དཔལ་ལྡན་སྨད་རྒྱུད་གྲྭ་ཚང་ཏུ་བོད་ནང་གི་གནས་སྟངས་ལ་གདུང་སེམས་མཉམ་སྐྱེད་མཚོན་ཕྱིར་མཆོད་འབུལ་སྨོན་ལམ་དང་ཟས་བཅད་སྨྱུང་གནས་གནང་ཡོད་འདུག
བོད་ནང་རྒྱལ་གཅེས་དཔའ་བོ་དཔའ་མོ་རྣམས་ནས་བོད་བསྟན་སྲིད་ཀྱི་སླད་དུ་རང་ལུས་མེ་བསྲེགས་བཏང་སྟེ། རྒྱ་གཞུང་ལ་རང་དབང་གི་འབོད་སྒྲ་སྒྲོག་བཞིན་པར། བྱེས་འཁོད་བོད་མི་ཡོངས་ཀྱིས་དེ་རིང་༧གོང་ས་མཆོག་གི་བླ་གཟའ་དང་བསྟུན་ཏེ། བྱེས་འབྱོར་གཞུང་མང་ཡོངས་ནས་ལས་འགུལ་ལ་མཉམ་ཞུགས་གནང་སྟེ་གདུང་སེམས་མཉམ་སྐྱེད་ཀྱི་ལས་འགུལ་སྤེལ་གྱི་ཡོད་པ་ལྟར། དེ་རིང་ཞོགས་པའི་ཆུ་ཚོད་ ༥ པར་རྒྱ་གར་ལྷོ་ཕྱོགས་དཔལ་ལྡན་སྨད་རྒྱུད་གྲྭ་ཚང་དུ། མཁན་བླ་དབུ་བཞུགས་ཀྱི་གྲྭ་མང་ཡོངས་ཀྱིས་སྨོན་ལམ་མཆོད་འབུལ་དབུ་འཛུགས་གནང་སྟེ། དཔལ་གསང་བ་འདུས་པའི་བདག་བསྐྱེད་སྔོན་སོང་གིས་དཔལ་གསང་བ་འདུས་པའི་རྩ་རྒྱུད་དང་། བདེ་གསང་འཇིགས་གསུམ་གྱི་སྨོན་ལམ། དེ་བཞིན་བདེན་ཚིག་སྨོན་ལམ་སོགས་འབྲེལ་ཡོད་གནད་ཆེའི་ཞལ་འདོན་ཁག་ཐུགས་སྨོན་མཚམས་སྦྱོར་གསུངས་ཡོད་ཅིང་། ལས་སྣེ་དབུ་བཞུགས་ནས་གནད་དོན་གསལ་བཤད་དང་འབྲེལ། གྲྭ་ཚང་གི་གསོལ་ཐབ་དང་ཟ་ཁང་སོགས་སྒོ་བརྒྱབ་སྟེ། འདུས་མང་ཡོངས་རྫོགས་ཟས་བཅད་སྨྱུང་གནས་གནང་ཡོད་པ་དང་། ལས་འགུལ་འདི་ཕྱི་དྲོ་ཕྱག་ཚོད་དྲུག་པ་བར་གནང་རྒྱུ་ཡིན་འདུག དེ་བཞིན། སང་ཉིན་རེས་གཟའ་ཕུར་བུ་ཚེས་ ༢༠ དང་། གནངས་ཉིན་ཚེས་ ༢༡ གཉིས་ལ་ཡང་འདུས་མང་ནས་སྨོན་ལམ་མཆོད་འབུལ་གནང་རྒྱུའི་ལས་འཆར་གོ་སྒྲིག་ཞུས་ཡོད་འདུག
དཔལ་ལྡན་སྨད་རྒྱུད་གྲྭ་ཚང་གི་དགེ་འདུན་འདུས་པ་རྒྱ་མཚོ་ལ་ཕྱག་འཚལ་ཞིང་སྐྱབས་སུ་འཆིའོ།
མི་རིགས་གཞན་གྱི་རང་དབང་རང་བཙན་རྩོད་ལེན་པས་འཛམ་གླིང་ལ་སྐད་ཆ་བཤད་ནས་རང་གི་ཐོབ་ཐང་རྩོད་ཀི་ཡོད་པ་རེད། ང་ཚོས་ངག་བསྡམས་ནས་རང་གི་ཐོབ་ཐང་རྩོད་ཀི་ཡོད་པ་རེད། ད་མགོ་འཐོམས་སོང་།
ལྷག་པར་ཁྲི་སྲོང་སྡེ་བཙན་ཡབ་སྲས་ཀྱིས།།
བོད་ཁམས་ཐུགས་རྗེས་འཛིན་པར་བསྐུལ་བའི་ཚེ།།
འགྱུར་མེད་ཞལ་བཞེས་མཛད་པ་དོན་གནས་ན།།
དུས་འདིར་ཁྱོད་ཀྱིས་ཐུགས་རྗེས་སྐྱོང་བར་གསོལ།།
༸རྒྱལ་མཆོག་ཕྱག་ན་པདྨོས།