རྒྱ་གར་ནང་གི་བོད་པའི་གནས་སྟངས་གསལ་བོ་བཟོས་ཟིན་ཟེར།

ད་ལྟ་ཡི་དཀའ་ཁྲི་མཆོག་སློབ་དཔོན་ཟབ་གདོང་རིན་པོ་ཆེ་ནང་བཞིན་ལས་ཀ་ཆེ་ཕྲ་ཀུན་གྱི་ཐོག་དོ་སྣང་མེད་ཚུལ་འདུག

བཀའ་ཁྲི་མཆོག་གིས། ཁ་སང་ཧྥ་རན་སིར་མི་དམངས་ལ་གསུང་བཤད་གནང་སྐབས་ཁོང་གིས་སྐུ་ངལ་མང་པོ་བསྐྱོན་གྱིན་ཡོད་ཚུལ་དང་འབྲེལ་སྐུ་སྲུང་བ་དང་བཞུགས་ཤག་སོགས་མང་པོ་ཞིག་ནས་ཆ་རྐྱེན་མི་ཚང་ཚུལ་གྱི་གནས་བབ་ཅིག་ཀྱང་གསུང་སྟངས་མཁས་པོ་ཞིག་གི་ཐོག་ནས་གསུངས་སོང། དེ་བདེན་པ་རེད། དེ་བས་སྐུ་སྲུང་བ་ཞིག་དང་གསོལ་ཐབ་པ་ཞིག་ངེས་པར་གྲ་སྒྲིག་བྱེད་ཐུབ་པ་ཞིག་ཡིན་པས་བྱས་ན་བཟང་གི་སྙམ། ངས་བཟང་གི་ཟེར་དོན་ཁོང་གི་ཕྱག་ལས་ཐད་ལ་ཕན་ཐོགས་ཡོད་རྒྱུ་རེད་བསམས་པ་ཡིན།

བསམ་འཆར་གཞན་ཞིག་ཞུ་འདོད་པ་ནི། ཁ་སང་གི་དུས་ཚོད་བཀོད་སྒྲིག་དེ་ཡག་པོ་བྱུང་མ་སོང། མི་དམངས་མང་ཆེ་བས་ཆུ་ཚོད་བཅུ་གཅིག་ནས་བསྒུགས་ཀྱང་ཆུ་ཚོད་དང་པོ་ཟིན་ལ་ཡོད་གྲབས་ཤིག་ལ་མ་གཏོགས་ཕེབས་མ་སོང། དེ་ནས་ཆུ་ཚོད་གཅིག་ཙམ་རིང་ལ་གསུང་བཤད་གནང་མ་ཐག་མི་མང་ངོས་ནས་དྲི་བ་གཅིག་ཙམ་ཡང་འདོན་པའི་གོ་སྐབས་བྱུང་མ་སོང། ངས་བལྟས་ནས་བཀའ་ཁྲི་མཆོག་གིས་མར་ལ་གསུང་དགོས་པ་གལ་ཆེ་བར་མ་ཟད་མི་དམངས་ཀྱིས་ཡར་ལ་ཞུ་རྒྱུ་དེ་ཡང་གལ་ཆེ་བར་གཟིགས་དགོས། གལ་ཏེ་ས་ཁུལ་གཞན་དག་ལ་དུས་ཚོད་འདང་ངེས་བྱུང་ཡོད་ན་སྐྱོན་མི་ཆེ། དེ་བཞིན་ཧྥ་རན་སིའི་བོད་དོན་རྒྱབ་སྐྱོར་ཚོགས་པ་ཁག་ནས་ཀྱང་བཀའ་ཁྲིར་མཇལ་འཕྲད་ཀྱི་དུས་ཚོད་ཧ་ཅང་ཐུང་སོང་བའི་དགོངས་ཚུལ་བྱུང་འདུག དེ་བཞིན་གསུང་བཤད་ཚང་མ་དབྱིན་སྐད་ཐོག་ལ་གནང་བར་ཡང་དགའ་བོ་བྱུང་མི་འདུག རྒྱལ་ཁབ་ཅིག་གི་དབུ་ཁྲིད་ངོས་ནས་རྒྱལ་ཁབ་གཞན་དང་འབྲེལ་བ་གནང་དུས་རང་གི་སྐད་ཡིག་བེད་སྤྱོད་གནང་རྒྱུ་ཧ་ཅང་གལ་ཆེན་པོར་གཟིགས་ཀྱིན་ཡོད། དེའི་སྐོར་ཁོང་ལ་བཀའ་འདྲི་གནང་དུས་དེ་ནི་སྐད་སྒྱུར་བ་མེད་པའི་དཀའ་ངལ་ཡིན་ཚུལ་གསུངས་འདུག དེ་བས་དེ་ནི་བདེན་པ་མ་རེད། འདིར་སྐད་སྒྱུར་གནང་མཁན་ཡོད་ཡོད་པ་རེད། ད་དུང་བོད་དོན་རྒྱབ་སྐྱོར་བ་ལ་ལས་ཁོང་ཚོས་ངོས་ནས་དམིགས་བསལ་རྒྱབ་སྐྱོར་ག་འདྲ་གནང་དགོས་སྐོར་བཀའ་འདྲི་ཞུས་པར་ཡང། སོ་སོའི་ངོས་ནས་གང་ཐུབ་གནང་རོགས་ཟེར་བ་ཙམ་ལས་དམིགས་བསལ་ལམ་སྟོན་གནང་མ་སོང་ཟེར་ནས་འདོད་པ་ཁེངས་མི་འདུག
དེ་བས་འདི་དག་ཉམས་མྱོང་དུ་བླངས་ན་རྗེས་མ་ནས་སྐོར་སྐྱོད་གནང་དུས་ཐུགས་ཕན་རེ་སོས་ན་ཐང་སྙམ་པའོ།

འོག་གི་མཆན་ནང་༡༩༦༤༢ལོ་དེ་གཏགས་ནོར་ཤོར་འདུག་༡༦༤༢ལོ་རེད།

བསམ་བློ་གཏོང་དགོས་ས་ཞིག
༸གོང་ས་མཆོག་གིས་སྲིད་སྐྱོང་སྟག་བྲག་ནས་ཁོང་ལ་གནང་བའི་བོད་ཀྱི་ཆབ་སྲིད་སྐུ་དབང་དེ་༡༩༦༤༢ལོ་ནས་བཟུང་བའི་བོད་ཀྱི་ཆབ་སྲིད་བདག་དབང་ཙམ་ལ་གོ་ན་འགྲིག་གམ།
གལ་ཏེ་གསུངས་སྟངས་འདིས་ཕྱོགས་གཞན་ཞིག་ནས་ད་ལྟའི་བཀའ་ཁྲི་ནས་བཟུང་འབྱུང་འགྱུར་བཀའ་ཁྲི་རྣམ་པའི་སྐུ་དབང་དེ་ཡང་དེ་སྔའི་༸གོང་ས་མཆོག་གི་སྐུ་དབང་དང་གཅིག་མཚུངས་ཀྱི་ཐོབ་དབང་ཡོད་པར་གོ་དགོས་ཚུལ་ཞིག་སྟོན་གྱིན་མེད་དམ། དེ་ལྟར་གོ་འོས་སམ། གལ་ཏེ་འོས་ན་ད་ལྟའི་བཅའ་ཁྲིམས་ཀྱིས་གཏན་འབེབས་གནང་བའི་བཀའ་ཁྲི་གཉིས་ལ་འགལ་བ་ཤོར་བ་མ་ཡིན་ནམ།
ངོ་མ་གོ་རྒྱུ་ཅན་དང་བསམ་རྒྱུ་ཅན་གྱི་སྐད་ཆ་གནད་འགག་ཅན་རེ་འདུག་ཨང།

ཁ་སང་གོང་གི་གསར་འགྱུར་དེའི་མཇུག་ཏུ། ” ས་གནས་གསར་འགོད་པ། དོན་འགྲུབ་བཀྲ་ཤིས ” ཞེས་འགོད་ནོར་ཐེབས་འདུག་པས་ན། ཀློག་པ་པོ་ཡོངས་ལ་དགོངས་སེལ་དང་བསྒྲགས་འདིར་བསྐྱར་བཅོས་བྱས་ཡོད།

བོད་ཀྱི་སྲིད་སྐྱོང་བ་མཁས་དབང་བློ་བཟང་སེངྒེ་མཆོག་གིས་ད་ཐེངས་ཀྱི་གཟིགས་སྐོར་འདི་ལམ་ལྷོང་ཡོང་བའི་སྨོན་འདུན་ཞུ།

ཁག་མེད། བཀའ་ཁྲིས་སྲིད་སྐྱོང་ཟེར་བའི་༧གོང་ས་མཆོག་གི་ཚིག་འདི་སྐྱོར་ནས་མི་རྣམས་ཀྱི་རྣ་བ་རྒྱགས་ནས་ཡོད་ནའང་། ཁོང་གིས་ད་དུང་མཚམས་མི་འཇོག་པ་དེ་རེད། དོན་དམ་སྤྱི་ལྷན་གྱིས་༧གོང་ས་མཆོག་གི་བླ་ན་མེད་པའི་མཛད་འཕྲིན་དང་། བཀའ་ཁྲི་ལྟ་བུའི་༧གོང་ས་མཆོག་ཡོངས་སུ་དགོངས་པ་ཞུ་དགོས་བསམས་མཁན་གྱི་གཟུགས་ཅན་གཟུགས་མེད་ཡོངས་ལ་སྤྱན་གྱིས་གཟིགས་ནས། སྲིད་སྐྱོང་པ་ཞེས་པའི་མཚན་འདི་ཁོང་ལ་གནང་མེད། དེ་ནི་དུས་བསྟུན་ཤེས་རབ་ཅན་གྱི་ཐག་གཅོད་ཅིག་རེད། དངོས་གནས་བྱས་ན། འཇུ་ཆེན་དང་པད་མ་ཆོས་འབྱོར་གྱི་ཁ་ར་ཁོར་ཡུག་ནས་གསོན་ཤུགས་རྒྱས་པའི་བཀའ་ཁྲི་འདི་བ་ཚང་ལའང་། ཕྱོགས་སྒྲིལ་དཔུང་ངོམས་ཁེ་ཕན་རྩོད་ལེན་བྱེད་པའི་རིག་པ་ཐབས་ཆག་ཅིག་ལྷན་གཤིས་སུ་ཡོད་པས། ཁོང་གིས་སྲིད་སྐྱོང་པ་ཟེར་བའི་ཚིག་འདི་ཁྲི་སྟོང་དུ་བསྐྱོར་རྒྱུ་ནི་གནའ་ནས་བར་མ་ཆད་པར་ཡོང་བའི་ལས་ཀྱི་བགྱི་སྟངས་ཤིག་རེད་འདུག་པས། དེ་བསྐྱོར་དོན་སྲིད་དབང་ཁྲིམས་མཐུན་གྱིས་ཁྱབ་བསྒྱུར་གནང་བའི་སྒྲུབ་བྱེད་ཁོ་ན་མིན་པའང་གླེན་པ་ལུག་འདྲ་བ་དག་གིས་ཤེས་རྒྱུ་གལ་ཆེན་རེད།
དེ་ནས་༼ མ་འོངས་པར་རྒྱ་གར་ནང་གི་བོད་པའི་གནས་སྟངས་ལ་འགྱུར་བ་གང་ཡང་འགྲོ་གི་མ་རེད། དེ་གསལ་བོ་བཟོས་ཟིན་པ་ཡིན།༽སྐད་ཆ་འདི་འདྲ་ཞིག་གསུངས་འདུག འདི་ལ་བཀུར་འོས་སྤྱི་འཐུས་ཚོས་དོ་སྣང་གནང་དགོས་པ་འདྲ། ཆུང་ས་ནས་བཤད་ན། རྒྱ་གར་གཞུང་གིས་བོད་པར་ལྟ་སྟངས་ལ་འགྱུར་བ་ཐེབས་ནས། ༢༠༠༣ མན་གྱི་གསར་འབྱོར་བ་ཚོ་གཏན་སྡོད་ལག་ཁྱེར་་RSཐོག་དཀའ་ངལ་མང་དག་ཅིག་འཕྲད་ཀྱི་ཡོད། འདི་ནི་ཆབ་སྲིད་དང་དཔལ་འབྱོར་གཉིས་ཀའི་གཟིགས་གསོལ་ཞེ་དྲག་གནང་རྒྱུར་མི་དགའ་བའི་རྒྱ་གར་ས་ཐོག་གི་རྒྱ་གར་གཞུང་གི་འགྱུར་བ་གསར་བ་ཞིག་རེད། གནས་སྐོར་འཁོད་པའི་RSརྣམས་དུས་ཡུན་བསྲིངས་རྒྱུ་བྱས་པ་དེའང་བཀའ་ཤག་སྔོན་མའི་ཕྱི་ཟླ་༦ ནང་ཞུས་པའི་རེ་འདོད་ཅིག་ཡིན་ས་རེད། དུས་དབང་ལ་དམིགས་བཙུགས་ནས་ནན་ཞུ་ཞུས་འབྲས་ད་ལྟ་གཞི་ནས་ཕྱི་ཟླ ༤ བར་འགྱངས་རྒྱུ་ཁས་ལན་གནང་འདུག
གཞན་རྒྱ་གར་གྱི་གནད་ཡོད་དང་ཧིན་བོད་མཛའ་ཚོགས་ཀྱི་འཐུས་མི་མང་པོས་བཀའ་ཁྲི་གསར་བས་རྒྱ་གར་གྱི་རྣམ་འགྱུར་རྒྱུན་འཁྱོངས་བྱེད་པའི་གནང་སྟངས་ཤིག་མཐོང་མེད་པ་ཧི་མ་ཅལ་དུ་ཚོགས་པའི་ཚོགས་འདུའི་སྟེང་ཡང་གསལ་བོ་བཟོས་འདུག་པ་སོགས་ནི་མངོན་སུམ་མིག་ལ་བྱུང་བཞིན་པའི་དོན་དག་རེད། བཀའ་ཁྲིས་དེ་རྣམས་བསྐྱུར་ནས་ས་ཐག་རིང་ཕ་རན་སིའི་བོད་མི་ཚོར་རྒྱ་གར་གྱི་གནས་སྟངས་ཐད་ཁ་ཞིམ་པོ་བཤད་པ་འདི་ཁོང་བཀའ་ཁྲི་ལངས་པའི་བརྒྱུད་རིམ་ནས་དེ་རིང་བར་གྱི་གཤིས་ཀ་དང་གཅིག་མཚུངས་རེད་འདུག་པས། རེ་བ་རྒྱག་མཁན་དང་ཡིད་ཆེས་བྱེད་མཁན་ཡོད་ཚོད་མ་རེད་བསམས་སོང་། གང་ལྟར་རྒྱ་ཆེའི་མི་མང་གིས་སྐད་ཆ་འདི་ཚོ་རྩིས་རྒྱག་རྒྱུར་ཕྱི་ཟླ ༣ པའི་གྲོས་ཚོགས་ལ་རེ་སྒུག་བྱས་ནས་གང་ཆགས་ལྟོས་ན་བོད་དོན་ལ་འགན་ཁུར་སྟངས་ཤིག་རེད། བཙན་བྱོལ་སྒྲིག་འཛུགས་ཀྱི་ལས་ཀྱི་སྣེ་མོ་བས་བྱེད་ཕྱོགས་ལ་བྱ་ར་བྱས་པའང་ཡིན།

ང་རང་ཉིད་ས་ཆ་དེ་ན་ཡོད། བཀའ་བློན་ཁྲི་བ་མཆོག་ས་ཆ་དེར་སླེབས་སྐབས་བོད་མི་ཁ་ཤས་ལས་མི་འདུག་ལབ་ན་དེ་ནི་བོད་མི་རིགས་ཀྱི་ངོ་ཚ་ཞིག་རེད་བསམ་ནས་རང་གི་བུ་མོ་ཁྲིད་ནས་སོང་བ་ཡིན། ང་ཚོར་བོད་མི་ཆིག་སྟོང་ཙམ་ཡོད་པའི་ནང་ནས་ལྔ་བརྒྱ་ཙམ་འབྱོར་འདུག་པས་དགའ་སོང་། དེ་ནི་བློ་བཟང་སེང་གེ་ལ་བརྩི་བཀུར་བྱས་བ་མ་ཡིན་པར་རང་གི་རྒྱལ་ཁབ་དང་དེའི་འགོ་ཁྲིད་ལ་ཡིད་ཆེས་ཡོད་པའི་རྣམ་པ་ཞིག་རེད་འདོད་ཀྱིན་ཡོད།
བཀའ་ཁྲིས་སྐད་ཆ་བཤད་པ་དེ་བསམ་བློའི་རིམ་པ་རབ་འབྲིང་མཐའ་གསུམ་གྱི་དབང་དུ་བྱས་ནས་རིམ་པ་མཐའ་མ་བར་བལྟས་ནས་གསུངས་སོང་།
ཡིན་ན་ཡང་ཁོང་གིས་ཚིག་གཅིག་ལ་ངས་དོ་སྣང་བྱས་བ་ཡིན། ཁོས་བོད་ནང་ནས་མི་མང་བོས་རང་ལུས་མེ་རུ་སྦར་སོང་། ད་ལྟ་ཝང་མས་གྲངས་ཀ་རྒྱག་གིན་འདུག འདི་ནི་གྲངས་ཀའི་གནད་དོན་ཞིག་མ་རེད། མི་ཞིག་གི་ཚེ་སྲོག་ཡིན་པའི་སྟེང་ནས་བསམ་བློ་ཐོངས། ཨ་མ་ཞིག་གི་བུ་ཕྲུག་ཡིན་པའི་སྟེང་ནས་བསམ་བློ་ཐོངས། འདི་གྲངས་ཀ་ཞིག་གི་གནད་དོན་མ་རེད་ཟེར། དེ་ནི་ང་ལ་མཚོན་ན་ངོ་མ་རེད་འདོད་སོང་། དེ་ལ་བསམ་བློ་གཏོང་རྒྱུ་འདུག

ས་གནས་གསར་འགོད་པས་གསན་ཚུལ་གང་རྒྱས་བཏང་གནང་བྱུང་བར་ཐུགས་རྗེ་ཆེ།
ཨ་རིའི་བརྙན་འཕྲིན་ཁང་གིས་བཀའ་ཁྲིའི་གཟིགས་བསྐོར་སྐོར་གྱི་གསར་འགྱུར་རིགས་འཚོལ་སྒྲུབ་ཀྱིས་བདུན་རེ་གསར་འགྱུར་སྐབས་སྟོན་ཐབས་ལ་འབད་གལ་ཆེ།
བཀའ་ཁྲི་མཆོག་གིས་ལས་དོན་གང་སྒྲུབ་ལམ་འགྲོ་ཡོང་བའི་སྨོན་འདུན་གྲངས་མེད་ཞུ།

རྒྱ་གར་ནང་གི་བོད་པའི་གནས་སྟངས་ད་ཆ་གསལ་པོ་བཟོས་ཟིན་པ་དེ་བདེན་ན། གསལ་ལ་མ་གསལ་དེ་སུས་བཞག་པ་ཡིན་ནམ?????