༧གོང་ས་མཆོག་གིས་ལམ་དབུ་མའི་སྐོར་བཀའ་གནང་དུས་ཐུགས་མཉེས་པོའི་སྒོ་ནས་བཀའ་གནང་བ་ཞིག་ལ་ངོས་འཛིན་བྱེད་ཀྱི་མེད། སྐུ་ངལ་མཛད་དཀའ་ཆེན་པོ་ཞིག་འཕྲད་དེ་བཀའ་གནང་བ་རེད། དེའི་ཐད་ནས་བལྟས་ན་བོད་ཀྱི་གཞོན་ནུ་ལྷན་ཚོགས་ཀྱི་ལམ་དབུ་མ་དང་མི་མཐུན་པའི་ཐོག་ནས་བོད་རང་བཙན་གྱི་ལྟ་བ་མུ་མཐུད་དེ་འཛིན་དགོས་ཀྱི་འདུག་ཟེར་བ་དེ། རྒྱལ་བའི་བཀའ་དང་འགལ་ཡོད་ནའང་རྒྱལ་བའི་ཐུགས་དང་འགལ་མེད་ཟེར། ཕྱི་ཚེས་ ༧ ཉིན་བོད་གཞུང་ཟློས་གར་ཐང་ཆེན་དུ་ངྷ་ས་བོད་ཀྱི་གཞོན་ནུ་ཚོགས་པས་གོ་སྒྲིག་འོག བོད་ཀྱི་གཞོན་ནུ་ལྷན་ཚོགས་དབུ་བརྙེས་ཏེ་ལོ་ ༤༡ འཁོར་བའི་དུས་དྲན་སྲུང་གཙི་བྱས་ཡོད་ཅིང་། མཛད་སྒོའི་སྐུ་མགྲོན་དུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་བ་ལྷ་བཟང་ཚེ་རིང་ལགས་དང་དབུས་གཞོན་ནུ་ལྷན་ཚོགས་ཀྱི་ཚོགས་གཞོན་སྤོ་ཆུང་ཚང་དོན་གྲུབ་ལྷ་དར། བོད་གཞུང་ཟློ་གར་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས་བཅས་ཕེབས་ཡོད།
མཛད་སྒོའི་ཐོག་བོད་རང་བཙན་འཐབ་རྩོད་པ་དང་གཞོན་ནུའི་ཚོགས་གཙོ་ཟུར་བ་ལྷ་བཟང་ཚེ་རིང་ལགས་ཀྱིས། བོད་ཀྱི་རྩ་དོན་དང་བོད་ཀྱི་གཞོན་སྐྱེས་ཀྱི་འགན་འཁྲི་ཞེས་པའི་བརྗོད་གཞིའི་ཐོག་གསུངས་བཤད་གནང་དོན། བོད་ཀྱི་རྩ་དོན་ཟེར་དུས་ཐོག་མར་ང་ཚོས་རྩ་དོན་དེ་གང་འདྲ་ཞིག་ལ་ངོས་འཛིན་བྱེད་གི་རེད། དུས་རྒྱུན་མང་བོ་ཞིག་གིས་ཆོས་དང་རིག་གཞུང་སྲུང་སྐྱོབ་བྱེད་པ་དེ་ང་ཚོའི་རྩ་དོན་ཡིན་ཟེར་བ་དང་། གཞིས་བྱེས་མི་མང་མཉམ་འཛོམས་ཡོང་རྒྱུ་དེ་ང་ཚོའི་རྩ་དོན་ཡིན་ཟེར་བ། དེ་བཞིན་གཞི་རྒྱ་ཆེ་ས་ནས་༧གོང་ས་མཆོག་བོད་དུ་གདན་འདྲེན་ཞུ་རྒྱུ་དེ་ང་ཚོའི་རྩ་དོན་ཡིན་ཟེར་གི་ཡོད་མོད། མཐར་འབབ་ས་དེ་བོད་ཀྱི་རང་ས་རང་ཡུལ་དེ་བོད་མི་རྣམས་བདག་དགོས་ཀྱི་འདུག དེ་ལས་བརྒལ་བའི་རྩ་དོན་ཞིག་ང་ལྟ་བུ་ཞིག་གིས་མཐོང་ཐུབ་ཀྱི་མི་འདུག ཡང་རང་ཡུལ་རང་ལ་བདག་དགོས་ཀྱི་འདུག་ཟེར་དུས། ཆོས་དང་རིག་གཞུང་སྲུང་སྐྱོབ་ལྟ་བུ་ཡིན་ན་རིག་གཞུང་ལ་ཆ་ཤས་མང་བོ་ཡོད་ལ། སྐབས་དང་དུས་ལ་འགྱུར་བ་འགྲོ་གི་ཡོད། དཔེར་ན། བོད་ལྭ་གྱོན་པ་ང་ཚོའི་རིག་གཞུང་རེད་དམ། རྩམ་པ་ཟ་བ་ང་ཚོའི་རིག་གཞུང་རེད་དམ། ངས་འདི་ལྟར་བསམ་དུས་རིག་གཞུང་གི་ཆ་རྐྱེན་མང་བོ་ཞིག་ཡོད་མོད། གཞི་རྩའི་བོད་ཀྱི་རིག་གཞུང་ཟེར་བ་དེ་བརྟན་པོར་ཉར་རྒྱུར་ཐུག་ས་གཅིག་ཡོད་པ་ནི་སྐད་ཡིག་ཡིན། དཔེར་ན་ཕྲེང་བར་ཕྲེང་རྡོག་བརྒྱ་དང་བརྒྱད་ཡོད་ནའང་། སྐུད་པ་མེད་ན་ཕྲེང་བ་མེད་ལ། ཕྲེང་རྡོག་སྟོང་ཕྲག་ཡོད་ནའང་སྐུད་པ་མེད་ན་ཕྲེང་བ་མེད་པ་ལྟར། ང་ཚོར་རིག་གཞུང་གི་ཆ་ཤས་མང་བོ་ཡོད་པ་ལས་སྐད་ཡིག་བརླག་ན་དེ་རིག་གཞུང་གི་སྲོག་རྩ་རེད་ལ། དེ་ཉམས་ན་ཚང་མ་ཉམས་འགྲོ་གི་རེད།
དེ་བཞིན་རང་ཡུལ་རང་ལ་བདག་དགོས་པ་དང་། བོད་དེ་བོད་ལ་བདག་དགོས་པར་ཆབ་སྲིད་ཀྱི་ངོས་ནས་བསམ་བློ་བཏང་ན། རང་བཙན་དེ་རྒྱལ་ཁབ་ཀྱི་སྲོག་རྩ་རེད། རང་བཙན་མེད་པའི་རྒྱལ་ཁབ་ཅིག་ཡིན་ན་རྒྱལ་ཁབ་དེ་ཤི་ཚར་བ་རེད། དེར་བརྟེན་ང་ཚོས་རང་བཙན་ཞེས་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་འགྱུར་བ་མེད་པའི་ལངས་ཕྱོགས་ཤིག་འཛིན་དོན། ངས་ནི་རྩ་དོན་གྱི་ཐུག་ས་དེ་ཕྱོགས་གང་ནས་བལྟས་ཀྱང་མཐའ་མར་བོད་རང་བཙན་ལ་ཐུག་གི་འདུག་ཟེར་གྱི་ཡོད། ཡང་བོད་རང་བཙན་བཤད་སྐབས་ཁག་ཅིག་གིས་ལམ་སང་དེ་༧གོང་ས་མཆོག་གི་བཀའ་དང་འགལ་བ་རེད། བོད་གཞུང་དང་མཐུན་གི་མི་འདུག་ཟེར་གི་རེད། ངས་ངོས་ནས་༧གོང་ས་མཆོག་གིས་ལམ་དབུ་མའི་སྐོར་བཀའ་གནང་དུས་ཐུགས་མཉེས་པོའི་སྒོ་ནས་བཀའ་གནང་བ་ཞིག་ལ་ངོས་འཛིན་བྱེད་ཀྱི་མེད། སྐུ་ངལ་མཛད་དཀའ་ཆེན་པོ་ཞིག་འཕྲད་དེ་བཀའ་གནང་བ་རེད། དེའི་ཐད་ནས་བལྟས་ན་བོད་ཀྱི་གཞོན་ནུ་ལྷན་ཚོགས་ཀྱི་ལམ་དབུ་མ་དང་མི་མཐུན་པའི་ཐོག་ནས་བོད་རང་བཙན་གྱི་ལྟ་བ་མུ་མཐུད་དེ་འཛིན་དགོས་ཀྱི་འདུག་ཟེར་བ་དེ། རྒྱལ་བའི་བཀའ་དང་འགལ་ཡོད་ནའང་རྒྱལ་བའི་ཐུགས་དང་འགལ་མེད།
དེ་བཞིན་བོད་གཞུང་གིས་ལམ་དབུ་མའི་ཐོག་ནས་འབད་བརྩོན་གནང་གི་ཡོད་ནའང་། གཞོན་ནུ་ལྷན་ཚོགས་ཀྱི་ངོས་ནས་དེ་འགྲིག་གི་མི་འདུག ང་ཚོའི་རྩ་དོན་དེ་མུ་མཐུད་རང་བཙན་གཙང་མའི་སྟེང་དུ་འབབ་དགོས་ཀྱི་འདུག་ཅེས་ཨུ་ཚུགས་རྒྱག་དོན། རྒྱུ་མཚན་མཐའ་མ་ནི་ལམ་དབུ་མ་མཐའ་གཅིག་ཏུ་འགྲིག་གི་མི་འདུག་ཟེར་གྱི་མེད་པར། དགོས་པ་དེ་རྒྱལ་ཁབ་སུ་དང་མི་རིགས་གང་ཡིན་ནའང་རང་གི་རྒྱལ་ཁབ་དེ་བདག་དགོས་ཀྱི་ཡོད་ནའང་། ཕྱིའི་ཆ་རྐྱེན་དང་དངོས་ཡོད་གནས་ཚུལ་མང་བོའི་ཐོག་ནས་བསམ་བློ་མ་འདྲ་བ་གཏོང་དགོས་ཡོང་གི་ཡོད་མོད། ང་ལྟ་བུ་ཞིག་གིས་ལམ་དབུ་མ་ཁས་ལེན་མ་ཐུབ་པའི་རྒྱུ་མཚན་གཙོ་བོ་དགྲ་བོ་རྒྱ་ནག་ལ་རེ་བ་དང་ཡིད་ཆེས་རྩ་བ་ཉིད་ནས་མེད་ཟེར་བ་དེ་ཡིན། ཞེས་གསུངས་ཡོད།
ཉིན་དེར་བོད་ཀྱི་དབུས་གཞོན་ནུ་ལྷན་ཚོགས་ཀྱིས་བོད་ཀྱི་གཞོན་ནུ་ལྷན་ཚོགས་དབུ་བརྙེས་ཏེ་བགྲང་བྱ་ ༤༡ འཁོར་བའི་དུས་དྲན་ཉིན་མོར་བོད་གཞིས་བྱེས་གཉིས་ལ་གསུང་འཕྲིན་ཞིག་ཕུལ་བའི་ནང་། ང་ཚོ་བོད་མི་ས་ཡ་དྲུག་ཐུན་མོང་གི་ནུས་ཤུགས་དོན་སྨིན་དང་འཐབ་རྩོད་ཀྱི་རྒྱལ་ཁ་ནམ་ཞིག་འཐོབ་མིན་གཙོ་བོ་གཞན་གྱི་རྒྱབ་སྐྱོར་དང་ངོས་འཛིན་ལ་རག་ལས་མེད་པར། ང་ཚོ་རང་གི་ཆིག་སྒྲིལ་དང་འགན་འཁུར་གྱི་ནུས་ཤུགས་ལ་རག་ལས་ཡོད། རྒྱ་ནག་གི་བཙན་འཛུལ་དང་དྲག་གནོན་འོག་རང་ཉིད་ཀྱི་ལུས་སྲོག་ལ་མནར་གཅོད་དང་འཇིགས་ཉེན་ཡོང་བ་ཤེས་བཞིན་དུ། གཞིས་ལུས་སྤུན་ཟླ་ཚོས་གཅིག་རྗེས་གཉིས་མཐུད་ཀྱིས་ལོ་ལྔ་བཅུའི་རིང་། རང་སྲོག་བློས་གཏོང་གིས་གོ་མཚོན་གྱི་སོ་ཁ་ནས་རང་བཙན་གྱི་མངོན་འདོད་དང་ཆོད་སེམས་ལ་འགྱུར་བ་མེད་པར་འཐབ་རྩོད་རྒྱུན་འཆང་དང་། ལྷག་པར་ ༢༠༠༨ ལོ་ནས་གཞིས་ལུས་ན་གཞོན་མི་རབས་གསར་བའི་དཔུང་ཁག་ཚོས་སྔར་བས་ཀྱང་། རྒྱལ་ཞེན་དང་སྙིང་སྟོབས་ཀྱི་ཆོད་སེམས་ཇེ་བརྟན་ངང་ཚེ་སྲོག་ལ་བརྟེན་ནས་བོད་རང་བཙན་སླར་གསོའི་འཐབ་རྩོད་ཚད་མཐོ་རུ་མདུན་སྐྱོད་གནང་བ་ནི། ང་ཚོའི་རྒྱལ་ཁའི་སྒོ་མོ་དང་མདུན་སྐྱོད་ཀྱི་འབོད་སྒྲ་ནུས་ལྡན་ཞིག་ཡིན་སྟབས། ང་ཚོས་ཀྱང་ངེས་པར་དུ་བོད་རང་བཙན་གྱི་བདེན་དོན་ཁུངས་སྐྱེལ་དང་སྲུང་སྐྱོབ། མ་འོངས་པར་བོད་རང་བཙན་སླར་གསོའི་རེ་བ་དང་ཆོད་སེམས་རྩ་འཛིན་གཅེས་ཉར་དགོས་པ་ལོ་རྒྱུས་ཀྱི་འགན་འཁྲི་དང་། ཐུན་མོང་གི་མདུན་ལམ་ཆགས་ཡོད་ཅེས་གསལ་ཡོད་ལ། ཡང་། ད་ཆར་བཙན་བྱོལ་བོད་མིས་ཆེས་ཛ་དྲག་གིས་འབད་བརྩོན་ལྷོད་མེད་དགོས་པ་ནི། རྒྱ་ནག་གི་འཛིན་བཟུང་འོག་རང་རིགས་བརྒྱ་ཕྲག་དུ་མས་མནར་གཅོད་མྱོང་བཞིན་པ་རྣམས་གློད་གྲོལ་ཐུབ་ཐབས་དང་། འབྱུང་
འགྱུར་བཀའ་བློན་ཁྲི་པ་དང་སྤྱི་འཐུས་རྣམས་བོད་སྤྱིའི་འགན་འཁུར་ཚད་ལྡན་བཞེས་ཐུབ་མཁན་དང་ལྷག་བསམ་ཤེས་འཇོན་ཅན་ཞིག་འདེམས་ཐོན་ཡོང་སླད། ཚང་མས་ནུས་ཤུགས་ཆིག་སྒྲིལ་དགོས་པའི་འབོད་སྐུལ་ཤུགས་དྲག་ཞུ་རྒྱུ་ཡིན་ཞེས་གསལ་ཡོད།ཉིན་དེར་ཀཱང་ར་རྫོང་ལག་རྩེད་སྤོ་ལོའི་རུ་ཁག་དང་ངྷ་ས་ལག་རྩེད་སྤོ་ལོའི་རུ་ཁག་གཉིས་ཀྱིས་ ༼ རྒྱ་བོད་མཐུན་འབྲེལ་གྱི་ལྒང་ལི་རྩེད་འགྲན་ ༽ བྱས་ཏེ། ཀཱང་ར་རུ་ཁག་གིས་སྐར་གྲངས་ ༦༦ དང་ངྷ་ས་རུ་ཁག་གིས་སྐར་གྲངས་ ༥༣ བསགས་ཏེ་ཀཱང་ར་རུ་ཁག་ལ་རྒྱལ་ཁ་ཐོབ་ཡོད། ལྷ་བཟང་ཚེ་རིང་ལགས་ཀྱིས། ང་ཚོས་ཡུལ་མི་དང་འབྲེལ་ལམ་ཡག་ཏུ་ཡོང་ཆེད་དེ་རིང་གི་རྩེད་འགྲན་འདི་ལྟ་བུ་གོ་སྒྲིག་བྱ་རྒྱུ་གལ་ཆེན་པོ་ཡིན་ནའང་། དུས་རྒྱུན་ནས་ཡུལ་མི་དང་འབྲེལ་ལམ་ཡག་པོ་ཡོང་བ་དང་ཚིག་རྩུབ་ཙམ་ཡང་མི་སྨྲ་རྒྱུ་གལ་ཆེན་པོ་རེད། ཅེས་གསུངས་ཡོད།
གསར་འགོད་པ། ཨ་རིག་འགྱུར་མེད།
བོད་མི་ས་ཡ་དྲུག་ལ་བདེ་སྐྱིད་འབྱུང་ཐབས་དང་། སྡུག་བསྔལ་ལས་སྐྱོབ་ཐབས། དེ་བཞིན་བོད་ཀྱི་རྩ་ཆེའི་རིག་གཞུང་ཆོས་དང་། སྐད་ཡིག། གོམས་གཤིས་བཅས་པ་ཉམས་རྒུད་འགྲོ་གི་ཡོད་པའི་ཛ་དྲག་གི་གནས་སྟངས་ལས་མྱུར་དུ་སྐྱོབ་ཐབས་བཅས་ཀྱི་ཆེད་དུ་དངོས་ཡོད་གནས་ཚུལ་དང་མཐུན་པ། ཕན་ཚུན་གཉིས་ཕན་དབུ་མའི་ལམ་གྱི་ཐོག་ནས་རྒྱ་བོད་ཞི་འགྲིགས་ཡོང་ཐབས་གནང་རྒྱུར་རྒྱ་ཆེའི་མང་ཚོགས་ཀྱི་རྒྱབ་སྐྱོར་ཡོད་པ་ལྟར་༧གོང་ས་མཆོག་ནས་ཞལ་ཞེ་གཉིས་མེད་ལྷག་བསམ་རྣམ་དག་ཡིན་སྐོར་འཛམ་གླིང་ནང་ཡོངས་ཁྱབ་གསལ་བསྒྲགས་ཐེང་མང་གནང་བ་ལྷག་བསམ་ཚེ་རིང་ལགས་ཀྱིས་ཤེས་ཀྱི་མེད་པ་འདྲ། སྨྲ་བརྗོད་རང་དབང་ཡིན་ཞེས་ཁ་ནས་ཐོན་ཚད་ཤོད་རྒྱུ་ཨེ་ཡིན།
ན་གཞོན་བོད་ཀྱི་སྲོག་རྩ་སྤུན་ཟླ་རྣམ་ལ་རེ་བསྐུར་ཞུ་རྒྱུ། ཁྱོད་རྣམས་ཀྱི་བོད་ཀྱི་སྤྱི་ཚོགས་ནང་དུ་སྤྱི་ཚོགས་ལ་ཕན་ཐོགས་ཕྱོགས་མང་པོ་ནས་མཐོང་རྒྱུ་ཡོད་པ་མ་ཚད་ཕྱག་ལས་ཡག་པོ་གནང་གི་འདུག་པས་སྙིང་ནས་ཐུག་རྗེ་ཆེ་ཞུ། ཡིན་ན་ཡང་མི་ངན་ཕྱི་ནང་གཉིས་ལ་ལྟ་ས་གང་ཡང་མེད་པས་ག་དུས་ཡིན་ན་ཁ་སྟོང་པ་གི་སྐད་ཆ་བཤད་མཁན་ལྷག་བཟང་་ཁོང་གིས་ཕྱོགས་སུ་མ་ལྷོང་པར་བོད་ཀྱི་རྩ་དོན་དང་ཆོས་དང་རིགས་གཞུང་སྲུང་སྐྱོབ་༧གོང་ས་མཆོག་བཀའ་དགོངས་དང་མི་འགལ་བ་ཕྱག་ལས་གནང་བའི་རེ་འདུན་ཞུ.༎
བཀྲ་ཤིས་ནས
དུས་བབས་དང་བང་ཆེན་གྱིས་མགོ་བརྗོད་དེ་ལྟར་བཀོལ་བའི་རྒྱུ་མཚན་དེ་དག་ལ་འདྲི་དགོས། ཚགས་པར་ལྟ་ཀློག བྱ་མཁན་མང་བ་ཡོང་ཆེད་དུ་ཡིན་སྲིད། འདི་སྐྱོན་ཆེན་ཞིག་མིན་སྙམ་གྱི་ཡོད།
མཁས་པས་བཤད་ན་ཅི་ཡང་བདེན༎
སྙན་ངག་ཁ་ལ་ཅི་ཡང་མཛེས༎
ཞེས་པའི་དཔེ་བཞིན་གང་གོ་བ་དང་གང་ཐོས་པ་དེ་དག་ཚང་མ་དྲ་ཐོག་ལ་བཀོད་པ་ཡིན་ན་ཏོག་ཙམ་འགྲིག་གི་ཡོད་ན་བསམ་པའི་བསམ་བློའི་མདོ་རིག་རྟ་བོ་ལ་སྲབ་ཀྱིས་ཅུང་ཙམ་གཅུན་ནས་ཤོད།
སྤྱིར་བཏང་གི་བསམ་བློའི་རིག་རྩལ་མངོན་སའི་རྩེད་རིག་གི་ཐང་ཆེན་ཡངས་པོ་འདིར་རང་སྐྱ་འཕེལ་བ་དང་། རང་སྐྱ་མ་འཕེལ་གང་དང་གང་ཡིན་ནའང་ཐམས་ཅད་འཛུལ་ཞུགས་བྱེད་ཆོག་པའི་ཐོབ་ཐང་ཡོད་པ་རེད།
ཡིན་ན་ཡང་ཐོབ་ཐང་ཡོད་བསམ་བའི་ཐོབ་ཐང་དེ་ལོག་པར་བེད་སྤྱོད་བཏང་བ་ཡིན་ན། ཕན་འབྲས་བཟང་བ་ལས་ངན་པའི་ཕྱོགས་ལ་མི་འགྲོ་བའི་ངེས་པ་མེད་སྙམ།
དེ་འདྲ་སོང་ཙང་། ཀུན་ཀྱི་འདིའི་ཕྱོགས་ལ་བསམ་བློ་རྣལ་དུ་ཕབ་ནས་དོན་སྙིང་ལྡན་པའི་ཚིག་འགའ་འབྲི་ཐུབ་ན་ཅི་འདྲའི་མི་བཟང་ངམ།
དོན་སྙིང་ལྡན་པ་ཞེས་པའི་ཚིག་དེ་ནི་ཀུན་མཐུན་གསེར་གྱིས་ཐག་པས་ཕྱོགས་གཅིག་ཏུ་དཀྱིག་ཐུབ་པ་ཡིན་ན་ད་གཟོད་ཀུན་མཐུན་ལས་ཀྱི་རྩ་བ་བརྟན་པོར་མི་ཆགས་རང་ཆགས་རེད།
གཙོ་བོ་འདི་འགྲིག་དང་འདི་མ་འགྲིག་ཅེས་པའི་སྐད་ཆ་དེ་ཤོད་ཆོག་ཆོག་ག་ནས་ཡིན།
བོད་མི་མི་རེ་ངོ་རེ་ལ་འགན་ཁུར་ལྗིད་ཁོག་ཅན་རེ་ཚང་མའི་ཕྲག་སྟེང་དུ་ཡོད་པ་ཚང་མས་བརྗེད་ག་ལ་ཡོད།
༸གོང་ས་མཆོག་གི་ཐུགས་དགོངས་དང་འགལ་མ་འགལ་གྱི་སྐད་ཆ་དེ་ཚོ་ཤོད་རྒྱུར་གཟབ་གཟབ་བྱས་ན་ལེགས་སམ།
མི་རང་ཉིད་ལ་འཇོན་ཐང་ཡོད་ན་༸གོང་ས་མཆོག་ཁ་ལ་འཁྱེར་དགོས་ཡོད་དམ།
དྲ་གྲོགས་རྣམས་ལ་ཞུ་རྒྱུར།
སྤྱིར་གཞོན་ནུ་ཚོགས་པའི་བོད་མི་རིགས་ཀྱི་ཆེད་ཕྱག་ལས་མང་པོ་ཞིག་སྐུ་ངལ་འཛེམ་མེད་ཀྱི་ཐོག་ནས་གནང་ཡོད་རེད་ལ་དེ་ཚོ་རྗེས་སུ་ཡི་རིང་ཞུ་འོས་པ་ཞིག་རེད།
འོད་ཀྱང་གཞོན་ལྷན་གྱི་ལངས་ཕྱོགས་དང་ལྟ་གྲུབ་ཀྱི་ཐོགས་ནས་བཤད་ན་འགྲིགས་མིན་མི་ཤེས་ཏེ་གང་ལྟར་དབུ་མའི་ལམ་ལ་རྟེན་རྟེན་གནོད་ཀྱི་འདུག དེར་རྒྱུ་མཚན་མང་པོ་འདུག་ཏེ་འདིར་བརྗོད་པ་ལ་དགོས་པ་མི་འདུག་གང་ལྟར་ངའི་རེ་་བ་ལ་གཞོན་ལྷན་གྱི་ལངས་ཕྱོགས་དེ་དབུ་མའི་ལམ་ལ་སྒྱུར་ན་དངོས་ནས་ནུས་པ་ཐོན་ས་རེད།
དྲ་གྲོགས་ཨ་མཆོད་འཇམ་ ཚུལ། ལྷ་བཟང་ཚེ་རིང་ནས་༸གོང་ས་མཆོག་གི་དགོངས་གཟིར་ལོག་འགྲེལ་བྱ་གི་མེད་ཚེ། བོད་ཀྱི་བང་ཆེན་དང་དུས་བབ་གསར་ཁང་གི་མི་མང་གི་ཁྲོད་དུ་ཆེད་དུ་མངགས་ནས་དཀྲོག་གཏམ་སྤེལ་གྱི་ཡོད་ས་རེད། ཁོ་པས་བཤད་པའི་སྐད་ཆ་དེ་དག་ཁྲོད་ནས་བཀའ་དང་འགལ་ཡང་ཐུགས་དང་མི་འགལ་ཞེས་པ་དེ་ཡིན་གཅིག་འགོ་བརྗོད་དུ་འཇོག་དགོས་དོན་གང་ཡིན་ནམ། ཚགས་པར་ལྟ་ཀློག བྱ་མཁན་མང་ བ་ཡོང་ཆེད་དུ་རེད་དམ། མི་མང་ཁྲོད་དཀྲོག་གཏམ་སྤེལ་རྒྱུའི་ཆེད་དུ་རེད། ང་ཚོའི་རང་དབང་ལྡན་པའི་གསར་འགྱུར་བརྒྱུད་ལམ་ཁག་ཅིག་ནི་བོད་མི་ནང་ཁུལ་དུ་དཀྲུག་ཤིང་བཟོ་ཐུབ་ཙམ་ལས་རྒྱ་མིར་བརྡ་ལན་བྱ་རྒྱུའི་ནུས་པ་གང་ཡང་མེད་པ་དེ་རེད། གཙོ་བོ་བོད་པའི་གསར་འགོད་པ་ཚོར་དྲང་ཚུགས་ལྡན་པ་བྱ་རྒྱུའི་གསར་འགོད་པའི་དམིགས་བསལ་སློབ་སྦྱོང་མེད་པར་བོད་ཡིག་གོ་བརྡ་འཕྲོད་ངེས་ཤིག་དང༌། རྩོམ་ལེགས་ཙམ་ཤེས་ཚེ་དེ་གསར་འགོད་པ་བྱ་གི་ཡོད་སྟབས་ཁོང་ཚོས་དམིགས་འབེན་གང་དུ་ཡོད་མེད་དེ་མ་ཚོར་བར་རྟག་ཏུ་ཁ་ནང་དུ་གཏད་དེ་སོ་སོའི་མང་ཚོགས་དང་སྤྱི་ཚོགས་ནང་འགལ་ཟླ་དང་གླེང་སློང་སྤེལ་ཐུབ་ཙམ་ལས་ཕར་ཕྱོགས་དགྲ་བོ་རྒྱ་མི་དམར་པོའི་འཁྱོག་བཤད་དེ་དག་ལ་ལན་འདེབས་དང་གསལ་བཤད་བྱ་རྒྱུའི་ཤེས་ཡོན་དང་ནུས་པ་མེད་པའི་ཆ་ནས་ད་ལྟའི་ལྷ་བཟང་ཚེ་རིང་གི་སྐད་ཆའི་ཚིག་དུམ་དེ་བོད་ཀྱི་དུས་བབས་དང་བང་ཆེན་གསར་ཤོག་ནས་ཚིག་གི་གཙོ་བོར་འཛིན་ཏེ་ཕན་ཚུན་ལེབ་བཤུས་བྱས་རྗེས་རང་གི་ནུས་པ་ཡོད་མདོག་བྱ་གི་ཡོད་པ་ནི་ངོ་ཚ་དགོས་པ་ཞིག་རེད། དེ་བས་ཀྱང་ཁྱོད་ལྟ་བུ་གཅིག་ཤེས་ཀྱི་ཡོད་མདོག་བྱ་མཁན་དེ་ཚོས་དགོས་པའི་དགྲ་བོ་རྒྱ་མི་དམར་པོའི་ད་ལྟའི་དྲིལ་བསྒྲགས་བྱེད་པའི་འཁྱོག་བཤད་དེ་དག་ལ་ལན་འདེབས་བྱ་རྒྱུའི་ནུས་པ་རྦད་དེ་ཟད་པའམ་མེད་པའི་དུས་སུ་རྟག་ཏུ་ཁ་ནང་དུ་སྐོར་ཏེ་བོད་མི་ནང་ཁུལ་དུ་གཤེ་གཤེ་གཏོང་བ་དང༌། འཁྱོག་བཤད་དང་འར་གཏམ་ལ་དགའ་བའི་སྐྱེ་བོ་དེ་ཚོར་ཆེ་བསྟོད་བྱས་ཏེ་ང་ཚོའི་སྤྱི་ཚོགས་དེ་ལོག་ལམ་དུ་འཁྲིད་བཞིན་པ་དེ་དག་འགྱུར་བ་གཏོང་དགོས་ཀྱི་འདུག་པ་ལས། བོད་མིའི་ཁྲོད་རྩོམ་སྒྲིག་པ་ཡིན་མདོག་བྱ་མཁན་དེ་ཚོས་དངོས་སུ་དགྲ་བོའི་ཁ་གཏད་དུ་ཐོན་མ་ཐུབ་པ་དེ་ཚོ་ནི་བོད་ནང་གི་ཤེས་ཡོན་ཅན་པ་ཚོར་ཡང་ངོ་ཚ་དགོས་པ་ཞིག་མི་འདུག་གམ།
ང་ཚོས་སྐད་ཆ་ཇི་ལྟར་བཤད་རུང་གཞིས་བྱེས་བོད་མིའི་གཞི་རྩའི་ཤེས་ཚད་གོང་འཕེལ་གཏོང་མ་ཐུབ་ཚེ།་རང་བཙན་དང་དབུ་མ་ཁ་ནས་བརྗོད་པ་ཙམ་གྱི་ཕན་མི་ཐོག་གི།
གྲོགས་པོ་ལྷ་བཟང་ལགས། ཁྱོད་ཀྱི་བསམ་ན་ཁྱོད་༧གོང་ས་མཆོག་ལས་ལྷག་པའི་ཡོན་ཏན་དང་ལྷག་བསམ་རྣམ་དཔྱོད་ཅན་ཞིན་ཡིན་བསམ་ན། གོང་ས་མཆོག་ལས་ལྷག་པའི་ཕྱག་ལས་ག་རེ་བྱེད་ཡོད་འཛམ་གླིང་མི་མང་གི་མིག་ལམ་དུ་སྟོན་པའི་དུས་ལ་བབས་ཡོད།
དེ་མིན་ཁ་སྟོང་པའི་སྐད་ཆ་བཤད་ནས་ང་འཚོ་བོད་མི་ན་གཞོན་འཚོ་མགོ་སྐོར་མ་བཏོང་རོགས། ཁ་ནས་བཤད་པ་ལྟར་ལག་ལན་ལ་ག་རེ་བྱེད་ནས་བོད་མི་མང་ལ་ཕན་ཐོག་བྱེད་ཡོད་དམ། ཞི་དྲགས་གང་གི་ཐོག་ནས་བོད་མི་མང་ལ་ཕན་པའི་ཕྱག་ལས་བྱེད་ཁྱོད་ལ་སྟོང་རྒྱུ་ཡོད་དམ། ཁ་སྟོང་པ་སི་ཡིན་ན་བཤད་གི་རེད། དེ་གི་བོད་ཀྱི་བདེ་སྐྱིད་ལ་ཕན་མི་ཐོག། བཀྲ་ཤིས་ནས།
དྲ་གྲོགས་མཐུ་སྟོབས་ལགས་ལ་ཞུ་རྒྱུར། ལོག་འགྲེལ་བཤད་མཁན་ཞིག་ཡོད་ན་ངོ་མ་དེ་ཁྱེད་ཡིན་པར་སྣང་། དབུ་ལམ་གྱི་ལས་འགུལ་དང་རང་བཙན་གྱི་ལས་འགུལ་ཟེར་བ་ཞིག་ལོགས་སུ་འཇོག་ཁུལ་གནང་བ་འདིས་ཁྱེད་ཀྱིས་ལངས་ཕྱོགས་འདི་གཉིས་ཀ་ལ་ཐུགས་གཞིགས་ཡེ་ནས་ཕོགས་མེད་པའི་རྟགས་ཤིག་བསྟན་ཡོང་གི་འདུག་སྙམ། ཕྱོགས་གཉིས་ཀྱིས་ཕན་ཚུན་ཧམ་བཤད་མེད་པའི་སྒོ་ནས་བཀའ་མོལ་གནང་དགོས་ཀྱི་འདུག
ཁ་སང་ངས་ནད་པ་ལགས་ལ་སྔགས་བརྗོད་ཅིག་བྱས་པ་དེ་ཅུང་མ་འགྲིག་པ་འདྲ། ད་ལྟ་ལྷ་བཟང་ལགས་ཀྱི་བཀའ་མོལ་དེ་༧གོང་ས་མཆོག་ཁ་ཞེ་མི་མཚུངས་བ་ཞིག་ཏུ་ངོ་མ་སྒྲུབ་ཐུབ་པར་སྙམ་མཁན་འགའ་རེ་ཡོད་ཚོད་འདུག
ལྷ་བཟང་ལགས་ཀྱི་བཀའ་མོལ་དེའི་ནང་དོན་རྟོགས་མི་ཐུབ་པ་ཞིག་གང་ཡང་མིན་ལ། དེས་༧གོང་ས་མཆོག་ཁ་ཞེ་མི་མཚུངས་བ་ཞིག་ཏུ་སྒྲུབ་པ་ཞིག་ཀྱང་མིན། ལྷ་བཟང་ལགས་སོགས་བོད་མི་རིགས་དང་ལྷག་པར་དུ་གཞོན་ནུ་ལྷན་ཚོགས་ལ་བྱས་རྗེས་ཧ་ཅང་ཆེན་པོ་རེད། རང་འགར་བ་ཞིག་མ་རེད། འདིར་སྒྲུང་ཞིག་བཤད་འདོད་བྱུང་། སྔོན་མ་༧གོང་ས་མཆོག་གིས་ཡོ་རུབ་གྲོས་ཚོགས་ལ་ཞི་བའི་གྲོས་འཆར་འདོན་སྐབས་༧གོང་ས་མཆོག་གིས་ལྷ་བཟང་སོགས་དེར་འབྱོར་བའི་གཞོན་ནུའི་ཚོགས་མི་འགའ་ཞིག་ལ་”འོ་ཡ། ད་ཚར་སོང་། ངས་བཤད་རྒྱུ་ཚང་མ་བཤད་ཚར་བ་ཡིན། ད་ཁྱེར་རང་ཚོས་ཤུགས་རྒྱོབས་ཤོག་ཨ”་ཞེས་གསུང་ཞིང་། དེ་ནས་ལྷ་བཟང་སོགས་དེར་ཡོད་འགའ་ཞིག་གིས་སྐད་འབོད་ཀྱང་བྱས་ཡོད།
གོང་ས་མཆོག་གིས་དབུ་མའི་ལམ་བདམ་པ་དེ་དགའ་བཞིན་སྤྲོ་བཞིན་བདམ་པ་ཞིག་ཡེ་ནས་མིན། ཁོང་གིས་བོད་རང་བཙན་མི་དགོས་གསུང་པ་དེ་ད་སྐབས་དབུ་མའི་ལམ་པ་འགའ་ཞིག་བཞིན་ཞེ་ཐག་པ་ནས་རང་བཙན་མ་འདོད་པ་མིན། དེ་མིན་པ་དེ་”མཐའ་མའི་ཐག་གཅོད་བོད་མི་རང་གིས་བྱེད་དགོས།”ཞེས་པའི་ཚིག་འདི་འདི་ལས་ཀྱང་རྟོག་ཐུབ། དེ་ནི་༧གོང་ས་མཆོག་གི་ཐུགས་ལ་འགལ་མེད་ཅེས་པའི་གོ་ས་ཡིན་པར་སྙམ།
འོན་ཀྱང་ད་སྐབས་ཁོང་གིས་དབུ་མའི་ལམ་ལ་ཁ་ཞེ་གཉིས་མེད་ཀྱིས་འགྲོ་ཕེབས་བཞིན་ཡོད་ལ་དེ་ནི་ཁ་ཁོག་མི་མཚུངས་བ་ཞིག་ཡེ་ནས་མིན། གལ་སྲིད་ངོ་མ་རྒྱ་ནག་གིས་དབུ་མའི་ལམ་གྱི་ཆ་རྐྱེན་ཁག་སྤྲད་པའི་ཉིན་མོར་ཁོང་གིས་ཁ་ཞེ་གཉིས་མེད་ཀྱིས་བོད་མི་རྣམས་འགུག་ཐབས་སུ་ཁོང་གི་ནུས་ཤུགས་བཀོལ་ངེས་རེད། དེ་ནི་ཁོང་གི་ཁས་བླངས་བའི་ཚིག་སྲུང་བ་ཡིན། ཐུགས་ཀྱི་རེ་འདོད་དང་། ཁས་བླངས་བའི་དམ་ཚིག་སོ་སོར་འབྱུང་སྲིད་པ་ལ་ཡ་མཚན་དགོས་དོན་ཞིག་མེད།
བསྟན་འཛིན་སྟོབས་རྒྱལ་དྲ་ཚིགས་འདིའི་ཟིན་བྲིས་སུ་མཆན་འདེམས་མཁན་ཞིག་ཏུ་གྱུར་ནས། དུས་ད་ལྟའི་བར་དུ་སྐད་ཆ་རིན་ཐང་ཅན་ཞིག་བཤད་པ་ད་རེའི་འདི་གཅིག་བུ་རེད། འོན་ཀྱང་འབྲི་ཐབས་ཐད་ནས་ཉེན་ཁ་ཚ་བོ་དང་གོ་གོ་ཐོས་ཐོས་ཡོད་ཚད་བྲིས་འདུག དེ་ནི་ཧ་ཅང་ཉེན་ཁའི་རང་བཞིན་ཞིག་རེད། དེའི་རྗེས་ཡིག་ནོར་མང་བས་གོ་བརྡ་གསལ་བོ་འཕྲོད་མིན་དོགས་གནས་ཤིག་རེད།
གང་ལྟར་རྒྱུག་པ་ལེབ་རྡུང་བྱས་མེད་ན་ཡག་ཐག་ཆོད་ཅིག་བྲིས་འདུག
སོ་སོའི་ལང་ཕྱོགས་རྩལ་འདོན་བྱེད་རྒྱུ་ཧ་ཅང་གལ་ཆེན་རེད། ད་སྐབས་ལང་ཕྱོགས་མེད་པའི་གཡམ་རྒྱུགས་མཁན་མང་པོ་ཡོད་རབ་འདུག དེ་ཚོ་ལྟས་ངན་རེད། གཞོན་ནུ་ལ་ཁ་གཏོང་བྱེད་མཁན་ཚོ་དབུ་མའི་ལམ་ལ་རྒྱབ་སྐྱོར་བྱེད་མཁན་མ་རེད། བོད་རང་གི་རྩ་དོན་གཏོར་བརླགས་གཏོང་མཁན་རེད།
ཕྱོགས་ཞེན་གྱི་བཟི་བའི་ང་ཚོ་ཉེན་ཁ་ཆེ།
བཙན་བྱོལ་དུ་གྱར་ནས་མི་ལོ་ལྔ་བཅུའི་རིང་ལ་ང་ཚོས་ལས་དོན་གང་མང་ཞིག་ལ་ནུས་པ་ཐོན་པའི་ཕྱག་ལས་གནས་ཡོད་པ་སྨོས་མེད་རེད། འོན་ཀྱང་ཁྱབ་སྲིད་ཀྱི་ཐོག་ལ་ནུས་པ་གང་མཚམས་ཞིག་ཐོན་ཡོད་ཀྱང་གང་ལྟར་ད་དོང་ང་ཚོ་བཙན་བྱོལ་དུ་ལྷག་ཡོད་པ་རེད། ད་ལོ་༸གོང་ས་མཆོག་གིས་ཐུགས་ཕམ་དང་བཅས་ང་ཚོས་སྤྱི་འཐུས་དེ་ཚོ་ཡག་པོ་ཞིག་ཐོན་དགོས་ཀྱི་འདུག་ད་ལོ་ཞབས་འདྲེན་ཞེས་སོང་ང་གདན་ས་དེ་ཚོས་ནང་གཟབ་གཟབ་བྱེད་དགོས་ཀྱི་འདུག ཕྱོགས་ཞེན་གྱི་དབང་དུ་མ་སོང་པར་མགོ་ཚོས་པ་བྱོས་ཞེས་བཀའ་གནང་ཡོད་ཚུལ་འདུག ཡིན་ཡང་སེར་བྱེས་ཏྲེ་ཧོར་ཁང་ཚན་གྱི་དགེ་སློང་ཟེར་བའི་གྲྭ་བ་ཞིག་གིས་སྣེ་ཁྲིད་དེ་མདོ་སྟོང་ལ་ཤ་ཚ་ཡོད་ཁུལ་ཀྱིས་ཁང་ཚན་ནང་ཁུལ་གྱི་གྲྭ་མང་ལ་བསྐུལ་སློང་བྱས་ཏེ་ཀརྨ་ཆོས་འཕེལ་ཆོས་རྒྱུད་བཀའ་བརྒྱུད་ཡིན་ཀྱང་དགེ་ལུགས་པའི་སྤྱི་འཐུས་སུ་འོས་འཕངས་ཡོད་ཚུལ་འདུག མོན་གྷོ་ཕྱོགས་སུ་ཁྱབ་བསྒྲགས་བྱས་དེ་ནུས་པ་གང་མཚམས་ཐོན་ཡོད་ཚུལ་འདུག འདི་ནི་རི་བོ་དགེ་ལུགས་པའི་ཞབས་འདྲེན་ཞིག་དང་། མཐོང་ཆུང་ཞིག་ཡིན་ཀྱང་ཡིན་པར་མ་ཟད་མང་གཙོའི་ཁེ་དབང་ལུངས་སུ་སྤྱོད་མ་ཤེས་པར་ལོགས་ལམ་དུ་སོང་བ་ཞིག་ཀྱང་རེད། གདན་སའི་ཁང་ཚན་ཁ་ཤེས་ཀྱིས་༸གོང་ས་མཆོག་གི་བཀའ་སློབ་དེ་སྣང་མེད་དུ་བཞག་པ་ཙམ་དུ་མ་ཟད་ཆོས་རྒྱུད་མི་གཅིག་པའི་ར་བཟུ་ཞིག་དགེ་ལུགས་སྤྱི་འཐུས་ལ་འདེབས་པ་དང་བློ་བཟང་སེང་གེ་དང་རྒྱ་རི་སྒྲོན་གཉིས་གང་རུང་ཞིག་བཀའ་བློན་ཁྲི་བ་ལ་འདེམས་དགོས་ཚུལ་གྱི་ཡིག་ཆ་བཟོས་དེ་ཁང་ཚན་རང་གི་མིང་ཐོག་ནས་གྲྭ་མང་ལ་ཡིག་ཆ་འགྲེམས་སྤེལ་བྱས་འདུག ཡང་ཁ་ཤེས་ཀྱི་སྒྲོན་མ་མཚོ་མོ་སྤྱི་འཐུས་ནང་ཐོན་ཡོང་ན་དཀོན་མཆོག་ཆོས་སྒྲོན་ང་ཚོས་སྤྱི་འཐུས་ལ་འོས་མ་འཐེན་ན་མོ་རང་སྙིང་རྗེ་ཞེས་བཤད་ཡོད་ཚུལ་འདུག ཡང་ས་ཕྱོགས་གཞན་ཞིག་ཏུ། ཨོ་རྒྱན་སྟོབ་རྒྱལ་ཟེར་བ་ཞིག་གིས་ང་ཚོ་ལ་སྒོར་མོ་ཞིག་ཡོང་གི་ཡོད་པ་རྒྱ་རི་སྒྲོན་མ་བརྒྱུད་ནས་ཡོང་གི་ཡོད་པ་རེད། དེ་ལ་ཡང་བསམ་བློ་ཞིག་གཏོང་དགོས་ཚུལ་བཤད་དེ་བློ་བཟང་སེང་གེ་དེ་གར་བགྲོ་གླེང་བྱེད་རྒྱུའི་གོ་སྒྲིག་བྱེད་རྒྱུའི་དགོངས་པ་ཐོབ་མེད་ཚུལ་འདུག ཕྱོགས་གཞན་ཞིག་ནས་ཀརྨ་ཆོས་འཕེལ་དབུས་གཙང་གི་སྤྱི་འཐུས་ཤོར་རྒྱུ་ཉག་གཅིག་ཡིན་པས་བཀའ་བརྒྱུད་པའི་སྤྱི་འཐུས་ལ་འདེམས་དགོས་ཚུལ་བཤད་དེ་བཀའ་བརྒྱུད་པའི་སྤྱི་འཐུས་ལ་འདེམས་ཡོད་ཚུལ་འདུག གནས་ཚུལ་འདི་རིགས་ཀྱིས་སྔོན་གྱི་སྤྱི་འཐུས་ཀྱི་ནད་རྙིང་ཡང་སྐྱོར་སྤྱི་ཚོགས་ནང་དང་སྤྱི་འཐུས་ནང་ཡོངས་རྒྱུའི་གྲ་སྒྲིགས་འང་གསར་བྱེད་བཞིན་པ་རེད། ང་ཚོས་འདི་ལྟར་བསྟན་སྲིད་བློས་བཏང་ནས་ཕྱོགས་ཞེན་གྱིས་དབང་དུ་འགྲོ་རྒྱུ་ཡིན་ནམ།
མཆན་འདེབས་པ་ཁག་ཅིག་གིས་གཞོན་ལྷན་གྱིས་རྒྱལ་བའི་དཀའ་དང་འགལ་ཡང་ཐུགས་དང་འགལ་མེད་ཅེས་པ་ལྟ་བུར་འགྲེལ་བརྗོད་གནང་གི་འདུག དེ་མ་རེད། སྐད་ཆ་འདི་རྒད་པོ་ལྷ་བཟང་གི་སྡུག་སྐད་ལས་བོད་ཀྱི་གཞོན་ལྷན་གྱི་སྐད་ཆ་ཞིག་མ་རེད། མི་འགྱངས་པར་ལྷ་བཟང་ཚེ་རིང་གི་སྡུག་སྐད་འདི་ལ་དཔྱད་གཏམ་ཞིག་སྤེལ་ངེས་ཡིན།
རྒས་པོ་ལྷ་བཟང་ཚེ་རིང་ཟེར་བས་བཤད་པའི་བཀའ་དང་འགལ་ཡང་ཐུགས་དང་འགལ་མེད་ཟེར་བ་དེ་ནི་རྦད་དེ་ལོག་འགྲེལ་བྱས་པ་ཞིག་རེད། ཁོ་པས་དོན་དུ་༸གོང་ས་མཆོག་ནས་ཞལ་གདན་ཚིག་ལ་མ་གནས་པ་ལྟ་བུར་ཞལ་ནས་དབུ་མ་གསུངས་ཏེ་ཐུགས་སུ་དེ་ལྟར་མིན་པའི་རྒྱ་མི་དམར་པོས་ཤོད་བཞིན་པའི་ཚིག་དེ་ཚོ་དང་གཅིག་མཚུངས་སུ་གཞོགས་འདེགས་བྱས་ནས་བཤད་ཀྱི་ཡོད་རེད། ལམ་དབུ་མ་དང་རང་བཙན་གང་རྩོད་ཀྱང་ཕོ་རྒོད་པོ་ཐང་སྡེར་མོ་ག་ཚོད་རྒྱུགས་རྒྱུགས་རེད། ལྡི་ལིར་གསུམ་བཅུའི་དུས་དྲན་སྐབས་དང་རྒྱ་ནག་གི་དཔོན་པོ་ཕྱི་རྒྱལ་དང་རྒྱ་གར་དུ་སླེབས་སྐབས་ངོ་རྒོལ་ཙམ་བྱེད་པའི་གཞོན་ནུའི་རང་བཙན་ལེན་སྟངས་འདི་ནི་ཀུན་གྱི་གད་མོ་ཤོར་དགོས་པ་ཞིག་རེད། འགྲམ་འགག་སྒོར་མིག་ལྟ་མ་ནུས་པར་མིའི་ལུང་པའི་ནང་རྟག་ཏུ་གྲོས་མོལ་ཡང་མ་བྱེད། དབུ་མ་ཡང་མ་འགྲིག རྟག་པར་ཁ་ནང་དུ་བལྟས་ཏེ་མ་འགྲིག་མ་འཐུས་རྐྱང་རྐྱང་བཤད་མཁན་དེ་དག་ནི་དོན་དུ་བོད་དུ་རྩ་བ་ནས་ལོག་འདོད་མེད་པའི་མི་དེ་ཚོའི་ ཤོད་སྟངས་རེད། གལ་སྲིད་ཁྱེད་ཚོས་ལོ་ལྔ་བཅུའི་ཉིན་མ་གཅིག་ངོ་རྒོལ་ལས་འགུལ་སྤེལ་བ་དེ་ཡང་འགྲམ་འགག་སྒོ་འགལ་ཏེ་བོད་ཀྱི་ས་ཐོག་ཏུ་བསྐྱོད་ཐབས་མ་བྱས་པར་རྐུབ་བཙུགས་ཏེ་རང་བཙན་གཙང་མ་གང་འདྲ་བྱས་ཏེ་ལེན་གྱི་རེད་དམ། རང་བཙན་གཙང་མ་དགོས་ཡོད་ཟེར་མཁན་དེ་དག་གི་སེམས་ཤུགས་ཧ་ཅང་ཡག་པོ་རེད། ཡིན་ནའང་ལས་འགུལ་སྤེལ་སྐབས་དབུ་མའི་ལམ་གྱི་ཐོག་ནས་ལས་འགུལ་སྤེལ་བ་ལས་ལྷག་པ་ཞིག་ད་ལྟ་བར་གང་ཡང་སྤེལ་ཐུབ་ཡོད་མ་རེད། དེ་ནི་དོན་ངོ་མའི་ཐོག་རང་བཙན་དགོས་ཡོད་ཟེར་བ་ཙམ་ལས་རྩོད་སྟངས་གང་འདྲ་བྱས་ཏེ་རྩོད་དགོས་མིན་སྣེ་འཁྲིད་མཁན་མེད་པར་རང་བཙན་ལེན་དགོས་རེད་ཅེས་ཁ་བདེ་པོ་རྐྱང་རྐྱང་བཤད་མཁན་མང་དུ་འགྲོ་བ་དེ་དག་དོན་དུ་སོ་སོ་ལོག་འདོད་མེད་པ་དང་། བོད་ནང་གི་ད་ལྟའི་དཀའ་ངལ་སེལ་འདོད་མེད་པར་དུས་ཚོད་རྦུད་རྒྱག་གཏོང་ཐབས་བྱ་མཁན་ཁག་ཅིག་གིས་འུར་གཏམ་རྐྱང་རྐྱང་བཤད་པ་དེ་ཚོ་རེད།
ཨོ་ཧོ། འདི་ག་འབྲས་སྤུངས་སྒོ་མང་གྲྭ་ཚང་ནས་གནས་དབྱུང་བཏང་ཟིན་པའི་རྨོག་རུ་བསྟན་པ་ཟེར་བ་དེ་ཡང་རང་བཙན་རྩོད་ས་ལ་སླེབས་ཡིན་པ་འདྲ། ད་ལྟས་ངན་རེད། ཁོས་དེང་སང་དབུ་མའི་ལམ་གྱི་ལས་འགུལ་ཁང་ཟེར་བ་སྤྱི་རྒྱུ་སྒེར་བདག་ཁང་དུ་ལས་ཀ་བྱེད་ཀྱི་ཡོད་མ་རེད་དམ།
གཞོན་ལྷན་སོགས་བོད་མི་ཚང་མ་དབུ་མའི་ལམ་དུ་སྐྱོད་ན་རྒྱ་ནག་གིས་ང་ཚོའི་འདོད་པ་དེ་བསྒྲུབ་སྲིད་དམ།
བོད་ཀྱི་གཞོན་ནུ་ལྷན་ཚོགས་ནི་བཙན་བྱོལ་སྤྱི་ཚོགས་ཁྲོད་གཞུང་འབྲེལ་མ་ཡིན་པའི་ཚོགས་པ་ཁག་གི་ནང་ནས་ཚོགས་མིའི་གྲངས་འབོར་དང་ནུས་ཤུགས། ཁྱབ་ཁོངས་དང་སྒྲིག་འཛུགས་སོགས་གང་ཅིའི་ཐད་ཆེས་གལ་འགང་ཆེ་ཤོས་ཀྱི་ཚོགས་པ་གཅིག་ཡིན་སྟབས། བོད་དོན་གྱི་བདེན་མཐའ་མ་གསལ་བར་ང་ཚོའི་བཙན་བྱོལ་བ་ཡོངས་ཀྱིས་ཚོགས་པ་འདིའི་སྒྲིག་འཛུགས་དང་ཆེ་མཐོང་ལ་གུས་བརྩི་དང་སྲུང་སྐྱོབ་བྱེད་པའི་འོས་འགན་ཡོད་མོད། སྐབས་རེར་གང་ཟག་བྱེ་བྲག་པ་འགས་གོ་སྐབས་དམ་འཛིན་བྱས་ཏེ་འགན་འཁྲི་མེད་པའི་ཐད་ཆ་ཅན་གྱི་་འུར་གཏམ་བསྒྲགས་པ་འདིས་སྐབས་རེར་རང་རེའི་བཙན་བྱོལ་སྤྱི་ཚོགས་ནང་དུའང་ཚོགས་་འདི་ལ་བལྟ་སྟངས་འདྲ་མིན་ཞིག་བྱུང་བཞིན་ཡོད། འོན་ཀྱང་ངས་འདི་ནས་འཇམ་དབྱངས་ནོར་བུ་དང་ལྷ་བཟང་ཚེ་རིང་སོགས་རང་བཙན་འཐབ་རྩོད་པ་རེ་འགའ་ཡི་ཚིག་སྣེ་ལ་འཇུས་ཏེ་ཚོགས་མི་སྟོང་ཕྲག་བཞི་བཅུ་ལ་ཉེ་བའི་ཚོགས་པ་འདི་ལ་རྒྱུགས་པ་ལེབ་རྡུང་བྱེད་རྒྱུ་དེ་མིན་པར་ཚང་མར་གསལ་འདེབས་ཞུ་རྒྱུ་ཞིག་ལ། བསྟོད་མི་ཤེས་མཁན་གྱིས་བསྟོད་པ་ལས་། སྨད་མི་ཤེས་མཁན་གྱིས་སྨད་ན་དགའ་ཞེས་བའི་དཔེ་ལྟར། ལྷ་བཟང་ཚེ་རིང་གི་སྐད་ཆ་འདིས་༧གོང་ས་ཡིད་བཞིན་ནོར་བུའི་ཞལ་ནས་གསུང་བ་དང་ཐུགས་ན་ཡོད་པ་གཉིས་གཅིག་མིན་པའི་རིག་ལམ་ཞིག་སྒྲུབ་བཞིན་འདུག་པས། སྐད་ཆ་འདི་ཁ་གསང་བའི་སྒོ་ནས་བཤད་ན་རྒྱ་ནག་གཞུང་གིས་ད་ལྟའི་བར་ཏཱ་ལའི་བླ་མས་བོད་དོན་གྱི་དཀའ་རྙོག་སེལ་བར་ཁ་ཞེ་གཉིས་བྱེད་ཀྱི་མི་འདུག་ཅེས་བ་དང་མདོ་དོན་གཅིག་ཡིན་སྟབས། བཙན་བྱོལ་ནང་ནི་ཤེས་ཡོན་ཅན་ཞིག་གིས་འདི་འདྲའི་འགན་འཁྲི་མེད་པའི་སྐད་ཆ་བཤད་ཅི་འདྲའི་བློ་ཕམ་པ་ལ། ཉེ་བའི་འཆར་༧གོང་ས་མཆོག་ཡོ་རོབ་ལ་ཆིབ་བསྒྱུར་བསྐྱངས་སྐབས་ཀྱང་གསར་འགོད་གསལ་བསྒྲགས་ཞིག་ཏུ་༧གོང་ས་མཆོག་གིས་ང་ཚོའི་འདས་སོང་གི་ལོ་རྒྱུས་རྩོད་ཀྱིན་མེད་ལ་རྒྱ་ནག་འདི་ཁ་འཐོར་ཏུ་གཏོང་འདོད་ཀྱང་མེད། ང་ཚོས་རྩོད་བཞིན་པ་ནི་བོད་རྒྱ་མི་རིགས་སུ་ཡིན་ཀྱང་འདྲ་མཉམ་དང་། རང་དབང་། འཆམ་མཐུན་གྱི་མ་འོངས་བའི་འཚོ་གནས་ཞིག་རྩོད་བཞིན་ཡོད་ཅེས་དུས་ནས་དུས་སུ་གསལ་བོར་གསུང་བཞིན་ཡོད་ན་ང་ཚོས་འདི་ལ་ལོགས་འབྲེལ་ལྷག་མ་ཞིག་བྱེད་དགོས་ཀྱི་ཡོད་དམ།
ང་ཚོས་ངེས་པར་དུ་སྒེར་དང་ཚོགས་པ་་ཡང་ན་གཞུང་བར་དབྱེ་བ་གསལ་པོ་ཕྱེ་ཤེས་དགོས་སྙམ།་
གང་ཟག་མི་སྒེར་གཅིག་གི་སྐད་ཆ་དེ་ཚོགས་པ་འམ་གཞུང་ཞིག་ལ་མ་འགྲིགས་པ་བཤད་པ་ནི་དྲང་པོ་ཞིག་ཏན་ནས་མིན་སྙམ།
རང་བཙན་ཡིན་ན་ཡང་འདྲ་དབུ་མའི་ལམ་ཡིན་ན་ཡང་འདྲ་གཙོ་བོ་རྒྱ་ནག་གཞུང་གིས་ད་བར་དུ་ང་ཚོས་ཞི་འགྲིགས་ཡོང་ཐབས་གང་འདྲ་ཞིག་བྱས་ཀྱང་ཡ་ལན་མེད་པར་སྡུག་ཏུ་ཕྱིན་ཡོད།
དེར་བརྟེན་ང་ཚོ་ཕན་ཚུན་དབུ་མ་དང་རང་བཙན་བར་ནང་ཁུལ་དུ་རྙོག་དྲ་ཞིག་ལས་གང་ཡང་ཕན་ཐོགས་མེད།
ང་ཚོ་བོད་མི་རིགས་ལ་ཕན་པའི་ལས་ཀ་ཆེ་ཆུང་གང་ཞིག་རང་རང་གི་གང་འཇོན་བྱས་ནཕན་ཐོགས་ཆེ་བར་མངོན།
ལྷ་བཟང་ཚེ་རིང་གི་སྐད་ཆ་དེ་ཁོ་རང་སྒེར་གྱི་སྐད་ཆ་ཞིག་ལས་གཞོན་ལྷན་ཚོགས་ལ་ཁག་འགེལ་བ་ནི་ནོར་འཁྲུལ་ཞིག་ཡིན་པར་སེམས།
༄༅། །ལྷ་བཟང་ཚེ་རིང་ལགས་ནས་གསུང་དོན་ལྟར་བོད་ཀྱི་གཞོན་ལྷན་ནས་༸རྒྱལ་བའི་བཀའ་དང་རྒལ་ཀྱང་༸རྒྱལ་བའི་དགོང་པ་དང་རྒལ་མེད་གསུང་པ་དེར་གུས་རང་ནས་རྩ་བ་ནས་ངོས་ལེན་མེད། རྒྱུ་མཚན་ནི། ༸གོང་ས་མཆོག་ནས་ད་བར་ནམ་ཡང་”ང་རང་བཙན་གཙོད་ཀྱི་མེད་ཁྱེད་རང་ཚོ་ཡང་རང་བཙན་མ་གཙོད་”ཅེས་གསུང་མྱོང་མེད་ངེས་ལ་གུས་ནས་ནམ་ཡང་ཐོས་མ་མྱོང་། གལ་ཏེ་༸གོང་ས་མཆོག་གིས་དོ་རྒྱལ་བསྟན་སྲུང་བྱེད་མཁན་རྣམས་ལ་བཀའ་གནང་བ་བཞིན་དོ་རྒྱལ་བསྟན་ན་ནོར་འཕྲུལ་རེད་བསྟན་དང་མི་བསྟན་ཁྱེད་རང་ཚོར་རག་ལུས་ཡོད་ལྟ་བུ་གསུང་ཡོད་ན་ཏན་ཏན་བཀའ་དགོང་གཉིས་ཀ་དང་རྒལ་བ་རེད་མ་གཏོགས། ༸གོང་ས་མཆོག་ནས་རང་བཙན་ཐབས་གཙོད་སུ་འདྲ་ཞིག་ལ་ཀྱང་བཀའ་སློབ་གནང་སྐབས་”ངའི་ལངས་ཕྱོགས་ནི་དབུ་མའི་ལམ་ཡིན་པ་ནི་འགྱུར་མེད་ལ་ཁྱེད་རང་ཚོའི་ལངས་ཕྱོགས་རང་བཙན་གཙང་ཡིན་ཟེར་གྱི་ཡོད་པ་ཞེ་དྲགས་ཡག་པོ་རེད། ལས་འགུལ་ག་རེ་བྱེད་ཀྱི་ཡོད་ཀྱང་ཧུར་ཐག་འབར་ཐག་བྱེད་དགོས་”ཞེས་བཀའ་གནང་བ་ང་རང་རང་ཉིད་ཀྱི་བཀའ་སློབ་ཞུ་རྒྱུའི་གོ་སྐབས་རག་མྱུང་ཡོད་པས། བོད་ཀྱི་གཞོན་ལྷན་ཡིན་ཀྱང་རུང་དེ་མིན་རང་བཙན་གཙང་མ་གཙོད་མཁན་ཚོགས་སྒྲིགས་གང་གིས་ཀྱང་༸རྒྱལ་བའི་བཀའ་དགོང་གཉིས་ཀ་དང་རྒལ་མེད་པའི་ཡི་ཆེས་གཙང་ཡོད་ལ་སྤོབ་པ་ཡང་ཡོད།
གཞོན་ནུ་ལྷན་ཚོགས་ཀྱིས་རྒྱལ་བའི་བཀའ་དང་འགལ་ཡོད་ཚུལ་གསུངས་པའི་རྒྱབ་ལྗོངས་གཙང་མ་ཞིག་ཧ་གོ་གི་མི་འདུག་པས་དེའི་གྱ་ཚོམ་གྱི་སྐད་མ་བཤད་ན་བཟང་བར་སེམས། སྐད་འདི་རིགས་ཁྱད་སྲིད་མི་ཤེས་བ་དང་ཡང་ན་ཁྱེད་དུ་གཉེར་ནས་བཟོས་པ་ཞིག་རེད།
དེ་རིང་འདིར་བསམ་ཚུལ་ཞིག་མ་བཤད་ན་འོས་བབས་མེད།
དྲ་གྲོགས་ནད་པ་ལགས་ཀྱིས་རིག་པ་གཏོང་སྟངས་ལ་ཁོ་བོ་སྣང་བར་ཕྱིན་སོང་། རྒྱུན་ལྡན་གྱི་སྲོལ་བཞིན་ལངས་ཕྱོགས་སམ་བལྟ་བ་མ་མཐུན་པའི་དབང་གིས་ཕ་རོལ་བོ་ནི་རང་ལས་རིག་པ་དང་གནད་དོན་རྟོགས་པ་ཉུང་བ་ཞིག་ཏུ་རང་བཞིན་གྱིས་མཐོང་བ་ནི་ཆོས་ཉིད་ལྟ་བུ་ཞིག་རེད། དེ་རིང་ནད་པ་ལགས་ཀྱིས་རིག་པ་བཏང་བ་དེ་སྣང་ཚུལ་དེ་ཚོ་བདེན་པ་མིན་པ་ལ་གསལ་འདེབས་གསར་བ་ཞིག་བྱུང་། གུས་བཏུད་ཞུ།
གཉིས་པ། གཞོན་ལྷན་གྱིས་རྒྱལ་བའི་བཀའ་དང་འགལ་བ་ཞིག་མ་བྱས་ཐབས་མེད་ཆགས་པ་རེད། མ་འགལ་ན་འགྲོ་ཐབས་མེད་པའི་བཀའ་ཞིག་གནང་ཚར་བ་རེད། འདི་འདྲ་ལ་མི་འགའ་ཞིག་༧གོང་ས་མཆོག་ལ་མཚན་དམད་བྱས་པ་དང་ཁྱད་གསོད་བྱས་པ་ཞིག་ལ་གོ་འགྲོ་གི་ཡོད་པ་འདི་གཅིག་ནས་ཡ་མཚན་ཆེ།
གསུམ་པ། ༧གོང་ས་མཆོག་གི་ཐུགས་དང་འགལ་ཡོད་མེད་དེ་ངོ་མ་བཤད་ན་རང་ཅག་སུས་ཀྱང་རྟོག་མི་ཐུབ་པ་ཞིག་རེད། འདི་ནི་རང་ཅག་སྐྱེ་བོ་མཐའ་མལ་བ་སུ་གཅིག་གི་ཡང་སྤྱོད་ཡུལ་དུ་མེད། གཞོན་ལྷན་གྱིས་གནང་སྟངས་དེ་༧ཁོང་གི་ཐུགས་ལ་འགལ་ཡོད་ཀྱང་སྲིད་ལ་མེད་ཀྱང་སྲིད། ངོ་མ་བཤད་ན་ང་ཚོས་གང་ཡང་མི་ཤེས།
དེའི་ཕྱིར་བོད་རྒྱལ་དང་མི་རིགས་ལ་གང་ཕན་པ་དེ་བཟུང་ནས་འགྲོ་རྒྱུ་ཙམ་རེད་བསམ། སྤྱིར་བཏང་བོད་མི་ཡོད་དོ་ཅོག་གིས་རང་བཙན་གྱི་ལྟ་བ་དེ་ལས་གཞན་པའི་བཀའ་ཡི་ཆ་ཤས་ཕྲ་མོ་ཙམ་ཡང་མི་ཟློག་པ་ཞིག་ཡོད་པའི་བརྡ་འཕྲིན་འཛམ་གླིང་ལ་སྟོན་ཐུབ་ན་དེ་ནི་ཕྱི་ལ་ངོམ་རྒྱུའི་སྟོབས་ཤུགས་ཤིག་མིན་ནམ་སྙམ་གྱི་ཡོད།
ཧོབ་དེ་ཉན་ན་ཅི་དྲན་འདི་དྲན་མི་འདུག ངའི་བསམ་བློ་ཅུང་བཏང་བ་ཡིན། འདི་འདྲ་ཞིག་དྲན་ཡོང་གིན་འདུག མདོ་ཡི་དགོངས་པ་ཡིན་ཀྱང་མདོ་གསུངས་པ་པོའི་དགོངས་གཞི་མ་ཡིན་ཞེས་དྲང་ངེས་འབྱེད་ཚུལ་ཞིག་ཡོད། འོན་ཀྱང་།
རྒྱལ་བའི་བཀའ་དང་འགལ་ཡང་ཐུགས་དང་འགལ་མེད།༽ ཞེས་པས་ཚིག་འདི་དེ་དང་གཏད་ནས་མི་འདྲ་བར་འདུག ཡང་མིན་ན་ལྷ་བཟང་ཟེར་བ་དེའི་རྣམ་དཔྱོད་རྩལ་ཏུ་བཏོན་པས་སྐད་ཆ་ཞིག་ཡིན་འདོད་ཡོད་པ་འདྲ། དེ་མིན་ན རྒྱ་ནག་ལ་ རྒྱལ་བ་དོན་གྱི་བདག་པོ་ལ་ངན་སྨྲས་བྱེད་ལུགས་གསར་བ་ཞིག་ལྷ་བཟང་གི་ཕུལ་བ་རེད
ཨ་ཕའི་ལོ་ལོ་ཆོ། བོད་རང་བཙན་ཡིན་མིན་དང་བོད་རང་བཙན་རྩོད་མིན་གཉིས་ཀྱི་ཁྱད་པར་ཡང་འབྱེད་མི་ཤེས་སམ།
གཞོན་ནུ་ལྷན་ཚོགས་ཀྱིས་རྒྱལ་བའི་བཀའ་དང་འགལ་ཡོད་ཚུལ་གསུངས་པའི་རྒྱབ་ལྗོངས་གཙང་མ་ཞིག་ཧ་གོ་གི་མི་འདུག་པས་དེའི་གྱ་ཚོམ་གྱི་སྐད་མ་བཤད་ན་བཟང་བར་སེམས།
༧གོང་ས་མཆོག་གི་བཀའ་དང་འགལ་མི་འགལ་དེ་༧གོང་ས་མཆོག་དང་ལྟ་བ་གཅིག་མིན་རག་ལུས་ཡོད་ན་གཞོན་ནུ་ལྷན་ཚོགས་རྒྱལ་བའི་བཀའ་དང་འགལ་ཡོད། གལ་ཏེ་གཞོན་ནུ་ལྷན་ཚོགས་རྒྱལ་བའི་བཀའ་དང་འགལ་ཡོད་ན་ད་བར་བོད་མི་སྐྱ་སེར་ཕལ་ཆེ་བས་ཁྱེད་ཅག་ལ་རྒྱབ་སྐྱོར་བྱས་པ་སྟོང་ཟད་དུ་ཕྱིན་འདུག་ཅེས་ཞུ་འདོད་བྱུང་།
དེང་ལྷོ་ཕྱོགས་སེར་བྱེས་གྲྭ་ཚང་དགེ་བསྐོར་མངའ་རིས་ཚེ་དབང་ཟེར་བ་ཞིག་གིས་སྐད་དེ་དང་འདྲ་བ་བཤད་དེ་ཁུངས་མེད་ཀྱི་སྐད་ཆ་ལུང་བ་གང་བཤད་ཀྱིན་ཡོད་ཚོད་འདུག རང་བཙན་འཐབ་རྩོད་པ་དག་གིས་སེམས་ཤུགས་ཆེད་གཉེར་ནས་ཆགས་སུ་བཅུག་གི་འདུག
ཁོ་བས་བཤད་པའི་སྐད་ཆ་ལ་གཞི་འཛིན་ས་མེད་པ་མ་ཟད་དོན་མེད་ཕྱོགས་ཞེན་ཀྱི་སྐད་ཆ་མང་དག་ཅིག་བཤད་ཀྱི་ཚུལ་ཐོས་སོང་།
ཁོ་བས་༧གོང་ས་མཆོག་ལྷོ་ཕྱོགས་སུ་ཆིབས་བསྒྱུར་སྐབས་སེ་ར་བྱེས་པའི་གྲྭ་བ་བརྒྱ་ཆ་དགུ་བཅུ་གོ་དགུས་དབུ་མའི་ལམ་དུ་ཤར་བསྐྱོད་བྱེད་ཀྱིན་ཡོད་པའི་རྫུན་གཏམ་བསྒྲགས་འདུག
དེ་རྗེས་རྫུན་གཏམ་དེའི་རྒྱབ་སྐྱོར་ཚུལ་དུ་༢༠༠༨ མང་ཚོགས་ཀྱི་བསམ་ཤོག་ལ་གཞི་ལ་བཞག་ནས་དེ་ལྟར་ཅེས་བཤད་དེ་། ཁང་ཚན་སོ་སོའི་བསམ་ཤོག་གི་གྲངས་འབོར་སྒྲོག་རྒྱང་བྱེད་སྐབས་རང་གི་སྣང་བ་འགྲོ་སའི་ཁང་ཚན་ལ་རང་བཙན་དང་དབུ་མའི་ལམ་གྱི་གྲངས་འབོར་གང་མང་ཡང་སོ་སོའི་འདོད་རེད། འགྲིགས་ཤག་ཅེས་བཤད་དེ་བསྟོད་པ་ཡང་བྱས་ཡོད།
ཁང་ཚན་འགའ་ཤས་དང་ཤིང་བཟའ་སྤྲུལ་སྐུ་སོགས་ལ་དོན་མེད་ཀྱི་སྐྱོན་བརྗོད་དང་། ཚིག་མཚོན་མང་པོ་བཏབ་འདུག
ཁོ་བས་བཤད་པའི་བརྒྱ་གྲངས་འབོར་ལ་གཞིགས་ན་རང་བཙན་ལ་རྒྱབ་སྐྱོར་བྱེད་མཁན་མ་མཐར་ཡང་བརྒྱ་བཞི་བཅུ་ཟིན་ཡོད་ཚོད་འདུག
དེ་ནི་སེ་ར་བྱེས་བརྒྱ་ཆ་བརྒྱ་དབུ་མའི་ལམ་དུ་ཤར་བསྐྱོད་ཡིན་ཞེས་པའི་སྐྱག་རྫུན་ཕུག་པ་གཏིབ་པའི་ཐོ་བ་ཉིད་དུ་གྱུར་འདུག
འོན་ཀྱང་ཁོས་བཤད་པའི་སྐད་ཆ་ལ་གཞི་འཛིན་ས་མེད་པའི་གནས་ཚུལ་འདུག
མང་ཚོགས་ཀྱི་བསམ་ཤོག་ཞིབ་ཀློག་མ་བྱས་པའམ་ཡང་ན་ཆེད་དུ་གཉེར་ནས་ཁང་ཚན་འགའ་ཞིོག་ནག་བསུབ་བྱེད་ཀྱི་ཡོད་འདུག་
ང་ཚོས་ངེས་པར་དུ་མི་དེའི་རིགས་ལ་དོ་སྣང་བྱེད་དགོས་པར་སྣང་།
འདིའི་ནང་མཆན་འབྲི་འདེབས་མཁན་ཚོས་གསར་འགྱུར་དེ་ཡག་པོ་བྱས་ནས་ཀློག་མི་འདུག། མཆན་འདེབས་དེ་དག་གི་དང་པོ་ཡག་པོ་བྱས་ནས་ཀློག་དེ་ནས་བཤད་ན་ཡག་པོ་ཡོད་ས་རེད་། རེ་འགས་ལྷག་བསམ་ཚེ་རིང་ལགས་དང་གཞོན་ལྷན་མཉམ་བསེས་བྱེད་གི་འདུག་དེ་ཡག་པོ་མ་རེད།
འདིའི་ནང་མཆན་འབྲི་འདེབས་མཁན་ཚོས་གསར་འགྱུར་དེ་ཡག་པོ་བྱས་ནས་ཀློག་མི་འདུག། མཆན་འདེབས་དེ་དག་གི་དང་པོ་ཡག་པོ་བྱས་ནས་ཀློག་དེ་ནས་བཤད་ན་ཡག་པོ་ཡོད་ས་རེད་། རེ་འགས་ལྷག་བསམ་ཚེ་རིང་ལགས་དང་གཞོན་ལྷན་མཉམ་བསེས་བྱེད་གི་འདུག་དེ་ཡག་པོ་མ་རེད།
ད་ལྟའི་གཞོན་ལྷན་ནི། ༧རྒྱལ་བའི་བཀའ་དགོངས་དང་འགལ་དགོས་ལ། ༧རྒྱལ་བས་རྒྱབ་སྐྱོར་ཡང་དགོས་པའི་ཆབ་སྲིད་ཚོགས་པ་ཐབས་སྐྱོ་ཤོས་དེ་རེད་འདུག དེ་བས་རིང་མིན་དབུ་མའི་ལམ་ལ་ཤར་སྐྱོད་ཐུབ་པའི་བོད་ཀྱི་གཞོན་ལྷན་ཚོགས་པ་གསར་འཛུགས་དགོས་གལ་ཆེ་བ་མི་འདུག་གམ། བོད་རིགས་ལོ་གཞོན་ཚོ།
ལྷག་བསམ་ཚེ་རིང་ལགས་ཀྱིས་ ༸ རྒྱལ་བའི་བཀའ་དང་འགལ་ཡང་༸ རྒྱལ་བའི་ཐུགས་དང་འགལ་མེད། ཅེས་པའི་ཐད་ལ་ཅུང་ཟད་ཅིག་ཞུ་འདོད་བྱུང་།
དང་པོ་༸ རྒྱ་བའི་བཀའ་དང་འགལ་ཡང་ཞེས་བོད་ཀྱིས་གཞོན་ནུ་ལྷན་ཚོགས་ཀྱི་ངོས་ནས་༸ རྒྱལ་བ་རིན་པོ་ཆེའི་བཀའ་དང་བརྒྱབ་འགལ་བྱས་པ་ངོས་ལེན་གཙང་མ་བྱས་འདུག
གཉིས་པ་༸ རྒྱལ་བའི་ཐུགས་དང་འགལ་མེད་ཅེས་༸ གོང་ས་མཆོག་གི་ཐུགས་དགོངས་དེ་རྒྱ་མིས་བཤད་པ་ལྟར་རང་བཙན་དང་ཁ་བྲལ་རྩོད་ཀྱིན་ཡོད་པ་ཞིག་གསལ་བཤད་བྱས་འདུག
དེར་བརྟེན་རྒྱུ་མཚན་དང་པོ་སྟེ། ༸ རྒྱལ་བའི་བཀའ་དང་འགལ་ཡང་ཞེས་པའི་ཐད་འདིར་ཞི་བྱེས་བོད་མི་སྤྱི་དང་། ལྷག་དོན་བོད་གཞུང་། གཞུང་འབྲེལ་མིན་པའི་ཚོགས་པ། སྒོས་སུ་གཞོན་ནུ་ལྷན་ཚོགས་ཀྱིས་ངོས་ནས་བོད་མིའི་བླ་ན་མེད་པའི་༸ གོང་ས་སྐྱབས་མགོན་ཡིད་བཞིན་ནོར་བུའི་བཀའ་དགོངས་དང་བརྒྱལ་འགལ་བྱེད་དགོས་པའི་གནད་དོན་ཞིག་རྩ་ནས་ཆགས་ཀྱི་མེད།
རྒྱུ་མཚན་གཉིས་པ་སྟེ། ༸ རྒྱལ་བའི་ཐུགས་དང་འགལ་མེད་ཅེས་༸གོང་ས་མཆོག་གི་ཐུགས་དགོངས་ངོ་མ་དེ་ཁ་བྲལ་དང་བོད་རང་བཙན་རྩོད་ཀྱིན་ཡོད་པ་གསལ་བཤད་གཅིག་བྱས་ཡོད་ཀྱང་དེ་ནི་༸ གོང་ས་མཆོག་གིས་དུས་ནས་དུས་སུ་མིང་དོན་མཚུངས་པའི་རང་སྲིད་རང་སྐྱོང་ཞིག་རྩོད་པ་ལས་རང་བཙན་རྩོད་ཀྱིན་མེད་ཅེས་ཡང་ཡང་གསུངས་བཞིན་ཡོད།
རང་གི་གཅེས་པའི་རྒྱལ་ཁབ་དང་། མི་རིགས། ཆབ་སྲིད། ཆོས་ལུགས། རིགགཞུང་། དཔལ་འབྱོར། སྤྱི་ཚོགས་བཅས་ལ་ཁ་ཞེ་སྙིང་མེད་ཀྱིས་སྒོ་ནས་རྒྱལ་གཅེས་ཀྱི་ལྷག་བསམ་རྣམ་དག་དང་། མི་རིགས་ཀྱི་ལ་རྒྱ་བརྟན་པོར་བཅིངས་ནས་ཁ་ཞེ་སྙིང་མེད་ཀྱིས་རྒྱལ་ཁབ་དང་མི་རིགས་ལ་སྲི་ཞུ་རྣམ་དག་དང་༸ རྒྱལ་བའི་སྐུ་གསུང་ཐུགས་གསུམ་ལ་ངོ་བོ་དབྱེར་མེད་གཅིག་གིས་སྒོ་ནས་ལྟ་ཚུལ་དྲངས་པོར་བཟུང་དགོས།
དེ་ནི་རང་ཉིད་བོད་རིགས་མི་དམངས་གཅིག་གིས་ངོས་ནས་བཤད་ན་ང་ཚོས་སོམས་དགོས་པ་ཞིག་དང་། ང་ཚོས་ཤོད་དགོས་པ་ཞིག ང་ཚོས་སྒྲུབས་དགོས་པ་ཞིག་བཅས་ཡིན།
དྲ་གྲོགས་ཚང་མས་བཞེད་ཚུལ་གཅིག་པ་རེད་འདུག
ཡིན་ན་ཡང་གཞོན་ལྷན་གྱི་གསུང་སྟངས་དེ་འང་ཏོག་ཙམ་ཐལ་དྲག་པ་མིན་ནམ་བསམ་པའི་བསམ་ཚུལ་ཞིག་ངང་གིས་སླེབས་འོང་གི་འདུག
༸རྒྱལ་བའི་བཀའ་དང་འགལ་ན་ཐུགས་དང་མ་འགལ་ཟེར་བ་དེ་ལ་བརྟག་དཔྱད་ནན་མོ་མ་བྱས་ཚེ་ཐམས་ཅད་རུལ་འགྲོ་གི་མ་རེད་དམ། བཀའ་དང་འགལ་ན་ཐུགས་དང་མ་འགལ་ཟེར་བ་དེ་ནི་ཅི་འདྲའི་ཐབས་སྐྱོ་པའི་སྐད་ཆ་བཤད་སྟངས་ཤིག་དང་། བོད་སྐད་ཡང་དག་པ་ཞིག་མ་ཤེས་པའི་སྐྱོན་ཞིན་རང་ཞིག་གིས་སེམས་ལ་སླེབས་ཡོང་གི་འདུག་
དེ་གང་རེད་ཟེར་ན། བཀའ་ནི་ཐུགས་ཀྱི་བཞེད་པ་རྣམ་དག་ལས་བྱུང་པའི་གསུང་གི་སྒྲ་དབྱངས་དེ་མ་ཡིན་ནམ། བཀའ་མ་བརྩིས་པ་ཡིན་ན་ཐུགས་ཀྱི་བཞེད་པ་འང་མ་བརྩིས་པ་དང་ཁྱད་པར་ག་བར་འདུག བསམ་བློ་ཞིབ་མོ་རེ་བཏང་སྟེ་སྐད་ཆ་རེ་བཤད་ན་མ་གཏོགས་མིད་པ་འཆོལ་འོངས། འོན་ན་ཁྱེད་ཀྱིས་གསུང་བ་ལྟར་བཅས་ན་བཀའ་དང་ཐུགས་གཉིས་འགལ་བ་རེད་ཟེར་རྒྱུ་ཡིན་པ་འདྲ། བཀའ་ནི་ཐུགས་ཀྱི་དགོངས་པ་ལས་མ་འཁྲུངས་པ་ག་བ་ནས་འཁྲུངས་དགོས་སམ།
སྤྱིར་བཏང་བསམ་ཚུལ་ག་རེ་བཤད་ཀྱང་འགྲིག་མོད། འོན་ཀྱང་རང་གིས་དོན་དག་གང་སྒྲུབ་ན་ངེས་པར་དུ་༸རྒྱལ་པའི་ཐུགས་དགོངས་དང་འགལ་པའི་ལས་ཀ་བྱེད་དགོས་དོན་མི་འདུག ཁོང་གི་ཐུགས་དགོངས་དང་མ་འགལ་བའི་ཕྱག་ལས་གནང་སྟངས་ག་ཚོད་མང་པོ་ཡོད་པ་རེད། དེ་དག་ཐུགས་ལ་མི་བཞག་པར་ལས་དཀའ་ཏོག་ཙམ་ལས་པ་དང་༸་རྒྱལ་པའི་བཀའ་དང་འགལ་མ་འགལ་གྱི་སྐད་ཆ་དཔེ་མང་པོ་ལངས་ཡོང་གི་འདུག དེ་ནི་ཡག་པོ་མི་འདུག
ང་ཚོ་ལ་ཡིད་བཞིན་གྱི་ནོར་བུ་གཅིག་ལས་མེད་པ་ཁྱེད་ཅག་གིས་གསལ་བོར་མཁྱེན་གསལ་རེད། དེ་འདྲ་པའི་ནོར་བུ་དེ་ང་ཚོའི་ལག་ཏུ་ཡོད་དུས་དེ་ལ་སྲུང་སྐྱོབ་མ་ཞུས་པར་ཚིག་ངན་འདྲ་མིན་སྣ་ཚོགས་བཤད་བསྡད་པ་ཡིན་ན་ཡག་པོ་ཡོད་དམ་མེད་ཐུགས་སེམས་ཞིབ་མོ་རེ་གནོངས་དང་།
བཤད་སྲོལ་ཞིག་ལ་[ནོར་བུ་རང་ལ་ཡོད་དུས༎]
ནོར་བུའི་ནོར་ཐང་མ་ཤེས]]
ནོར་བུ་གཞན་ལ་ཤོར་དུས༎]]
འགྱོད་པའི་ལས་བསྐྱལ་འོངས༎]]
ཟེར་པའི་དཔེ་འདི་ཚོ་སྐད་ཆ་ཡག་པོ་བཤད་མི་ཤེས་རིགས་དེ་ཚོས་ངེས་པར་དུ་གོ་དགོས།
གཞོན་ལྷན་གྱིས་རྒྱལ་བའི་བཀའ་དང་འགལ་བ་མེད་ཅེས་བཤད་སོང།
རྒྱལ་བའི་བཀའ་དང་འགལ་དང་མི་འགལ་གྱི་ཚད་གཞི་གང་འདྲ་ཞིག་ལ་ཟེར་གྱི་ཡོད་དམ།
རྒྱལ་བའི་བཀའ་ཡི་ནང་དུ་ཆོས་ཐམས་བདེན་པར་མ་གྲུབ་པ་རེད་ཅེས་གསུངས་པར་ང་ཚོས་ཀྱང་ཆོས་ཐམས་ཅད་བདེན་པར་མ་གྲུབ་པ་རུ་ཁས་ལེན་པ་དང་ཆོས་ཐམས་ཅད་བདེན་པར་མ་གྲུབ་པ་ཡིན་པར་སྒྲུབ་ཀྱི་ཡོད་རེད།
དཔེ་དེ་ནང་བཞིན།
༧གོང་ས་༧་མཆོག་གིས་ད་ལྟའི་གནས་སྟངས་ལ་གཞིགས་ཏེ་བོད་རང་བཙན་ཡིན་པར་བཤད་ཀྱི་མེད།
བོད་འདི་རྒྱ་ནག་གིས་ཡིན་པར་བཤད་ཀྱི་མིན།
བོད་དོན་མཐའ་དག་བོད་མིའི་ཆེད་དུ་རྩོད་ཀྱི་མེད།
བོད་དོན་འདི་རྒྱ་ནག་གིས་གང་བྱས་ལ་འཇོག་རྒྱུ་མིན།
མདོར་ན་བོད་རྒྱ་གཉིས་ཀར་སྨན་པའི་ལམ་དབུ་མ་ཡིན།
ལམ་དབུ་མ་རྩོད་ཀྱི་ཡོད།
ལམ་དབུ་མའི་མཐའ་དོན་སྒྲུབ་དགོས་རེད་གསུངས་པ་རེད།
གཞོན་ལྷན་གྱིས་དེ་ལས་ལྡོག་སྟེ་ལམ་དབུ་མས་འགྲིག་གི་མི་འདུག
བོད་རང་བཙན་ཡིན་བོད་རང་བཙན་སྒྲུབ་ཀྱི་ཡིན།
ལམ་དབུ་མར་མི་འདོད།
ལམ་དབུ་མ་མི་སྒྲུབ་ཅེས་བཤད་དུས་རྒྱལ་བའི་བཀའ་དང་འགལ་བར་འགྲོ་གི་མི་འདུག་གམ།
དེར་རྟེན་རྒྱ་ནག་གིས།
མི་ངན་ནང་ལ་བསྡད་ནས།
ཇུས་ངན་ཕྱི་ལ་འདེངས་ཀྱི་འདུག་ཅེས་ཤོད་ཀྱི་འདུག་པཱ།
དེས་ཕྱིར་ཟམ་གདོང་བླ་མས་དགག་པ་བྱེད་དགོས་པའང་དེ་འདྲ་ཞིག་ཡིན་རྒྱུ་རེད།
གལ་ཏེ་ལམ་དབུ་མའི་བརྒྱུད་ནས་བོད་དོན་འགྲུབ་མ་ཐུབ་པ་ཡིན་ན་དེ་ནི་གཞོན་ལྷན་གྱིས་འགོག་རྐྱེན་རེད།
ཡང་བོད་རང་བཙན་རྒྱ་ནག་གིས་སྟེར་བཞིན་དུ་ལས་དོན་མ་གྲུབ་པ་ཡིན་ན།
དེ་ནི་ལམ་དབུ་མ་སྒྲུབ་མཁན་དག་གིས་ཉེར་ལེན་དུ་རྩིས་ན་འགྲིག་གི་རེད།
༸རྒྱལ་བའི་བཀའ་དང་འགལ་ཡང་ཐུགས་དང་འགལ་མེད།
དོ་བདག་གིས་གཞི་རྩ་གང་འདྲ་ཞིག་ལ་བསམས་ནས་གསུང་གི་ཡོད་མེད་ངས་ཞུ་ཚོད་ཐིག་གི་མ་རེད།
ངས་ནི་ཇི་ལྟར་བསམས་ཀྱང་༸གོང་ས་མཆོག་ཁ་ཞེ་མཐུན་གྱི་མེད་ཟེར་བ་འདྲ་པོ་ཞིག་མ་གཏོགས་གོ་གི་མི་འདུག
མ་གཞི་༸གོང་ས་མཆོག་གི་ཐུགས་དང་འགལ་ཟེར་བའི་སྐད་ཆ་འདི་དང་༸གོང་ས་མཆོག་གི་ལྟ་གྲུབ་དང་མི་མཐུན་ཟེར་བའི་སྐད་ཆ་འདི་གཉིས་ཀྱི་དབར་སྤྱི་ཚོགས་ཀྱི་གོ་སྟངས་ལ་མི་འདྲ་བའི་ཁྱད་པར་ཏན་ཏན་ཡོད་པ་རེད། དེར་བརྟེན་༸རྒྱལ་བའི་ཆབ་སྲིད་ཀྱི་ལྟ་གྲུབ་དང་མི་མཐུན་ན་༸རྒྱལ་བའི་དགོངས་པ་དང་འགལ་དགོས་པ་ཞིག་ངས་མཐོང་གི་མེད། སྤྱི་ཚོགས་གཅིག་གི་ནང་ལྟ་གྲུབ་དང་ལམ་སྲོལ་མི་འདྲ་བ་དང་སྣེ་མང་ཡོང་ཆོག་པ་དང་ཡོང་དགོས་པ་འདི་རྒྱལ་བའི་དགོངས་པ་རེད།
སྐད་ཆ་བཤད་སྟངས་འདི་སྙིང་རྗེ་པོ་འདྲ་ཞིག་བྱུང་མི་འདུག