༧གོང་ས་མཆོག་གིས་ཝ་རཱ་ཎ་སིར་ཆོས་ཕྱོགས་ཀྱི་མཛད་འཕྲིན་ཁག་ལེགས་པར་བསྐྱངས་ཏེ་ཉིན་ཤས་ལས་ཕྱིན་མེད་པའི་སྐབས་འདིར། རྒྱ་གར་བྷིང་ལོར་གྲོང་ཁྱེར་དུ་རྟེན་གཞི་བྱས་པའི་སི་ཊི་ཇོ་སི་ཧྤི ་St. Joseph ཚན་རིག་དང་སྒྱུ་རྩལ་མཐོ་སློབ་ཁང་ནས་ཇི་ལྟར་གདན་ཞུ་གནང་བ་ལྟར། ཕྱི་ཚེས་ ༢༩ ཉིན་༧གོང་ས་མཆོག་ས་གནས་དེར་ཆིབས་བསྒྱུར་གྱིས་མང་ཚོགས་ལ་བཀའ་སློབ་གནང་རྒྱུ་ཡིན་པར་མ་ཟད། སྐབས་དེར་ཀ་ན་ཊ་ཀའི་སྲིད་སྐྱོང་སྐུ་ཞབས་ཇ་ལིངྒ་པཱ་མཆོག་གི་རྗེས་དྲན་མཛད་སྒོར་ཡང་ཞུགས་རྒྱུ་ཡིན་འདུག བྷིང་ལོར་ཐེག་ཆེན་རྒྱུད་འཛིན་ཚོགས་པའི་གོ་སྒྲིག་འོག ཕྱི་ཚེས་ ༣༠ ཉིན་བྷ་སི་ན་ཝ་གྷོ་ཊི་ Basanavagudi རྒྱལ་ཡོངས་མཐོ་སློབ་ཐང་ཆེན་དུ་མང་ཚོགས་ལ་ ༼ དཀའ་ཚེགས་ཆེ་བའི་དུས་ཚོད་ནང་བདེ་སྐྱིད་འཚོལ་བ།༽ཞེས་པའི་བརྗོད་གཞིའི་ཐོག་བཀའ་སློབ་གནང་རྒྱུ་དང་། བྷིང་ལོར་གྱི་མཛད་འཕྲིན་ཁག་ལེགས་འགྲུབ་རྗེས། མོན་གྷོ་འདོད་རྒུ་གླིང་བོད་མིའི་གཞིས་སྒར་དང་ར་སྟོད་གྲྭ་ཚང་། འབྲས་སྤུངས་བློ་གསལ་གླིང་དང་དགའ་ལྡན་ཤར་རྩེ་གྲྭ་ཚང་བཅས་སུ་ཕེབས་ཏེ་མང་ཚོགས་ལ་ཆོས་འབྲེལ་དང་། དགའ་ལྡན་དུ་༧གོང་ས་མཆོག་གིས་དཔལ་རྡོ་རྗེ་འཇིགས་བྱེད་ཀྱི་བཀའ་དབང་གནང་རྒྱུ། མཇུག་ཏུ་དགེ་འདུན་འདུས་མང་ཡོངས་ནས་བརྟན་བཞུགས་ཤིག་ཀྱང་འབུལ་འཆར་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
བོད་གཞུང་བདེ་སྲུང་ལས་ཁུངས་དང་བཀའ་དྲིན་ཤིན་ཏུ་ཆ་བའི་རྒྱ་གར་དབུས་གཞུང་ནས་ད་ལྟ་བར་༸གོང་ས་མཆོག་གི་སྐུ་ཕྱྭའི་ཐོག་གང་ཐུབ་ཅི་ཐུབ་ཀྱི་ཐོག་ནས་འབད་པ་གནང་བར་ཐུགས་རྗེ་ཆེ་ཞུ་རྒྱུ་དང་སྦྲགས་ད་རེས་གདན་ས་ཁག་ཏུ་མཛད་འཆར་རྒྱ་མི་ཆུང་ཞིག་ཡོད་འདུག་པས་ཕྱི་དགྲ་ལས་ནང་དགྲ་གལ་ཆེར་འཛིན་ཏེ་གང་གཟབ་གནང་རྒྱུའི་རེ་བ་སྙིང་དབུས་ནས་ཞུ།་་་༸གོང་ས་མཆོག་སྐུ་ཚེ་བསྐལ་བརྒྱར་བརྟན་ཅིང་ཐུགས་དགོངས་ཟབ་ལྷུན་གྱིས་འགྲུབ་པའི་སྨོན་ལམ་དང་བཅས།།།།།།།།།།།།།