ས་སྐྱ་སྤུ་རུ་ཝ་ལ་བོད་མིའི་གཞིས་སྒར་གྱི་མང་ཚོགས་ཚོས་གསོལ་འདེབས་ཞུས་པ་ལྟར། དེ་རིང་ས་སྐྱ་མ་དགོན་བཤད་གྲྭ་རུ་དཔལ་སྐྱ་བདག་ཁྲི་རིན་པོ་ཆེ་མཆོག་གིས་ཕྱི་ནང་གི་དད་ལྡན་ཆོས་ཞུ་བ་རྣམས་དང་། ས་གནས་བོད་མི་སེར་སྐྱ་མང་ཚོགས་ལ་ཚེ་དབང་དང་ཡིག་དྲུག་གི་ལྗགས་ལུང་བསྩལ་ཡོད་འདུག
གསུང་ཆོས་ཀྱི་ཐོག་མར་བདག་ཁྲི་རིན་པོ་ཆེ་མཆོག་གིས་མི་མང་ལ་བླང་དོར་གྱི་བཀའ་སློབ་གནང་དོན། འདས་པའི་དུས་སུ་ང་ཚོར་ནོར་འཁྲུལ་ཆེ་ཤོས་གང་ནས་ཤོར་ཡོད་ཟེར་ན། ཆོས་བརྒྱུད་དང་ཆོལ་ཁ་ཕན་ཚུན་བར་ཕྱོགས་ཞེན་འཐེན་འཁྱེར་བྱས་པ་ལ་བརྟེན་ནས་ད་ལྟའི་གནས་སྟངས་འདི་བྱུང་བ་རེད། དེང་གི་དུས་འདིར་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ལྟར། ངེད་ཅག་ཚང་མ་མཐུན་སྒྲིལ་གོང་བུ་གཅིག་གྱུར་ཡོང་དགོས། ཆོས་བརྒྱུད་ཁག་ལ་མཚོན་ན་ཡང་སྟོན་པ་གཅིག་གི་སློབ་མ་དང་། སྟོན་པའི་ས་ལམ་འབྲས་བུའི་རྣམ་གཞག་ལ་ཁྱད་པ་གཏན་ནས་མེད། སྟོད་ནས་སྨད་རྒྱ་བོད་ཀྱི་ས་མཚམས་ཡན་གྱི་མི་མང་ཚང་མ་དཀོན་མཆོག་ལ་བློ་གཏད་ཞུ་མཁན་དང་ཁ་ནས་མ་ནི་བགྲང་མཁན། རྩམ་པ་ཟ་མཁན་གཅིག་མཚུངས་རེད། ཅེས་གསུངས་འདུག
མི་ཚེ་སྐྱེལ་སྟངས་སྐོར་ལ། ཚེ་རིང་པོར་འཚོ་གནས་བྱ་དགོས་ན་ཚེ་དབང་དང་ཚེ་སྒྲུབ་སོགས་ཀྱིས་ཕྲན་བུ་ཕན་སྲིད་ཀྱང་། གཙོ་བོ་འཕྲོད་བརྟེན་ཐོག་གཟབ་དགོས་པ་རེད། གཞོན་སྐྱེས་ཚོའི་ཁྲོད་དུག་རྫས་འདྲ་མིན་སྤྱད་དེ་ལུས་སེམས་གཉིས་ཀ་འཕྲོ་བརླག་ཏུ་འགྲོ་མཁན་མང་པོ་ཡོད་ཚོད་འདུག དེ་དག་གིས་མི་ཚེ་དོན་ལྡན་ཞིག་ཡོང་རྒྱུར་འབད་དགོས། ཞེས་དང་། ངེད་ཅག་ཚང་མས་རྒྱ་གར་ཡུལ་མིར་མཐུན་ལམ་དང་ཡུལ་ཁྲིམས་ལ་བརྩི་སྲུང་བྱ་དགོས། གཙོ་ཆེ་བ་༸གོང་ས་སྐྱབས་མགོན་ཆེན་པོས་མ་གཅིག་བུ་ལ་གདམས་པ་ལྟར་བཀའ་སློབ་ལམ་སྟོན་གནང་ཡོད་པ་ཁག་ཀློག་པ་ཙམ་མ་ཡིན་པར། དུས་རྒྱུན་ལག་ལེན་ཡོང་ཐབས་ལ་འབད་བརྩོན་གནང་དགོས། ཞེས་གསུངས་ཡོད་འདུག
༼ གོང་གི་གནས་ཚུལ་དེ་ས་གནས་ནས་ཐུབ་རྒྱལ་ལགས་ཀྱིས་མཁོ་གཏོང་བྱས། ༽
མཁྱེན་ནོ་བླ་མ་མཁྱེན་ནོ། དུས་གསུམ་སངས་རྒྱས་མཁྱེན་ནོ།
ཁྱེད་ཅག་དྲྭ་གྲོགས་ཚོས་ཟུ་ཟ་དང་འཁྱོགས་བརྗོད་ཀྱི་སྐད་ཆ་མ་ཡིན་པའི་དངོས་ཐོག་བདེན་འཚོལ་གྱི་སྐད་ཆ་ཞིག་བཤད་འདོད་ཚེ་གསར་འགྱུར་འདི་ཇི་མ་ཇི་བཞིན་ཤམ་བྷ་ལའི་སྒང་འདུག དེར་གཟིགས་ཚེ་རྟགས་གསལ་ཇི་ལྟར་གཏང་འདུག་ཁྱེད་ཚོས་གཞི་ནས་མཁྱེན། དུས་བབ་ཚང་གི་གསར་འགྱུ་གང་འདྲ་ཞིག་ཡིན་རུམ་བཅད་བཏུབས་ཀྱི་ལམ་ནས་འགོད་ཀྱི་ཡོད་སྟབས་གསར་འགྱུར་འདིའི་དོན་མི་ཉུང་བ་ཞིག་ཀྱང་བཅད་ཡོད་པར་ཐག་བཅད་ཆོག །
ཙོང་དང་འགོ་ཕི་ཡི་པགས་པ་བཤུས་ན་རྫོགས་ཐབས་ཡོད་པ་མ་རེད།
མ་གཞི་ནས་བོད་པ་ཐམས་ཅད་ནང་པ་བ་མ་ཡིན་ཞིང་མ་ཎི་དེ་བས་ཀྱང་མི་འདོན།
བོད་པ་ཡིན་པར་གྱུར་བའི་ཡེ་ཤུ་དང།་
ཁ་ཆེ།
བོན་པོ།
ཧིན་དུ།
ཆོས་མེད་རིང་ལུགས་པ།
ད་དུང་ཤི་འདྲེ་གསོན་འདྲེ།
མང་པོ་ཡོད།
༧གོང་ས་མཆོག་གིས་ཀྱང་མ་འོང་པར་ད་ལྟ་གུང་ཕྲན་ཏང་ཡང་ཡིན་མཁན་གྱི་བོད་པ་དེ་ཚོར་དམིགས་བསལ་གྱི་བོད་དོན་འགན་ཁུར་དགོས་གསུངས་མྱོང།
ད་རྟགས་བསལ་མི་རྩོད།
དཔལ་ས་སྐྱ་བ་རྒྱལ་གྱུར་ཅིག་གུ།
བོད་ཀྱི་བླ་ཆེན་ཚོའི་ནང་ལ་༧ས་སྐྱ་གོང་མ་ལྟར་༧གོང་ས་མཆོག་གི་བཀའ་དགོངས་གཞིར་བཟུང་མི་མང་ལ་དེ་ལུགས་ཀྱི་བཀའ་སློབ་སློབ་སྟོན་གནང་མཁན་ཧ་ཅང་ཉུང་བས། ཁོང་ལྟ་བུ་ནི་བོད་ཀྱི་ལོ་རྒྱུས་དང་གནས་བབ་ཀྱི་ཆ་གང་ནས་བལྟས་ཀྱང་གུས་བཀུར་དང་རྒྱབ་སྐྱོར་ཞུ་འོས་པའི་བླ་ཆེན་ཞིག་ཡིན་པ་ཀུན་གྱིས་ཤེས་ཡོད་རྒྱུ་རེད་སྙམ། སྤྱིར་ངས་ཤེས་པ་ཁྱོད་ཀྱིས་མི་ཤེས་པ་དང་ཁྱོད་ཤེས་པ་ངས་མི་ཤེས་པ་ཡོད་པ་བདེན་ན་ཡང་། གོང་གི་གསར་འགྱུར་འདི་ཡང་བསྐྱར་ཐེངས་གཅིག་ཀློགས་དང་། ༧ས་སྐྱ་གོང་མ་རིན་པོ་ཆེས་ཁྱེད་ཅག་གིས་མཐོང་ཞིང་མཐོང་བ་ལྟར་བྲིས་པའི་རྟགས་བསལ་དེ་འདྲ་གང་དུ་བཏང་འདུག གསར་འགྱུར་ཐུང་དུ་འདི་ལྟ་བུར་ཡང་གོ་བ་དེ་འདྲ་ཞིག་ལས་ལེན་མ་ཐུབ་པར་གཞིགས་ན། ཅི་ཞིག་གི་རྐྱེན་པས་ཁྱེད་ཅག་༧ས་སྐྱ་གོང་མ་ཚང་ལ་སྡང་ཞུགས་བྱས་པ་ཙམ་དུ་ཟད་དོ།།
དུས་བབ་ཚང་།
ངས་འདིའི་ཐོག་ཐོག་མར་མཆན་ཞིག་བྲིས་པ་ཡིན་མོད། ད་དུང་བཞག་མི་འདུག ག་རེ་ཡིན་ནམ། དེ་འཇོག་རོགས་གནོངས། གོང་མ་ཚང་གིས་ཆོས་བརྒྱུད་ཚང་མའི་ལྟ་གྲུབ་གཅིག་མཚུངས་ཡིན་པ་རྩམ་པ་ཟ་བའི་རྟགས་ཀྱིས་བསྒྲུབ་ཆོག་ན། ངས་དེའི་ཆ་ཤས་ལེན་མི་ཆོག་དོན་གང་ཡིན་ནམ། ངའི་མཆན་དེ་ཡིན་མིན་ཅིག་འགོད་རོགས་ཞུ།
དཔལ་སྐྱ་བའི་གདུང་སྲས༸བདག་ཁྲི་རིན་པོ་ཆེ་ཁྱེད་ནི་ངེས་བ་དོན་གྱི་བོད་གངས་ཅན་པའི་མ་འོངས་པའི་མགོན་སྐྱབས་ཞིག་དེ།ཁྱེད་ཀྱི་སྐུ་ཚེ་བསྟན་སྐལ་བརྒྱར་བསྟན་པའི་སྨོན་ལམ་ཞུ།།
ངེད་ཚང་གི་བླ་མས་དེ་འདྲའི་རྟགས་གསལ་ཡག་པོ་ཤེས་པ་ངས་ཀྱང་དེ་རིང་མ་གཏོགས་མ་ཤེས་ཐ། བོད་ཀྱི་ཆོས་རྒྱུད་ཚང་མའི་ས་ལམ་འབྲས་བུའི་རྣམ་གཞག་གཅིག་པ་ཡིན་པ་རྩམ་པ་ཟ་བ་གཅིག་མཚུངས་ཡིན་པའི་རྟགས་ཀྱིས་བསྒྲུབ་འདུག
ཡ་གྲྭ་རྒོད་ཚོ། རྟགས་གསལ་ཤེས་ན་ཁོང་གི་རྟགས་གསལ་འདྲ་བོ་རེ་ཐོངས་དང་། ཆོས་རྒྱུད་ཁག་གི་ལྟ་གྲུབ་གཅིག་པར་བསྒྲུབ་འདོད་ན་ཁོང་གི་རྟགས་གསལ་་ལྟ་བུ་རེ་གྲ་སྒྲིག་བྱས་ནས་ཤོག་དང་། ང་ཚོས་འདི་ནས་རྩོད་ཡ།
མཁས་དབང་ས་སྐྱ་བ་རྒྱལ་གྱུར་ཅིག
འཇམ་དབྱངས་མི་ཡི་རྣམ་པར་རོལ་བ་༸ས་སྐྱ་གོང་མ་རིན་པོ་ཆེ་སྐུ་ཚེ་མི་འགྱུར་བསྐལ་བརྒྱར་བསྟན་འགྱུར་་ཅིག ། མཚན་མཆོག་གསུམ་ལྡན་དཔལ་ལྡན་ས་སྐྱ་པའི་བསྟན་པ་རིན་པ་ཆེ་དང་དེ་འཛིན་གྱི་སྐྱེས་བུ་དམ་རྣམས་ཀྱི་ཐུགས་དགོངས་ལྷུན་གྱིས་སྒྲུབ་པར་ཤོག །
དཔལ་ས་སྐྱ་བའི་ལུང་བསྟན་ནང་ལ། །
བཀའ་གདམས་བཤེས་གཉེན་ཚོའི་སྟོན་པ། །
དཔལ་ལྡན་ཨ་ཏི་ཤ་དེ་ཡིས། །
བོད་ས་སྐྱ་བོའི་གནས་འདི་རུ། །
ཧྲྰི་དྷྰི་དང་ཧྰུང་སོགས་ཀྱི་སྔགས། །
ཡིག་གཟུགས་ས་བོན་སྔོན་གཟིགས་ནས། །
སྐྱེས་ཆེན་འཁྲུངས་འགྱུར་ལུང་བསྟན་བཞིན། །
བདག་གི་ཤ་ཡི་མིག་གིས་ཀྱང་། །
མཇལ་བས་བཀའ་དྲིན་འཇལ་དཀའ་འོ། །
༸གང་གི་༸སྐུ་ཚེ་ཡུན་བརྟན་ཤོག །
གོང་མ་རིན་པོ་ཆེས། རྟགས་གསལ་ཡག་པོ་འཕང་གནང་འདུག་ཡ།
ཆོས་བརྒྱུད་ཁག་ལ་མཚོན་ན་ཡང་སྟོན་པ་གཅིག་གི་སློབ་མ་དང་། སྟོན་པའི་ས་ལམ་འབྲས་བུའི་རྣམ་གཞག་ལ་ཁྱད་པ་གཏན་ནས་མེད་པར་ཐལ། སྟོད་ནས་སྨད་རྒྱ་བོད་ཀྱི་ས་མཚམས་ཡན་གྱི་མི་མང་ཚང་མ་དཀོན་མཆོག་ལ་བློ་གཏད་ཞུ་མཁན་དང་ཁ་ནས་མ་ནི་བགྲང་མཁན། རྩམ་པ་ཟ་མཁན་གཅིག་མཚུངས་ཡིན་པའི་ཕྱིར། ཅེས་གསུངས་འདུག
འདི་འདྲའི་རྟགས་གསལ་ཡག་པོ་ཞིག་གྲྭ་སའི་གྲྭ་བ་རྣམས་ཀྱི་ཐུགས་ལ་ཤར་རྒྱུ་ཁག་པོ་ཡིན་རྒྱུ་རེད། ཁོང་གི་སྐུ་ཚེ་རིང་། འདི་འདྲའི་མཁས་པ་ད་དུང་བོད་ལ་བོད་པའི་དགའ་བ་ལ།
དཔལ་སྐྱ་བའི་གདུང་སྲས༸བདག་ཁྲི་རིན་པོ་ཆེ་ཁྱེད་ནི་ངེས་བ་དོན་གྱི་བོད་གངས་ཅན་པའི་མགོན་སྐྱབས་ཞིག་དེ།ཁྱེད་ཀྱི་སྐུ་ཚེ་བསྟན་སྐལ་བརྒྱར་བསྟན་ཅིང་མཛད་འཕྲིན་དབྱར་མཚོ་ལྟར་རྒྱས་བའི་སྨོན་ལམ་སེམས་གཏིང་ནས་ཞུ།།