ཟླ་སྔོན་མའི་ཚེས་ ༢༥ ཉིན་བཞུགས་སྒར་ངྷ་རམ་ས་ལའི་ས་གནས་མགོ་འཛིན་དང་ས་གནས་འཐུས་ཚོགས་གཉིས་འོས་འདེམས་བྱས་པའི་ཁྲོད། ས་གནས་མགོ་འཛིན་ལ་འོས་གྲངས་མ་ལོངས་པར་བདམས་ཐུབ་མེད་ཀྱང་། ས་གནས་འཐུས་ཚོགས་ཀྱི་ཚོགས་མི་ ༡༥ བདམས་ཟིན་ཡོད་པ་ལྟར། ཁ་སང་ཕྱི་ཚེས་ ༦ ཉིན་ལྡེ་ར་རྡུན་ཁུལ་གྱི་ས་གནས་ཁྲིམས་ཞིབ་པ་ནོར་པ་ཚེ་རིང་ནོར་བུ་ལགས་གདན་ཞུས་ཀྱིས་ས་གནས་འཐུས་མི་ ༡༥ ཡིས་དམ་འབུལ་ཞུས་ཏེ། དགེ་འདུན་བསྟན་འཛིན་ལགས་བསྐྱར་དུ་ཚོགས་གཙོ་དང་། བློ་བཟང་ཚེ་རིང་ལགས་ཀྱང་བསྐྱར་དུ་ཚོགས་གཞོན་དུ་བསྐོ་བཞག་བྱུང་ཡོད་འདུག
འདིའི་ཐད་ངྷ་ས་བདེ་དོན་ཚེ་རིང་ཕུན་ཚོགས་ལགས་ཀྱིས་ཐེངས་འདིའི་ས་གནས་འཐུས་ཚོགས་ནང་བུད་མེད་གསུམ་དང་གྲྭ་པ་གཅིག་བཅས་འདེམས་ཐོན་བྱུང་སྟབས། ཅུང་སྔར་དང་མ་འདྲ་བ་བྱུང་ཡོ་པ་མ་ཟད། ཚོགས་གཙོ་གཞོན་གཉིས་ཀྱང་བསྐྱར་དུ་འོས་འདེམས་བྱེད་མ་དགོས་པར་ཐེངས་གཅིག་ལ་འོས་འདེམས་བྱས་ཏེ་བདམས་ཐུབ་པ་བྱུང་སོང་ཟེར།
ཡང་གསར་འགོད་པས་ཁོང་ལ་ཐེངས་འདིར་ས་གནས་མགོ་འཛིན་བདམས་མ་ཐུབ་པའི་སྐོར་བཀའ་འདྲི་ཞུས་པར་ཁོང་གིས། སྤྱིར་ང་ས་གནས་མགོ་འཛིན་དུ་འདུག་པའི་དུས་ཡུན་མཐའ་མ་དེ་ཟླ་ ༡༡ པའི་ཚེས་ ༣༠ བར་དུ་ཡིན་ནའང་། ཟླ་ ༡༢ ཚེས་ ༢ ཉིན་བོད་གཞུང་བཀའ་ཤག་ནས་ང་ལ་ཕྱག་འཕྲིན་འབྱོར་ཏེ། ད་ལྟའི་ཆར་ངྷ་ས་ས་གནས་མགོ་འཛིན་ཐག་གཅོད་བྱུང་མེད་སྟབས། ཁྱེད་རང་མུ་མཐུད་འཕྲལ་སེལ་ཐོག་ས་གནས་མགོ་འཛིན་དུ་བསྐོ་བཞག་གནང་བ་ཡིན་ཞེས་བཀའ་མངགས་ཕེབས་པ་ལྟར། ད་ལྟའི་ཆར་ངས་འཕྲལ་སེལ་གྱི་ས་གནས་མགོ་འཛིན་གྱི་ལས་འཁུར་ཞུས་ཡོད་ལ། དུས་ཡུན་ཅི་ཙམ་ལ་ས་གནས་མགོ་འཛིན་བྱ་དགོས་མིན་ངས་ཀྱང་ཤེས་ཀྱི་མེད། ཅེས་གསུངས།
གསར་འགོད་པ། ཨ་རིག་འགྱུར་མེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཆབ་སྲིད་གནད་དོན་ཡིན་ནས་རེད་གང་ལྟར་ཡང་ས་གནས་འགན་འཛིན་མི་ལྷག་བསམ་ཅན་དང་དྲང་པོ་ཤིག་འདེམས་དགོས་པ་ནི་གནད་འགངས་ཆེན་པོ་ཡིན་།
རྡ་ས་ས་གནས་མཐུས་ཚོགས་ཟེར་པ་དེ་ལས་ཀ་གང་བྱས་ཀྱི་ཡོད་པ་རེད།
དགེ་འདུན་བསྟན་འཛིན་ཟེར་བའི་གྲ་ལོག་མགོ་དཀར་པོ་དེ་ལོ་གསུམ་རིང་ལ་ལས་ཀ་ཅི་ཡང་ལས་མེད་པ་མ་ཟད་ལོ་དེ་དག་གི་ནང་ཚོགས་ཆེན་ཐེང་གཉིས་ཚོགས་དགོས་པ་དེའང་ཚོགས་མི་འདུག ད་དུང་མུ་མཐུད་ནས་ཚོགས་གཙོ་ལ་བཞག་དགོས་པ་ཅི་ཡིན་ནམ།
ངོ་མ་རྡ་ས་མི་མང་གི་ལས་ཀ་བྱས་སྟེང་ངོས་ནས་ཧ་གོ་གི་མི་འདུག