ཁ་སང་ཕྱི་ཚེས་ ༡༨ ཉིན་སྤྱི་འཐུས་ཚོགས་དྲུང་ལས་ཁུངས་ནས་གསལ་བསྒྲགས་ཤིག་སྤེལ་ཏེ། སྔར་ལོའི་ཕྱི་ཟླ་ ༩ ཚེས་ ༢ ཉིན་བཙན་བྱོལ་བོད་མིའི་དམངས་གཙོའི་དུས་དྲན་སྟེང་། བོད་གཞིས་བྱེས་གཞུང་དམངས་ཡོངས་ནས་༧གོང་ས་མཆོག་ལ་གསེར་གྱི་གཟེངས་རྟགས་ཤིག་ཕུལ་བ་དེར་ཞལ་འདེབས་ཅི་བྱུང་དང་འགྲོ་སོང་གང་ཕྱིན། ལྷག་དངུལ་དུ་ཡོད་བཅས་ཀྱི་རྩིས་ཁྲ་ཞིག་བསྒྲགས་སོང་།
རྩིས་ཁྲ་དེའི་ནང་། ན་ནིང་གཟེངས་རྟགས་ཆེད་རྒྱ་གར་ནས་ཧིན་སྒོར་ས་ཡ་གསུམ་དང་ཉིས་འབུམ་ ༣༢༣༦༧༡༣ དང་། བལ་ཡུལ་ནས་ས་ཡ་གཅིག་དང་བཞི་འབུམ་ ༡༤༠༠༧༧༦ ། འབྲུག་ཡུལ་ནས་ལྔ་ཁྲི་བདུན་སྟོང་ ༥༧༠༡༨ ། ཨ་རི་ནས་བརྒྱད་འབུམ་སུམ་ཁྲི་ ༨༣༠༨༧༥ ། ཉི་ཧོང་ནས་དགུ་ཁྲི་ ༩༠༡༨༠ ། ཕ་རན་སིའི་བྷོར་ཊི་ Bordet ཁྱིམ་ཚང་ནས་ཉིས་སྟོང་ ༢༠༠༠ བཅས་ཁྱོན་བསྡོམས་ཧིན་སྒོར་ས་ཡ་ལྔ་དང་དྲུག་འབུམ་ ༥༦༡༧༥༦༢ ཙམ་བསྡུ་རུབ་བྱུང་ཡོད་འདུག དེ་དག་ནས་འགྲོ་སོང་ཧིན་སྒོར་ས་ཡ་གཉིས་དང་དྲུག་འབུམ་ ༢༦༣༡༤༦༢ དང་། ལྷག་འཕྲོས་ཧིན་སྒོར་ས་ཡ་གཉིས་འབུམ་དགུ་ ༢༩༨༦༡༠༠ ཙམ་ཡོད་འདུག
ལྷག་དངུལ་རྣམས་བོད་གཞུང་དཔལ་འབྱོར་ལས་ཁུངས་སུ་འབུལ་རྒྱུ་དང་། དེ་བཞིན་སྐུ་ཞབས་བློ་བཟང་ཆོས་འཕེལ་ལགས་ཀྱིས་ཞལ་འདེབས་སུ་ཕུལ་བའི་གསེར་གྱི་ཚིག་ཁེབ་གྷ་རམ་ ༢༣ ཅན་གྱི་ཕྲ་རྒྱན་རང་སྒྲིག་ཕུལ་འབྱོར་བྱུང་བ་དེ་སྐུ་སྒེར་ཡིག་ཚང་དུ་ཕུལ་ཡོད། ཅེས་བཀོད་ཡོད་འདུག
.gif)
བོད་གཞིས་བྱེས་གཞུང་དམངས་ཡོངས་ཀྱི་བཀའ་དྲིན་རྗེས་དྲན་གསེར་གྱི་གཟེངས་རྟགས།
གསར་འགོད་པ། དཔལ་ལྡན།
གསེར་ལས་གྲུབ་པའི་བོད་ཀྱི་ས་ཁྲ་ཞིག་ཕུལ་བ་ཡིན་ན་དེ་ཡང་མཚོན་དོན་ཅུང་ཟབ་པ་ཡོད་ཀྱིརེད། གཅིག་ནས་ཆོལ་གསུམ་བོད་རིགས་ཡོངས་ནས་༸གོང་ས་མཆོག་ལ་བཀའ་འདྲིན་རྗེས་དྲན་དུ་ཕུལ་བ་མཚོན་ལ། གཉིས་ནས་གཅིག་འགྱུར་གྱི་ནུས་སྟོབས་མངོན་གྱི་རེད། གསུམ་ནས་བོད་ཀྱི་ས་ཁོངས་བདག་དབང་བོད་པ་ཁོ་ནར་ཡོད་པ་མཚོན།
བོད་བྱེས་གཞུང་མང་ཟུང་གིས་དོན་ག་རེ་སྒྲུབ་ཀྱིན་ཡོད་དམ།མཚན་རྟགས་འདི་ཕུལ་བ་དེས་༸གོང་ས་མཆོག་གི་ཐུགས་ལ་སྐྱོ་བ་གཏོང་རྒྱུ་ལས་གཞན་དོན་སྙིང་ཅི་ཡང་མི་འདུག༸གོང་ས་མཆོག་གིས་ཐུགས་ནས་དངུལ་དེ་འདྲ་མང་པོ་ཆུད་ཟོས་སུ་སོང་ཟིན་ཞེས་ཕངས་ངེས་སོ།
སྒོར་གྲངས་བོད་ཀྱི་མི་གྲངས་མཚུངས་པ་མཚར། །བོད་ནས་བྱུང་བའི་ཞལ་འདེབས་མེད་པའང་མཚར། །གསེར་གྱི་རྟགས་མའི་མཚོན་དོན་བསམ་ན་མཚར། །གང་གསུང་ཚུལ་བཞིན་མི་སྒྲུབ་ལྷག་པར་མཚར། །ཨ་མཚར་མཚར་བཞི་འདི་ནི་རྩེད་མཚར་མིན།
ཨ་ཧོ་ཧོ། ཅི་འདྲ་བའི་རྟེན་འབྲེལ་ལོག་པའི་གཟེངས་རྟགས། ཁྲི་སྟོང་པ་ཞིག་གི་ཐོག་ཏུ་མིང་བྱང་ལྟ་བུ་ཞིག་བཞག་འདུག སྨྱོན་རང་རེད།
༸གོང་ས་མཆོག་ལ་གཟེངས་རྟགས་འབུལ་རྒྱུ་ལས་གཞུང་མཛོད་ཁང་དུ་གསོག་ཉར་བྱ་རྒྱུར་ངས་ཕུལ་མེད་གདའ་ཧཧཧཧཧ་་་་་་
རྗེས་ལུས་ཅན་རང་རེད། གཟེངས་རྟགས་འདི་ལ་མཚོན་དོན་རྩ་བ་ནས་མིན་འདུག
རྩིས་རྙོག་འདུག་མིན་ལ་ཉམས་ཞིབ་མཐིལ་ཕྱིན་གནང་དགོས་ས་རེད་ད།