ཉེ་ཆར་ཨ་རིའི་ཉེའུ་ཡོག་གྲོང་ཁྱེར་དུ་རྟེན་གཞི་བྱས་པའི་ཟླ་སྣང་ཀུན་ཕན་ཐེབས་རྩ་ཚོགས་པས། ཨ་རིའི་བོད་གཞུང་དོན་གཅོད་ལ་འབྲེལ་བ་བྱས་ཏེ་རྒྱ་གར་གྱི་བོད་ཀྱི་དགོན་སྡེ་ཁག་ཏུ་ཡོད་པའི་ལོ་ན་དྲུག་ཅུ་བརྒལ་ཞིང་། གཟུགས་པོ་བདེ་ཐང་མིན་པའི་གྲྭ་བཙུན་ ༣༤༠ ཙམ་ལ། ཟླ་རེར་ཧིན་སྒོར་ ༡༠༠ ཙམ་གྱི་འཚོ་སྣོན་རོགས་རམ་གནང་རྒྱུ་ཡིན་པའི་ཐག་གཅོད་བྱུང་ཡོད་པ་ལྟར། སྐུ་ཚབ་དོན་གཅོད་ཀྱིས་བོད་གཞུང་ཆོས་རིག་ལས་ཁུངས་ལ་འབྲེལ་བ་བྱས་ཏེ། ཆོས་རིག་གིས་རྒྱ་གར་དུ་ཡོད་པའི་ས་དགེ་བཀའ་རྙིང་གཡུང་དྲུང་བོན་དང་བཅས་ཀྱི་གྲྭ་ཚང་གི་ལོ་ན་ཆེ་ཞིང་གཟུགས་གཅོང་ཡིན་པའི་དགེ་འདུན་པ་ ༣༤༠ ཙམ་གྱི་ཐོ་གཞུང་རྩིས་སྤྲོད་བྱས་ཡོད་འདུག་ལ། ཟླ་སྣང་ཀུན་ཕན་ཐེབས་རྩ་ཚོགས་པའི་ངོས་ནས། ཕྱི་ཟླ་ ༥ ནས་མགོ་འཛུགས་ཀྱིས་ཟླ་དྲུག་གི་འཚོ་སྣོན་ཐོག་མ་དེ་དོན་གཅོད་ཁང་བརྒྱུད་ཆོས་རིག་ལས་ཁུངས་སུ་ཕུལ་ཡོད་འདུག ཟླ་སྣང་ཀུན་ཕན་ཐེབས་རྩ་ཚོགས་པ་ནི་གནས་ནང་བླ་མ་ཚེ་དབང་ལགས་ཀྱིས་ ༢༠༠༢ ལོར་ནེའུ་ཡོག་གྲོང་ཁྱེར་དུ་ཁྲིམས་མཐུན་དེབ་སྐྱེལ་བྱས་པའི་ཚོགས་སྡེ་ཞིག་ཡིན་ཞིང་། ཚོགས་པ་དེའི་དམིགས་ཡུལ་གཙོ་བོ་ནི། རིག་གཞུང་སྲུང་སྐྱོབ་དང་སྐྱ་སེར་སློབ་གསོ། འཕྲོད་བསྟེན། དབུལ་སྐྱོབ། སྦྱིན་གཏོང་བཅས་ཡིན་འདུག
གསར་འགོད་པ། དཔལ་ལྡན།
རེད་གྲྭ་བཙུན་ཚོས་ནམ་ཡིན་ཡང་ཕྱག་གཉིས་གཞན་ལ་གཟེད་བསྡད་ཡོད་ཡོད་པ་རེད། མིག་གཉིས་བཙུམ་ན་བརྒྱ་ཤོག་དང་། གཅིག་བྱས་ན་སྟོང་ཤོག ད་འགྲིགས་སོང་། འོ་ད་ཐེངས་ངའི་ན་ཚ་ཅི་རེད་གོ
གྲྭ་བཙུན་ལོ་ལོན་ཚོ་ལ་འཚོ་བའི་ཡོང་ཁུངས་ཅི་ཡང་ཡོད་ནི་མ་རེད། དེས་ན་རྗེས་སུ་ཡི་རངས་ཞུ་ཞུ་ཞུ། །
བླ་མ་ཚེ་དབང་ལགས་ཀྱིས། བྱས་རྗེས་ལ་རྗེས་སུ་ཡི་རང་གྲངས་མེད་ཞུའོ། །