ཟླ་འདིའི་ཕྱི་ཚེས་ ༥ ཉིན་དབྱིན་ཡུལ་བོད་གཞུང་སྐུ་ཚབ་དོན་གཅོད་ཐུབ་བསྟན་བསམ་གྲུབ་ལགས་ཀྱིས། ཡུལ་དེར་རྟེན་གཞི་བྱས་པའི་ཊོ་ཌོར་བུད་མེད་སློབ་གྲྭ་ Tudor Hall རུ་སློབ་གྲྭ་དེའི་སློབ་ཕྲུག་ཚོར་ད་ལྟའི་བོད་ཀྱི་གནད་དོན་དང་བཙན་བྱོལ་བོད་མིའི་གནས་སྟངས། རྒྱ་ནག་གི་རྩ་ཁྲིམས་ནང་བོད་ལ་མིང་དོན་མཚུངས་པའི་རང་སྐྱོང་རག་ཐབས་དང་། ལྷག་པར་དུ། ༧གོང་ས་མཆོག་གིས་འཚེ་མེད་ཞི་བའི་ལྟ་གྲུབ་ལ་བོད་ཀྱི་མི་རབས་གཞོན་པ་ཚོས་རྒྱབ་སྐྱོར་ཤུགས་ཆེན་བྱེད་ཀྱིན་ཡོད་པར་མ་ཟད། དེང་སང་རྒྱ་ནག་ཏུའང་བོད་དོན་ལ་དོ་སྣང་བྱེད་མཁན་ཇེ་མང་དུ་འགྲོ་བཞིན་ཡོད་སྐོར་གྱི་གཏམ་བཤད་ཅིག་སྤེལ་ཡོད་འདུག་ལ། ཁོང་གི་གཏམ་བཤད་གྲུབ་རྗེས་ཚོགས་ཁང་གི་རས་ཡོལ་ངོས་སུ་བོད་དོན་སྐོར་གྱི་ ༼འཇིགས་བྲལ༽ཞེས་པའི་དངོས་བྱུང་གློག་བརྙན་དེ་སློབ་ཕྲུག་ཚོར་གཟིགས་འབུལ་ཞུས་ཡོད་འདུག
དཔལ་ལྡན་གྱིས་བསྡུས།
