གསར་འགོད་གསལ་བསྒྲགས་ཀྱི་ཐོག་མར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་ཀྱིས། ཉེ་བའི་ཆར་བཙན་བྱོལ་བོད་གཞུང་གི་མཚན་བྱང་ལ་འགྱུར་བ་ཆས་པའི་དབང་གིས་གནས་ཚུལ་མང་པོ་ཞིག་བྱུང་བསྡད་ཡོད་སྟབས། བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ངོས་ནས་གསར་འགོད་གསལ་བསྒྲགས་འདི་གནང་བ་ཡིན་སྐོར་གསལ་བཤད་གནང་རྗེས། གསར་འགོད་གསལ་བསྒྲགས་ཀྱི་ཡིག་ཆ་སྒྲོགས་སྦྱང་གནང་དོན། དཀའ་ཚེགས་དང་གནོན་ཤུགས་སྣ་ཚོགས་བརྒྱུད་མི་ལོ་༥༢ལྷག་བཙན་བྱོལ་བོད་གཞུང་གི་མཚན་བྱང་རྒྱུན་འཆང་བདག་ཉར་གནང་བ་ནི། ང་ཚོ་བཙན་བྱོལ་བོད་མི་ཚོའི་རླབས་ཆེན་གྱི་གྲུབ་འབྲས་དང་བོད་རང་བཙན་གྱི་བདེན་རྟགས་ཧ་ཅང་གལ་ཆེན་པོ་ཞིག་ཡིན། བར་ལམ་བོད་རྒྱལ་ཡོངས་ཚོགས་ཆེན་གཉིས་པའི་སྐབས། ཚོགས་ཆུང་ནང་ཁུལ་ཧ་ཅང་ཚད་མཐོའི་མང་མོས་དང་། མཐའ་མའི་སྤྱི་ཡོངས་གཏན་འབེབས་སྐབས་ཚོགས་ཆེན་ཐོག་བཙན་བྱོལ་བོད་གཞུང་གི་མཚན་བྱང་མུ་མཐུད་གནས་དགོས་པའི་སྤྱི་མོས་ཀྱི་གཏན་འབེབས་བྱུང་ཡོད་ཀྱང་། བོད་མི་མང་སྤྱི་འཐུས་སྐབས་ ༡༤ པའི་ཚོགས་དུས་འཕར་མའི་ཐོག་སྤྱི་འཐུས་རྣམ་པས་བོད་རྒྱལ་ཡོངས་ཚོགས་ཆེན་སྐབས་མི་མང་གི་མོས་མཐུན་དང་གཏན་འབེབས་བྱུང་ཟིན་པ་ལས་བཟློག་སྟེ། བཅའ་ཁྲིམས་ནང་བཙན་བྱོལ་བོད་གཞུང་གི་མཚན་བྱང་ཕྱིར་བསྡུ་བྱས་ཏེ། བོད་མིའི་སྒྲིག་འཛུགས་སུ་བསྒྱུར་བ་མ་ཟད། བོད་ཀྱི་གཞོན་ནུ་ལྷན་ཚོགས་ནས་སྔ་རྗེས་ཞུ་སྙན་དང་བསམ་འཆར་ཡིག་ཆ་བརྒྱུད། མཐའ་མའི་ཐག་གཅོད་དེ་བཞིན་བྲེལ་འཚུབ་ངང་མི་གནང་བར། ཕྱིར་འགྱངས་ཀྱིས་རྒྱལ་སྤྱིའི་ཁྲིམས་ལུགས་སོགས་ཀྱི་ཐད་ཁྱད་ལས་མཁས་པ་གདན་ཞུས་ཀྱིས་གོ་བསྡུར་ལམ་སྟོན་བརྒྱུད། སྐབས་བཅོ་ལྔ་པའི་གྲོས་ཚོགས་ཐོག་ཞིབ་ལྷོད་ངང་མཐའ་མའི་ཐག་གཅོད་གནང་སྐྱོང་ཡོང་བའི་ཛ་དྲག་འབོད་སྐུལ་ཞུས་ཀྱང་། གྲོས་ཚོགས་ནས་དགོས་ངེས་ཀྱི་དུས་ཚོད་དང་ཁ་གསལ་ཚགས་ཚུད་ཀྱི་ལས་རིམ་མེད་པར། དུས་ཐུང་གནད་འགག་དང་ཉེན་ཁ་ཆེ་བའི་འགྱུར་བ་དེ་ལྟར་བཏང་བར་ཧ་ཅང་བློ་འཚབ་ཆེ།ཅེས་བསྒྲགས་སོང་། 
ཡང་ཁོང་གིས་མུ་མཐུད་དུ་སྒྲོགས་སྦྱང་གནང་རྒྱུར། འགྱུར་བ་ཇི་ལྟར་ཕྱིན་ཀྱང་བོད་རྒྱལ་ཁབ་ཀྱི་བདག་པོ་ནི་བོད་མི་མང་ཡིན་པས། ང་ཚོའི་སེམས་ཤུགས་ནམ་ཡང་ཆག་མི་རུང་། དགྲ་གཉེན་དེ་བས་ནོར་མི་རུང་བར་རྡོག་རྩ་ཆིག་སྒྲིལ་བྱ་རྒྱུ་ནི་ཧ་ཅང་གནད་ཆེ་བར་བརྟེན། དེ་རིང་གི་འགྱུར་བ་འདིར་བོད་ཀྱི་གཞོན་ནུ་ལྷན་ཚོགས་བློ་ཕམ་ཤིན་ཏུ་ཆེ་ཡང་། ང་ཚོའི་ཆིལ་སྒྲིལ་དང་རེ་བ་གསོན་པོར་གནས་རྒྱུ་དེ་ཉིད་གལ་ཆེ་ཤོས་སུ་བརྩིས་ཏེ། བོད་མིའི་སྒྲིག་འཛུགས་ཟེར་བར་ཡང་བོད་ཀྱི་གཞོན་ནུ་ལྷན་ཚོགས་ཀྱིས་བཙན་བྱོལ་བོད་གཞུང་རང་ལ་ངོས་འཛིན་གུས་བཀུར་གྱིས་བཙན་བྱོལ་བོད་གཞུང་ཞེས་པའི་མཚན་བྱང་མུ་མཐུད་བེད་སྤྱོད་ཞུ་རྒྱུ་དང་། དེ་བཞིན་གཞོན་ལྷན་གྱིས་རང་འགན་རང་འཁུར་ངང་མ་འོངས་པར་ཡང་སྔར་ལྟར། དམངས་གཙོའི་བརྒྱུད་རིམ་ལས་མ་བརྒལ་བའི་སྒོ་ནས་ཕྱར་གྲུ་མཉམ་འདེགས་ཞུ་རྒྱུ་དེ་རིང་གསལ་བརྗོད་བྱ་རྒྱུ་མ་ཟད། དེ་བཞིན་གངས་ཅན་པ་ཡོངས་ནས་ཀྱང་གཞུང་བཀུར་ཆིག་སྒྲིལ་གནང་རྒྱུའི་གདེང་སྤོབས་དང་རེ་སྐུལ་ནན་པོ་ཞུ་རྒྱུ་ཡིན། ཞེས་དང་། ལྷག་པར་བོད་མི་མང་གི་མངོན་འདོད་དང་། བོད་རང་བཙན་གྱི་བདེན་དོན་སྲུང་སྐྱོབ། དེ་བཞིན་མ་འོངས་བོད་རང་བཙན་སླར་གསོའི་འཐབ་རྩོད་ཀྱི་དགོས་མཁོའི་ཆེད། ལོ་ངོ་བརྒྱ་ཕྲག་དུ་མའི་ཁྲིམས་མཐུན་གྱི་བརྒྱུད་རིམ་དང་ལོ་རྒྱུས་ལྡན་པའི་བོད་གཞུང་གི་མཚན་བྱང་དང་མཚོན་རྟགས་རྣམས་ང་ཚོས་མུ་མཐུད་གཅེས་ཉར་དགོས་པ་ཧ་ཅང་གལ་འགངས་ཆེ་བར་བརྟེན། བོད་ཀྱི་གཞོན་ནུ་ལྷན་ཚོགས་ཀྱིས་བོད་རང་བཙན་སླར་གསོ་ཐུབ་ངེས་ཀྱི་གདེངས་སྤོབས་དང་ཆོད་སེམས་བརྟན་པོས་བོད་རྒྱལ་ཁབ་ཆེན་པོའི་རྒྱལ་གླུ་དང་། རྒྱལ་དར། རྒྱལ་རྟགས་རྙིང་པ། གྲོས་ཚོགས་སྐབས་བཅུ་བཞི་པའི་ཚོགས་དུས་འཕར་མའི་ཐོག་བསྐྱར་བཅོས་མ་བྱས་པའི་སྔོན་གྱི་བཅའ་ཁྲིམས། དེ་བཞིན་བོད་ཀྱི་རྩ་ཁྲིམས་བཅས་བདག་ཉར་ཞུས་ཏེ། མ་འོངས་བོད་རང་བཙན་སླར་གསོ་བྱུང་མཚམས་བོད་རྒྱལ་ཁབ་དང་མི་མང་ལ་རྩིས་འབུལ་བརྒྱུད་སྤྲོད་ཞུ་རྒྱུ་ཡིན་ཞེས། གཞིས་ལུས་སྤུན་ཟླ་རྣམ་པའི་གཙོས་རང་རིགས་ཡོངས་དང་། བོད་དོན་རྒྱབ་སྐྱོར་བ་རྣམ་པ། དེ་བཞིན་དགྲ་བོ་རྒྱ་ནག་གཞུང་བཅས་ལ་གསལ་བརྗོད་དང་རྒྱལ་སྤྱིའི་བྱུང་རབས་ཀྱི་དེབ་ཐེར་དུ་བཀོད་པ་ཡིན། ཞེས་སྒྲོགས་སྦྱང་གནང་སོང་།
མཇུག་མཐར། གསར་པས་མི་མང་གི་སྐུ་ཚབ་ནི་སྤྱི་འཐུས་རྣམས་ཆགས་ཡོད་པ་དང་། སྤྱི་འཐུས་རྣམས་ཀྱིས་ཐག་གཅོད་གནང་སྟེ་ཁྲིམས་སུ་བཅོས་ཚར་ཡོད་སྟབས། འདི་ནི་བཅའ་ཁྲིམས་དང་འགལ་བ་ཞིག་གམ། བཅའ་ཁྲིམས་དང་ལེན་མ་བྱས་པ་ཞིག་ཆགས་ཡོད་མེད་ཀྱི་དྲི་བ་བཏོན་པར། གཞོན་ལྷན་ཚོགས་གཞོན་དོན་གྲུབ་ལྷ་དར་ལགས་ཀྱིས་བརྗོད་དོན། བོད་མི་མང་སྤྱི་འཐུས་རྣམ་པ་མི་མང་གི་སྐུ་ཚབ་ཡིན་པ་དེ་བདེན་པ་རེད།ང་ཚོས་དེར་གུས་བཀུར་ཞུ་དགོས་པ་རེད། དེ་བཞིན། མི་མང་གི་སྐུ་ཚབ་ཀྱིས་མི་མང་གི་འབོད་སྒྲའི་ཚབ་མཚོན་པ་ཞིག་གནང་དགོས་སྟབས། གྲོས་ཚོགས་ཀྱི་འཐུས་མི་རྣམས་ཀྱིས་བོད་རྒྱལ་ཡོངས་ཚོགས་ཆེན་ཐོག་མི་མང་སྐུ་ཚབ་ ༤༡༨ ཀྱིས་སྤྱི་མོས་གཏན་འབེབས་གནང་བའི་བསམ་ཚུལ་དང་འབོད་སྒྲ་ལས་ལྡོག་པའི་ཐག་གཅོད་ཅིག་བྱས་ཡོང་སྐབས། དམངས་ཀྱི་སྐུ་ཚབ་ཀྱིས་མི་མང་གི་མངོན་འདོད་མཚོན་མ་ཐུབ་པ་ཞིག་ཆགས་ཡོད་པ་རེད། དེ་མིན་ཕྱོགས་གཞན་ཞིག་ནས། རྒྱལ་ཁབ་གཞན་དང་རྒྱལ་སྤྱིའི་ངོས་ལེན་གནང་མིན་གང་ལྟར་ཀྱང་། བོད་རྒྱལ་ཁབ་ཀྱི་བདག་པོ་དེ་ང་ཚོ་རང་ཉིད་ཡིན་པས་ཆ་ནས། ང་ཚོས་མུ་མཐུད་དུ་སོ་སོའི་ལོ་རྒྱུས་དང་གཞུང་ལ་གུས་བཀུར་ངོས་འཛིན་གསོན་པོར་གནས་དགོས་པ་དེ་ནི། ང་ཚོའི་བདེན་པ་སྲུང་སྐྱོབ་དང་རང་བཙན་སླར་གསོའི་དགོས་མཁོ་ཆགས་ཡོད་པ་རེད། དེར་བརྟེན། མི་མང་གི་འབོད་སྒྲ་དང་མངོན་འདོད་ནི་གཞུང་མུ་མཐུད་དུ་གནས་དགོས་པ་དེ་ཡིན་སྟབས། འདི་ནི་ཁྲིམས་དང་འགལ་ཟླ་ཆགས་ཡོད་མེད་ཀྱི་སྐད་ཆ་ཙམ་མ་རེད། དམངས་གཙོའི་ཁྲིམས་ཀྱི་ནང་དུའང་མི་མང་གི་མངོན་འདོད་དང་འབོད་སྒྲ་གསལ་བོ་བཟོ་བའི་ཐོབ་ཐང་ཡོད་པ་རེད། བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་འདི་ནི་མི་མང་གི་སྒྲིག་འཛུགས་ཤིག་ཡིན་པའི་ཆ་ནས། མི་མང་གི་སྒྲིག་འཛུགས་ཀྱི་འགན་ནི་སོ་སོའི་རྒྱལ་ཁབ་ཀྱི་ཆེ་མཐོང་སྲུང་སྐྱོབ་དང་། མི་མང་གི་འབོད་སྒྲ་གསལ་བོ་བཟོ་རྒྱུ་དེ་རེད། དེ་རིང་ང་ཚོས་གསལ་བོ་བཟོ་དགོས་པའི་རྒྱུ་མཚན་ཀྱང་དེ་ཆགས་ཡོད་པ་རེད། བཙན་བྱོལ་བོད་གཞུང་གི་མཚན་བྱང་ཕྱིར་བསྡུ་བྱས་པ་དེར་ང་ཚོས་མོས་མཐུན་བྱེད་མ་ཐུབ་པའི་རྒྱུ་མཚན་གཙོ་ཡང་དེ་རེད། མཚན་བྱང་དེ་ཕྱིར་བསྡུ་གནང་བ་ལ་བརྟེན་ནས།འདས་པའི་ཉིན་ཤས་རིང་སྤྱི་ཚོགས་ནང་རྡོག་རྩ་ཆིག་སྒྲིལ་ལ་དཀའ་ངལ་མང་པོ་ཞིག་འཕྲད་མགོ་ཚུགས་ཡོད་པ་རེད། རྒྱུ་མཚན་དེའི་དབང་གིས་ང་ཚོས་དགྲ་དང་གཉེན་མ་ནོར་བ་བྱས་ཏེ། བློ་ཕམ་ག་ཚོད་ཡོད་པ་ཡིན་ནའང་། ང་ཚོའི་སྒྲིག་འཛུགས་དེ་ང་ཚོས་གཞུང་ལ་སྔར་བཞིན་གུས་བརྩི་བྱས་ཏེ་རྡོག་རྩ་ཆིག་སྒྲིལ་བྱེད་དགོས་པ་དེ་ནི། བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ཀྱི་ཐག་གཅོད་རེད་ལ། རྒྱ་ཆེའི་མི་མང་ལའང་ང་ཚོས་དེ་བཞིན་འབོད་སྐུལ་གནང་གི་ཡོད། ང་ཚོའི་ངོས་ནས་སྒྲིག་འཛུགས་ལ་གུས་བཀུར་དང་ཡིད་ཆེས་བརླགས་ཡོད་པ་མ་རེད། ཡིན་ནའང་། ཐག་གཅོད་ཀྱི་བརྒྱུད་རིམ་དེ་ནི་ཉིན་འགའ་ཤས་ནང་བྲེལ་འཚུབ་ཚགས་ཚུད་མེད་པར་གནང་བ་དེ་ནི་ང་ཚོས་གསལ་བོ་མཐོང་གསལ་ལྟར་རེད། དེའི་རྐྱེན་གྱིས།བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ཀྱིས་རྒྱལ་ཁབ་ཀྱི་ལས་དབང་དང་འབྲེལ་བ་ཡོད་པའི་འགྱུར་བ་ཆེན་པོ་འདི། ངེས་པར་དུ་དུས་ཚོད་འདང་ངེས་ཤིག་ནང་འགྱུར་བ་གཏོང་དགོས་ཀྱི་འདུག་ཅེས་ལབ་ཀྱིན་པ་དེའང་། ང་ཚོའི་འཐབ་རྩོད་ཀྱི་དགོས་མཁོ་ཞིག་ལ་གཟིགས་ནས་ཞུ་བཞིན་ཡོད། ཅེས་ལན་འདེབས་གནང་སོང་།
གསར་འགོད་པ། ཚེ་རིང་རྒྱལ།
སྤྱིར་བཙན་བྱོལ་བོད་མིའི་སྒྲིག་འཛུགས་ཞེས་པའི་མིང་འདི་ཐོག་མར་གང་འདྲ་བྱས་ནས་ཡོང་པ་ཞིག་ཡིན་མིན་དང་དེ་རྗེས་ཐག་གཅོད་ཇི་ལྟར་གནང་པ་དེ་ཐག་གཅོད་གནང་མཁན་སུ་ཞིག་རེད་དེ་ལ་ཐོག་མར་བསམ་བློ་ཞིག་བཏང་དགོད་པ་རེད་དྲན་གྱི་ཡོད་གང་ཡིན་ཞེ་ན་བོད་མི་མང་གི་མངོན་འདོན་མཚོན་མ་ཐུབ་པ་ཞིག་ཆགས་མ་སོང་ཟེར་པ་ལ་ལྟས་ན་གསལ་བོ་རེད་དེ་མི་འདི་མ་འགྲིག་པ་ཞིག་ཆགས་པ་ཡིན་དུས་མིང་འདི་འདྲ་ཞིག་མི་འདོག་ཐབ་མེད་ལྟ་བུར་ཇི་ལྟར་ཆགས་པ་ཡིན་མིན་སོགས་བསམ་བློ་གཏོང་དགོས་པ་ཞིག་རེད་དྲན་གྱི་ཡོད། ཅི་ཕྱིར་མི་མང་གི་མངོན་འདོད་མཚོན་མ་ཐུབ་པ་རེད་དེ་ཐག་གཅོད་གནང་མཁན་ཡང་བོད་མི་མང་སྤྱི་འཐུས་རེད་མི་སྤྱི་འཐུས་ཞེས་པ་མི་མང་གི་འདེམས་པ་ཞིག་ཡིན་དུས་དེ་མི་མང་གི་མངོན་འདོན་མཚོན་ཐུབ་ཀྱི་ཡོད་པ་རེད།
བོད་གཞུང་།
གལ་སྲིད། བློས་མ་བཏང་ན། རེ་བ་མེད་པ་ཡང་རེ་བ་ཅན་དུ་འགྱུར་གི་རེད།
གལ་སྲིད། རང་ཚུགས་བཟུང་ན། རང་རྣམ་ཡོད་པའི་རང་ལམ་ཞིག་འདོན་ཐུབ་ཀི་རེད།
གལ་སྲིད། ཉམས་མ་ཤོར་ན། གདེང་ཚོད་ཅིག་རང་ཤུགས་ཀྱིས་ཡོང་གིན་པ་རེད།
གཞོན་ནུ་ལྷན་ཚོགས་ལ་རྒྱབ་སྐྱོར་ཡོད། བཙན་བྱོལ་བོད་གཞུང་གི་མཚན་བྱང་ལ་འགྱུར་བ་བཏང་དགོས་དོན་མི་འདུག དོན་མེད་འགྱུར་བ་མང་པོ་མི་གནང་བ་གནད་ལ་སྨིན་པའི་ཕྱག་ལས་གནང་རོགས་ཞུ། ཁ་བཤད་ཆུ་ཡི་ལྦུ་བ་དེ། ལག་ལེན་གསེར་གྱི་འདུད་པ་དགོས།
གཞོན་ལྷན་གྱིས་ངོས་ནས་གསར་འགོད་ལྷན་ཚོགས་ཙམ་མ་ཡིན་པར་རང་ཉིད་ཀྱི་ཚོགས་པའི་ལངས་ཕྱོགས་ལ་ཡང་ངེས་གཏན་གསལ་བོ་ཞིག་རྙེད་དགོས་པའི་དུས་ལ་སླེབས་འདུག ནམ་རྒྱུན་ཁ་ནས་རང་བཙན་བཤད་ཀིན་ཡོད་པ་འདྲ་བོ། ཡང་དབུ་མའི་ལམ་ལ་ཡང་འགྲོ་གི་ཡོད་པ་འདྲ་པོ། ལངས་ཕྱོགས་མེད་པ་འདྲ་བོ་གཞུགས་ཕྱོགས་མི་གནང་བའི་རེ་པ་ཡོད། དོན་དངོས་བཤད་ན་བཙན་བྱོལ་ན་རང་ཚུགས་ཅན་གྱི་མི་བུ་དང་ཚོགས་པ་མེད་ལ་སྐད་ཆ་དྲང་མོར་བཤད་ཐུབ་པའི་མི་ཡང་ཧ་ལམ་དཀོན་པོ་རེད། རེ་བ་ལ་མི་བུ་སུ་ཞིག་གིས་སྐད་ཅི་འདྲ་ཞིག་བཤད་རུང་རང་ཉིད་ཀྱི་སྐད་ཆ་དེར་སོ་སོས་འགན་ཁུར་རྒྱུ་དེ་ད་ལྟའི་ང་ཚོའི་གནས་བབས་འདི་ཧ་ཅང་གལ་ཆེན་པོ་རེད།
མི་རབས་གསར་པའི་ལས་འགན་དོ་འཁུར་སླེབས་པའི་སྐབས།་ ་།
ཁ་བཤད་ལག་བསྟར་གཞོན་ལྷན་སྒྲིག་འཛུགས་གཅིག་སྒྲིལ་ཐོག །
ཚ་བ་རབ་ཏུ་ཆེ་བའི་ལྡི་ལིའི་རྒྱལ་ས་ལ། །
རྒྱུན་ལས་གསུམ་གྱིས་ཟས་བཅད་ངོ་རྒོལ་ཡུན་རིང་བྱས། །
རྔ་བ་ཀི་རྟིའི་བྱེས་པ་དགོན་གྱི་གྲྭ་བཙུན་ལ། །
སྡུག་རྩུབ་ཆེ་བའི་རྒྱ་དམར་སྤྱི་བདེ་དམག་མི་ཀྱིས། །
གནས་ལུགས་རྒྱུ་མཚན་མེད་པར་གཉའ་གནོན་བཅར་རྡུང་བྱས། །
གདུང་སེམས་བསྐྱེད་མཚོན་བྱེད་གཞོན་ལྷན་ཀུན་ལས་ལྷག །
གཞོན་ལྷན་སྒྲིག་འཛུགས་ཡུན་རིང་གནས་པར་བཀྲིས་སྨོན་འདུན་ཡོད།
དོན་ཚན་གཞན་དག་ལ་རྒྱ་ཆ་རྒྱ་རྒྱབ་སྐྱོར་ཡོད། འོན་ཀྱང་རྒྱལ་རྟགས་སྟེངས་གི་མིང་དེ་ནི་བོད་དམང་གཙོ་མ་ཆག་གོང་གི་མིང་རྙིང་པ་ཞིག་ཡིན་པས། དེ་མུ་མཐུད་གནས་རྒྱུར་མོས་མཐུན་མེད།
བོད་རྒྱལ་ཁབ་ཆེན་པོའི་བདག་དབང་སྲུང་སྐྱོབ་ཀྱི་ཆེད་དུ་བོད་མི་ཚོས་ཚེ་སྲོག་གྲངས་མེད་རེ་བ་དང་སྤོབས་པ་ཆེན་པོས་རྒྱལ་ཁབ་འདིའི་ཆེད་དུ་ཕུལ་ཡོད་ཀྱང་ཆབ་སྲིད་ཀྱིས་དབང་རྩ་རུལ་བའི་མི་ཁ་ཤས་ཀྱིས་བོད་རྒྱལ་ཁབ་ཆེན་པོ་ཕྱི་བསྡུར་བྱས་པ་གོ་ཉིན་ནས་ངས་བཅའ་ཁྲལ་མི་འཕུལ་རྒྱུའི་དམ་བཅའ་བྱས་ཡོད་ནའང་དེ་རིང་ང་ལ་རེ་བ་གསར་བ་ཞིག་དང་བཅའ་ཁྲལ་ཕུལ་ཡུལ་གསར་བ་ཞིག་རེག་བྱུང་། དེ་ནི་བོད་ཀྱི་གཞོན་ནུ་ལྷན་ཚོགས་རེད་ལ་ཚོགས་པ་འདི་ནི་ངེས་པ་དོན་གྱིས་བོད་རྒྱལ་ཁབ་ཀྱི་བརྒྱུན་སྐྱོང་པའམ་རྒྱལ་ཁབ་འདིའི་སྲོག་རྙིང་དངོས་མ་དེ་རེད་འདུག་པས་གྲོགས་པོ་ཚོ་བློ་ཕམས་མ་གནང་དང་གནས་འདི་ན་བོད་རྒྱལ་ཁབ་ཆེན་པོའི་སྲོག་རྩ་ཆད་མི་འདུག གཞོན་ནུ་ཚོགས་པ་ཐུགས་རྗེ་ཆེ་ཁྱོད་དེ་རིང་ནས་ངའི་རྒྱལ་ཁབ་འདིའི་སྲིད་དབང་སྐྱོང་བའི་བཀའ་ཤག་ངོ་མ་དེ་ཡིན།
དྲ་གྲོགས་གླང་དར་ལགས།ངའི་གཞོན་ལྷན་གྱི་དགོངས་དོན་མ་གཏོགས་པ་
མིན་ཡང་ད་དུང་ཤུགས་རྣོན་ཀྱི་ཚུལ་དུ་བསམ་ཚུལ་ཞིག་བཤད་པའི་ཁུལ་ཡིན།།
གང་ལྟར་ང་ཚོ་ལ་དགོས་བ་ནི་ད་ལྟའི་དུས་འདི་ལ་དོན་དག་གང་ཐད་ནས་ཀྱང་དགྲ་དགའ་གཉེན་སྡུག་གིས་ཆ་ཕྲ་མོ་ཙམ་ཡང་མི་འོང་པའི་སྨོན་ལམ་རྒྱག་གིས་ཡོད།༸གོང་ས་སྐྱབས་མགོན་ཆེན་པོས་གཙོས་མི་རབས་རྒན་པ་དེ་དག་གིས་དཀའ་བ་ཁྱད་དུ་བསད་ནས་འབད་པའི་སྒྲུབ་པའི་མཚན་ཉིད་ཡོངས་སུ་ཚང་བའི་མང་གཙོའི་སྲིད་གཞུང་འདི་ང་ཚོ་གནང་པས།ང་ཚོའི་ཅིས་ཀྱང་འདི་ལ་རྒྱབ་སྐྱོར་དང་དགའ་བའི་དང་ལེན་བྱེད་རྒྱུ་ཧ་ཅང་གལ་ཆེ་བར་སྣང་ངོ།།
ད་ནི་སྐད་བརྒྱབ་ནས་ཅང་ཨ་ཡོད། འགྲོ་ན་འགྲོ་མི་ཤེས་པ་དང་། ངུ་ན་ངུ་མི་ཤེས་པའི་གནས་སྟངས་ལ་བསྐྱལ་སོང་། དེ་ལས་སྐབས་གསུམ་པའི་བཀའ་ཁྲི་བློ་སེང་གི་འབོད་སྒྲ་གསུམ་ལས་གཉིས་ཕུད་པའི་གསུམ་པ་རང་མགོ་རང་ཐོན་བྱེད་ཨེ་ཐུབ་ཀྱི་ནུབ་ཕྱོགས་ལ་འཕུར་ཐུབ་ན་བཟང་། དེ་མིན་ཨ་ཞང་ལ་མགོ་སྒུར་ན་མ་མཐར་ཡང་མི་གྲལ་དུ་ཚུད་ངེས། འོ་ཡ། ད་གཟིམ་འཇགས་གནང་གོ
གཞོན་ལྷན་གསུང་པ་དེར་རྒྱ་ཆ་བརྒྱ་རྒྱབ་སྐྱོར་ཡོད་དེ་ནི་དོན་དངོས་དང་མཐུན་པའི་བཀའ་མོལ་ཞིག་རེད།
རྨ་ཆུའི་སྐལ་བཟང་ལགས་གཞོན་ལྷན་གྱི་སྔར་ལས་ལྷག་བྱེད་གི་ཡིན་ལབ་འདུག། བྱེད་གི་མིན་ལབ་མི་འདུག་ག། ད་ང་ཚོ་སེམས་ཤུགས་ཆག་སོང་ད་ནས་ཟུང་ལས་ཀ་བྱེད་གི་མིན་ལབ་མི་འདུག་ག། ཧ་ཧརྩེད་མོ་ཡིན་།།
རྒྱལ་གཅེས་ལྷག་བསམ་ཅན་གྱི་གཞོན་ལྷན་གྱི་སྤུན་གྲོགས་རྣམས།
སེམས་ཤུགས་དང་དམིགས་འདུན་མ་མཉམ་པར་ཆིག་སྒྲིལ་ལ་བརྩོན།
དགྲ་དགའ་གཉེན་སྡུག་གི་བྱུང་རབས་དགོངས་ནས་ཆིག་སྒྲིལ་ལ་འབོད།
ཚིག་ལ་མི་སྟོན་དོན་ལ་སྟོན་ཞེས་བའི་གཞུང་དོན་ལ་རྣམ་དབྱོད་རྩལ་དུ་བཏོན་ནས་བླང་དོར་མ་ནོར་བ་བྱེད་རོགས།།