རྟའུ་བློ་བཟང་དཔལ་ལྡན་གྱི་དྲ་རྒྱ།

matt terry and nicole dating http://locals-singles.cupid-com.bestonlinedating.website dating an introvert

བློ་བཟང་དཔལ་ལྡན་ལགས།ཁྱེད་ཉིད་བཀའ་ཁྲིའི་འོས་ཤོག་མི་ཐོབ་པ་ནི་ཧ་གོ་དོན་གསལ་རེད།ག་སྲིད་ཁྱེད་ལ་བཀའ་ཁྲིའི་ཆེད་དུ་འགྲོ་སོང་གཏོང་རྒྱཱུའི་དངུལ་ལྷག་མ་འདྲ་ཡོད་པ་ཡིན་ན།བོད་མི་རིགས་དང་།སྤྱི་པའི་རྩ་དོན་ལ་ཕན་པའི་བོད་ཕྲུག་ཅིག་ལ་སློབ་ཡོན་རོགས་རམ་ཞིག་གནང་ཐུབ་པ་ཡིན་ན་ཁྱེད་ལ་ཐུགས་རྗེ་དཀའ་དྲིན་ཆེ་ཞུ་རྒྱུ་ཡིན།

བཀའ་བློན་ཁྲི་པའི་འོས་མིའི་ཁོངས་སུ་ཕེབས་པ་མཁས་དབང་རྟའུ་བློ་བཟང་དཔལ་ལྡན་མཆོག་ནི། མདོ་སྟོད་དུ་འཁྲུངས་ཤིང་ཕྱི་ལོ་ ༡༩༥༩ ལོར་ཁོང་དང་ཁོང་གི་ནང་མི་རྣམས་བཙན་བྱོལ་དུ་ཕེབས། དེ་རྗེས་ལོ་གཉིས་རིང་ཀ་བློན་ཕུག་ཏུ་ཡོད་པའི་(St. Augustin School)སློབ་གྲྭའི་ནང་སློབ་སྦྱོང་གནང་བ་དང། སིམ་ལར་དབུས་བོད་སློབ་ཏུ་སློབ་སྦྱོང་གནང་བ་རེད། ཕྱི་ལོ་ ༡༩༦༣ སྟེ་ཁོང་དགུང་ལོ་བཅུ་གཉིས་ལ་ཕེབས་སྐབས་བོད་ཀྱི་ཕྲུག་གུ་ཁག་ཅིག་དང་ལྷན་དུ་རྗར་མེ་ནི་ནང་སློབ་སྦྱོང་གནང་བར་ཕེབས། གཞི་རིམ་དང་འབྲིང་རིམ་སློབ་གྲྭ་ཁག་ཐོན་རྗེས་རྗར་མན་གྱི་གནའ་བོའི་གྲོང་ཁྱེར་ཡོ་རོབ་ནང་ཆེས་སྔ་ཤོས་གྲས་དང་སྙན་གྲགས་ཆེ་བའི་གཙུག་ལག་སློབ་གྲྭ་ཧལ་རྡེ་རྦག་(Heildelberg, University)ནང་ནུབ་ཕྱོགས་གསོ་རིག་ལ་སློབ་སྦྱོང་གནང་། ༡༩༧༩ ལོར་གསོ་རིག་སློབ་སྦྱོང་མཐར་སོན་བྱུང་རྗེས་འཇར་མེ་ནིའི་གྲོང་ཁྱེར་ཁག་མང་ནང་སྨན་པའི་བྱ་བ་སྣ་ཚོགས་གནང་། ༡༩༨༩ ནས་བཟུང་རྗར་མན་གྲོང་ཁྱེར་རྦོན(Bonn)གྱི་གཙུག་ལག་སློབ་གྲྭའི་ཁོངས་གཏོགས་སྨན་ཁང་ཆེན་པོ་ཞིག་གི་ཁོག་ནད་སྡེ་ཚན་ནང་མཐོ་རིམ་སྨན་པ་རྒན་གྲས་ཀྱི་ (Senior Doctor) ལས་འགན་བཞེས་བཞིན་ཡོད།

རྟའུ་བློ་བཟང་དཔལ་ལྡན་མཆོག་གིས་ཆེད་ལས་སྨན་པའི་བྱ་བ་སྒྲུབ་ཞོར་དུ་བོད་ཀྱི་རྩ་དོན་ཆེད་ཕྱག་ལས་ཆེ་ཆུང་སྣ་ཚོགས་གནང་གིན་ཡོད་ལ། དེའི་ཁྲོད་དུ་རྗར་མན་བོད་དོན་རྒྱབ་སྐྱོར་ཚོགས་པ་(www.tibet-initiative.de)www.tibet-initiative.de)www.tibet-initiative.de)དེ་བཞིན་གསར་བཙུགས་ཀྱི་གྲོས་འདོན་གནང་བ་དང་ཚོགས་པ་དེའི་འགན་འཁུར་ལོ་ཤས་གནང་བ་ཙམ་དུ་མ་ཟད། ལོ་མང་རིང་རྗར་འཁོད་བོད་རིགས་ཚོགས་པའི་ཚོགས་གཙོའི་ཐུགས་འགན་བཞེས་ཡོད། རིགས་ གཅིག་རྐང་འཛིན་པ་དང་ཁ་བ་ཅན་གྱི་ལས་དབང་ཆེད་ཕྱག་ལས་གནང་བ་དང་ལྷན་དུ་ཁོང་གི་ སྐྱེས་སྟོབས་ཤེས་རབ་ཕུལ་དུ་བྱུང་བས་སྙན་རྩོམ་འབྲི་རྒྱུ་དང་། གཞས་གསར་རྩོམ་གནང་རྒྱུ། གཞས་གཏོང་བ་བཅས་ལས་“སྤྲིན་འཁོར་“ཞེས་ པའི་འོད་སྡེར་ཐེངས་བཞིར་འགྲེམས་སྤེལ་གནང་བས་མཚོན་པར་ནུས་ཤིང་། རྒྱ་ཆེའི་ཤ་ཁྲག་གཅིག་པའི་བོདརིགས་སྤུན་ཟླ་ཡོངས་དང་། ལྷག་དོན་གཞིས་ལུས་བོད་པའི་ནང་ལ་ཁོང་གི་སྤྲིན་འཁོར་དང་པོའི་གཞས་༼གནམ་གོང་གི་ ཉི་ཟླ་༽ཞེས་པ་དེར་ཉན་རྒྱུར་དགའ་མོས་བྱ་མཁན་ཧ་ཅང་མང་བས་གཞས་དེ་ཧ་མ་གོ་མཁན་ཧ་ ལམ་མེད། སྤྲིན་འཁོར་ཚོང་འགྲེམས་ཡག་པོ་བྱུང་་བ་དེའི་ཁེ་འབབ་རྣམས་བོད་གཞུང་ཤེས་རིག་ ཁང་དང་བོད་ཁྱིམ་ལ་ཕུལ་གནང་མཛད་པ་རེད། ཕྱི་ལོ་ ༡༩༩༥ ལོར་ཁོང་དང་ཁོང་གི་སྐུ་ཟླ་ཆོས་ཉིད་ལྷ་མོ་གཉིས་ཀྱིས་“རྟ་བྲག་ཚོགས་པ་“ཞེས་ པ་གསར་བཙུགས་གནང་ཞིང་། ཚོགས་པ་དེའི་ལས་གཞིའི་རྣམ་གྲངས་མང་པོ་ཡོད་པའི་ནང་ནས་བུ་ཕྲུག་ཁྱིམ་སྡེ་དང་ སློབ་གྲྭ་སོགས་ཡོད་པ་ཞིག་མདོ་སྟོད་སྨད་གཉིས་སུ་ཁག་གཉིས་བཙུགས་ཏེ། ༢༠༠༨ ནས་བཟུང་ལས་རིམ་ཁག་གི་འགན་རྣམས་ས་གནས་མི་སྣར་སྤྲད་ཡོད།

མཁས་དབང་མཆོག་དང་རྟའུ་ཆོས་ཉིད་ལྷ་མོ་གཉིས་ལ་རིགས་ཀྱི་མྱུ་གུ་གསུམ་ཡོད་པ་ནི། རྟའུ་གཡུ་ལྷ་དང་། རྟའུ་རིག་དགའ། རྟའུ་གསེར་ལྷ་བཅས་ལས། གཡུ་ལྷ་ནི་གསོ་བ་རིག་པར་སློབ་ཐོན་བྱུང་རྗེས་སྨན་པའི་བྱ་བ་སྒྲུབ་བཞིན་པ་དང་། ཁོང་མོས་བླངས་པའི་གླུ་༼ཕོ་མོ་འདྲ་མཉམ།༽ཞེས་པར་དགའ་ཞེན་བྱ་མཁན་ཧ་ཅང་ཚད་མཐོར་སླེབས་ཡོད། རྟའུ་རིག་དགའ་ནི་སྐྱེ་དངོས་ཚན་རིག་པ་ཡིན་ལ། རྟའུ་གསེར་ལྷ་ཡང་གསོ་བ་རིག་པར་སློབ་གཉེར་གནང་བཞིན་ཡོད། ཁོང་གཉིས་ཀར་གླུ་གཞས་ལེན་རྒྱུ་དགའ་བ་དང་ལེན་མཁས་པས་སྤྲིན་འཁོར་གསུམ་པ་དང་བཞི་པའི་ནང་ཁོང་གཉིས་ནས་བླངས་པའི་གཞས་ཁག་ཅིག་ཉན་རྒྱུ་ཡོད། མཁས་དབང་རྟའུ་བློ་བཟང་དཔལ་ལྡན་མཆོག་འདས་པའི་མི་ལོ་བཅུ་བཞིའི་རིང་ཨ་རིའི་རྒྱང་བསྲིང་རླུང་འཕྲིན་ཁང་(VOA)དང་ཨེ་ཤི་ཡ་རང་དབང་རླུང་འཕྲིན་ཁང་(RFA)གི་གསོ་རིག་དང་། རང་བྱུང་ཚན་རིག ཚན་རིག་དང་ནང་པའི་ལྟ་གྲུབ་བར་གྱི་ཁྱད་པར་ལ་སོགས་པའི་སྐོར་བཅར་འདྲི་ཞུ་ཡུལ་གྱི་མི་སྣ་གལ་ཆེ་ཞིག་ཆགས་ཡོད། ཁོང་ནི་སྦྱངས་པའི་ཡོན་ཏན་ཆེ་ལ་སྐྱེས་སྟོབས་ཀྱི་ཤེས་རབ་ཕྱུག་པའི་དུས་རབས་ཉེར་ གཅིག་པའི་བོད་རིགས་མི་སྣ་བློ་གྲོས་ཅན་ཞིག་ཡིན་པ་ཡོངས་གྲགས་རེད།

གསོ་རིག་མཁས་དབང་རྟའུ་བློ་བཟང་དཔལ་ལྡན་ལགས།
ང་ཚོ་བཙན་བྱོལ་བོད་མི་མང་ལ་དགོས་པའི་བཀའ་ཁྲི་ནི་རྒྱལ་སྤྱིའི་ཁྲིམས་ལུགས་དང་།ཆབ་སྲིད་ཀྱི་མཁས་དབང་ཞིག་དགོས་པ་ལས་སྨན་བཅོས་ཆེད་དུ་གསོ་རིག་ལ་མཁས་པའི་སྨན་པ་ཞིག་འོས་འདེམས་བྱེད་ཀྱི་ཡོད་མ་རེད།
དེ་དོན་དགོངས་འཇགས་འཚལ།