ཟླ་གསུམ་པའི་ཚེས་ ༡ ཉིན་གྱི་དགུང་མོའི་ཆུ་ཚོད་དྲུག་པ་ནས་བརྒྱད་པ་བར་དུ། བྷི་ལིམ་མིང་ཊོན་གྲོང་ཁྱེར་སྤྱི་ཁང་དུ་ འདས་པ་དམ་པ་འཇིགས་མེད་ནོར་བུའི་ནང་མི་དང་ ས་གནས་ཀྱི་གྲོགས་པོ་དང་མི་མང་རྣམས་འཛོམས་ཏེ། འཇིགས་མེད་ནོར་བུ་ལ་མྱ་ངན་ཞུ་བའི་འདུ་འཛོམས་ཤིག་བསྐྱངས་ཡོད་པ་དེར་ས་གནས་ཀྱི་མི་སྣ་ ༢༠༠ ལྷག་ཙམ་འབྱོར་ཡོད་པ་རེད།
ལྕམ་དཀོན་དབྱངས་ལགས་ཀྱིས་མྱ་ངན་འདུ་འཛོམས་འདི་གཙོ་སྐྱོང་གནང་སྐབས་གསུངས་དོན། “ངས་མྱ་ངན་འདུ་འཛོམས་འདི་འདྲ་བྱེད་སྟངས་ཤེས་ཀྱི་མེད། འོན་ཀྱང་། གྲོངས་མཁན་རང་ཉིད་ཀྱི་བུ་ཡིན་པའི་དབང་གིས་ངས་འདི་ལྟར་བྱེད་རྒྱུའི་བློ་སྤོབས་བྱས་པ་ཡིན། ཡིན་ན་ཡང་དཀའ་ལས་ཁག་པོ་འདུག དེར་བརྟེན་འདི་ནི་ངའི་མི་ཚེའི་ནང་འདི་ལྟར་བྱེད་དགོས་པ་མཐའ་མ་དེ་ཡིན་པར་སྨོན།”ཞེས་གསུངས་ཤིང་། འཇིགས་མེད་ནོར་བུ་དམ་པ་དེ་ནི་ ཕྱག་ལས་རླབས་ཆེན་པོ་ཞིག་གནང་བཞིན་པའི་སྐབས་སུ་གྲོངས་པ་མ་ཟད། དེ་ཡང་ རང་གི་ཁྱོ་ག་ ལྟག་མཚེར་རིན་པོ་ཆེས་ཤུལ་དུ་བཞག་པའི་ལས་དོན་དེ་སྒྲུབ་བཞིན་པའི་སྐབས་སུ་གྲོངས་པ་དེ་ངོས་འཛིན་ཡོད་པ་གསུངས་ཡོད་པ་རེད།
སྒོ་མང་དགེ་བཤེས་བློ་བསྟན་དང་དགེ་བཤེས་སྦྱིན་པ་བསོད་ནམས་གཉིས་ཀྱིས་བོད་ལུགས་ལྟར་གྱི་སྨོན་ལམ་གསུངས་ཡོད་པ་དང་། དེ་དང་ལྷན་དུ་ཡེ་ཤུའི་ཆོས་དཔོན་བཙུན་མ་ཞིག་གིས་ཡེ་ཤུའི་ལུགས་ཀྱི་སྨོན་ལམ་གསུངས་ཡོད་པ་རེད། སྤུན་ཀུན་དགའ་ནོར་བུ་ལགས་ཀྱིས་ཀྱང་། “འཇིགས་མེད་ནོར་བུས་མགོ་འཛུགས་བྱས་པའི་ཐེངས་འདིའི་གོམ་བགྲོད་ལམ་ལྷོང་དང་བཅས་མཇུག་སྒྲིལ་བ་ཡིན་ལ། འདས་པོ་དམ་པའི་སྲས་གཉིས་ཀྱིས་ཀྱང་གོམ་བགྲོད་ལ་སླེབས་ཐུབ་པ་དེ་ལ་ནི་འདས་པོ་ཁོང་གིས་ཧ་ཅང་སྤོབས་པ་བྱེད་ཀྱི་རེད།”ཅེས་གསུངས་ནས། བོད་ནང་གི་བོད་མིའི་སྡུག་བསྔལ་དང་མནར་གཅོད་འདི་དག་མི་རབས་རྗེས་མ་རྣམས་ཤེས་རྟོགས་སྤེལ་ཆེད་འདི་འདྲའི་གོམ་བགྲོད་སོགས་ཀྱི་ལས་འགུལ་སྤེལ་རྒྱུ་གལ་ཆེན་པོ་རེད་ཅེས་གསུངས་སོང་།
ཐེངས་འདིའི་འདུ་འཛོམས་ཐོག་གསུང་བཤད་མཐའ་མ་གནང་མཁན་ནི། འདས་པོ་དམ་པའི་སྐུ་ཟླ་ཡཱ་ལཱན་རེད། “ང་ཆུང་མ་ཞིག་དང་། དེ་ཡང་བྱིས་པ་ཆུང་ཆུང་གསུམ་གྱི་ཨ་མ་ཡིན་པའི་ཆ་ནས་ འདས་པོ་ཁོང་མེལ་ལེ་སུམ་བརྒྱ་དང་དགུ་བརྒྱ་ལ་གོམ་བགྲོད་བྱེད་རྒྱུ་ལ་ངས་བརྒྱ་ཆ་བརྒྱའི་རྒྱབ་སྐྱོར་བྱེད་དཀའ་བ་ཞིག་འདུག འོན་ཀྱང་། བོད་ནང་ལ་གནད་དོན་ཞིག་ལྷགས་བཞིན་པ་འདི་འཛམ་གླིང་མི་མང་ལ་ཤེས་རྟོགས་བྱེད་དུ་འཇུག་རྒྱུ་ནི་འདས་པོ་དམ་པའི་དམིགས་ཡུལ་རེད་ལ། ཁོང་གིས་གཞོན་སྐྱེས་ཚོ་ལ་ བོད་དོན་འདི་རྩ་བ་ནས་ཡལ་བར་
མ་འདོར་རོགས། བོད་འདི་སྐྱོབ་དགོས་པ་རེད་ཅེས་གསུངས་བཞིན་སྐུ་སྲོག་ཤོར་བ་རེད། དེ་ནི་རིན་ཐང་ཡོད་པ་ཞིག་རེད།” ཅེས་གསུངས་སོང་།
འདིར་འཛོམས་པའི་མི་སྣ་དག་གི་ཁྲོད་འདས་པོ་དམ་པའི་གྲོགས་པོ་དང་བློ་ཉེ། དེ་བཞིན་ཡབ་གཞིས་ལྟག་མཚེར་རིན་པོ་ཆེའི་ཁྱིམ་ཚང་གི་དགའ་བོ་ཉེ་བོ་དང་གྲོགས་པོ། དེ་བཞིན་རྒྱབ་སྐྱོར་བ་སོགས་འདུས་ཡོད་པ་རེད་ལ། ས་གནས་ཀྱི་བོད་པ་ཚོས་ཀྱང་སྨོན་ལམ་དུ་མཉམ་ཞུགས་བྱས་ཡོད་པ་མ་ཟད། ས་གནས་སུ་ལོ་གསར་སོགས་ཀྱི་རྟེན་འབྲེལ་ཡང་ཞུ་འཆར་མེད་པ་རེད། འཇིགས་མེད་དམ་པ་དེའི་ཤུལ་ལུས་ནང་མིའི་ཁོངས་སུ་ ཡུམ་དང་། ཇོ་ཇོ་གཉིས། བུ་གསུམ། ཆུང་མ་བཅས་ཡོད་པ་རེད།
དགེ་འདུན་རབ་གསལ།
དངོས་གནས་བོད་གངས་ཅན་གྱི་ཁྱིམ་རྒྱུད་ཆེན་པོ་འདི་ཚོར་འགྲན་ཟླ་ཞིག་གང་ན་
ཡོད་ལྟོས་དང་ནང་མི་ཀུན་གྱིས་གནད་ལ་འཁེལ་པའི་བཀའ་མོད་ག་འདྲ་གནང་འདུག།དངོས་གནས་བསམ་ཡོད་ཀྱི་བོད་མི་ཞིག་ཡིན་ན་འདས་ཟིན་པའི་བོད་ཀྱི་
དཔའ་པོ་དཔའ་མོ་དེ་དག་གི་ཤུལ་བཞག་རེ་འདུན་སྒྲུབ་ཆེད་རང་དོན་རང་ཆས་ཀྱི་འབད་རྒྱུ་ཧ་ཅང་གལ་ཆེ་བ་ལས།རང་དོན་གཙོ་སྒྲུབ་དང་
ཕྱོགས་ཞེན་འཐེན་ཁྱེར་གྱི་ཉི་མ་ཕུད་ན་དེ་ནི་ཡ་ང་དགོས་ཞིག་རེད།
འདས་པོ་ཁོང་ལ་ལུས་རྟེན་བཟང་པོ་ཞིག་ཐོབ་པ་དང་ཤུལ་ལས་ནང་མི་རྣམས་ལ་ཚེ་རིང་ནད་མེད་བདེ་སྐྱིད་ལྡན་པའི་སྨོན་ལམ་ཞུ་ཞུ་ཞུ།།།
༄༅། །སྲས་དམ་པ་འཇིགས་མེད་ནོར་བུ་ལགས་དབུ་བརྩམ་པའི་བོད་རང་བཙན་ཆེད་གོམ་བགྲོད་དེ་བཞིན་འཇུག་སྐྱོངས་གནང་ཆེད་གཅེན་པོ་ཀུན་དགའ་ནོར་བུ་ལགས་དང་དམ་པ་དེའི་སྲས་བགྲེས་འབྲིང་གཉིས་ཀྱང་ཕེབས་པར་སྙིང་ཐག་པ་ནས་བཀྲ་ཤིས་བདེ་ལེགས་ཞུ་བ་དང་ཆབས་གཅིག་མུ་མཐུད་ནས་གཅེན་པོ་ཀུན་དགའ་ནོར་བུ་ལགས་ནས་ཡབ་དང་གཅུང་པོ་དམ་པ་རྣམ་གཉིས་ཀྱི་ལས་འགུལ་འདི་བཞིན་འཇུག་ཁྱོང་ཡོང་བའི་རེ་བ་དང་འབོད་བསྐུལ་ཡང་ཞུ་གི་ཡོད། ཐུགས་རྗེ་ཆེ། །
རྒྱལ་གཅེས་པ་ཨ་མཆོད་འཇམ་ཚུལ་ལགས་་དེང་སང་གི་དུས་ཚོད་འདི་ལ་གོང་ཁྲན་ཏང་གི་རྗེས་སུ་འཇུག་མཁན་ཞིག་དང་རྒྱ་མཁས་དབང་ཚོའི་་གྲོགས་པོ་ཡིན་ན་་་་་རྒྱལ་གཅེས་པ་ཁྱེད་དང་ཀླུ་མཁར་བྱམས་གཉིས་ཀྱིས་ཀྱང་རྒྱབ་སྐྱོར་གནང་བཞིན་འདུག་ག་་་་་་་་་་་་་་་་ཧཧཧཧཧཧཧཧཧཧཧཧ
ང་ཚོ་ཚང་མས་གདུང་སེམས་མཉམ་སྐྱེད་བྱས་ཡ་དེ་དཔེ་མི་སྲིད་པ་གལ་ཆེན་པོ་
རེད་མཐས་ཅིག་ཏུ་རྒྱབ་སྤྱོར་བྱེད་དགོས་
བོད་རང་བཙན་འདི་མི་ལ་མ་དགོས་པ་མ་ཟད་ལྷ་ལ་ཡང་མི་དགོས་པ་འདྲ། ཡང་ན་རང་བཙན་དོན་གཉེར་བ་དག་ལ་ལྷ་ཡིས་ཀྱང་མགོན་སྐྱོབ་མེད་པ་འདྲ། བྱས་རྗེས་ཅན་རེ་བྱུང་སྐབས་འདི་ལྟར་རྩེ་བཏོག་བརྒྱབས་ནས་ཁྱེར་འགྲོ་བ་འདི་ཨང་་
རྒྱལ་གཅེས་པ་ལྷ་སྲས་འཇིགས་མེད་ནོར་བུ་ལགས་ཀྱི་ཆེད་དུ་མྱ་ངན་དང་བོད་རང་བཙན་པ་ཡོངས་སུ་གདུང་སེམས་བསྐྱེད་ཞུ་རྒྱུ་ཡིན།
གངས་ཅན་མི་རིགས་ཆེད་དུ་ཚེ་འཕོས་པ།
ལྷ་སྲས་འཇིགས་མེད་ཁྱེད་ལ་གུས་ཞབས་དང།
ཁྱེད་སྙིང་སྟོབས་དེ་ལ་བསྔགས་བརྗོད་གཉིས།
མ་བཅོས་སེམས་ངོས་ནས་དག་འབུལ་ཞུ།
གདུང་སེམས་ཡོད།
འདས་བོ་དམ་པ་འཇིག་མེད་ནོར་བུ་མཆོག་ལ་མྱ་ངན་གུས་འདུལ་དང་ནང་མི་ཡོངས་ལ་གདུང་སེམས་མཉམ་བསྐྱེད་ཞུ།