྟེ་ཚུར་མ་ལོག་པར་བརྟེན་དོན་གཅོད་ལའང་ཡིད་ཆེས་བརླག་ཡོད་པ་རེད། ལོ་སྔོན་མར་ང་ཨ་རིའི་གཞུང་ཚབ་གསར་པ་དང་ཐུག་སྐབས་ངས་ཁོང་ལ་དེང་སང་བོད་པ་མགོ་སྐོར་གཏོང་མཁན་དེ་འདྲ་ཡོད་པ་འདྲ། དགོངས་དག་ཅེས་བརྗོད་པ་ཡིན་ལ། ངས་དགོངས་དག་ཞུ་དགོས་བྱུང་བ་རེད། དགོངས་དག་ཞུས་ན་ཡག་གི་རེད། བོད་པས་ཞབས་འདྲེན་ཞུས་ཡོད་པ་དངོས་ཡོད་གནས་ཚུལ་རེད། དེར་བརྟེན། ང་ཚོའི་སྤུས་ག་ཏོག་ཙམ་སྡུག་ཏུ་འགྲོ་བཞིན་ཡོད་པ་ལྟ་བུ་འདུག ང་ཚོའི་བདེན་པའི་རྣམ་པ་དེ་ཇེ་གསལ་དུ་འགྲོ་བཞིན་ཡོད་པ་དེ་བོད་མི་རིགས་ཀྱི་སྟོབས་ཤུགས་རེད། ཡིན་ནའང་། ཞབས་འདྲེན་ཞུ་མཁན་ཁ་ཤས་ཡོང་གི་ཡོད་པ་དེ་ཡང་ང་ཚོས་མཐོང་དགོས་པ་རེད། མ་འོངས་པར་ང་ཚོས་དེ་འདྲའི་རིགས་མ་ཡོང་བ་བྱ་དགོས། ཁྱེད་རང་ཚོས་བོད་པ་ཞབས་འདྲེན་ཞུ་མཁན་དེ་འདྲ་མི་ཡོང་བར་དངོས་ཤུགས་བརྒྱུད་གསུམ་ནས་གང་བྱེད་དགོས་པ་དེ་བྱ་དགོས་པ་རེད་ཅེས་ནན་གྱིས་གསུངས་ཡོད།
ཁོང་གིས་མུ་མཐུད་དུ་གསུངས་དོན། ཁྱེད་རང་ཚོས་ཆེད་ལས་པ་ཡིན་ཟེར་ཡང་དོན་དངོས་ཐོག་ཆེད་ལས་པ་མེད་པ་ལྟ་བུ་བྱུང་ན་ཡག་པོ་མེད། དངོས་ནས་དྲང་པོ་དྲང་བཞག་དང་བདེན་པ་བདེན་གཏུགས་བྱེད་དགོས་པ་རེད། འཛམ་གླིང་སྟེང་དཔལ་འབྱོར་དཀའ་ངལ་དེ་དག་ཡོང་དགོས་པའི་རྒྱུ་རྐྱེན་གང་ཡིན་ངོས་ཀྱི་གྲོགས་པོ་ཚོར་དྲིས་པར། ཁོང་ཚོས་དངོས་ཡོད་གནས་ཚུལ་མ་ཤེས་པར་ཚོང་ཡོང་བའི་དོན་དུ་སྒྲོ་བཏགས་ཀྱི་སྐད་ཆ་བཤད་པ་དང་། ཕྱོགས་ཡོངས་ཀྱི་གནས་ཚུལ་དང་དངོས་ཡོད་གནས་ཚུལ་མི་ཤེས་པ་དེ་ཚོ་ཡིན་སྐོར་བརྗོད་ཀྱི་འདུག ང་ཆེད་ལས་པ་ཡིན་ཟེར་ནས་ལག་ཤེས་དང་སྦྱོང་བརྡར་ཞེ་དྲག་ཡག་པོ་ཡོད་ནའང་རྩ་བའི་ལྷག་བསམ་དང་ཕྱོགས་ཡོངས་ཀྱི་ལྟ་ཚུལ་དེ་འདྲ་མེད་པ་ཡིན་ན་གྱོང་རག་རྒྱུ་རེད། ཕྱོགས་ཡོངས་ཀྱི་གནས་ཚུལ་ལ་ལྟ་ཐུབ་པ་ཞིག་ཡོང་བར་སངས་རྒྱས་པའི་ལྟ་གྲུབ་རྟེན་ཅིང་འབྲེལ་བར་འབྱུང་བ་ཞེས་གསུང་ཡོད། ང་ཚོ་ནང་པ་སངས་རྒྱས་པ་ཚོས་ལོ་སྟོང་ཕྲག་རིང་རྟེན་ཅིང་འབྲེལ་བར་འབྱུང་བ་ཟེར་བ་དེ་ཤོད་ཀྱི་ཡོད། དེ་ང་ཚོ་མི་སུ་འདྲ་ཞིག་ལའང་རྟེན་ཅིང་འབྲེལ་བར་འབྱུང་བ་ཟེར་བ་དེ་ཤེས་ན་དེ་ཆོས་ཀྱི་སྐད་ཆ་ཙམ་མིན་པར་དངོས་ཡོད་གནས་ཚུལ་རྟོགས་རྒྱུར་ཕན་ཐོགས་ཧ་ཅང་ཆེན་པོ་ཡོད་པས་ཁྱེད་ཚོས་དོ་སྣང་བྱ་དགོས། མདོར་ན། ངོས་ཀྱིས་ཁྱེད་ཚོར་བརྗོད་དོན་རིམ་པ་དང་པོ་དེ་བོད་པ་ཞིག་ཡིན་པའི་ངོས་ནས་སོ་སོར་སྤོབས་པ་བྱེད་དགོས་པ་ལས་ང་བོད་པ་སྐྱབས་མེད་མགོན་མེད་ཡིན་བསམ་ནས་ཞུམ་འདུག་རྒྱུ་མེད། བོད་པ་ཞེས་དུས་ཡུན་ལོ་སྟོང་ཕྲག་རིང་ནས་ལོ་རྒྱུས་ཡོད་པ། དངོས་གནས་དབུས་ཨེ་ཤ་ཡའི་བྱས་རྗེས་ཡོད་པའི་མི་རིགས་ཤིག་ཡིན་བསམ་པ། འདས་པའི་ལོ་ ༦༠ ནང་བོད་པའི་ཞབས་འདྲེན་ཞུས་མེད། བོད་པས་རང་ཚུགས་ཟིན་ནས་བསྡད་པ་དེ་ཤེས་པའི་ཐོག་ནས་སོ་སོར་སྤོབས་པ་བྱ་རྒྱུ་དེ་གལ་ཆེན་པོ་རེད། དེ་ནས་ང་ཚོ་བཙན་བྱོལ་ནང་ཡོད་པ་ཚོ་རང་དབང་ལུང་པའི་ནང་བསྡད་ཡོད། ང་ཚོར་རང་དབང་གི་གོ་སྐབས་ཡོད། རང་དབང་ཡོད་དུས་ལས་རིགས་གང་དང་གང་བྱས་ཀྱང་སོ་སོས་འཇོན་ན་གོ་སྐབས་ཡོད། ཁྱེད་རང་ཚོ་སྤྱི་ཚོགས་ཁྲོད་འབད་བརྩོན་དང་ལམ་ལྷོང་བཅས་ཕྱོགས་མང་པོའི་ཐོག་ནས་ཤེས་ཡོན་ཡོད་མཁན་གཏེ་པོའི་ནང་ནས་གཟུགས་བཟང་ཆགས་ཡོད། ཅི་ཙམ་གྱི་རང་ངོས་ནས་བྱེད་ཐུབ་པའི་གོ་སྐབས་ཡོད་པ་དེའི་ཚོད་ཀྱིས་ལས་འགན་ཞིག་ཆགས་ཀྱི་ཡོད། གཞིས་ཆགས་ནང་སྐྱོ་པོ་ཡིན་མཁན་ཚོར་ལྷག་བསམ་དང་སེམས་ཤུགས་ཡོད་ནའང་བྱ་རྒྱུ་གང་ཡང་མེད། ཁྱེད་རང་ཚོ་འགྲོ་སྟངས་གང་ལ་གང་འཚམ་ཆགས་ཏེ་ལས་ཀ་བྱེད་ཐུབ་པའི་སྐབས་འདིར་འགན་མ་བརྗེད་པ་བྱ་དགོས། ཞེས་གསུངས་བ་དང་།
མཐའ་མར་༸གོང་ས་མཆོག་གིས། ཁྱེད་རང་ཚོས་སྤྱི་ཚོགས་ལ་ཕན་པ་བསྒྲུབ་པར་ངེས་པར་བཙན་བྱོལ་ནང་སྡོད་མི་དགོས་པར་འཛམ་གླིང་ས་ཆ་གང་སར་བོད་པའི་མིང་བཟོ་རྒྱུ་དང་མིང་ཐོན་པར་བྱ་རྒྱུ། དེ་བཞིན་དཔལ་འབྱོར་གྱི་ཕྱོགས་ནས་ལས་ཀ་བྱ་ཐུབ་མཁན་ཡོད་ཚེ་ག་ལེར་བོད་པ་སྒོར་ས་ཡའི་བདག་པོ་དེ་འདྲ་ཡོང་དགོས་པ་རེད། དེ་ཧ་ཅང་གལ་ཆེན་པོ་རེད། དངུལ་མེད་ན་བྱ་རྒྱུ་གང་ཡང་མེད། ངོས་ཀྱིས་དུས་རྒྱུན་རྩེད་མོ་དང་སྦྲགས་ནས་ཤོད་ཀྱི་ཡོད། བོད་པར་ནོར་ལྷ་ཛམ་བྷ་ལ་སོགས་ཡོད་ན་ཡང་བོད་པ་དངུལ་སྒོར་ས་ཡའི་བདག་པོ་དེ་འདྲ་གཅིག་ཀྱང་མཐོང་རྒྱུ་མེད། རྒྱ་མི་གུང་ཁྲན་ལ་ནོར་ལྷ་མེད་ཀྱང་ས་ཡ་བདག་པོ་མང་པོ་འདུག ཕྱི་རྒྱལ་བ་ཚོའང་དེ་བཞིན་རེད། ང་ཚོ་བོད་པ་ཚོར་ཛམ་བྷ་ལ་གྲོད་པ་ལུག་པ་དེ། ལྷ་ཁོང་རང་ས་ཡ་བདག་པོ་ཡིན་ན་མ་གཏོགས་ང་ཚོ་ས་ཡ་བདག་པོ་བཟོ་ཐུབ་ཀྱི་མེད། དེར་བརྟེན་དཀའ་ལས་བརྒྱབ་ནས་དངུལ་བཟོ་དགོས་པ་རེད་མ་གཏོགས་ལྷ་གསོས་ནས་དངུལ་བཟོ་ཐུབ་ཀྱི་མེད་པས་ཁྱེད་རང་ཚོས་བྱེད་ཐུབ་ན་སྐྱག་རྫུན་དང་ཧམ་པ་མིན་པར་དྲང་པོ་དྲང་བཞག་ཐོག རང་ངོས་ནས་བཟོ་གྲྭ་དེ་འདྲ་བཙུགས་ཏེ་གང་ཐུབ་ཐུབ་ཀྱིས་ཡར་རྒྱས་གཏོང་ཐུབ་པ་བྱུང་ན་ཡག་པོ་རེད། ང་ཚོ་བཙན་བྱོལ་དུ་ཡོད་པའི་སྤྱི་ཚོགས་ཀྱི་དཔལ་འབྱོར་བརྟན་པོ་ཆགས་རྒྱུ་དང་། ཤེས་ཡོན་ལ་མཚོན་ནའང་གཞི་རྩ་ཡག་ཐག་ཆོད་བཙུགས་ཡོད། ད་དུང་དཔལ་འབྱོར་དང་ཤེས་ཡོན་གང་ཅིའི་ཐོག་ནས་ཡར་རྒྱས་གཏོང་རྒྱུ་ལྷག་ཡོད་སྟབས་ང་ཚོ་ཕྱར་གྲུ་མཉམ་འདེགས་དང་ཁུར་མཉམ་ལེན་བྱ་རྒྱུ་དེ་གལ་ཆེན་པོ་འདུག་ལ། ཁྱེད་ཚོ་ས་ཆ་གང་དུ་སོང་ཡང་བོད་པ་ཟེར་བའི་མིང་ཞིག་ཡོད་སྟབས། དེ་དང་འབྲེལ་བའི་བོད་པའི་ཡ་རབས་ཀྱི་གཤིས་ཀ་དེ་སྟོན་ཐུབ་དགོས། ཞེས་ལམ་སྟོན་བཀའ་སློབ་གནང་ཡོད།
སྐུ་སྒེར་དྲ་བ་ལས་བསྡུ་སྒྲིག་བྱས། གསར་འགོད་པ་དོན་གོ
ཡཡ་ད་སྒྲ་དགའ་རྙན་སྡུག་བྱེད་ནས་སྡོད་ཀྱི་ཡིན་ནམ
ཡ་དེ་རིང་གིས་པས་བྲིས་འདོད་པ་ནི་ ཧམ་པ་དང་སྐྱ་རྫོན་རི་རབ་ཙམ་ཁྱེར་ནས་གོང་༸་ས་མཆོག་དང་བོད་གཞུང་དབུ་སྐོར་གཏོང་ཁན་ ཡོལ་རབ་དང་ཨ་རིའི་གནས་སྡོད་སེར་སྐྱ་རྒན་གཞོན་རྣམས་ལ་ཆེད་ཞུ་།
ཁྱེད་ཚོའི་གོང་༸་མཆོག་གིས་གཞུང་ཚབ་ཁང་ལ་དགོངས་དག་ཞུ་པ་གོ་ཨེ་སོང་ ད་དུང་ཁྱེད་ཚོའི་གོང་༸་ས་དང་བོད་གཞུང་ལ་དགོངས་དག་མ་ཞུ་ སྒྲ་དགའ་རྙན་སྡུག་བྱེད་ནས་སྡོད་ཀྱི་ཡིན་ནམ་།།
ཆེད་ལས་པ་བོད་སྐད་ཡིག་མི་ཤེས་དེ་ཚོ་བརྒྱ་བཤད་སྟོང་བཤད་ག་རི་བྱས་ཕན་ཐོག་གང་ཡང་མེད་རེད།
དུས་བབ་རྩོམ་སྒྲིག་པ་དང་གསར་འགོད་པ་ལགས།
ངས་འདིའི་སྐོར་སྔར་མཆན་བཏབ་པ་ཚང་མ་བཀག་སོང། ད་ལན་གྱི་འདི་མ་འགོག་རོགས། ངའི་མཆན་རྣམས་དེ་གའི་སྒྲིག་ཁྲིམས་དང་ཟུར་ཙམ་ཡང་འགལ་མེད།
ངས་༸གོང་ས་མཆོག་གིས་དགོངས་དག་ཞུས་པ་འདིའི་སྐོར་དེ་གའི་དྲ་ཐོག་ཏུ་འགོད་རྒྱུའི་རྩོམ་ཐུང་ཞིག་གསར་འགྱུར་འདི་མ་བཏོན་གོང་ཉི་མ་གསུམ་གྱི་སྔོན་ནས་དེ་གར་བསྐུར་ཡོད་པ་དྲ་ཐོག་འདིར་གཏན་ནས་བཀོད་མ་སོང། འོན་ཀྱང་དེའི་བར་ནས་ཁྱེད་ཚོས་གསར་འགྱུར་འདི་ངའི་རྩོམ་བྱང་དེ་དང་འབྲེལ་ནས་བཀོད་སོང། དེའི་རྗེས་ནས་ངས་འདིའི་སྐོར་ཁྱེད་ཚོར་དྲི་བ་དང་འབྲེལ་མཆན་ཁ་ཤས་བཏབ་པའང་ཚང་མ་བཀག་སོང། ངའི་རྩོམ་དང་མཆན་ཚང་མ་དེ་ལྟར་འགོག་དགོས་པའི་རྒྱུ་མཚན་གང་ཡིན་ངས་གཏན་ནས་ཤེས་མ་སོང། གསལ་བཤད་ཅིག་བཀའ་དྲིན་ཆེ།
ཨ་རི་ལ་ཐབས་ཤེས་འདྲ་མིན་བྱེད་ནས་འགྲོ་མཁན་བོད་པ་ཅིག་པུ་མ་རེད། དེ་ཚོ་སུས་ཀྱང་དགོངས་དག་ཞུ་མཁན་བྱུང་མྱོང་མེད། གོང་ས་མཆོག་ནས་ནང་མོལ་ཚུལ་དུ་གསུངས་པའི་ཚིག་འདི་ལ་འུར་ཞེ་དྲག་མ་བསླང་ན་བཟང་།
ཁ་རུ་ཁ་ཐུག་གི་བཤད་ན་༸གོང་ས་མཆོག་གཙོས་བཙན་བྱོལ་གཞུང་གིས་མི་ལོ་དྲུག་ཅུ་ལ་བུ་ཕྲུག་མང་པོ་ཞིག་གསོ་སྐྱོང་བྱས་བ་རེད།ཡིན་ནའང་སློབ་མ་ཚོས་སློབ་ཆེན་འགྲིམ་དུས་སྤྱོད་པ་སྡུག་ཏུ་སྡུག་ཏུ་ཕྱིན་ནས་རྗེས་སུ་ཕ་མ་ཚོས་སྒོར་མོ་འབུམ་ཕྲག་ཁ་ཤས་སྤྲད་དེ་ཕྱི་རྒྱལ་དུ་བཏང་།
ཕྱི་རྒྱལ་དུ་སླེབས་ཚེ་ཁོ་ཚོའི་སྣང་བ་ལ་ལྷ་ཡུལ་དུ་སླེབས་པ་ནང་ལྟར་ཚོར་སྣང་ཞིག་བྱུང་ཚོར་སྣང་དེ་དབང་གིས་སློབ་སྦྱོང་མ་བྱས་པར་སྒྲོ་ལོའི་བྲན་གཡོག་ཏུ་ཚུད་མི་ཁ་ཤས་ཀྱིས་ས་དེ་གར་ཁྲིམས་འགལ་གྱི་བྱ་ངན་ཡང་མང་པོ་བསགས་འདུག།
༸གོང་ས་མཆོག་གཙོས་བཙན་བྱོལ་གཞུང་གིས་ལོ་ངོ་དྲུག་ཅུ་རིང་ལ་སོ་སྐྱོང་བྱས་བའི་སློབ་བུ་མང་པོའི་ཁྲོད་ན་སྔོན་མ་བོད་པའི་སྤྱི་ཚོགས་སུ་བྱུང་མྱོང་མེད་པའི་སྨྱག་མ་བཞིན་འབུར་དུ་ཐོན་པ་དང་འབུམ་རམས་པའི་ཕྱག་འཁྱེར་ཐོབ་མཁན་ངེས་དོན་གྱི་མཁས་དབང་ཆེན་པོ་བློ་བཟང་སེངྒེ་གཅིག་པུ་ཡིན་པ་ང་ཚོའི་མིག་ལམ་དུ་དངོས་སུ་མཐོང་ཐུབ་པ་དེ་རེད།འོ་ད་ཁོང་འབྱུང་འགྱུར་བཀའ་ཁྲིར་མི་གདམ་ན་སུ་གདམ།།
དུས་བབ་དྲ་ཐོག་ཏུ་བསམ་འཆར་བཤད་མཁན་ཚོས་ངོས་ནས་ཀུན་སློང་བོད་མི་ཐག་ཚོའི་བདེ་སྡུག་ལ་ཕན་ཞིག་ཐོགས་ན་བསམ་ཀུན་སློང་ཁུར་ནས་ཕེབས་ཞུ་རྒྱུ་ཡིན།
བོད་མི་ཉམ་ཐག་ཚོའི་བདེ་སྡུག་ལ་ཕན་ན་༧གོང་ས་མཆོག་གི་དགོངས་པ་སྒྲུབ་པ་རེད་འདོད། བོད་མི་ཉམ་ཐག་ཚོའི་མགོ་རྡུང་བྱེད་མཁན་ཕེབས་ན་༧གོང་ས་མཆོག་གི་དགོངས་པ་དཀྲུགས་པ་རེད། ཤེས་སོང་ངམ། སྐུ་ངོ་མི་ཉག་བཙན་པོ་དང་དེའི་རིགས་མཐུག་དག
༧གོང་ས་མཆོག་གི་གསུངས་འདི་ལྷོ་ཕྱོགས་སུ་ཕེབས་སྐབས་གསུངས་པ་རེད། འདིར་གཅིག་ཀློག་རོགས་བྱོས་དང་བསམ་གཞི་མེད་པའི་མི་ཁྱེད་ཚོ་ལ་འགྱུར་འདྲ་འགྲོ་ཡ་ཡོད་ན་ཅིག་འགྲོ་མི་ཡོང་ངོ།
མཇུག་ཏུ་༧གོང་ས་མཆོག་གིས་དགོན་པ་གྲྭ་ཚང་རྒྱུ་འབྱོར་ཡོད་རིགས་ཚོས་ཉེ་འཁོར་གྱི་མང་ཚོགས་སྐྱོ་བོའི་རིགས་ལ་རོགས་རམ་གྱི་འགན་འཁྲུ་ཡོད་སྐོར་གསུངས་དོན། དེ་རིང་གི་སྐུ་མགྲོན་ཚོར་ཞུ་འདོད་པ་ཞིག་ལ། ཁྱེད་རང་ཚོ་འདིར་ཕེབས་ཏེ་དགོན་པ་ཁག་གི་འཛུགས་སྐྲུན་མཐོང་སྐབས། བོད་པ་ཚོ་ཕྱུགས་ཐག་ཆོད་འདུག་དྲན་སྲིད་པ་རེད། ངས་ནམ་རྒྱུན་དགོན་པ་གྲྭ་ཚང་ཁག་རྫིག་པོ་རྒྱག་པ་འགྲིག་གི་མི་འདུག་ཅེས་སྐྱོན་བརྗོད་བྱེད་ཀྱི་ཡོད། འོན་ཀྱང་ང་ལ་ཐབས་ཤེས་ཡོད་པ་མ་རེད། ཁོ་རང་ཚོར་སྦྱིན་བདག་རག་སྟེ་སྦྱིན་བདག་གིས་འགྲོ་སོང་བཏང་བ་རེད། ཁྱེད་ཅག་གིས་དགོན་པར་བལྟས་ཏེ་གཞིས་ཆགས་ཡོངས་ལ་དཔེ་འགེབས་བྱ་རྒྱུ་ཡོད་པ་མ་རེད། ས་ཆ་རེ་ཟུང་ནང་ཉམ་ཐག་སྐྱོ་བོ་མང་པོ་ཡོད། ང་གནམ་གྲུའི་ནང་ཡོང་སྐབས། དགོན་པ་གྲྭ་ཚང་ཁག་ཞེ་དྲག་གྲ་རྒྱས་པོ་འདུག་ཀྱང་། ཞིང་ཁའི་དཀྱིལ་རེ་ན་གནའ་སྔ་མོའི་ཁང་པ་རེ་ཟུང་མཐོང་རྒྱུ་འདུག གཞིས་མགོ་དང་ས་གནས་ཀྱི་ཚོགས་པ་སྐྱིད་སྡུག་ཁག་གིས་མི་ཚང་སྐྱོ་བོ་དག་ལ་ལྟ་རྟོགས་ཡག་པོ་མ་བྱས་ན་ཁྱོན་ནས་འགྲིག་གི་མི་འདུག ཕ་མ་བརྒས་གཅོང་དང་། བུ་ཕྲུག་དབང་བོ་སྐྱོན་ཅན་སོགས་ལྷག་ཡོད་རིགས་ལ་དམིགས་བསལ་གྱི་དོ་སྣང་བྱས་ཏེ། ལྟ་རྟོགས་ཡག་པོ་མ་བྱས་བར་སྐྱབས་མེད་མགོན་མེད་དུ་ལྷག་པ་ཡིན་ན། ང་ཚོའི་སྤྱི་ཚོགས་འདི་བྱམས་པ་དང་སྙིང་རྗེའི་སྤྱི་ཚོགས་ཤིག་ཡིན་ཟེར་བ་དེ་དོན་ལ་མ་གནས་པ་རེད། ཁྱེད་ཅག་དགོན་པ་གྲྭ་ཚང་དངུལ་ཅུང་ཡོད་པ་དག་གིས་དཀའ་ངལ་ཅན་དག་་ལ་ལྟ་རྟོགས་བྱ་རྒྱུར་ལས་འགན་ཡོད་པ་རེད། དགོན་པ་འཛུགས་སྐྲུན་དང་ཆབས་ཅིག་སློབ་གཉེར་ལ་ཤུགས་རྒྱག་དགོས་པ་རེད། དེ་དང་མཉམ་དུ་ཉེ་འཁོར་གྱི་སྐྱོ་བོའི་རིགས་ལ་རོགས་རམ་བྱས་ན། བཅོམ་ལྡན་འདས་ཀྱི་དགོངས་པ་དང་མཐུན་གི་རེད། ཁྱེད་ཅག་དགོན་པ་གྲྭ་ཚང་ཁག་ལ་སྦྱིན་བདག་མང་པོ་འདུག ཁོང་ཚོར་འབོད་སྐུལ་ཞུས་ཏེ་མི་ཚང་སྐྱོ་བོའི་རིགས་ལ་རོགས་རམ་བྱ་རྒྱུར་འབོད་སྐུལ་ཞུ་དགོས། ཞེས་གསུངས་སོང་།
༼ གསར་འགོད་པ་དོན་འགྲུབ་བཀྲ་ཤིས་ཀྱིས་རྒྱ་གར་ལྷོ་ཕྱོགས་སེ་ར་ཐེག་ཆེན་གླིང་ནས་
སྐུ་ངོ་མི་ཉག་བཙན་པོ་མཆོག
ང་ཅོ་རི་ཨ་རིའི་གཞུང་ཚབ་ཁང་དུ་འགྲོ་མ་མྱོང་བ་ལ་ངས་ཉེས་པ་ག་འདྲ་བསགས་པ་རེད་དམ། ངས་ཨ་རིའི་གཞུང་ཚབ་ཁང་དུ་ཕྱིན་ནས་ཉེས་པ་བསགས་ཡོད་ན་ཡིན་དང་ཡིན།
ངས་ཉེས་པ་སྤུ་ཙམ་མ་བསགས་པར་དགོངས་དག་ག་འདྲ་ཞུ་དགོས་རེད་དམ།་ཧཧཧ
སྐུ་ངོ་སྐུ་ངོ་་་་་ཧམ་པ་རང་རེད། ཨ་རིའི་གཞུང་ཁང་ཟེར་བ་དེར་མིག་གིས་མཐོང་མ་མྱོང་་་་་་ཤེས་སོང་ངམ།
དེ་ལས་གཞན་པ་ནག་ཉེས་འདྲ་སྐལ་ཡ་ཡོད་པས། ་ཧཧཧཧ
དངོས་གནས་ཨ་ཁུ་ཁྲོ་ཐུང་གི་སྐད་ཆ་དེར་བདེན་བདེན་པ་རེད། བོད་མི་འགྲོ་མཁན་རྣམས་ལ་ལབ་ཡ་ག་རེ་ཡོད་རེད། གཙོ་བོ་མི་བཏོང་མཁན་ཚོ་རེད།
ཅིག་ཅིག་ཚོགས་པའི་ཐོག་ཕྱི་རྒྱལ་ཕྱིན་པ་རེད་ཟེར་ཡ་མུག་མུག་ཆོས་ཚོགས་ཐོག་ནས་ཕྱི་རྒྱལ་བཏང་བ་རེད་ཟེར་མང་ཙམ་གོ་རྒྱུ་ཡོད།འགྲོ་མཁན་ཚོས་དངུལ་སྤྲོད་ཀྱི་ཡོད་རེད། བཏང་མཁན་ཚོས་བཏང་གི་ཡོད་རེད། དོན་གཅོད་ཁག་གི་ལས་ཤོག་དེ་ཚོ་བདག་པོ་ཡག་རྒྱག་ན་དེ་གལ་རེད་བ། གཞན་ཕྱི་རྒྱལ་ཕྱིན་པའི་བོད་མི་ཚོའི་ཐོག་ཏུ་དབྱུགས་པས་ལེབ་རྡུང་བྱས་ན་མི་སེམས་ལ་རྨྲ་ཁ་བཟོ་རོགས་རེད།
མི་ཉག་བཙན་པོ་ལགས།
དང་པོ་ཁྱེད་རང་ངོ་སྤྲོད་གསལ་པོ་ཞིག་བྱོས་དང་དེ་ནས་ང་རང་གཉིས་སྐད་ཆ་བཤད་ཆོག
དེ་མིན་ཁྱེད་རང་མིང་ལྷག་ཞིག་གི་འོག་ནས་སྐད་རྒྱག་བསྡད་ན་ཕན་ཐོག་ཡོད་ལེ་མ་རེད། ང་ཅོ་རི་དུས་བབ་དྲ་ཐོག་ཏུ་ཕྱི་གསལ་ནང་གསལ་ཡིན།
ཁྱེད་ཀྱིས་ཀྱང་༧གོང་ས་མཆོག་ཁ་ལ་ཁྱེར་ནས་བོད་མི་ཉམ་ཆུང་ཚོའི་ཐོག་ཏུ་རྫིག་རྫིག་བཏང་ཤེས་པ་འདྲ། དེ་ལ་བལྟས་ན་མི་ཚོང་རྒྱག་མཁན་ཞིག་ཡིན་འདྲ།
ཁ་གཏད་མི་དེ་དང་རྩོད་རྒྱབ་པར་རང་ཉིད་མདུན་དུ་ཡོང་ནུབ་དགོས་པ་རེད། དེ་མིན་ངས་ཁྱེད་ལ་སྔོན་ནས་གསལ་བཤད་མང་ཙམ་བྱས་ཟིན། ཧཧཧཧཧ
ཅོ་རི་ཉི་མ་གཙོ་བོ་བྱས་པའི་ཕྱི་རྒྱལ་ཁག་ནང་ཁྲིམས་འགལ་དང་སྐྱག་རྫུན་བཤད་ནས་འགྲོ་
མཁན་ཚོས་ངེས་པར་དུ་༸གོང་ས་མཆོག་ལ་དགོངས་དག་ཐུགས་བདེ་ཞུ་དགོས་པ་ཡིན།
མི་ཁྱེད་རང་ཚོའི་ཆེད་དུ་༸་གོང་ས་མཆོག་ནས་ཨ་རི་གཞུང་ཚབ་ལ་དགོངས་དག་ཞུ་དགོས་
བྱུང་བ་ནི་ཁྱོད་རང་ཚོས་བཞག་པའི་བྱས་རྗེ་རེད།༸་གོ་ང་ས་མཆོག་གི་བཀའ་དྲིན་སེམས་བཅངས་ནས་བཀའ་སློབ་རྣམས་ཀློག་རོགས་ཞུ།
བོད་མི་རིགས་ཀྱི་ཞབས་འདྲེན་ཞུ་མཁན་དང་༧གོང་ས་མཆོག་གིས་དགོངས་དག་ཞུ་དགོས་པ་ཞིག་བཟོ་མཁན་ཚོ་ནི་མི་བཏང་མཁན་ཚོ་ཡིན་པ་ལས་འགྲོ་ནས་ཕྱིར་མ་ལོག་པ་རྣམས་མ་རེད།
དོན་གཅོད་ཀྱི་ཡིག་ཆ་ཚོང་ལ་བསྒྱུར་ན་ཨ་རི་གཞུང་ཚབ་ཁང་གིས་ངེས་ལེན་ག་ནས་ཡོང། རང་བཙན་ལག་དེབ་ཡང་ཚོང་རྫས་ཤིག་ལ་བསྒྱུར་བཙན་བྱོལ་གཞུང་གི་ཡིག་ཆ་གང་མང་མང་ཞིག་ཚོང་རྫས་ཆགས་ཡོད་པ་དེར་༧གོང་ས་མཆོག་གིས་མཁྱེན་གྱི་མ་རེད།
ང་བཀའ་བློན་ཟེར་མཁན་ང་སྤྱི་འཐུས་ཡིན་ཟེར་མཁན་ང་དོན་གཅོད་ཡིན་ཟེར་ཚོས་དངུལ་གྱི་ཆེད་དུ་མི་ཚོང་རྒྱབ་དུས་བཙན་བྱོལ་བོད་གཞུང་གི་ཡིག་ཆ་དང་དོན་གཅོད་ཁང་ཡིག་ཆ་བེད་སྤྱོད་བཏང་བ་མིན་ན་གང་རེད་དམ།
བཙན་བྱོལ་བོད་མིའི་ལག་ནས་སྒོར་འབུམ་བཅུ་ཅོ་ལྔ་ལེན་མཁན་སུ་ཡིན་མཁྱེན་འདོད་ཡོད་ན་དཔལ་འབྱོར་ལས་ཁུངས་ནང་དུ་དངུལ་སུ་ཡིས་མང་བ་བཅོལ་འདུག་ལྟོས།
སྒོར་མོ་ནག་པོ་འདི་ཚོ་བོད་མི་དམངས་རྒྱུ་རེད། ང་རང་ཚོ་ག་ལས་གཟིགས་ཆོག་གི་རེད།
ཅོ་རི་ཉི་མ་གཙོ་བོ་བྱས་པའི་ཕྱི་རྒྱལ་ཁག་ནང་ཁྲིམས་འགལ་དང་སྐྱག་རྫུན་བཤད་ནས་འགྲོ་
མཁན་ཚོས་ངེས་པར་དུ་༸གོང་ས་མཆོག་ལ་དགོངས་དག་ཐུགས་བདེ་ཞུ་དགོས་པ་ཡིན།
མི་ཁྱེད་རང་ཚོའི་ཆེད་དུ་༸་གོང་ས་མཆོག་ནས་ཨ་རི་གཞུང་ཚབ་ལ་དགོངས་དག་ཞུ་དགོས་
བྱུང་བ་ནི་ཁྱོད་རང་ཚོས་བཞག་པའི་བྱས་རྗེ་རེད།༸་གོ་ང་ས་མཆོག་གི་བཀའ་དྲིན་སེམས་བཅངས་ནས་བཀའ་སློབ་རྣམས་ཀློག་རོགས་ཞུ།
གང་ལྟར་འདི་ཚང་མ་སྒོར་མ་གཏོགས་མི་དགོས་པ་ཨ་རི་མ་གཏོགས་བསམ་རྒྱུ་མེད་མཁན་ཚོའི་ང་ཚོ་བོད་པ་དག་ལ་གནང་པའི་ལེགས་སྐྱེས་རེད།
གང་ལྟར་མི་ཚད་ལྡན་ཞིག་ཡིན་ཀྱང་ཨ་རིའི་གཞུང་ཚབ་སྒོར་སླེབ་ཚེ་ཆང་གི་ར་རོ་བའི་མི་ཞིག་དང་འདྲ་ཚོད་རེད་
མགོ་བརྗོད་ལ་ཁྱད་མི་འདུག དོན་འདི་ཆུང་ཆུང་མ་རེད་འདི་ལ་ང་ཚོ་མི་རེ་ངོ་རེ་ནས་བསམ་བློ་མ་བཏང་ན་ངོ་མ་གཉེན་ཁ་རེད། བོད་པའི་མིང་དང་མཚན་མཐོང་བོར་ན་ཚར་བ་རེད།་དེ་ནས་ང་ཚོར་སུས་ཡིད་ཆེས་བྱེད་ཀྱི་རེད།་ཡིད་ཆེས་བྱེད་མཁན་མེད་ན་སུ་ལ་བདེན་དོན་བཤད་རྒྱུ། འདི་ལ་ལྷག་པར་དུ་ཚོང་བ་ཚོས་དུས་རྒྱུན་དུ་བསམ་ཤེས་བྱེད་རྒྱུ་གལ་ཆེན་རེད།
གསར་འགོད་པ་ལགས། འགོ་བརྗོད་ཚིག་འདི་མཐོང་དུས་བོད་པས་ནོར་འཁྲུལ་ཚབ་ཆེན་ཅི་ཞིག་ཤོར་བ་ཡིན་ན་སྙམ་པའི་ཚོར་བ་ཞིག་སྐྱེ་ཡོང་གི་འདུག གོང་ས་མཆོག་གིས་སྔོན་མ་ཨ་རིའི་གཞུང་ཚབ་དང་བཀའ་མོལ་གནང་སྐབས་ཞོར་འཕྲོས་ཚུལ་དུ་གཞུང་ཚབ་པས་བོད་པ་ཁ་ཤས་ནས་འདི་འདྲ་བྱེད་ཀྱི་འདུག་ཞུས་པར་གོང་ས་མཆོག་ནས་དེ་ལ་དགོངས་དག་གསུངས་པ་ཡིན་ཚུལ་འདུག དེ་སྒེར་གྱི་བཀའ་མོལ་རེད། འགོ་བརྗོད་གི་ཚིག་འདི་ནི་གཞུང་འབྲེལ་ཐོག་ནས་རྒྱལ་ཁབ་ཀྱི་དབུ་ཁྲིད་ནས་དགོངས་དག་ཞུས་པའི་རྣམ་ཅིག་མཐོང་ཡོང་གི་འདུག རབ་བྱུང་ན་ཚིག་འདི་བཅོས་རོག་གནང་།
༧གོང་ས་མཆོག་གིས་ཨ་རིའི་གཞུང་ཚབ་དགོངས་དག་ཞུས། ༧གོང་ས་མཆོག་གིས་རྒྱ་ནག་ལ་དགོངས་དག་ཞུས། ༧་གོང་ས་མཆོག་གིས་རྒྱ་གར་ལ་དགོངས་དག་ཞུས། ད་ཡིན་ན་ཉི་མ་ཞིག་ལ་༧གོང་ས་མཆོག་གིས་བོད་རིགས་ཚོར་དགོངས་དག་ཞུ་པ་ཡིན་ན་བོད་ཟེར་བ་འདི་ཚར་སོང་བ་འདྲ།
ཨ་རོགས་འདི་འདྲ་རིགས་འགོ་བརྗོད་ལ་མ་བྲིས་མ་རྟོགས་གང་མཚམས་ཞིག་ནས་ཡོ་རོབ་ལ་ཡང་དགོངས་དག་ཞུ་དགོས་ཆགས་ཡོང་།།
འགོ་བརྗོད་དུ་ཚིག་བཅོས་མ་མ་བྲིས་བ་དེ་དོན་དག་གལ་ཆེན་ཡིན་ཡང་ཕྱོགས་གཞནཞིག་ནས་ཡང་བསམ་མནོ་བཏང་དགོས།
གསར་འགོད་པ་དོན་གོ་ལགས།
ཁོ་བོས་སྤྱི་ཚོགས་སྟེང་ལ་ལས་ཀ་དངོས་སུ་བྱེད་སྡོད་མཁན་མི་ལ་གཅིག་ཟེར་ཡ་འདི་དགའ་པོ་མེད་འོན་ཀྱང་ད་ལན་གསར་འགྱུར་གྱི་ཁ་བྱང་དེ་མི་བདེ་བ་ཞིག་འདུག་། ནུབ་ཕྱོགས་སུ་བཞུགས་པའི་བོད་རིགས་ཡོངས་ལ་མི་བདེ་བ་ཞིག་རེད་ མ་གཞི་གསར་འགྱུར་འདིའི བརྗོད་གཞི་གཙོ་བོ་རྒྱལ་སྤྱིའི་བོད་མིའི་ཆེད་ལས་པའི་ཚོགས་འདུ་ཐེངས་དང་པོ་སྐབས་རེད་འདུག་
༧གོང་ས་མཆོག་གིས་ཨ་རིའི་གཞུང་ཚབ་ལ་དགོངས་དག་ཞུས། ཞེས་པ་གསར་འགོད་པས་ཧམ་པ་ཆེ་དྲག་འདུག འདི་མཐོང་བ་དང་སེམས་ནང་མི་བདེ་པ་ཆེན་པོ་ཞིག་བཟོ་ཡི་འདུག ཧ་ལམ་༸གོང་ས་མཆོག་གིས་ནོར་འཁྲུལ་ཆེན་པོ་ཞིག་གནང་ནས་དགོངས་དག་ཞུས་པ་འཚོར་གྱི་འདུག
དོན་དངོས་ཐོག་གནས་ཚུལ་ཆུང་ཆུང་ཞིག་རེད་འདུག ཨ་རིར་ཕྱིན་སྟེ་ཚུར་མ་ལོག་མཁན་ང་ཚོ་བོད་པ་གཅིག་པུ་མ་རེད་མི་རིགས་འདྲ་མིན་ཡོད་པ་རེད། ༸མགོན་པོ་མཆོག་སྤྱིར་བྱང་ཆུབ་སེམས་དཔའ་ཡིན་པའི་དབང་གིས་དང་ཡང་སྒོས་ང་ཚོ་བོད་མི་རྣམས་ཀྱི་མདུན་ལམ་ཆེད་དུ་གསུངས་པ་ཙམ་ཞིག་རེད་འདུག