རྒྱ་རིགས་རླངས་འཁོར་ཁ་ལོ་བ་ཞིག་གིས་བསམ་བཞིན་ཏུ་སོག་རིགས་གཅིག་དམར་གསོད་བཏང་བའི་ཐོག མི་རིགས་ལ་དམའ་འབེབས་ཀྱི་སྐད་ཆ་བཤད་ཡོད་འདུག
ཟླ་འདིའི་ཚེས་ ༡༠ ཉིན་གྱི་དགོང་མོ། ནང་སོག་མའེ་ཞེ་ཝོ་ཆི་རྫོང་གི་སོག་རིགས་འབྲོག་པ་མའོ་རི་ཀིན་གྱིས་རྩྭ་ས་སྲུང་སྐྱོབ་ཆེད་སྡེ་བའི་མི་ ༣༠ ལྷག་རྩྭ་འཛུགས་བྱས་ཏེ། གཞུང་ལམ་མེད་པའི་རྩྭ་ཐང་སྟེང་རྒྱ་གཞུང་གི་རླངས་འཁོར་ ༢༠༠ ལྷག་གིས་རྡོ་སོལ་བསྐྱེད་འདྲེན་གྱིས་རྩྭ་སར་གཏོར་སྐྱོན་གཏོང་བཞིན་པར་བཀག་འགོག་བྱས་སྐབས། རྒྱ་རིགས་ཁ་ལོ་བ་ཞིག་གིས་བསམ་བཞིན་དུ་སོག་རིགས་མའོ་རི་ཀིན་རླངས་འཁོར་འོག་གཅིར་ཏེ་དམར་གསོད་བཏང་བར་མ་ཟད། སོག་རིགས་ནི་དུད་འགྲོ་དང་མཚུངས་པས་རིན་དོད་ལ་རྒྱ་སྒོར་ཁྲི་ ༤༠ སྤྲོད་ན་འགྲིག་གི་རེད། ཅེས་དམའ་འབེབས་བྱས་པས་རྐྱེན་གྱིས། ཕྱི་ཚེས་ ༢༤ ཉིན་སོག་རིགས་མང་ཚོགས་སྟོང་ཕྲག་བརྒལ་བ་མཉམ་འཛོམས་ཐོག་ས་གནས་སྲིད་གཞུང་གི་སྒོ་ཁར་སོང་སྟེ། མའོ་རི་ཀིན་གྱིས་རྩྭ་ཐང་སྲུང་སྐྱོབ་ཆེད་རང་སྲོག་ཤོར་བཏང་བར་སྲིད་གཞུང་གིས་མྱ་ངན་ཚོགས་འདུ་བསྡུ་དགོས་པར་མ་ཟད། ཁོང་དམར་གསོད་གཏོང་མཁན་གྱི་རྒྱ་རིགས་ཁ་ལོ་བ་དེ་སྲོག་ཐོག་ལ་བཏང་སྟེ། རྒྱུ་འབྲས་དྲང་སྙོམས་ཀྱིས་ཐག་གཅོད་མ་བྱས་ཚེ་ང་ཚོས་ངོ་རྒོལ་མཚམས་འཇོག་བྱ་རྒྱུ་མིན་པ་བརྗོད་དེ། སྲང་ལམ་དུ་སྐད་འབོད་ཁྲོམ་སྐོར་བྱས་པར་བརྟེན། རྒྱ་གཞུང་གིས་དམག་མི་འབོར་ཆེན་བཏང་སྟེ་མི་མང་ལ་དྲག་གནོན་བྱས་ཡོད་པར་མ་ཟད། གྲོང་ཁྱེར་གྱི་ལམ་མདོ་ཁག་ལའང་དམ་སྲུང་ནན་མོ་བྱས་ཡོད་འདུག དེ་མིན། གནས་ཚུལ་དེ་མའོ་རི་ཀིན་གྱི་བུ་ཡོད་སའི་སློབ་འབྲིང་དེའི་ནང་ཡོད་པའི་སོག་རིགས་དགེ་སློབ་ཚང་མས་ཐོས་རྗེས། བཟོད་བསྲན་མ་ཐུབ་པར་འཁོན་སེམས་ཀྱི་རྣམ་པ་ཤུགས་ཆེན་པོ་བསྟན་པ་དང་། རྒྱ་གཞུང་གིས་སློབ་གྲྭའི་ནང་ཡར་ལངས་དོན་རྐྱེན་འབྱུང་བར་དོགས་ཏེ་སློབ་མ་རྣམས་ཕྱིར་རང་ཁྱིམ་ལ་ལོག་མ་བཅུགས་པར། སློབ་གྲྭ་ནང་བཙན་འགོག་བྱས་ཏེ་སློབ་གྲྭའི་ཕྱི་ནང་གཉིས་ལ་འགོག་སྲུང་ནན་མོ་བྱས་ཡོད་འདུག
གསར་འགོད་པ། ཚེ་རིང་རྒྱལ།
སོག་པོ་དང་བོད་པ་ཤིན་ཅང་དེ་མིན་རྒྱ་དམར་འོག་གིས་མི་རིགས་ཡོང་དག་རྒྱལ་གྱུར་ཅིག
ང་ཚོ་བོད་མི་དང་སོག་རིགས་རྣམས་ལ་རྒྱ་དམར་གྱིས་འདི་འདྲ་བཙན་གནོན་བྱེད་དགོས་གང་ཡིན་ནམ།
ཕྱོགས་གཅིག་ནས་བསམ་བློ་བཏང་ན། དེ་སྔོན་བོད་དང་སོག་པོས་རྒྱ་མི་ཏག་ཏག་བཟོས་པའི་རྣམ་སྨིན་ཡིན་ཤས་ཆེ།
གཅིག་བྱས་ན་རྨོང་དད་ཡིན་གྱི་རེད།།
བོད་སོག་ཤིང་ཅང་གསུམ་རྒྱལ་འགྱུར་ཅིག །
འོ་་་སོག་པོ་ཚོ་ད་ཡིན་ན་ཁ་འགྲིགས་དགོས་ཁ་སྤུ་གཤུབ་དགོས།
ཆས་པིས་སུ་ད། པིས་པས་སུ་ད། ཟེར་འདུག་རན་མ་རེད། མི་གཅིག་བསད་ན་རྒྱ་སྒོར་ཁྲི་40སྤྲན་ན་འགྲིག་འདུག ང་ཚོ་བོད་པ་ལ་མཚོན་་་0 ཡིན་པ་ཀུན་གསལ་རེད། ནང་སོག་དང་བོད་པ་ཚང་མཐུན་པའི་ལག་ལྡང་མཉམ་དུ་སྤྲེལ་ནས་མི་རིགས་ལ་རྒྱ་རྩོད་དུ་འགྲོ རྒྱལ་བར་སྨོན།
སོག་རིགས་ཀྱི་མི་ཞིག་བསད་ན་རྒྱ་སྒོར་ཁྲི་ ༤༠ སྤྲད་ན་རིན་གོང་ཐོན་པོ་རེད། ཕལ་ཆེར་ཁྲི་ ༤ མིན་འགྲོ། བོད་རང་སྐཡོང་ལྗོངས་ལྷ་ས་གྲོང་འཁྲེར་ལྟ་བུར་མཚོན་ན་རྒྱ་རིགས་ཞིག་མོ་ཊས་བརྫིས་ཏེ་ཤི་ན་ཉུང་མཐར་རྒྱ་སྒོར་ཁྲི་ ༢༠ སྤྲད་དགོས་ཀྱི་འདུག
དེ་ལས་སློབ་ཆེན་གྱི་སློབ་མ་ཞིག་ཤི་ན་རྒྱ་ཁྲི་ ༢༥ དང་དེ་ལས་མང་བ་སྤྲོད་དགོས་ཀྱི་འདུག མི་རིགས་ཞིག་མོ་ཊས་བསད་ན་ཁྲི་ཁ་ཤས་ཤིག་གི་འགྲིག་གི་ཡོད་པ་རེད།
དེ་མིན་བོད་རང་ལྗོངས་ཀྱི་ས་ཁུལ་དུ་རླངས་འཁོར་གྱིས་བོད་པའི་གྲྭ་པའམ་བཙུན་མ་ཞིག་བཤད་ན་རྒྱ་སྒོར་ ༥༠༠ ལྔ་བརྒྱ་ཐམ་པ་སྤྲད་ན་འགྲིག་གི་ཡོད་པའི་གནས་ཚུལ་དེ་དངོས་འབྲེལ་རེད་ཅེས་ངས་ལོ་ཤས་གོང་དུ་བོད་ལྗོངས་སུ་ཐེངས་ཕྱིར་བསྐྱོད་བྱེད་པའི་སྐབས་སུ་བོད་རིགས་ཞིག་གིས་ངར་གསལ་བཤད་གཅིག་བྱས་བྱུང་།
རྒྱལ་སྤྱི་དང་རྒྱལ་ནང་གི་སོག་བོད་གཞུང་དམངས་གཉིས་ཀྱི་སེམས་པ་དེ་གཅིག་ཏུ་སྤྲེལ་ཐུབ་དགོས་ལ་དཀའ་སྡུག་ཡང་གཅིག་མྱོང་དགོས། དམངས་སེམས་གཅིག་ཏུ་སྤྲེལ་ན་བསྒྲུབས་ནས་མི་འགྲུབ་པའི་བྱ་བ་གཅིག་ཀྱང་མེད།
ད་སོག་པོ་ཚོ་མ་འཕྱུགས་པར་མུ་མཐུད་མཆོངས་སྐྱོད་ཆེན་མོ་བྱེད་རན་པའི་དུས་ལ་བབ་ཡོད།
མ་གཞི། སོག་པོ་བོད་ལ་ཐུག་དུས་ཇི་ངན་ངན། སོག་པོ་རྒྱ་ལ་ཐུག་དུས་ཇེ་སྡུག་སྡུག