ཕྱི་ཟླ་ ༡ ཚེས་ ༨ ཉིན་བྷེལ་ཇམ་བོད་རིགས་ཚོགས་པའི་གོ་སྒྲིག་འོག བྷེལ་ཇམ་གྱི་གྲོང་ཁྱེར་ཨན་ཊི་ཝར་པཱན་ Antwerpen གྱི་དཔེ་མཛོད་ཁང་ཞིག་ཏུ། སྐབས་བཅོ་ལྔ་བའི་ཡུ་རོབ་སྤྱི་འཐུས་འོས་མིའི་སྐོར་ལ་བགྲོ་གླེང་ཞིག་ཚོགས་ཡོད་ཅིང་། བགྲོ་གླེང་དེར་གདན་ཞུའི་གཏམ་བཤད་པ་སུད་སི་ནས་སྤྱི་འཐུས་ལས་ཐོག་པ་སྨོན་མཁར་བསོད་ནམས་ཕུན་ཚོགས་ལགས་དང༌བསམ་མདོ་བྱམས་པ་ཚེ་རིང་ལགས། དབང་པོ་བཀྲས་མཐོང་ལགས། ནོར་ཝེ་ནས་ཆུང་བདག་ཀོ་རིན་ལགས། སི་པེན་ནས་ཐུབ་བསྟན་དབང་ཆེན་ལགས། ཧྥ་རན་སི་ནས་ཐུབ་བསྟན་རྒྱ་མཚོ་ལགས་བཅས་ཡུ་རོབ་སྤྱི་འཐུས་འོས་མི་ ༦ མཉམ་ཞུགས་གནང་གནང་ཡོད་འདུག
བགྲོ་གླེང་གི་ཐོག་མར་སྤྱི་འཐུས་འོས་མི་དྲུག་པོས་སྐར་མ་ལྔ་རེར་སོ་སོའི་ལོ་རྒྱུས་ངོ་སྤྲོད་དང་སྦྲགས་གཏམ་བཤད་ཐུང་ངུ་རེ་གནང་རྗེས་བྷེལ་ཇམ་བོད་རིགས་ཚོགས་པའི་ངོས་ནས་གྲ་སྒྲིག་བྱས་པའི་དྲི་བ་ ༦ ལན་འདེབས་བྱས་ཡོད་པ་དང་། དེའི་རྗེས་དངོས་སུ་མང་ཚོགས་དང་མཉམ་དུ་དྲི་བ་དྲིས་ལན་གནང་ཡོད་འདུག བགྲོ་གླེང་དེར་ས་གནས་མི་མང་བརྒྱ་ལྷག་མཉམ་ཞུགས་གནང་ཐོག་ཉིན་རྒྱབ་ཆུ་ཚོད་ ༡ པོ་ནས་ ༥ པའི་བར་བགྲོ་གླེང་ཞིབ་ལྷུག་གནང་ཡོད་འདུག
ཐེངས་འདིའི་བགྲོ་གླེང་བརྒྱུད་དེ་ཡུ་རོབ་སྤྱི་འཐུས་འོས་མི་དེ་དག་ལ། ༧གོང་ས་མཆོག་གིས་བགྲེས་ཡོལ་ཆ་ཚང་གནང་གི་ཡིན་གསུངས་པའི་ཐད་དགོངས་ཚུལ་གང་ཡོད་དང་། བཙན་བྱོལ་བོད་གཞུང་གིས་བོད་ཀྱི་རྩ་དོན་ཐོག་འཛིན་པའི་སྲིད་ཇུས་ལ་བསམ་ཚུལ་གང་ཡོད། ཡུ་རོབ་མཉམ་འབྲེལ་གཙོས་པའི་ཡུ་རོབ་ཡུལ་གྲུ་ཁག་ཏུ་བོད་ཀྱི་ཆབ་སྲིད་དང་འབྲེལ་བའི་ལས་དོན་ཡར་རྒྱས་གཏོང་ཕྱོགས་ལ་ཐབས་ལམ་ཅི་ཡོད། ཡུ་རོབ་བོད་རིགས་མི་མང་གི་སྒྲིག་འཛུགས་སྲ་བརྟན་དང་ལས་དོན་ཡར་རྒྱས་གཏོང་ཕྱོགས་སོགས་ལ་འགན་ཇི་ལྟར་འཁྱེར་དགོས་མིན་སོགས་ཀྱི་བསམ་ཚུལ་ལ་ཉན་ཞིབ་བྱས་ཡོད་འདུག
ཡུ་རོབ་བོད་མིའི་སྤྱི་འཐུས་འོས་མིའི་བགྲོ་གླེང་།
ཡུ་རོབ་བོད་མིའི་སྤྱི་འཐུས་འོས་མིའི་བགྲོ་གླེང་།
འདིའི་ནང་ན་ཧྥ་རན་སི་ནས་ཐུབ་བསྟན་རྒྱ་མཚོ་མ་གཏོགས་ངོ་ཤེས་ནི་མི་འདུག ཚང་མ་བསམ་བློ་གུ་ཡངས་དང་ཆོལ་ཁའི་ཞེན་ཁོག་བཅས་མེད་པའི་ཡིད་ཆེས་ཡོད། ཐུབ་བསྟན་རྒྱ་མཚོ་ནི་་ཧྥ་རན་སིའི་བོད་རིགས་ཚོགས་པའི་ཚོགས་གཙོ་ཡིན་པ་དང་། ད་ལོ་དམིགས་བསལ་ཚོགས་ཆེན་སྟེང་དུ་སླེབས་འདུག ལྷག་པར་ཁོའི་ལུས་ཀྱི་རྣམ་འགྱུར་དང་ངག་གི་སྐད་ཆ་བཤད་སྟངས་སོགས་ད་དུང་ངའི་ཡིད་དུ་དྲན་འོང་གི མི་ཁ་རུ་ཁ་ཐུག་ཅིག་རེད། མི་དྲང་མོ་ཞིག་ཀྱང་རེད། ཁོང་ལ་ཐོབ་པའི་ཡིད་ཆེས་དང་རེ་བ་ཡོད། གོ་སྐབས་འདི་བརྒྱུད་ནས་ཁོ་ལ་འཚམས་འདྲི་བཀྲ་ཤིས་བདེ་ལེགས་ཞུས་པ་ཡིན།
ཡུ་རོབ་ཁུལ་གྱི་སྤྱི་འཐུས་འོས་མི་དག་ལ་བལྟས་ཡོང་ན། ཆོལ་ཁ་དང་ཆོས་ལུགས་ཀྱི་ཕྱོགས་ཞེན་ཕལ་ཆེ་བར་མེད་ཚོད་དུ་འདུག
བགྲོ་གླེང་ཡག་པོ་གནང་འདུག་པས་དགའ་འོས་པ་ཞིག་རེད། རེ་བ་ལ་ཆོལ་ཁ་དང་ཆོས་ལུགས་ཕན་ཚུན་གྱི་ཕྱོགས་ཞན་མེད་མཁན་རེ་ཕེབས་ཐུབ་པས་རེ་བ་སྨོན་འདུན་ ཞུ། གཞན་ཡང་གོང་ས་མཆོག་ནས་༡༩༩༩་་་ཟླ་་༣་་ཚེས་༢༢་ཉིན་སྤྱི་འཐུས་གྲོས་ཚོགས་ཐོག་སྩལ་བའི་བཀའ་སློབ་ནང་། སྤྱི་འཐུས་ཚོར་ཆ་བཞག་ན། གཞིས་ཆགས་ཁག་ནང་འགལ་རྐྱེན་དང་། འཐུས་ཤོར་ཡོང་མིན་ཐོག་ཉམས་ཞིབ་གནང་དགོས་ཀྱི་འདུག གནས་ཚུལ་དེའི་ཐོག་ལ་གྲོས་ཚོགས་འཚོགས་པའི་སྐབས་ཙམ་མིན་པར་དུས་རྒྱུན་གཏན་ནས་བསམ་བློ་གཏོང་དགོས། སྤྱིར་བོད་པ་ཡིན་ཕྱིན་འགན་ཁུར་དགོས་ཀྱང་། འཐུས་མིའི་མིང་བཏགས་ཏེ་ལས་འགན་ཡོད་པའི་རིང་ལ་དེ་བས་ཀྱང་འགན་ཁུར་བླངས་ཏེ་འཐུས་ཤོར་གང་དུ་འགྲོ་མིན་ཐོག་ཉམས་ཞིབ་ཚགས་པོས་གྲོས་བསྡུར་དང་། ཉམས་ཞིབ་བྱེད་དགོས། དེ་ཡང་སྐྱོན་ཆ་ཡོད་སར་མཛུབ་མོ་འཛུགས་ཐུབ་པ་ཙམ་མིན་པར། སྐྱོན་དེའི་རྩ་བའི་འབྱུང་རྐྱེན་ཐོག་ཞིབ་འཇུག་བྱས་ཏེ་སྐྱོན་ཆ་སེལ་བའི་ཐབས་ཤེས་ངོས་འཛིན་ཐུབ་པ་བྱ་རྒྱུ་ཧ་ཅང་གལ་ཆེན་པོ་རེད་ཞེས་གསུངས་འདུག་པ་སྤྱི་འཐུས་གསར་རྙིང་ཡོངས་ནས་ཐུགས་ཞིབ་གནང་རོགས་ཞུ།