ཁ་སང་ཕྱི་ཚེས་ ༢༥ ཉིན་ཁམས་སྡེ་དགེ་འཇོ་མདའ་རྫོང་འཛི་སྒང་ཤར་པདྨ་སྟག་ཆེན་ནས་ཡིན་པའི་རྒྱལ་གཅེས་པ་བུ་ལུག་ལགས་ལྷ་སའི་སྨན་ཁང་ཞིག་ནས་སྐུ་གྲོངས་ཡོད་འདུག
བུ་ལུག་ལགས་ནི་ ༢༠༠༩ ལོའི་ཕྱི་ཟླ་ ༦ ནང་ཁམས་འཇོ་མདའ་སྐྱབས་ཆེན་དགོན་དུ་རྒྱ་གཞུང་གིས་རྒྱལ་གཅེས་ཆོས་གཅེས་ཟེར་བའི་ལས་འགུལ་སྤེལ་ཏེ། ༧གོང་ས་མཆོག་ལ་མཚན་སྨོད་ཀྱི་མིང་རྟགས་བསྡུ་རུབ་བྱས་སྐབས། དགེ་འདུན་པ་གཅིག་གིས་ཀྱང་མིང་རྟགས་མ་བཀོད་པར་བྲོས་བྱོལ་དུ་ཕེབས་ཏེ། ཟླ་གཅིག་རིང་དགོན་པར་དགེ་འདུན་པ་སྟོང་པར་ལུས་ཡོད།
དེའི་རྗེས་རྒྱ་གཞུང་གི་ཉེན་རྟོག་པས་གྲོང་འཚོའི་ཁག་གི་མགོ་ཁྲིད་རྣམས་ལ་གནོན་ཤུགས་དང་འཇིགས་སྣང་བསྐུལ་ཏེ། དགོན་པའི་དགེ་འདུན་པ་ཚོ་རྩིས་སྤྲོད་བྱ་དགོས་པའི་བཙན་བཀའ་བཏང་བ་ངོས་ལེན་མ་བྱས་པའི་ཉེས་མིང་འོག་འཛིན་བཟུང་བྱས་ཡོད་འདུག
བུ་ལུག་ཁོང་སྐབས་དེ་ནས་བཟུང་བོད་རང་སྐྱོང་ལྗོངས་སྤོ་བོ་རྫོང་གི་བཙོན་ཁང་ཞིག་ཏུ་བཅུག་སྟེ། ད་བར་ནང་མི་གཉེན་འབྲེལ་སུ་གང་ལའང་ཐུག་འཕྲད་བྱེད་བཅུག་མེད་པ་མ་ཟད། བཙོན་འོག་ནས་སྡུག་སྦྱོང་མནར་གཅོད་ཚད་མེད་བཏང་སྟེ། གཟུགས་པོ་ནད་གཅོང་ཆགས་རྗེས་སྨན་ཁང་དུ་ཁྲིད་ཡོད་ཀྱང་དྲག་སྐྱེད་མ་བྱུང་བར། ཁ་སང་ཕྱི་ཚེས་ ༢༥ ཉིན་གྱི་བོད་ནང་གི་ཆུ་ཚོད་ ༡༢ ཐོག་ལྷ་སའི་སྨན་ཁང་ཞིག་ནས་སྐུ་གཤེགས་ཡོད་འདུག
བསྟན་པ་ཡར་འཕེལ་ལགས་ཀྱི་ཟིན་བྲིས་ལས་བསྡུ་སྒྲིག་བྱས།
བསྐོས་པའི་མི་དང་བཙུགས་པའི་འབེན་རེད།
བརྩི་མཐོང་བྱེད་ན་བྱེད་མཉམ་རེད།
སེམས་སྐྱོ་བ་ལ་བོད་གངས་ཅན་པའི་རྒྱལ་གཅེས་དཔའ་བོ་ཞིག་ཉུང་དུ་ཕྱིན་པ་རེད།
ཟུང་ཁྲག་དམར་པོ་དུང་བས་མཆོད་ནས་བླ་སྲོག་གཟེར་དུ་སྒྲོན་ནུས་པའི།།
ཕ་ཡུལ་ངར་རྒོད་ལ་རྒྱ་འབུམ་གྱི་རྐང་དང་རུས་པས་གཟི་ན་ཡང་།།
ཡུལ་དུ་འཁྱམ་པའི་ལ་ཁའི་དར་ལྕོག་ཆབ་སྲིད་ཆུང་རིགས་ལ་ཞེན་ནས།།
ཕ་ཡུལ་འདུ་ཤེས་ཀུན་དུ་བྲལ་ཞིང་མི་ཁའི་བྱ་སྤུ་ལྷུར་དུ་བྱ།།
གཞིས་བཞུགས་རྒྱལ་གཅེས་ཀྱི་སྐུ་གཤེགས་བུ་ལུགས་འདས་པོས་གཙོ་པའི་་དཔའ་བོ་དང་དཔའ་མོ་ཡོངས་རྫོགས་ལ་སྙིང་ནས་མྱ་ངན་དང་ཁྱེད་རྣམ་པའི་བློ་སྟོབས་དང་ཆོད་སེམས་ལ་རྗེས་སུ་ཡི་རང་དང་གུས་འདུད་ལེགས་གསོལ་བཅས་འདས་དྲན་བསམ་གཞིག་གི་རྡོ་རིང་ནང་དུས་གཏན་དུ་ཡལ་རྒྱུ་མེད་པར་གསེར་གྱི་ཡི་གེ་འབུར་མ་ཞིག་འགོད་ངེས་ཡིན། བུ་ཤི་བ་གཟི་བརྗིད་ཆེ་འདུག རྗེས་ལུས་པ་མགོ་རྣ་ཐོན་འདུག རྒྱལ་ཁབ་ལ་ལྷག་བསམ་དག་པས་པོ་ཏཱ་ལའི་བརྗིད་ཉམས་རེ་རེ་དམིགས་འདུན་གྱི་ཕུག་བསམ་རིང་པོ་གངས་སེང་གི་རྒྱལ་དར་རེ་རེ་ལེགས་སྐྱེས་སུ་བོད་མི་ཡོངས་ཀྱི་སྐྱེས་སུ་འབུལ་གི་ཡོད།
བུ་ལུག་ལགས་གྲོངས་པར་མྱ་ངན་གུས་དུད་དང་། སྨོན་ལམ་བཅས།
ཨ་ཁ་ཁ་་་་ཕངས་པ་ལ་་་མ་ཟད།
དོ་སྣང་བྱེད་དགོས་པ་ཞིག་ལ། བོད་ཀྱི་ཆག་སྒོའི་ཁྲོད། ཉེ་ལམ་ནས་བཟུང་མངོན་གསལ་དོད་དུ་གྱུར་ཏེ།
གཞི་མེད་སྒེར་འཁོན་རྩ་འཛུགས་རྩ་གཏོར་གཏོང་མ་ཐུབ་པའི་དུས་ཡུན་ཐུང་ཐུང་ནང་། འཇིགས་བྲལ་ཅན་གྱིས། རྒྱལ་བའི་གསུང་འཕྲིན་གྱི་དར་ཆའི་འོག་ནས་རྒོལ་གཤོམ་བྱེད་བཞིན་པ་ནི། བཀའ་ཁྲི་མཆོག་ལ་ཆོ་མེད་ཟུར་ཟ་དང་གཞི་མེད་སྡང་ཟུག་སྟོན་སྟོན་པ་འདི་དག་རེད་ལ། ཤོག་ཁག་དེས་སྒུགས་ལོང་ཁོམ་ལོང་མེད་པར། རྐང་བརྡབ་ལག་བརྡབ་ཀྱིས། དགའ་ལྡན་ཕོ་བྲང་ཞེས་པའི་མིང་བྱང་ག་དུས་འགྱུར་བ་གཏོང་གི་རེད་ཟེར་བའི་ཚ་གི་ཚི་གི་བྱེད་མུས་པ་འདི་དག་གནད་དོན་གཅིག་རེད། དྲ་འགྲོགས་གྲོགས་པོ་རྣམ་པ། ང་ཚོས་འདི་གཅིག་པུའི་ཐོག་ནས་མཐོང་ཐུབ་པ་ནི། ཕ་རོལ་པོའི་རེ་སྒུགས་ཁྲོད་ཀྱི་དམིགས་ཡུལ་གཙོ་བོ་དང་གྲོས་ཚོགས་ལ་མ་བསྟན་པའི་ཡིག་ཆ། ཞེས་པའི་བཀའ་སྤྱིའི་བདེ་འཇགས་གླེང་ཁ་སྒུལ་སྐྱོད་ཀྱིས། མི་རྒྱུ་དུས་གསུམ་ལ་བརྡབ་གསིག་ཆག་སྒོ་ཆེན་པོ་དེ་དྲན་གསོ་བྱེད་ཀྱིན་པ་དེ་དག་ཡིན། མ་རེད་པས་་་་ཨ། བོད་གཞུང་མང་རྒྱལ་ཡོངས་ཚོགས་ཆེན་ཐེངས་གཉིས་པ་ཡང་ཁོང་ཚོས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་