ཁ་སང་ཕྱི་ཚེས་ ༢༣ ཉིན་བོད་མི་མང་སྤྱི་འཐུས་རྒྱུན་ལས་ཀྱིས་བོད་ཨ་མདོ་རྔ་པ་ས་ཁུལ་དང་དཀར་མཛེས་ས་ཁུལ་གྱི་ཛ་དྲག་གི་གནས་སྟངས་ཐོག་གསར་འགོད་གསལ་བསྒྲགས་ཤིག་བསྐྱངས་ཡོད། གསལ་བསྒྲགས་དེའི་ནང་། ཕྱི་ལོ་ ༢༠༠༨ ནས་བོད་ཆོལ་གསུམ་ཡོངས་སུ་ཞི་བའི་ངོ་རྒོལ་གཅིག་རྗེས་གཉིས་མཐུད་ཀྱིས་རྒྱ་གཞུང་གིས་བོད་ནང་སྲིད་བྱུས་འཛིན་ཕྱོགས་ལ་མོས་མཐུན་རྩ་བ་ནས་མེད་པར། རྒྱལ་སྤྱིའི་ནང་བོད་མིའི་མངོན་འདོད་གསལ་སྟོན་བྱས་ཡོད་ནའང་རྒྱ་གཞུང་དབང་འཛིན་པས་སྣང་མེད་སྐྱུར་འཇོག་གིས་བོད་མིར་ཉེས་མེད་ཁག་དཀྲི་དང༌། དྲག་གནོན། རྡུང་རྡེག འཛིན་བཟུང་བཀག་བསྐྱིལ་དང༌། དྲང་བདེན་གྱི་ཁྲིམས་བཤེར་མ་བརྒྱུད་པར་བཙོན་འཇུག་དང༌། སྲོག་ཐོག་བཏང་བ་སོགས་མི་སྤྱོད་ལས་འདས་པའི་སྲིད་བྱུས་ངན་པ་ལག་བསྟར་བྱས་དང་བྱེད་བཞིན་ཡོད། ཅེས་དང་།
ཐབས་རྡུགས་འདི་རིགས་རྒྱ་གཞུང་གིས་འཕྲལ་དུ་མཚམས་འཇོག་བྱེད་དགོས་པའི་འབོད་སྐུལ་ཤུགས་དྲག་བྱ་རྒྱུ་དང༌། དེ་བཞིན་རྒྱལ་སྤྱིའི་གཞུང་ཁག་དང༌། སྒྲིག་འཛུགས་ཁག ཚོགས་སྡེ་ཁག་བཅས་ཀྱིས་དཀར་མཛེས་ཕྱོགས་ཀྱི་བོད་མི་འཇུ་བཟུང་དང༌། བཙོན་འཇུག་བྱས་པ་དེ་དག་མྱུར་དུ་ཀློད་གྲོལ་ཡོང་ཐབས་སུ་རྒྱ་གཞུང་ལ་སྐུལ་མ་དང༌གནོན་ཤུགས། གནས་ཚུལ་རྩད་གཅོད་ཡོང་ཐབས་གནང་དགོས་པའི་གཞེན་བསྐུལ་ནན་པོ་ཞུ་རྒྱུ་ཡིན། ཞེས་བཀོད་འདུག
བོད་མི་སྤྱི་འཐུས་རྒྱུད་ལས་ཚོས་གསར་འགོད་གསར་བསྒྲགས་ཤིག་གནང་ཡོད་པ་དེ་ནི་བོད་མིའི་ངོ་འདོད་དང་མཐུན་པ་ཞིག་རེད། ད་སྐབས་ཁམས་དཀར་མཛེས་ཁུར་དུ་བོད་མིའི་དབའ་རྒོད་གང་མང་ཞིག་གིས་རང་སྲོག་བློས་གཏོང་གི་ལས་འགུལ་འདྲ་མིན་ཞིག་བྱེད་བཞིན་པ་འདི་ནི་རིན་ཐང་མེད་པ་ཞིག་རེད་དེ་མཚུངས་ཨ་མདོ་རྔ་བའི་གནས་ཚུལ་ཡང་གཅིག་པ་འདྲ་བོ་རེད་ངོ་མ་མདོ་དབུས་ཁམས་གསུམ་ཚང་མས་བོད་མིའི་ན་ཚ་དེ་འདྲ་ན་ང་ཚོ་ལ་རེ་བ་ཆེན་པོ་ཡོད་རེད།
སྐྱིད་ན་སྐྱིད་ཀྱི་ཇ་ཆང་འཐུང་རོགས་་བོད་རིགས་སྤུན་ཟླ་རེད།
སྡུག་ན་སྡུག་གི་ས་མཐའ་འཁྱམས་རོགས་བོད་རིགས་སྤུན་ཟླ་རེད།
ཤི་ན་ཤི་བོའི་རོ་བདག་རྒྱབ་རོགས་བོད་སྤུན་ཟླ་རེད།
གསོན་ན་གསོན་གྱི་འཚོ་བ་བསྐྱེལ་རོགས་བོད་རིགས་ཟླ་རེད།
དགའ་ན་དགའ་བའི་གླུ་དབྱངས་ལེན་རོགས་བོད་རིགས་སྤུན་ཟླ་རེད།
སྐྱོ་ན་སྐྱོ་བའི་སེམས་གསོལ་བཏང་རོགས་བོད་རིགས་སྤུན་ཟླ་རེད།