སེ་རི་ཡའི་གྲོང་ཁྱེར་ཧོམ་སི་ནང་མི་མང་གྱེན་ལངས་པའི་སྟེང་གཞུང་དམག་གིས་ཁྲབ་ལྡན་འཐབ་འཁོར་དང་མེ་མདའ་བེད་སྤྱོད་ཀྱིས་དྲག་གནོན་བྱས་ཏེ་མི་༢༠དམར་གསོད་བཏང་འདུག
ཁ་སང་ཕྱི་ཚེས་ ༣ ཉིན་སེ་རི་ཡའི་(Syria) གྲོང་ཁྱེར་ཁག་ཅིག་གི་ནང་མི་མང་གྱེན་ལངས་པས་གཞུང་ལ་ངོ་རྒོལ་ཁྲོམ་སྐོར་བྱས་པར་དྲག་གནོན་བྱས་ཡོད་ཅིང་། ལྷག་པར་དུ་ཧོམ་སི་(Homs) གྲོང་ཁྱེར་ནང་གཞུང་དམག་གིས་ཁྲབ་ལྡན་འཐབ་འཁོར་དང་མེ་མདའ་བེད་སྤྱོད་ཀྱིས་མི་མང་ལ་དྲག་གནོན་བྱས་ཏེ་མི་༢༠ཙམ་དམར་གསོད་བཏང་ཡོད་འདུག དམར་གསོད་འདི་ནི་སེ་རི་ཡའི་གཞུང་དང་ཨ་རབ་མཐུན་ཚོགས་(Arab league) བར་གྲོས་མཐུན་བྱུང་པའི་ཉིན་གཅིག་གི་རྗེས་སུ་བྱུང་ཡོད་པ་དང་། ཕྱི་ཚེས་༢ཉིན་ཨ་རབ་མཐུན་ཚོགས་ཀྱིས་སེ་རི་ཡའི་གཞུང་ལ་གྲོང་ཁྱེར་ཁག་ནང་ཡོད་པའི་དྲག་ཆས་དམག་མི་ཕྱིར་འཐེན་དང་། ད་ལྟའི་གཅིག་སྡུད་གཞུང་དམངས་གཙོ་བཅོས་སྒྱུར་བྱ་དགོས་པའི་འབོད་སྐུལ་ཞུས་པར་སེ་རི་ཡའི་སྲིད་འཛིན་བྷ་ཤར་(Bashar al-Assad) སྲིད་གཞུང་གིས་མོས་མཐུན་བྱས་ཡོད་པ་རེད།
དོན་རྐྱེན་འདིའི་ཐད་སེ་རི་ཡའི་གྱེན་ལངས་དང་ཁ་གཏད་ཚོགས་པ་ཁག་གིས། བྷ་ཤར་གྱིས་དམག་མི་ཕྱིར་འཐེན་དང་དམངས་གཙོ་བཅོས་སྒྱུར་བྱ་རྒྱུའི་ཁས་ལེན་ལག་བསྟར་བྱ་རྒྱུའི་ཚབ་ཏུ་དྲག་གནོན་བྱས་ཡོད་པའི་སྐྱོན་བརྗོད་དང་། ཁོང་ཚོས་བསྐྱར་དུ་བྷ་ཤར་གྱིས་ཁས་ལེན་བྱས་པའི་གྲོས་དོན་དེ་ལག་བསྟར་ཁ་གསལ་མ་བྱུང་པར་ངོ་རྒོལ་བྱ་རྒྱུར་གྲ་སྒྲིག་བྱེད་བཞིན་ཡོད་འདུག
གསར་འགོད་པ། བནྡེ་སྐྱབས།
༡༩༨༩ ལོར་རྒྱ་ནག་ཏུ་གནམ་སྡེ་སྒོ་མོ་ཆེའི་ཐང་ཆེན་དུ་སློབ་མ་སྟོང་ཕྲག་དུས་གཅིག་ལ་བསྡེབས་བསད་བཏང་བ་རེད།
ཁ་སང་སྤྱི་ཚེས་ ༣ ཉིན་སེ་རི་ཡའི་གཞུང་གིས་མི་ ༢༠ བསྡེབས་བསད་བྱས་པ་དེ་ཡང་གཞི་རྒྱ་ཆེ་ཆུང་ལ་མ་ལྟོས་པར་སྲིད་དབང་གཅིག་སྡུད་ཀྱིས་དྲག་གནོན་བྱས་པ་རེད།
ཆབ་དྲག་ལགས་འབྱུང་འགྱུར་བོད་དང་། ཤིང་ཅང་། ནང་སོག་བཅས་ཀྱིས་ནང་དུའང་གཞི་རྒྱ་ཆེ་བའི་མི་དམངས་གྱེན་ལངས་ཀྱིས་ངོ་རྒོལ་དེ་འདྲ་བ་བྱུང་ན་འདི་ལས་སྡུག་པའི་དྲག་གནོན་གྱིས་མི་གསོད་ཁྲག་སྦྱོར་དུས་གཅིག་ལ་བསྡེབས་བསད་གཏོང་རྒྱུ་བརྗོད་མི་དགོས།
གང་ཡིན་ཟེར་ན་རྒྱ་ནག་རང་གི་མི་རིགས་དང་། རྒྱལ་ཁབ། རིག་གཞུང་གཅིག་པའི་སློབ་མ་སྟོང་ཕྲག་དམར་གསདོ་བཏང་ཕོད་ནས་མེད་པར་རྒྱལ་ཁབ་དང་། མི་རིགས། རིག་གཞུང་ཐ་དད་ཡིན་པའི་བོད་རིགས་ཚོའི་སྟེང་ལ་དེ་བས་ཡ་ང་སྙིང་རྗེ་སྤུ་ཙམ་ཡང་མེད་པར་དྲག་གནོན་གྱིས་འབུར་འཇོམས་བྱ་རྒྱུར་ཐེ་ཚོམ་ཁྱོན་ནས་མེད་པ་རེད།
དེ་འདྲ་སོང་ཙང་གཞི་བཞུགས་བོད་ནང་ཡོད་པའི་བོད་རིགས་སྤུན་ཟླ་ཚོ། དེ་བཞིན་བལ་ཡུལ། རྒྱ་གར། ཕྱི་རྒྱལ་སོགས་ཀྱི་ནང་བཞུགས་བཞིན་པའི་བོད་རིགས་སྤུན་ཟླ་ཚོས་རང་གི་གཅེས་པའི་ཚེ་སྲོག་ལ་ཨང་དང་པོར་གཅེས་སྤྲད་བྱས་ཏེ་ཨང་གཉིས་པར་རྒྱ་ནག་གི་དྲག་གནོན་དང་བཙན་དབང་ལ་ངོ་རྒོལ་བྱ་རྒྱུའི་རྣམ་པ་དེ་ཐབས་ཇུས་ཀྱི་རང་བཞིན་ལྡན་པའི་ལས་འགུལ་སྣ་མང་སྤེལ་ཐུབ་པ་བྱེད་དགོས།
དྲ་བདག་ལགས།་་
བསྡོམས་པའི་འཁྱམ་མོ་ཟེར་བ་ཞིག་གཤམ་གྱི་འདི་ཚར་ལྔ་སྤེལ་ནས་རིག་པ་འདོན་ས་བཀག་ཏེ་ཟིན་བྲིས་པ་ཚོར་བར་ཆད་བྱས་འདུག་པས་གཅིག་མ་གཏོགས་རེ་རེ་བྱས་བསུབ་རོགས་ཞེས་རེ་སྐུལ་ཞུ་བཞིན་ཡོད།
དགའ་སྐྱོ་ཟུང་འབྲེལ་གྱི་ཚོར་བའི་རྣམ་པ།
ཀྱེ་མ་སྐྱོ་བ་ལ་ཨང་།རྙེད་པར་དཀའ་བའི་དལ་འབྱོལ་གྱི་ལུས་རྟེན་དེ་དག་དཀའ་སྡུག་གི་འཚོ་བའི་འོག་ནས་བཞུ་འབུལ་བྱས་པ་དེར་བཟོད་མི་ཐུབ་པའི་ན་ཟུག་ཞིག་དབང་མེད་དུ་སྐྱེ་ཡོང་དུས་ཡུལ་འགྱར་བའི་མིག་མཐར་མཆི་མའི་བསྐོར་བཞིན་སྨྲེ་ངག་ཤོར།་་་་་དགའ་འོས་པ་གཅིག་ནས་བརླབས་ཆེནགྱི་་སྙིང་སྟོབས་ལྡན་པའི་དཔའ་བོ་དང་དཔའ་མོ་དེ་དག་གི་སེམས་ཤུགས་ལ་སྙིང་སྟོབས་དང་སྤོབ་པ་སྐྱེ་འོང་ཀི།་་ནམ་ཡང་ཉམ་པ་མེད་པས་ཁོང་རྣམས་པའི་སྙིང་སྟོབས་ལ་གུས་བཀུར་དང་གདུང་སེམས་མཉམ་བསྐྱེད་ཡོད།
༼1989ལོའི་གནམ་བདེ་སྒོ་མོ་ཆེའི་ཐང་ཆེན་དུ་སློབ་ཕྲུག་མང་པོ་དམར་གསོད་བཏང་བ་དང་བསྡུར་ན་འདི་ཆུང་ཆུང་རེད།
བོད་ལ་ཡང་ད་དུང་འདི་འདྲ་དང་འདི་ལས་སྡུག་པ་ཡོང་སྲིད་དམ།༽འདི་ལ་གཟིགས་དང་།
སྐུ་ཞབས་ལྷ་མོ་སྐྱབས་ཀྱིས་ཅི་བསམ་གྱིན་ཡོད་དམ། བོད་ལ་འདི་ལས་སྡུག་པ་ཐེངས་མངས་བྱུང་ཟིན་པ་བསྙེལ་བ་མིན་ནམ་ལགས།
1989ལོའི་གནམ་བདེ་སྒོ་མོ་ཆེའི་ཐང་ཆེན་དུ་སློབ་ཕྲུག་མང་པོ་དམར་གསོད་བཏང་བ་དང་བསྡུར་ན་འདི་ཆུང་ཆུང་རེད།
བོད་ལ་ཡང་ད་དུང་འདི་འདྲ་དང་འདི་ལས་སྡུག་པ་ཡོང་སྲིད་དམ།
ཁོ་ཚོས་དྲག་གནོན་པར་ཡག་པོ་ལེན་ཐུབ་ལ། ང་ཚོས་ལེན་མ་ཐུབ་པའི་རྒྱུ་མཚན་གང་ཡིན་ནམ།
ཨ་ཁཁ བོད་དོན་ལས་འགུལ་ཤུགས་ཆེ་རེ་སྤེལ་ནས་རེ་བ་ཨོ་ཙམ་འདུག་བསམ་དུས་བར་ཆད་ཞིག་ཡོད་ཡོད་པ་རེད།
སྙིང་རྗེ་འདི་ན་ཡང་དམྱལ་བ་དངོས་སུ་མྱོང་གི་འདུག ཅི་ཞིག་ལ་སྲིད་གཞུང་ཟེར་བ་རེད། ཅིའི་ཕྱིར་སྲིད་གཞུང་ཞིག་མཁོ་བ་རེད། སྲིད་གཞུང་ཟེར་བ་དེའི་རྩ་དོན་ཅི་ཞིག་ཡིན། ངོ་མ་དམངས་ཉམ་ཆུང་ཚོར་འདི་འདྲ་ཞིག་འོས་པ་ཨེ་རེད།