ཉེ་ཆར་༧གོང་ས་མཆོག་གིས་ཟླ་དྲུག་ནང་ཚུན་དུ་ཁོང་བགྲེས་ཡོལ་དུ་ཕེབས་འདུན་ཡོད་སྐོར་གསུངས་པ་དེར་བོད་གཞིས་བྱེས་གཉིས་ནང་སེམས་འཚབ་དང་གླེང་སྣ་ཚོགས་ཡོང་གི་ཡོད་པ་ལྟར། ཉེ་ཆར་༧གོང་ས་མཆོག་གིས་གསལ་བཤད་གནང་བ་སོགས་ཀྱི་གནས་ཚུལ་ཁག་ཅིག་བསྡུ་སྒྲིག་བྱས་ཡོད།
ཟླ་སྔོན་མའི་ཕྱི་ཚེས་ ༢༡ ཉིན་རྒྱ་གར་གྱི་སེས་ཨན་ཨན་ཡན་ལག་གསར་ཁང་ (CNN-IBN)གིས་༧གོང་ས་མཆོག་ལ་བཅར་འདྲི་ཞིག་གི་སྐབས། གསར་འགོད་པས་ཁོང་བགྲེས་ཡོལ་དུ་ཕེབས་རྒྱུའི་སྐོར་ལ་དགོངས་པ་བཞེས་ཕྱོགས་གང་འདྲ་ཡོད་མེད་དྲིས་པར། ཁོང་གིས། ངོས་རང་བགྲེས་ཡོལ་བྱ་རྒྱུའི་བསམ་བློ་གཏོང་གི་ཡོད་ཅེས་དང་། ༢༠༠༡ ལོ་ནས་ང་ཚོར་འོས་འདེམས་བྱས་པའི་སྲིད་དོན་གྱི་མགོ་ཁྲིད་ཅིག་ཐོན་པ་དང་། གལ་གནད་ཆེ་བའི་བྱེད་སྒོ་ཁག་ཐག་གཅོད་བྱེད་དབང་ཡང་སྲིད་དོན་མགོ་ཁྲིད་དེའི་ལག་ཏུ་ཡོད་སྟབས། ངོས་ཀྱིས་མང་གཙོའི་ལམ་ལུགས་ཆ་ཚང་བེད་སྤྱོད་ཡོང་བ་ལ་སྲིད་དོན་རིགས་ལ་ཐེ་གཏོགས་མ་བྱས་ན་བཟང་གི་རེད་དྲན་ཡོད། ཅེས་བཀའ་ལན་གནང་ཡོད། ཡང་ཁོང་གིས་དང་ཐོག་ངོས་ནས་བཙན་བྱོལ་བོད་མིའི་སྤྱི་འཐུས་ལྷན་ཚོགས་ལ་དམིགས་དོན་འདིའི་སྐོར་གྲོས་བསྡུར་བྱ་དགོས། ད་སྔ་རོབ་ཙམ་བརྗོད་ཟིན་པ་ཡིན་ཞེས་དང་། ངོས་ཀྱི་བསམ་པར་ཕལ་ཆེར་ཟླ་བ་དྲུག་གི་ནང་ཡོང་སྲིད་པ་རེད་སྙམ་གྱི་ཡོད་ཅེས་སོགས་གསུངས་ཡོད།
ད་ལྟ་མང་ཚོགས་ཁྲོད་ཁོང་ཉིད་བགྲེས་ཡོལ་དུ་ཕེབས་རྒྱུའི་སྐོར་གྱི་བཀའ་སློབ་དེར་གླེང་སློང་སྣ་ཚོགས་ཤིག་ཡོང་བཞིན་པར་མ་ཟད། ཁོང་གི་དགོངས་གཞི་དངོས་དེ་མ་རྟོགས་པར་ཁོང་ཉིད་བགྲེས་ཡོལ་དུ་ཕེབས་པ་ནི། བོད་མིའི་འཐབ་རྩོད་མུ་མཐུད་གནང་རྒྱུའི་ཐུགས་འདུན་བརླག་པའི་སེམས་འཚབ་ཀྱང་ཡོང་གི་ཡོད་སྟབས། ཟླ་འདིའི་ཕྱི་ཚེས་ ༡༤ ཉིན་ཁོང་གིས་ཀ་ལོན་སྦུག་ཏུ་ཁོང་ཉིད་བགྲེས་ཡོལ་དུ་ཕེབས་ཕྱོགས་སྐོར་ལ་བསྐྱར་དུ་གསལ་བཤད་ཅིག་གནང་བའི་ནང་། ཉེ་ལམ་ངོས་རང་རྒས་ཡོལ་ཆ་ཚང་བྱ་རྒྱུའི་བསམ་བློ་ཡོད་སྐོར་བརྗོད་པའི་ཐད། བོད་ཕྱི་ནང་གི་བོད་མི་ཁག་ཅིག་ལ་ཐེ་ཚོམ་དང་སེམས་འཚབ་ཕྲན་བུ་བྱུང་ཡོད་འདུག ཁོང་ཚོའི་བསམ་པར་ད་ནི་ཏཱ་ལའི་བླ་མར་བོད་ཀྱི་བདེན་པའི་འཐབ་རྩོད་ཀྱི་འགན་ཁུར་ལེན་རྒྱུའི་འདུན་པ་མེད་པ་རེད་སྙམ་འདུག དེ་འདྲ་རྩ་བ་ནས་མིན། ཞེས་བཀའ་གནང་འདུག
ཡང་སྐབས་དེར་ཁོང་གིས། ངོས་ལ་འགན་ཁུར་གསུམ་ཡོད་པའི་ནང་ནས་དང་པོ་འགྲོ་བ་མིའི་རིན་ཐང་གོང་མཐོར་གཏོང་རྒྱུ་དང་། གཉིས་པ་ཆོས་ལུགས་ཕན་ཚུན་མཐུན་འབྲེལ་གོང་མཐོར་གཏོང་རྒྱུ་དེ་ཡིན། དེ་གཉིས་ངོས་རང་མ་ཤི་བར་འགན་ཁུར་ལེན་རྒྱུ་ཡིན། ངོས་ཀྱི་འགན་ཁུར་གསུམ་པ་ནི་བོད་ཀྱི་རྩ་དོན་རེད། དེ་ཡང་ངོས་རང་བོད་མི་ཞིག་ཡིན་པ་དང་། ལྷག་པར་ཏཱ་ལའི་བླ་མའི་མིང་གནས་ཤིག་ཡོད་སྟབས། བོད་ཕྱི་ནང་གཉིས་སུ་གནས་པའི་བོད་མི་བརྒྱ་ཆ་དགུ་བཅུ་གོ་དགུར་ཉེ་བས་ངོས་ལ་ཡིད་ཆེས་བློ་གཏད་བྱེད་ཀྱི་ཡོད་པར་བརྟེན། བོད་རྒྱ་ཆེའི་མི་མང་ལ་ཞབས་འདེགས་བསྒྲུབ་རྒྱུར་ངོས་ལ་འགན་འཁྲི་ཡོད། ཅེས་དང་། ལྷག་པར་ངོས་ཀྱིས་གོང་དུ་བརྗོད་པ་ལྟར། ངོས་རང་བོད་མིའི་ཁྲོད་གང་ལ་གང་འཚམ་གྱི་དགའ་མོས་ཡོད་པ་ཞིག་དང་། བོད་མི་ཚོས་ཡིད་ཆེས་བློ་གཏད་ཆེན་པོ་བྱེད་ཀྱི་ཡོད་སྟབས། ངོས་ལ་འགན་ཁུར་ཞིག་ཡོད། འོན་ཀྱང་ངོས་ཀྱིས་དུས་རྒྱུན་འཛིན་སྐྱོང་དང་འབྲེལ་བའི་གཞུང་འབྲེལ་གྱི་ཡིག་ཆ་གལ་ཆེའི་རིགས་ལ་ས་རྟགས་འགོད་དགོས་པ་དེ་རིགས་ངོས་ཀྱིས་བྱེད་མི་དགོས་པར་འབྲེལ་ཡོད་ཁག་ལ་རྩིས་སྤྲོད་བྱ་རྒྱུའི་བསམ་བློ་ཡོད། དེས་ན་སྐབས་རྗེས་མའི་བོད་མི་མང་སྤྱི་འཐུས་གྲོས་ཚོགས་ནང་། ངོས་རང་རྒན་ཡོལ་ཆ་ཚང་བྱ་རྒྱུའི་སྐོར་བརྗོད་རྒྱུ་ཡིན། ཞེས་སོགས་གསུངས་ཡོད།
འདི་གའི་གསར་འགོད་པས་ཟླ་འདིའི་ཕྱི་ཚེས་ ༡༥ ཉིན་སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས་སུ་གནད་དོན་འདིའི་སྐོར་བཀའ་འདྲི་ཞུས་པར་ཁོང་གིས། ད་ལྟའི་ཆར་ང་ཚོ་སྐུ་སྒེར་དྲུང་ཆེ་རྣམས་ཀྱིས་༧གོང་ས་མཆོག་གི་དགོངས་གཞི་འདིའི་སྐོར་ནས་གསར་འགྱུར་བརྒྱུད་ལམ་ཁག་ཏུ་འགྲེལ་བརྗོད་གང་ཡང་མི་བྱ་རྒྱུ་བྱས་ཡོད། དེ་ནི་ང་ཚོ་དྲུང་ཆེ་རྣམ་པ་སུ་ཡིན་རུང་༧གོང་ས་མཆོག་གིས་ད་བར་གསུངས་བཞག་པ་ལས་ལྷག་ཅིག་བཤད་རྒྱུ་མེད་ལ། ཁོང་གིས་སྔ་ཕྱི་རིམ་པར་གསུངས་པའི་བཀའ་སློབ་ཁག་ཏུ་ཧ་ཅང་གསལ་བོ་ཡིན་སྟབས། མི་མང་གིས་ཁོང་གི་བཀའ་སློབ་ལས་ཁོང་གི་དགོངས་གཞི་ངོ་མ་དེ་རྟོགས་ཐུབ་པའི་ཡིད་ཆེས་བྱེད་ཀྱི་ཡོད་ཅེས་དང་། གང་ལྟར་འབྱུང་འགྱུར་གྱི་ཟླ་བ་གསུམ་ནང་ཁོང་བགྲེས་ཡོལ་དུ་ཕེབས་རྒྱུའི་ཐུགས་འདུན་སྐོར་གསལ་བོ་ཆགས་ཀྱི་རེད། ཅེས་གསུངས་བྱུང་།
ཕྱི་ཚེས་ ༡༧ ཉིན་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་སུ་ཐེངས་འདིར་༧གོང་ས་མཆོག་གིས་ཁོང་མ་འོངས་པའི་ཟླ་བ་དྲུག་ནང་ཚུན་དུ་བགྲེས་ཡོལ་དུ་ཕེབས་རྒྱུ་ཡིན་སྐོར་གསུངས་པར་མ་ཟད། དེ་དོན་བོད་མི་མང་སྤྱི་འཐུས་ལྷན་ཚོགས་དང་བཀའ་བསྡུར་གནང་རྒྱུ་ཡིན་སྐོར་གསུངས་ཡོད་སྟབས། བོད་མི་མང་སྤྱི་འཐུས་ལྷན་ཚོགས་ཀྱིས་ངོས་ནས་དེ་ལ་དགོངས་བཞེས་གང་འདྲ་གནང་གི་ཡོད་མེད་བཀའ་འདྲི་ཞུས་པར། ཁོང་གིས་གསུངས་དོན། ༧གོང་ས་མཆོག་གིས་བཀའ་སློབ་དེ་ཕེབས་པ་ནས་བཟུང་སྤྱི་འཐུས་རྒྱུན་ལས་ནང་དུ་བཀའ་བསྡུར་རིམ་པ་འགའ་ཤས་བྱུང་བ་དང་། དེའི་གྲུབ་འབྲས་ལྟ་བུར། ད་ལྟའི་བར་གྱི་བཙན་བྱོལ་བོད་མིའི་མང་གཙོ་འཕེལ་རིམ་ནང་དུ་ ༡༩༦༣ ལོའི་རྩ་ཁྲིམས་གཏན་འབེབས་དང་ ༡༩༩༡ ནས་སྤྱི་འཐུས་གྲོས་ཚོགས་ཁྲིམས་བཟོ་ལྷན་ཚོགས་མིང་དོན་མཚུངས་པ་ཞིག་ཆགས་པ། ༢༠༠༡ ནས་བཀའ་བློན་ཁྲི་པ་མི་མང་ནས་ཐད་ཀར་འོས་འདེམས་བྱུང་བ་སོགས། དེ་དག་ཚང་མ་༧གོང་ས་མཆོག་གི་དགོངས་གཞི་དང་བཀའ་སློབ་ཕེབས་ཏེ་མང་གཙོའི་འཕེལ་རིམ་དུ་ཕྱིན་པ་གསལ་བོ་རེད། དེར་བརྟེན་༧གོང་ས་མཆོག་གིས་མང་གཙོའི་འཕེལ་རིམ་གྱི་སྟེང་དུ་དགོངས་བཞེས་གང་ཡོད་པ་དེ་ང་ཚོས་རླབས་ཆེན་དུ་བརྩི་བཞིན་ཡོད།
ད་ལྟའི་བཀའ་སློབ་གནང་སྟངས་དེ་ཡང་། རླབས་ཆེན་གྱི་དགོངས་བཞེས་ཡིན་པ་ཞིག་ལ་སྤྱི་འཐུས་རྒྱུན་ལས་ཀྱིས་ངོས་འཛིན་གནང་ཐོག བགྲེས་ཡོལ་དུ་ཕེབས་རྒྱུའི་སྐོར་ལ་རྒྱུན་ལས་རྣམ་པས་སྤྱི་མོས་ཀྱི་ཐོག་ནས་བསམ་ཚུལ་བྱུང་བ་དང་། ལྷག་པར་དུ་ ༢༠༠༨ ལོའི་དམིགས་བསལ་ཚོགས་ཆེན་སྐབས་དང་། ད་ལོའི་བོད་གཞུང་མང་རྒྱལ་ཡོངས་ཚོགས་ཆེན་སྐབས་ཀྱི་བསམ་ཚུལ་ཕྱོགས་སྡོམ་ཚང་མའི་ནང་། ༧གོང་ས་མཆོག་ལ་ཕྱེད་བགྲེས་ཡོལ་གྱི་བཀའ་སློབ་མ་གནང་རོགས་ཞེས་ཞུས་ཡོད་པ་ལྟར། ༧གོང་ས་མཆོག་ལ་མཚན་བཀོད་སྙན་ཞུ་ཞིག་འབུལ་རྒྱུ་གཏན་འཁེལ་བྱུང་ཡོད། སྙན་ཞུ་དེ་འབུལ་ལམ་ཞུ་ཕྱོགས་ཐད་ཚོགས་གཙོ་སྦྲེལ་པོ་གཉིས་ཁོང་ལ་མཇལ་ཁ་ཞུ་རྒྱུའི་དུས་ཚོད་ཞུས་ཡོད། ཁོང་ཕྱོགས་སྐྱོད་ལས་ཕྱིར་འཁོར་མཚམས་སྙན་ཞུ་དེ་འབུལ་རྒྱུ་ཡིན།
ཡིན་ནའང་། ཉེ་ཆར་གྱི་བཀའ་སློབ་རིམ་པར་བལྟས་ན། རང་བཞིན་གྱིས་ཇེ་གསལ་ཇེ་གསལ་དུ་འགྲོ་བཞིན་འདུག་ལ། ལྷག་པར་དུ་༧གོང་ས་མཆོག་གིས་ཆབ་སྲིད་ཀྱི་ཐུགས་འགན་བློས་གཏོང་གནང་རྒྱུ་མིན་པ་ཁ་གསལ་ཆགས་ཡོད། ཐུགས་འགན་དེ་མ་བཞེས་ཐབས་མེད་ལྟ་བུ་རེད། དེ་མིན་གཞུང་གི་འགན་འཛིན་དང་རྒྱལ་ཁབ་ཀྱི་དབུ་ཁྲིད་ཀྱི་མཚན་ཐོག་ནས་ཕྱག་ལས་གནང་བསྡད་པ་ཁག་ཅིག་ཡོད། ཁོང་གི་བཀའ་སློབ་ནང་གསུངས་པ་ལྟར། རྩིས་ཀྱི་ཡིག་ཆའི་སྟེང་དུ་མཚན་རྟགས་བསྐྱོན་པ་དང་། བཅའ་ཁྲིམས་དང་སྒྲིག་གཞི་གཏན་འབེབས་ལ་མཚན་རྟགས་བསྐྱོན་པ། ཁྲིམས་དཔོན་དང་རང་དབང་ཅན་གྱི་སྡེ་ཚན་འགན་འཛིན་བསྐོ་བཞག་གནང་རྒྱུ་སོགས་རེད། ཅེས་གསུངས་སོང་།
ཡང་ཁོང་གིས། གང་ལྟར་༧གོང་ས་མཆོག་གིས་སྤྱི་འཐུས་རྒྱུན་ལས་སྐབས་བཅུ་བཞི་བའམ། ཡང་ན་སྐབས་བཅོ་ལྔ་བ་གང་རུང་ལ་གསུང་འཕྲིན་ཞིག་ཕེབས་རྒྱུ་ཡིན་པ་གསལ་བོ་རེད། གསུང་འཕྲིན་དེ་འབྱོར་མཚམས་ནང་དོན་རེ་རེ་བཞིན་ཞིབ་ཚགས་པོས་བལྟས་ཏེ། བཅའ་ཁྲིམས་དང་སྒྲིག་གཞི་ལ་འགྱུར་བ་གཏོང་དགོས་པ་གང་འཚམ་ཡོང་སྲིད། ཅེས་དང་། ༧གོང་ས་མཆོག་གིས་ཆབ་སྲིད་ཀྱི་ཐུགས་འགན་མུ་མཐུད་དེ་བཞེས་དགོས་པ་གལ་ཆེན་པོ་རེད་ལ། དེའི་ཐད་དུ་གྲོས་ཚོགས་ནང་དུའང་གཅིག་གྱུར་ཡོང་གི་རེད་བསམ་ཡོད། གཞན། རྒྱལ་ཁབ་ཀྱི་གཞུང་གི་དབུ་ཁྲིད་ཀྱི་འགན་དབང་གི་ཐོག་ནས་མཚན་རྟགས་བསྐྱོན་པའི་རིགས་དེ་གནང་གི་མེད་ཅེས་བཀའ་ནན་པོ་ཕེབས་ཚེ། དེ་གཞིར་བཟུང་གིས་བཅའ་ཁྲིམས་ལ་འགྱུར་བ་གཏོང་དགོས་པའི་གནས་སྟངས་ཆགས་ཡོད། ཅེས་སོགས་གསུངས་ཡོད།
གསར་འགོད་པ། ཨ་རིག་འགྱུར་མེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངོས་ཀྱིས་གདན་ས་བཀྲ་ཤིས་ལྷུན་པའི་ཞུ་སྙན་དེ་ཟུར་བཀོད་བྱས་པ་དེ་གཡུ་མཚོ་ཡིག་གཟུགས་ཡིན་པས། དྲ་རྒྱའི་སྟེང་ཡིག་གཟུགས་ཀྱི་དཀའ་ངལ་འཕྲད་འདུག་པར། ད་ལྟ་སྙན་ཞུ་དེ་ UDP མཉེན་ཆས་བེད་སྤྱད་ནས་རྒྱལ་སྤྱིའི་གཅིག་གྱུར་ཨང་རྟགས་ཅན་གྱི་ཡིག་གཟུགས་ཧི་མ་ལ་ཡར་བརྗེ་བསྒྱུར་བྱས་ནས་ཟུར་བཀོད་བྱས་ཡོད།
༄༅། །ལུགས་ཟུང་ཆོས་སྲིད་གཉིས་ཀྱི་མངའ་བདག་དཔལ་ལྡན་རང་གཞུང་བཀའ་སྤྱི་ལྷན་རྒྱས་ྋཞབས་ཁྲིའི་དྲུང་དུ།
གུས་འབངས་བྱེས་ཀྱི་གདན་ས་བཀྲ་ཤིས་ལྷུན་པོའི་མཁན་བླ་འདུས་མང་ཡོངས་ནས་ཞུ་གསོལ་འདེབས་སྙིང༌། རང་ཅག་གངས་ཅན་པ་རྣམས་ཀྱི་མེ་ཏོག་གང་ལ་འཕོག་པའི་ལྷ་སྐལ་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ནས་དེ་སྔ་སེ་ར་ཆོས་སྒར་དུ་མང་ཚོགས་སུ་བགྲེས་ཡོལ་དུ་བཞུགས་རྒྱུ་ཡིན་ཞེས་བཀའ་བསྩལ་གནང་བ་དང༌། དེང་སྐབས་གསར་ལམ་ཁག་ནང་ྋགོང་ས་མཆོག་གི་ཞལ་སྔ་ནས་ཆབ་སྲིད་ཀྱི་ཐུགས་འགན་ཆ་ཚང་དམངས་གཙོའི་འགོ་འཁྲིད་ལ་རྩིས་སྤྲོད་གནང་རྒྱུའི་སྐོར་གྱི་གནས་ཚུལ་མི་སྙན་པ་འདྲ་མིན་ཐོས་སྐབས༌། སྤྱིར་ནང་པའི་དད་ལྡན་པ་ཁག་དང༌། ལྷག་པར་གཞིས་བོད་མི་ཡོངས་དང༌། བདག་ཅག་གདན་ས་བཀྲ་ཤིས་ལྷུན་པོའི་འདུས་མང་བཅས་ཀྱི་ཡིད་ལ་ཟུག་རྔུ་འབྱིན་ཞིང༌། ལག་གཉིས་ཐལ་མོ་སྙིང་ཁར་ཟུམ་སྟེ་གསོལ་བ་ཕུར་བཙུགས་སུ་འདེབས་སྙིང༌།
མགོན་པོ་གང་ཉིད་འཛམ་གླིང་སྤྱི་སྒོས་བསྟན་འགྲོའི་དོན་དུ་དུས་ཀྱི་སྐར་ཆ་གཅིག་ཀྱང་བཞུགས་ཁོམ་མེད་པར་ངལ་མེད་རླབས་ཆེན་མཛད་བརྒྱ་ལྷུར་བཞེས་གནང་དང་གནང་བཞིན་པར་བཀའ་དྲིན་ལན་བརྒྱར་ཆེ་ཆེ་ཞུ་བ་དང༌། དེང་སྐབས་བོད་ཀྱི་ཆབ་སྲིད་ཤིན་ཏུ་ཛ་དྲག་གི་གནས་སྟངས་སུ་གྱར་བ་དང༌། ལྷག་པར་བོད་ཀྱི་རྩ་དོན་ནི་རང་ཅག་ནང་པ་སངས་རྒྱས་པ་དང་གཡུང་དྲུང་བོན་བཅས་ཀྱི་བསྟན་པ་དང་ཐད་ཀར་འབྲེལ་བ་དམ་ཟབ་ཡོད་ཅིང༌། ཆོས་ལུགས་ཀྱི་གནད་དོན་ནི་བོད་མི་རིགས་ཀྱི་གོམས་གཤིས་དང་ནམ་ཡང་ཁ་བྲལ་ཐབས་མེད་པའི་མི་རིགས་ཀྱི་གྲུབ་ཆ་ཆེ་ཤོས་ཤིག་ཡིན། ད་ལྟའི་བོད་མི་རིགས་ཀྱི་གནད་དོན་ཐག་གཅོད་ཀྱི་བདག་དབང་ནི་ྋགོང་ས་མཆོག་ཁོ་ན་ལས་ལྷག་པའི་གང་ཟག་གཅིག་ཀྱང་མེད་པས། དེ་སྐོར་བོད་ནང་རྒྱའི་དབང་འོག་ཏུ་ཡོད་པའི་གཞིས་ལུས་བོད་མི་རྣམས་ཀྱིས་རང་སྲོག་འབེན་ལ་བཙུགས་ནས་མགོན་པོ་གང་ཉིད་ལ་གསོལ་བ་བཏབ་ཅིང༌། བཙན་བྱོལ་དུའང་མང་གཙོའི་ཁེ་དབང་ཅི་འགར་ལོངས་སུ་སྤྱོད་བཞིན་པའི་བོད་མི་མང་གིས་འདི་ལོར་མང་གཙོའི་ལུགས་མཐུན་བོད་གཞུང་དམངས་དམིགས་བསལ་ཚོགས་ཆེན་ཐེངས་དང་པོའི་གྲོས་ཀྱི་རྩེ་མོར་ྋགོང་ས་མཆོག་ནས་བོད་ཀྱི་བསྟན་སྲིད་ཐུགས་འགན་མུ་མཐུད་བཞེས་པ་ནས་བགྲེས་ཡོལ་དུ་བཞུགས་རྒྱུའི་བཀའ་ནམ་ཡང་མི་གནང་བ་ཞུ་རྒྱུའི་སྤྱི་མོས་བྱུང་བས། དེ་དོན་མགོན་པོ་མཆོག་ནས་ད་དུང་ཡང་བོད་ལྗོངས་བསྟན་སྲིད་གཉིས་ཀའི་ཐུགས་འགན་ཆ་ཚང་མུ་མཐུད་བཞེས་པ་ནས་བགྲེས་ཡོལ་ཐོག་ཆབ་སྲིད་ཀྱི་ཐུགས་འགན་གཙང་མ་རྩིས་སྤྲོད་གནང་རྒྱུའི་དགོངས་པ་རྩ་བ་ནས་མི་བཞེས་པར། ད་ལྟའི་ཕྱེད་བགྲེས་ཡོལ་གྱི་རྣམ་པར་སོར་གནས་ཡོང་ཐབས་སུ་བདག་ཅག་གདན་ས་བཀྲ་ཤིས་ལྷུན་པོའི་འདུས་མང་ཡོངས་ཀྱིས་སླར་ཡང་གསོལ་བ་ཕུར་བཙུགས་སུ་འདེབས་པ་ལགས་ན། རང་གཞུང་བཀའ་སྤྱི་ལྷན་རྒྱས་ནས་ཐབས་ཤེས་ཡོད་རྒུ་རྩལ་སྤྲུགས་ཀྱིས་རིང་མིན་ང་ཚོའི་ཞུ་དོན་གྱི་འབྲས་བཟང་སྤྱི་བོའི་རྒྱན་དུ་སྨིན་པའི་སྐྱབས་འཇུག་ཡོང་བ་ནས་དེ་དོན་བཀའ་ལན་ཞིག་ཀྱང་གསོལ་སྩལ་ཡོང་བ་མཁྱེན། བྱེས་ཀྱི་གདན་ས་བཀྲ་ཤིས་ལྷུན་པོའི་མཁན་བླ་དགེ་འདུན་འདུས་མང་ཡོངས་ཀྱིས་ས་ཡིག་རྟགས་སྦྱར་དང་བཅས། སྤྱི་ལོ་ ༢༠༡༠ ཟླ་ ༡༡ ཚེས་ ༣༠ ཉིན་ཕུལ།། །།
ཞུ་སྙན་འབུལ་ཡུལ།
དཔལ་ལྡན་རང་གཞུང་བཀའ་ཤག་དང༌།
སྤྱི་མཐུས་ལྷན་ཁང་བཅས།
ངོ་བཤུས་འབུལ་ཡུལ། སྐུ་སྒེར་ཡིག་ཚང༌།
རང་གཞུང་ལྷོ་སྤྱི་ལས་ཁུངས།
ས་གནས་བདེ་སླར་གཞིས་འགོ གསར་ཤོག་རྒྱུད་ལམ་ཁག་བཅས།
དྲ་གྲོགས་རྣམ་པ་ཚོ། དེ་སྐོར་ཁ་སྔོན་གདན་ས་བཀྲ་ཤིས་ལྷུན་པོའི་དགེ་འདུན་འདུས་མང་ནས་བཀའ་སྤྱི་གཉིས་ལ་གསོལ་འདེབས་སྙན་ཞུ་ཞིག་ཕུན་འདུག་ ངའི་འདིར་སྙན་ཞུའི་འདྲ་བཤུས་ཆ་ཚང་ཞིག་བཀོད་ཡོད་པ་གཟིགས་པར་འཚལ།།
{}ü ü¾ÞGÅ-¸ÞP-VôÅ-ÆÛh-GZÛÅ-ˆÛ-¤Pº-zhG-hq¾-¿km-¼P-GŸÝP-z;º-uÛ-¿Ëm-MÅ-&ŸzÅ-FÛºÛ-iâP-hÝü
GÝÅ-ºzPÅ-‚ïÅ-ˆÛ-Ghm-Å-z=-ÁÛÅ-¿Ëàm-qôºÛ-¤Dm-„À-ºhÝÅ-¤P-»ôPÅ-mÅ-ŸÝ-GÅô¾-ºhïzÅ-ljÛP.ü ¼P-TG-GPÅ-Tm-q-n¤Å-ˆÛ-¤ï-bôG-GP-¾-ºwôG-qºÛ-¿Ë-Ç+¾-uÛ-mô¼-&GôP-Å-&BzÅ-¤Gôm-Vïm-qô-¤VôG-mÅ-hï-ÇS-Åï-¼-VôÅ-ÇK¼-hÝ-¤P-±ôGÅ-ÅÞ-zIïÅ-»ô¾-hÝ-zŸÝGÅ-Mã-»Ûm-ŸïÅ-z;º-z°¾-GmP-z-hP.ü hïP-Ç+zÅ-Gż-¾¤-DG-mP-&GôP-Å-¤VôG-GÛ-Ÿ¾-ÇS-mÅ-Vz-ÆÛh-ˆÛ-fÞGÅ-ºGm-V-±P-h¤PÅ-G®ôºÛ-ºGô-ºFÛh-¾-¯ÛÅ-vôh-GmP-MãºÛ-Ç+ô¼-HÛ-GmÅ-±ß¾-¤Û-ljm-q-ºi-¤Ûm-fôÅ-Ç+zÅ.ü uÛ¼-mP-qºÛ-hh-¿km-q-DG-hP.ü ¿ËG-q¼-GŸÛÅ-zôh-¤Û-»ôPÅ-hP.ü zhG-TG-Ghm-Å-z=-ÁÛÅ-¿Ëàm-qôºÛ-ºhÝÅ-¤P-zTÅ-ˆÛ-»Ûh-¾-¸ÞG-Qâ-º‚Ûm-ŸÛP-ü ¾G-GZÛÅ-f¾-¤ô-ljÛP-D¼-¸Þ¤-Çeï-GÅô¾-z-wÞ¼-z®ßGÅ-ÅÞ-ºhïzÅ-ljÛP.ü
¤Gôm-qô-GP-ZÛh-º²¤-JÀÛP-uÛ-ÇKôÅ-zÇem-ºIôºÛ-hôm-hÝ-hÝÅ-ˆÛ-Ç+¼-V-GTÛG-ˆP-zŸÝGÅ-Dô¤-¤ïh-q¼-P¾-¤ïh-½ÀzÅ-Vïm-¤²h-zM-¿Ëà¼-zŸïÅ-GmP-hP-GmP-zŸÛm-q¼-z;º-iÛm-¾m-zM¼-Vï-Vï-ŸÝ-z-hP.ü hïP-Ç+zÅ-zôh-ˆÛ-Vz-ÆÛh-ÁÛm-bà-²-iG-GÛ-GmÅ-ÇePÅ-ÅÞ-H¼-z-hP.ü ¿ËG-q¼-zôh-ˆÛ-¯-hôm-mÛ-¼P-TG-mP-q-ÅPÅ-MÅ-q-hP-G»ÞP-iâP-zôm-zTÅ-ˆÛ-zÇem-q-hP-fh-;¼-ºƒï¾-z-h¤-¸z-»ôh-TÛP.ü VôÅ-¾ÞGÅ-ˆÛ-Gmh-hôm-mÛ-zôh-¤Û-¼ÛGÅ-ˆÛ-Gô¤Å-GÁÛÅ-hP-m¤-»P-D-ƒ¾-fzÅ-¤ïh-qºÛ-¤Û-¼ÛGÅ-ˆÛ-Iâz-V-Vï-ÁôÅ-ÁÛG-»Ûmü h-¿eºÛ-zôh-¤Û-¼ÛGÅ-ˆÛ-Gmh-hôm-fG-GTôh-ˆÛ-zhG-hzP-mÛ-&GôP-Å-¤VôG-Dô-m-¾Å-¿ËG-qºÛ-GP-¸G-GTÛG-ˆP-¤ïh-qÅü hï-Ç+ô¼-zôh-mP-MºÛ-hzP-ºôG-bà-»ôh-qºÛ-GŸÛÅ-¾ÞÅ-zôh-¤Û-n¤Å-ˆÛÅ-¼P-ÆôG-ºzïm-¾-z®ßGÅ-mÅ-¤Gôm-qô-GP-ZÛh-¾-GÅô¾-z-zbz-TÛP.ü z®m-‚ô¾-hݺP-¤P-G®ôºÛ-Dï-hzP-TÛ-ºG¼-¾ôPÅ-ÅÞ-uôh-zŸÛm-qºÛ-zôh-¤Û-¤P-GÛÅ-ºhÛ-¾ô¼-¤P-G®ôºÛ-¾ÞGÅ-¤fÞm-zôh-GŸÝP-h¤PÅ-h¤ÛGÅ-zž-±ôGÅ-Vïm-fïPÅ-hP-qôºÛ-IôÅ-ˆÛ-¯ï-¤ô¼-&GôP-Å-¤VôG-mÅ-zôh-ˆÛ-zÇem-ÆÛh-fÞGÅ-ºGm-¤Þ-¤fÞh-zŸïÅ-q-mÅ-zIïÅ-»ô¾-hÝ-zŸÝGÅ-MãºÛ-z;º-m¤-»P-¤Û-GmP-z-ŸÝ-MãºÛ-uÛ-¤ôÅ-‚ãP-zÅü hï-hôm-¤Gôm-qô-¤VôG-mÅ-h-hÝP-»P-zôh-¿YôPÅ-zÇem-ÆÛh-GZÛÅ-;ºÛ-fÞGÅ-ºGm-V-±P-¤Þ-¤fÞh-zŸïÅ-q-mÅ-zIïÅ-»ô¾-fôG-Vz-ÆÛh-ˆÛ-fÞGÅ-ºGm-G®P-¤-¯ÛÅ-vôh-GmP-MãºÛ-hGôPÅ-q-¯-z-mÅ-¤Û-zŸïÅ-q¼ü h-¿eºÛ-xïh-zIïÅ-»ô¾-HÛ-n¤-q¼-Åô¼-GmÅ-»ôP-fzÅ-ÅÞ-zhG-TG-Ghm-Å-z=-ÁÛÅ-¿Ëàm-qôºÛ-ºhÝÅ-¤P-»ôPÅ-ˆÛÅ-ÇÀ¼-»P-GÅô¾-z-wÞ¼-z®ßGÅ-ÅÞ-ºhïzÅ-q-¾GÅ-mü ¼P-GŸÝP-z;º-uÛ-¿Ëm-MÅ-mÅ-fzÅ-ÁïÅ-»ôh-LÝ-¯¾-væGÅ-ˆÛÅ-¼ÛP-¤Ûm-P-±ôºÛ-ŸÝ-hôm-HÛ-ºƒÅ-z¸P-uÛ-zôºÛ-Mm-hÝ-ǨÛm-qºÛ-BzÅ-ºWâG-»ôP-z-mÅ-hï-hôm-z;º-¾m-ŸÛG-ˆP-GÅô¾-°¾-»ôP-z-¤Eïmü ‚ïÅ-ˆÛ-Ghm-Å-z=-ÁÛÅ-¿Ëàm-qôºÛ-¤Dm-„À-hGï-ºhÝm-ºhÝÅ-¤P-»ôPÅ-ˆÛÅ-Å-»ÛG-dGÅ-¢¼-hP-zTÅü uÛ-¾ô- 2010 ¹- 11 ±ïÅ- 30 ZÛm-wÞ¾üü üü
ŸÝ-ljm-ºzÞ¾-»Þ¾ü hq¾-¿km-¼P-GŸÝP-z;º-ÁG-hP.ü uÛ-¤fÞÅ-¿Ëm-DP-zTÅü
Pô-zÁÝÅ-ºzÞ¾-»Þ¾ü Ç+Ý-ÇKï¼-»ÛG-±P.ü ¼P-GŸÝP-¿Ëô-uÛ-¾Å-DÞPÅü Å-GmÅ-zhï-ÇÀ¼-GŸÛÅ-ºGô Gż-ÁôG-Mãh-¾¤-DG-zTÅü
༧གོང་ས་མཆོག་འགྲེས་ཡོལ་ལ་ཕེབས་རྒྱུར་རེ་བ་ཡོད། གཅིག་ཐང་ན་བརྟན་ཞུགས་མང་པོ་ཕུལ་བ་ལས་འགྲེས་ཡོལ་ལ་ཕེབས་ནས་སྐུ་ངལ་སོས་ན་སྐུ་ཚེ་བརྟན་པར་ཕན་ཐོག་མེད་འགྲོ
བཀའ་ཁྲི་གསར་རྙིང་དང་སྤྱི་འཐུས་གསར་རྙིང་ཚོས་ལག་གཉིས་ཐལ་མོ་སྦྱར་ནས་མ་བསྡད་པར། མཇོན་ན་མ་མཇོན་ན་བོང་བུ་དར་ཐོག་ལ་འདེད་རན་རེད།
༧གོང་ས་མཆོག་གིས་མི་ལོ་༥༧རིང་ལ་བཙན་གཤོས་མི་དང་བོད་གཞུང་ལ་སློབ་སྟོན་དང་དབུ་ཁྲིད་བྱས་པ་རེད། ད་ནི་ངེས་པར་དུ་བཙན་གཤོལ་བོད་གཞུང་གིས་ཕ་ཤུལ་བུའི་བཟུང་ཐུབ་དགོས། གལ་སྲིད་ད་དུང་རང་ཚུགས་མ་ཐུབ་ན་འདི་ངོ་ཚ་བ་དང་ཡི་ཆད་པའི་གནས་ཞིག་རེད།
༧གོང་ས་མཆོག་བགྲེས་ཡོལ་དུ་ཕེབས་རྒྱུ་འདི་ད་ལྟ་ངེས་པར་ཏུ་དགོས་ངེས་ཀྱི་ཆབ་སྲིད་ཀྱི་གནད་དོན་གལ་ཆེན་ཞིག་རེད།
༸གོང་ས་མཆོག་གིས་རིམ་པར་བཀའ་སློབ་ཕེབས་དོན་ལྟར། ཕྱེད་བགྲེས་ཡོལ་དང་། བགྲེས་ཡོལ་ཆ་ཚང་ཞེས་པར་བོད་མི་མང་སྤྱི་འཐུས་ལྷན་ཚོགས་དང་། བོད་གཞིས་བྱེས་གཉིས་ཀྱི་བོད་མི་མི་ཉུང་བ་ཞིག་གིས་གོ་བ་ལེན་སྟངས་ཤིག་གི་དབང་གིས་སེམས་ཁྲལ་དང་འཇིགས་སྣང་སྣ་ཚོགས་ཤིག་བྱུང་ཡོད། འདི་ནི་དགོངས་གཞི་ངོ་མ་ངོས་འཛིན་མ་ཐུབ་པའི་རྐྱེན་གྱིས་བྱུང་བ་ཞིག་རེད་སྙམ།
ཡང་ཕྱོགས་གཅིག་ནས་བཤད་ན། ང་ཚོས་རྒྱུན་གཏན་ངག་ནས་འདོན་བཞིན་པ་ནི། ཅི་གསུང་བཀའ་སྒྲུབ་ཅེས་པའི་ཚིག་དེ་རེད། ཅི་སྟེ་བོད་མི་ཚོས་༸གོང་ས་མཆོག་གི་ཅི་གསུང་བཀའ་སྒྲུབ་ཞུ་རྒྱུའི་འདུན་པ་ཤུགས་དྲག་ཅིག་ཡོད་ན། ཁོང་གིས་བཀའ་བསྩལ་དང་སྩོལ་བཞིན་པའི་ཕྱེད་བགྲེས་ཡོལ་དང་། བགྲེས་ཡོལ་ཆ་ཚང་ཡོང་བའི་ཐུགས་འདུན་གནང་བཞིན་ཡོད་པ་ལྟར། ང་ཚོས་ཀྱང་རང་འགན་རང་གིས་ཁུར་ཏེ། འགྱེལ་ཡང་ལངས་ཀྱིན་ལངས་ཀྱིན་མི་འགྲོ་ཀ་མེད་ལྟར། བོད་ཀྱི་རྩ་དོན་ཆེ་ཕྲ་ཆུང་གསུམ་གྱི་ཐོག་ལ་ནུས་ཤུགས་གཅིག་སྒྲིལ་གྱི་ཐོག་ནས་འབད་དགོས་པར་མཐོང་ཞིང་། ༸གོང་ས་མཆོག་གིས་ཀྱང་ང་མེད་པ་ལྟར་གྱི་འགན་ཐེག་ནུས་པ་ཞིག་བྱེད་དགོས་ཞེས་ཡང་ཡང་གསུངས་བཞིན་ཡོད་པས། དོན་དམ་དུ་བཀའ་གསུང་ཅི་སྒྲུབ་གནང་ཐབས་ལ་འབད་དགོས་པ་ནི། སྐབས་བབ་ང་ཚོའི་ཕྲག་ཏུ་བབས་པའི་གཡོལ་དུ་མེད་པའི་འོས་འགན་ཞིག་མ་རེད་དམ།།
༸གང་གི་༸སྐུ་ཚེ་ཡུན་བརྟན་ཤོག །