གཅེར་གཟུགས་ཀྱི་མཛེས་བ།

ད’ཡིན’ན’མཛེས’མ’འགྲན’བསྡུ’བྱས’སོང’བ’།

འདི་ཚོ་ལྟ་རྒྱུ་གང་ཡང་མི་འདུག་

ད་ཡིན་ན་བོད་པའི་སྤྱི་ཚོགས་ནང་ལ་འདུག མཛངས་མ་ཡིན་ནའང་འདྲ་མཛེས་མ་ཡིན་ནའང་། གང་ལྟར་ཡང་དེ་དག་གི་ཕ་མ་སྤུན་ཆེད་ཚོའི་མཐོང་ན་སེམས་ལ་ཚོར་བ་གང་འདྲ་ཞིག་བྱུང་གི་ཡོད་ན།

མཛངས་མ་འགྲན་བསྡུའི་པར་རིགས་མཐོང་བའི་སྐབས། །
མཛངས་མ་ཡིན་པའི་ཁྱད་ཆོས་སུ་ལ་མེད། །
ཤ་མདོག་ནག་ལ་དམར་བའི་མདངས། །
བོད་ཀྱི་མཛངས་མའི་མགྲིན་ཚབ་ཅི་ལ་མཚོན། །

རྒྱུགས་ཆུ་ཆུང་ཆུང་ཞིག་གི་འཁྱིལ་ཆུ་ལ། །
ཆུ་རྩལ་ངོམ་པའི་ཁོར་ཡུག་མེད་པའི་སྐབས། །
འཁྱིལ་ཆུ་འདི་ལ་གཟུགས་པོ་བཀྲུས་ཙམ་བྱས། །
བློ་བཟང་དབང་རྒྱལ་འདོད་པ་ཡིད་ལ་ཚིམས། །

སྐུལ་སློང་བཟང་པོ་འོག་གི་འགྲན་བསྡུར་ཞུགས། །
སོ་སོའི་རྣམ་སྤྱོད་གཤོགས་རྩལ་འགྲན་པའི་སྐབས། །
གཅིག་ལས་གཅིག་གི་མཁས་པ་ཡོད་པར་བྱས། །
རང་རྒྱལ་ལྟ་བ་གཅིག་ལས་གཅིག་གི་ཞན། །

ཧིན་སྒོར་འབུམ་གཅིག་ཆེད་དུ་འབད་བརྩོན་བྱས། །
གཟེར་བུར་ཐོག་ནས་གཟུགས་དབྱིབས་ལེགས་པར་ངོམ། །
ཁ་མིག་གདོང་སོགས་ཚོན་རྩིས་སྣ་ཚོགས་དབྱུག །
མཛངས་མའི་ཁྱད་ཆོས་ལྡན་པ་སུ་འདུག་གམ། །

མཛེས་མ་འགྲན་བསྡུར་ཡིན་ཀྱི་རེད་མ་གཏོགས་མཛངས་མ་འགྲན་བསྡུར་ཞིག་ཡིན་སྲིད་ཀྱི་མ་རེད།རྒྱུ་མཚན་ནི།མཛངས་མར་མཛངས་མའིཡོན་ཏན་ཞིག་ལྡན་དགོས་ཀྱི་ཡོད་པ་ལས་ཤེས་བྱ་ཡོན་ཏན་ཅི་ཡང་མི་ལྡན་མཁན་དག་ལ་མཛངས་མ་ཞེས་བརྗོད་ན་གཏན་ནས་མི་འགྲིག་མཛངས་མར་ཕྱིར་ཡི་རྣམ་པ་གཅིག་པོ་མ་ཡིན་པ།ནང་གི་ཤེས་བྱ་ཡོན་ཏན་གྱི་ཕྱུག་པའི་བུད་མེད་དཔལ་དང་ལྡན་པ་ཞིག་དགོས་པ་ལས་ཕྱིའི་རྣམ་པ་གང་རུང་ཞིག་ལ་ལྟས་ནས་མཛངས་མ་ཞེས་བརྗོད་པ་ནི་ཤིན་ཏུ་ནས་ཐལ་ཤ་ཆེ་དྲག་པ་མ་ཡིན་ནམ་ཅི་ཡིན།

ང་ངོ་ཚ་གིན་འདུག་ལ། ཤ་ཡང་ཚ་གིན་འདུག གང་ཡིན་ཟེར་ན་ཁོང་ཚོས་མི་རེ་རེ་བ་རེ་རྒྱབ་ནས་འདི་ལྟ་བུའི་མཛངས་མའི་མཚན་ཉིད་མི་ལྡན་བཞིན་དུ་ངོ་ཚ་མེད་ཀྱིས་འགྲན་བསྡུར་དུ་འཛུལ་བ་ཤ་སྟག་ཡིན་ཤས་ཆེ། གཅེར་གཟུགས་མ་ཡིན་པར་གང་བསྟན་ཡང་ཁྱད་པར་མི་འདུག
སྤྱིར་སྟངས་བོད་པའི་བུ་མོ་མཚན་ཉིད་ལྡན་པ་དང་མཛངས་ཆོས་ཚང་བ་དག་ལོ་ལྟར་སླེབས་རྒྱུ་མི་འདུག འདི་ནི་མཛངས་མའི་རིགས་ཅན་ད་དུང་ངོ་ཚའི་ནང་དུ་ལས་ཡོད་པ་འདྲ།
ཡིན་ན་ཡང་དགོངས་དག དེ་རིང་བུ་མོ་དྲུག་གི་ནང་དུ་༼བསྟན་འཛིན་མཁས་ཆོས་༽ལས་དྲག་པ་ཞིག་ཧ་ལམ་མི་འདུག སྐབས་རེ་ཡང་སྟབས་ལེགས་ཀྱིས། བུ་དཔའ་བོས་མི་གསོད་སྡར་མས་གསོད། །མཚོང་རིང་གིས་མི་གསོད་ཐུང་གིས་གསོད། །དཔེ་ལྟར་ཡང་ཁ་ཤས་བོད་ཀྱི་མཛངས་མའི་དབུ་རྒྱན་སྒྲོན་སྲོལ་འདུག་ག དེ་འདྲའི་ཡིན་ཧ་གོ་མ་སོང་།
གངས་སྨྱུག་གིས།

དྲ་གྲོགས་ཚོ། ཕྱི་ཚུལ་གྱི་ཤ་མདོག་དཀར་བ་ཙམ་གྱི་ནང་སེམས་པ་དཀར་པོའི་ངང་ཚུལ་དང་། དེ་བས་ཤེས་བྱ་ཡོན་ཏན་སོགས་མཐོང་ག་ལ་སྲིད། དེ་ན་མཛམས་མའི་འགྲན་བསྡུར་ནང་དུ་ཚུད་པ་ནི་མཛམས་མ་དགོས་པ་ལས་ཕྱིའི་རྣམ་པ་དཀར་བ་ཙམ་གྱི་ཕན་ཐོག་མེད་སྙམ་གྱིན་ཡོད། དེའི་ཕྱིར་། མི་ཡི་རི་མོ་ནང་དང་། སྟག་གི་རི་མོ་ཕྱིར། ཞེས་པའི་ལེགས་བཤད་འདི་སེམས་སུ་ཟུངས་ཤིག

འདྲེ་དམར་པོ་ཟེར་བ་ཁྱོད་ཀྱི་བོད་ཡིག་གི་གོ་བ་རབ་རིབ་ཙམ་ལས་མེད་པ་འདྲ་ལ་མིག་ཀྱང་རབ་རིབ་ཅིག་ལས་མཐོང་གི་མེད་པ་འདྲ། ཁྱོད་ཀྱིས་བྲིས་པ་དེར་བསྐྱར་ཀློག་ཅིག་དང་ངའི་མཆན་བུ་དེར་མིག་ཟུང་བགྲད་ནས་ཡང་བསྐྱར་གཅིག་ལྟོས་དང་། ཁྱོད་ཀྱིས་ཤོད་སྟངས་ལྟར་ན་ངས་བུ་མོ་དེ་ཚོར་རྣམ་པ་འདུག་སྟེ་གཞན་ཁྱད་ཆོས་མི་འདུག་ཟེར་བ་ལ་གོ་ཡོད་པ་འདྲ། ངས་དེ་ལས་ལྡོག་སྟེ་བཤད་ཡོད། གལ་སྲིད་ཁྱོད་ཀྱིས་བུ་མོ་དེ་ཚོར་རྣམ་པ་ཡོད་པ་མཐོང་གིན་འདུག་ན་ང་ཐེ་བའི་དྲྭ་བ་འདིར་གཟིགས་མཁན་མང་པོ་ཞིག་གིས་བུ་མོ་དེ་ཚོར་རྣམ་པ་མི་འདུག་ཟེར་བཾཞིན་ཡོད་པས་ཁྱོད་རང་གི་འདྲེན་བྱེད་ལ་རབ་རིབ་ཀྱི་ནད་ཡོད་པ་འམ་ཡང་ན་མྱོས་རྫས་སྤྱོད་བཞིན་ཡོད་པ་གོར་མ་ཆག

ངས་བལྟས་ན། བོད་ཀྱི་མཛངས་མ་འགྲན་བསྡུར་ཞེས་པའི་ལེ་ཚན་འདི་ལ་བོད་པའི་བུ་མོ་ཚོས་དགའ་བསུ་ཞུ་རྒྱུ་ཕར་ཞོག མཐའ་གཅིག་ཏུ་ངོ་རྒོལ་བྱེད་དགོས་པ་ཞིག་འདུག བུ་མོ་མདོག་ངན་འགའ་ཞིག་འཛུལ་ཞུགས་བྱས་ཏེ་མཐར་བོད་པའི་བུ་མོ་ཚང་པའི་མིང་བྱང་དེ་འཁྱེར་འགྲོ་གི་ཡོད་རེད། ཕྱི་ཕྱོགས་སུ་ཡོད་པའི་མི་རིགས་གཞན་གྱི་སེམས་སུ་བོད་པའི་བུ་མོ་ཚང་མ་འདི་ཚོ་ལས་མདོག་དང་། ཤེས་འཇོན་དམན་པ་ཡོད་རེད་བསམ་མི་སྲིད་པ་མ་རེད། སྤྱིར་བཏང་བྱེད་ན་བོད་པའི་སྤྱི་ཚོགས་ནང་དུ་བུ་མོ་ཤེས་འཇོན་དང་རྣམ་པ་སོགས་དེ་ཚོ་ལས་རྦད་དེ་ཡག་པས་ཁེངས་ནས་བསྡད་ཡོད།

་མཛངས་མའི་འགྲན་བསྡུར་ནི་སྤྱིར་བཏང་གི་འགྲན་བསྡུར་ཙམ་དང་མི་མཚུངས་ཞིང་། རྣམ་པ་གཟུགས་བྱད་བཟང་བ་ཙམ་གྱིས་མི་ཆོག་པར་ཕྱོགས་ཐམས་ཅད་ནས་་འཐུས་ཚང་གྱིས་ཆ་ཤས་ལེན་དགོས་པ་ཞིག་རེད་འདོད། ཨ་ཕོ་མཐུ་ཆེན་གྱི་བལྟ་སྟངས་དེ་ནི་གཡག་ཞར་གྱི་བྱེད་སྟངས་ཤིག་ལས་འདུ་ཤེས་མ་འཁྲུལ་བའི་གོ་བ་ལེན་ཚུལ་ཤིག་མ་རེད་འདོད། ཐད་ཀར་བཤད་ན་གོང་གི་མི་འདིས་ཆེས་སྤྱིར་བཏང་གི་སྐད་ཆ་བཤད་སྟངས་ཙམ་ལའང་རྨོངས་བ་ཞིག་རེད་འདུག།