རྒྱ་ནག་གཞུང་གིས་ལྷ་སའི་བར་སྐོར་གྱི་བླ་བྲང་རྙིང་པའི་ནང་ཡོད་པའི་སྐལ་ནོར་སྒྱུ་རྩལ་འགྲེམས་སྟོན་ཁང་བཙན་གྱིས་སྒོ་རྒྱག་ཏུ་བཅུག་ཡོད་འདུག
བོད་ནས་འབྲེལ་ཡོད་མི་སྣ་ཞིག་གིས་གསར་ལམ་དུ་གནས་ཚུལ་མཁོ་སྤྲོད་བྱས་པ་ལྟར་ན། ཉེ་ཆར་རྒྱ་ནག་གཞུང་གིས་ལྷ་སའི་བར་སྐོར་གྱི་བླ་བྲང་རྙིང་པའི་ནང་ཡོད་པའི་སྐལ་ནོར་གྱི་སྒྱུ་རྩལ་འགྲེམས་སྟོན་ཁང་བཙན་གྱིས་སྒོ་རྒྱག་ཏུ་བཅུག་ཡོད་འདུག གཞོན་སྐྱེས་སྒྱུ་རྩལ་རྩལ་པ་སྐལ་ནོར་ལགས་ཀྱིས་ཟླ་སྔོན་མའི་ཕྱི་ཚེས་ ༡༦ ཉིན་དབུ་འབྱེད་ཀྱིས་ཉིན་ ༡༥ རིང་སྦྱང་ཤིང་ཐོག་བྲིས་པའི་བོད་ཀྱི་སྲོལ་རྒྱུན་ཡིག་གཟུགས་འདྲ་མིན་དང་ས་གནས་ཀྱི་རི་མོ། བོད་ཀྱི་ཐུན་མོང་མ་ཡིན་པའི་ནང་ཆོས་ཀྱི་རི་མོ། དེང་དུས་ཀྱི་རི་མོ་བཅས་བོད་ཀྱི་སྲོལ་རྒྱུན་དང་འབྲེའི་བའི་རིག་གཞུང་སྣ་མང་ཞིག་འགྲེམས་སྟོན་བྱ་འཆར་ཡོད་ཀྱང་། འགྲེམས་སྟོན་གྱི་ཉིན་དང་པོར་ཉེན་རྟོག་པ་དང་རྒྱ་གཞུང་གི་འབྲེལ་ཡོད་ལས་བྱེད་ཁག་ཡོང་སྟེ་ལྟ་རྟོག་འདྲི་གཅོད་བྱས་ཡོད་པར་མ་ཟད། ཉིན་གཉིས་པར་རྒྱ་ནག་འབྲེལ་ཡོད་ཚན་པས་སྒྱུ་རྩལ་འགྲེམས་སྟོན་དེར་བོད་མི་མང་པོ་འདུ་འཛོམས་བྱེད་ཀྱི་ཡོད་ཚུལ་བརྗོད་དེ་བཙན་ཤུགས་ཀྱིས་འགྲེམས་སྟོན་ཁང་སྒོ་བརྒྱབས་ཡོད་འདུག
