ང་རང་གི་ངོས་ནས་ང་ཚོའི་འདུ་ཤེས་ངན་པ་བཅོས་སྒྱུར་བྱ་རྒྱུ་གལ་ཆེན་དུ་མཐོང་གི་ཡོད། འདས་པའི་མི་ལོ་ ༢༠༠༠ ལྷག་གི་རིང་ང་ཚོ་མིའི་འདུ་ཤེས་ལ་འགྱུར་བ་སོང་མེད་སྟབས། གནའ་སྔ་མོའི་བསླབ་བྱ་དེ་དག་ད་ལྟའི་དུས་འདིར་ཡང་འབྲེལ་བ་ཆགས་བསྡད་ཡོད་ལ། མ་འོངས་པའི་ལོ་ངོ་སྟོང་ཕྲག་གི་རྗེས་སུ་ཡང་འབྲེལ་བ་དེ་ལྟར་ལྷག་ངེས་ཡིན། དེ་དག་གི་རྒྱུ་མཚན་གཙོ་བོ་ནི། ང་ཚོ་མིའི་འདུ་ཤེས་ཐད་འགྱུར་བ་གཏོང་ཐུབ་གི་མེད་པ་དེར་རག་ལས་ཡོད་པ་རེད། ཅེས་༧གོང་ས་མཆོག་གིས་གསུངས་ཡོད།
ཟླ་འདིའི་ཕྱི་ཚེས་ ༡༧ ཉིན་༸གོང་ས་མཆོག་གིས་ལ་དྭགས་ཁུལ་གྱི་ཉིན་གྲངས་གསུམ་རིང་གི་མཛད་འཕྲིན་གྲུབ་མ་ཐག ཧང་གྷ་རི་ནང་པའི་ལྷན་ཚོགས་དང་ཧང་གྷ་རི་གྲོས་ཚོགས་བོད་དོན་རྒྱབ་སྐྱོར་ཚོགས་པ་གཉིས་ཀྱིས་གསོལ་འདེབས་གནང་བ་ལྟར། ཧང་གྷ་རིའི་རྒྱལ་ས་བྷོ་ཌ་པོ་སི་གྲོང་ཁྱེར་ནང་ཞབས་སོར་བཀོད་ཡོད་ཅིང་། ཕྱི་ཚེས་ ༡༨ ཉིན་བྷོ་ཌ་པོ་སི་ཊ་རུ་ཆིབས་བསྒྱུར་གྱིས་ཨུ་རུ་སུ་དང་རོ་མ་ནེ་ཡཱ། ཊན་སེ་ཝེ་ནི་ཡཱ་གཙོས་པའི་རྒྱ་ཁབ་ ༣༢ ལྷག་གི་དད་ལྡན་ཆོས་ཞུ་བ་མང་པོར་ནང་ཆོས་ངོ་སྤྲོད་གནང་ཡོད་ལ། ཉིན་རྒྱབ་ཡུལ་དེའི་གྲོང་ཁྱེར་གྱི་ City Hall ཞེས་པའི་ནང་གྲོང་ཁྱེར་སྤྱི་ཁྱབ་སྐུ་ཞབས་མཱ་ཡོར་གྷོ་བྷོ་ཌམ་སི་ཀེལ་ Mayor Gabor Demsky མཆོག་ནས་༸གོང་ས་མཆོག་ལ་རྒྱལ་ས་བྷོ་ཌ་པོ་སི་གྲོང་ཁྱེར་གྱི་ཆེ་བསྟོད་མི་སེར་ཕྱག་འཁྱེར་ཕུལ་ཡོད་པ་རེད།
སྐབས་དེར་༸གོང་ས་མཆོག་གིས་ཁོང་ཉིད་ལ་ཧང་གྷ་རིའི་མི་སེར་གྱི་ཆེ་བསྟོད་གཟེངས་རྟགས་ཕུལ་བ་དེ་ཁོང་ཉིད་ཀྱི་གཟི་བརྗིད་ཅིག་དང་། ལྷག་པར་དུ་ཐེངས་འདིའི་ཕྱག་འཁྱེར་འདིར་དམིགས་གསལ་གྱི་དགེ་མཚན་ཆེན་པོ་ལྡན་ཡོད་པའི་སྐོར་གསུངས་ཡོད་པ་མ་ཟད། ཧང་གྷ་རིའི་མཁས་དབང་དང་བོད་རིག་པ་བ་ཨ་ལེག་ཛན་ཌར་ Alexander Csoma de Koros ལགས་ཀྱིས་བོད་དབྱིན་ཚིག་མཛོད་ཐོག་མ་ཕྱག་རྩོམ་དང་དཔར་སྐྲུན་ལེགས་གྲུབ་བྱུང་བར་དགའ་བོ་བྱུང་བསྔགས་བརྗོད་ཀྱང་མཛད་ཡོད། ཐེངས་འདིའི་༸གོང་ས་མཆོག་ལ་ཕུལ་བའི་ཕྱག་འཁྱེར་དང་མཉམ་དུ། གྲོང་ཁྱེར་སྤྱི་ཁྱབ་ཀྱིས་མཚན་རྟགས་འཁོད་པའི་བོད་ཡིག་ཕྱག་འཁྱེར་ཞིག་ཀྱང་ཟུར་འབུལ་ཞུས་ཡོད་འདུག་ལ། དེ་ནི་༸གོང་ས་མཆོག་ལ་ཆེ་བསྟོད་བོད་ཡིག་ཕྱག་འཁྱེར་ཕུལ་ཐེངས་ཐོག་མ་དེ་ཆགས་ཡོད་འདུག་ལ། དེར་ཡོད་བོད་མི་རྣམས་ཀྱིས་ཐེངས་འདིའི་ཧང་གྷ་རི་རྒྱལ་ཁབ་ཀྱིས་༸གོང་ས་ལ་མི་སེར་གྱི་ཆེས་བསྟོད་གཟེངས་རྟགས་དང་། ལྷག་པར་དུ་བོད་ཡིག་ཡོད་པའི་ཕྱག་འཁྱེར་ཕུལ་བ་དེ་རྒྱལ་ཁབ་དེ་ཉིད་ཀྱིས་བོད་པའི་ཆབ་སྲིད་དང་ལྷག་པར་དུ་བོད་ཀྱི་སྐད་ཡིག་ལ་བརྩི་མཐོང་བྱས་པ་ཞིག་ལ་ངོས་འཛིན་གནང་གི་ཡོད་འདུག
J)~X.jpg)
ཕྱི་ཚེས་ ༡༩ ཉིན་ཡུལ་དེའི་ནང་པའི་ཆོས་ཚོགས་ཁག་བརྒྱད་ཀྱི་གསོལ་འདེབས་གནང་བ་ལྟར། ༸གོང་ས་མཆོག་གིས་དེར་ཡོད་རྒྱལ་སའི་ཚོགས་ཁང་དུ་དད་ལྡན་ཆོས་ཞུ་བ་ཁྲི་གཅིག་དང་ཉིས་སྟོང་ལྷག་ལ་སྤྱན་རས་གཟིགས་ཀྱི་བཀའ་དབང་གནང་བ་དང་འབྲེལ་བཀའ་སློབ་གསུང་བཤད་བསྩལ་ཏེ། ང་རང་གི་ངོས་ནས་ང་ཚོའི་འདུ་ཤེས་ངན་པ་བཅོས་སྒྱུར་བྱ་རྒྱུ་གལ་ཆེན་དུ་མཐོང་གི་ཡོད། འདས་པའི་མི་ལོ་ ༢༠༠༠ ལྷག་གི་རིང་ང་ཚོ་མིའི་འདུ་ཤེས་ལ་འགྱུར་བ་སོང་མེད་སྟབས། གནའ་སྔ་མོའི་བསླབ་བྱ་དེ་དག་ད་ལྟའི་དུས་འདིར་ཡང་འབྲེལ་བ་ཆགས་བསྡད་ཡོད་ལ། མ་འོངས་པའི་ལོ་ངོ་སྟོང་ཕྲག་གི་རྗེས་སུ་ཡང་འབྲེལ་བ་དེ་ལྟར་ལྷག་ངེས་ཡིན། དེ་དག་གི་རྒྱུ་མཚན་གཙོ་བོ་ནི། ང་ཚོ་མིའི་འདུ་ཤེས་ཐད་འགྱུར་བ་གཏོང་ཐུབ་གི་མེད་པ་དེར་རག་ལས་ཡོད་པ་རེད། འཛམ་གླིང་འདིའི་ཐོག་ང་ཚོ་མི་གྲངས་ཐེར་འབུམ་བདུན་མ་ཟིན་ཙམ་ཡོད་པའི་མི་ཚང་མར་ཆགས་ཞེན་དང་ང་རྒྱལ། འདོད་རྔམ། བརྩེ་བ། བྱམས་པ་བཅས་ཡོད་པ་རེད། བདེ་བ་འདོད་པ་དང་སྡུག་བསྔལ་མི་འདོད་པ་ཚང་མ་གཅིག་མཚུངས་རེད་ཅེས་དེར་ཡོད་ཆོས་ཞུ་བ་རྣམས་ལ་བཀའ་སློབ་བསྩལ་ཡོད།
ཐེངས་འདིའི་གསུང་ཆོས་གོ་སྒྲིག་ཚོགས་ཆུང་གིས་གསར་ལམ་དུ་བརྗོད་དོན་ལྟར་ན། ཐེངས་འདིའི་གསུང་ཆོས་ཞུ་མཁན་གྱི་བརྒྱ་ཆའི་བཅུ་གནང་པ་དང་བརྒྱ་ཆའི་དགུ་བཅུ་ཆོས་ལུགས་འདྲ་མིན་ནས་ཕེབས་པའི་ཆོས་ཞུ་བ་ཡིན་ཚུལ་བརྗོད་འདུག་ལ། ཐེངས་འདིར་ཆོས་ཞུ་བ་ཧ་ཅང་མང་པོ་ཕེབས་ཡོད་སྟབས་ཚོགས་ཁང་དེའི་ཕྱག་འཁྱེར་ཡོངས་སྔ་མོ་ནས་རྫོགས་ཡོད་པ་མ་ཟད། ཕྱག་འཁྱེར་མ་རག་པ་རྣམས་ཀྱི་ཆེད་དུ་ཡུལ་དེའི་ esoguru.com ཞེས་པའི་དྲ་རྒྱའི་ཐོག་ཐད་ཀར་གཟིགས་འབུལ་གྱི་མཐུན་རྐྱེན་བསྐྲུན་ཡོད་འདུག་ལ། ཁོང་གི་གསུང་ཆོས་སྐད་རིགས་དྲུག་ཙམ་གྱི་ཐོག་སྐད་བསྒྱུར་གྱིས་རྒྱང་བསྲིངས་བྱས་ཡོད་འདུག ཁ་སང་ཉིན་རྒྱབ་དེར་ཡོད་མི་མང་ལ་༼ བྱམས་བརྩེ་ནི་བདེ་སྐྱིད་ཀྱི་རྩ་བ་ཡིན ༽ ཞེས་པའི་བརྗོད་གཞིའི་ཐོག་བཀའ་སློབ་བསྩལ་ཡོད་ཅིང་། དེ་རིང་༸གོང་ས་མཆོག་ཧང་གྷ་རི་སྤྱི་མཐུན་རྒྱལ་ཁབ་ཀྱི་གྲོས་ཚོགས་ནང་ཆིབས་བསྒྱུར་བསྐྱངས་ཏེ། དེར་ཡོད་གཞུང་འཛིན་མི་སྣ་དང་གནད་ཡོད་ཁག་དང་ཐུག་འཕྲད་ཀྱིས་བཀའ་མོལ་གནང་འཆར་དང་། སང་ཉིན་ཡུལ་འདིའི་མཛད་འཕྲིན་ཡོངས་སུ་གྲུབ་སྟེ་འཇར་མན་གྱི་གྲོང་ཁྱེར་ཕ་རི་སུར་ཆིབས་བསྒྱུར་བསྐྱང་རྒྱུ་ཡིན་འདུག
གསར་འགོད་པ། དོན་གོ།
ཨ་ཙེ། ངོ་མ་བྱས་ན་བཀྲས་མཐོང་ལས་འོས་པ་སུ་མ་མཐོང་།
དྲྭ་གྲོགས་ཤེལ་དཀར་བློ་བཟང་ལགས། རབ་འབྱུང་ན་༸གོང་ས་མཆོག་གི་དགོངས་པ་བཞིན་མི་རབས་གསར་པའི་ནང་ནས་གཞོན་སྐྱེས་ཤིག་དགོས་ནའང་ད་ལྟ་ང་ཚོ་ལ་དགོས་པའི་བཀའ་ཁྲི་དེ་ངེས་པར་དུ་ཉམས་མྱོང་ཅན་ཞིག་ཡིན་དགོས་པ་ནི་སྨོས་མེད་རེད། ཁྱེད་ཀྱིས་གསུངས་པ་ལྟར་འཛམ་གླིང་སྤྱིའི་འགྲོ་སྟངས་སོགས་ལ་བྱང་ཆུབ་པ་ཡིན་མིན་མི་ཤེས་མོད། ཆེད་ལས་པ་བློ་བཟང་སེང་གེ་ལགས་ལྟ་བུ་གཞུང་ཞབས་ཀྱི་ཉམས་མྱོང་གང་ཡང་མེད་པས་བྱིས་པས་ལས་ལ་རྟུག་དྲི་ཁ་ཟེར་བའི་གཏམ་དཔེ་ལྟར་མིན་པ་ད་ལྟའི་ཆར་སྤྱི་འཐུས་སོགས་གང་གནང་ཡང་རུང་ཐོག་མར་ཉམས་མྱོང་བསག་ནས་གཞི་ནས་བཀའ་ཁྲིར་བཞེངས་ན་དངོས་གནས་ཡག་པོ་འདུག ད་ལྟའི་གནས་སྟངས་ལྟར་ན་ཁོང་བཀའ་ཁྲིར་འོས་པ་མི་མཐོང་ངོ་།
བཀྲས་མཐོང་བསྟན་འཛིནརྣམ་རྒྱལ་ལགས་ལྟ་བུ་ཡིན་ན་འདས་པའི་ལོ་རྒྱུས་ནང་ཞིབ་ཏུ་དཔྱད་ཚེ་ལེགས་ཉེས་གཉིས་ལས་ལེགས་ཆ་མང་བ་དེ་ནི་གསལ་པོ་ཡིན་ན་ཡང་ད་ལྟ་ང་ཚོའི་སྤྱི་ཚོགས་དང་ལྷག་པར་དུ་གཞོན་སྐྱེས་ནང་ཁོང་ལ་ལྟ་སྟངས་སྡུག་པོ་ཞིག་ཡོད་པས་ཁོང་ཡང་འོས་འཐོབ་མིན་དེ་གསལ་པོ་མི་ཤེས།
དེས་ན་༸གོང་ས་མཆོག་གི་དགོངས་པ་དང་ཡང་མཐུན། ང་རང་གི་བསམ་ཚུལ་ལྟར་གཞུང་ཞབས་ཀྱི་ཉམས་མྱོང་དང་ཡང་ལྡན། ད་ལྟའི་ཆར་སྤྱི་ཚོགས་ནང་གི་རྒན་གཞོན་ཚོས་ལྟ་སྟངས་ཡང་སྡུག་པོ་དེ་ཙམ་མེད་པའི་སྤྱི་འཐུས་ཚོགས་གཞོན་རྒྱ་རི་སྒྲོལ་མ་ནི་༢༠༡༡་ལོའི་བཀའ་ཁྲིར་འོས་ཤོས་སུ་མཐོང་ངོ་།
དྲ་གྲོགས་རང་རིག་རྡོ་རྗེ་ཉི་མ་ལགས།
ཁོ་བོའི་བསམ་ཚུལ་ལྟར་ན། འབྱུང་འགྱུར་གྱི་བཀའ་བློན་ཁྲི་པ་ཁྲིམས་ལུགས་མཁས་ཅན་བློ་བཟང་སེང་གེ་ལགས་འོས་ཤོས་སུ་མངོན་གྱི་འདུག
རྒྱུ་མཚན་གང་ཡིན་ཞེས་ན་ཁོང་ནི་ཤེས་ཡོན་ལྷག་བསམ་གྱི་ཕྱུག་པའི་དེང་རབས་པ་ཞིག་ཡིན་པ་དང་། འཛམ་བུ་གླིང་སྤྱིའི་འགྲོ་སྟངས་སོགས་ལ་བྱང་ཆུབ་པ། ལྷག་པར་དུ་༸མགོན་པོ་མཆོག་སྐུ་འཚོ་བཞུགས་ཀྱི་བསྐལ་བཟང་དུས་བཟང་འདིར་གཞོན་སྐྱེས་ཞིག་གིས་རང་གི་འཇོན་ཐང་དང་། རྣམ་དཔྱོད་གདོན་ཐུབ་ན་རྒན་རབས་པ་རྣམས་ལ་སྒྲུབ་པའི་མཆོད་པ་དང་། དེང་རབས་པ་རྣམས་ལ་མིག་དཔེ་བཟང་པོ་ཞིག་གི་ཐོག་ལུགས་གཉིས་མངའ་ཐང་གོང་ནས་གོང་དུ་འཕེལ་བའི་ཡིད་ཆེས་དང་རེ་བ་ཡོད།།
ཞར་བྱུང་དུ་བཀའ་དྲི་ཞུ་རྒྱུར། ཁྱེད་རང་གི་མ་འོངས་པའི་བཀའ་ཁྲི་སུ་ལ་ཡིད་ཆེས་དང་རེ་བ་ཡོད།
རང་རིག་རྡོ་རྗེ་ཉི་མ་ལགས། ངས་བྱས་ན་༢༠༡༡་ལོའི་བཀའ་ལོན་ཁྲི་པ་ནི་༼མཁས་དབང་བློ་བཟང་སེང་གེ་༽ཡིན་པ་བརྒྱ་ཆ་བརྒྱ་རེད།
དྲྭ་གྲོགས་ཤེལ་དཀར་བློ་བཟང་ལགས། ཁྱེད་བྱས་ན་༢༠༡༡་ཀྱི་བཀའ་ཁྲི་ལ་འོས་ཤོས་དེ་སུ་རེད།
སྐྱེ་འགྲོ་ཀུན་གྱི་མགོན་དཔུང་དམ་པ་འཛམ་གླིང་ཞི་བདེའི་དེད་དཔོན་བོད་མིའི་ཆོས་སྲིད་གཉིས་ཀྱི་དབུ་ཁྲིད། ༸གོང་ས་ལྷ་མིའི་རྣམ་འདྲེན་སྐྱབས་མགོན་༸རྒྱལ་དབང་ཐམས་ཅད་མཁྱེན་པ་མཆོག་གིས་ཆེ་བསྟོད་བོད་ཡིག་ཕྱག་འཁྱེར་དགྱེས་བཞེས་གནང་བར་སྙིང་དབུས་ནས་འཚམས་འདྲིའི་བཀྲིས་བདེ་ལེགས་ཞུ་བ་དང་ཆབས་ཅིག རང་ཅག་སྐྱབས་འོག་པ་རྣམས་ཀྱི་སླད་དུ་སྐུ་ཚེ་ཞབས་པད་སྲིད་མཐར་བརྟན་པའི་སྨོན་འདུན་ཤུགས་དྲག་དང་བཅས།།
ཕྱི་རུ་ཉན་ཐོས་སྤྱོད་པས་ཞི་ཞིང་དུལ།།
ནང་དུ་རིམ་གཉིས་རྣལ་འབྱོར་གདེང་དང་ལྡན།།
མདོ་སྔགས་ལམ་བཟང་འགལ་མེད་གྲོགས་སུ་ཁྱེར།།
བློ་བཟང་རྒྱལ་བའི་བསྟན་རྒྱལ་བའི་བསྟན་པ་རྒྱས་གྱུར་ཅིག།