དེ་རིང་སྔ་དྲོར་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་ལུགས་ཟུང་བསམ་འགྲུབ་གླིང་གཞིས་གྲོང་དང་པོའི་བྱང་ཆུབ་མཆོད་བརྟེན་མདུན་ཐང་དུ། གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་གོ་
སྒྲིག་འོག བོད་ནང་བསྟན་སྲིད་མི་རིགས་ཀྱི་བདེ་རྩའི་ཆེད་རང་ལུས་མཆོད་འབུལ་བྱས་པའི་རྒྱལ་གཅེས་དཔའ་བོ་དཔའ་མོ་འདས་གསོན་དག་གི་ཆེད་དུ་བསྔོ་སྨོན་གསུངས་པའི་ལས་འགུལ་ཞིག་སྤེལ་ཡོད་འདུག
ལས་འགུལ་དེའི་ཐོག་བཀའ་ཟུར་ཚེ་རིང་ཕུན་ཚོགས་མཆོག་དང་བོད་མི་མང་སྤྱི་འཐུས་བློ་བཟང་སྙན་གྲགས་ལགས་མཆོག སྤྱི་འཐུས་འཇིགས་མེད་འབྱུང་གནས་མཆོག སེ་ར་བྱེས་སྨད་གཉིས་ཀྱི་མཁན་པོ་དང་སེར་བྱེས་དགེ་བསྐོས། གཞན་ཡང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། དེ་མིན་གདན་ས་ཁག་གི་དགེ་འདུན་པ་དང་མི་མང་འདུ་འཛོམས་ཀྱིས་སྐུ་ལུས་མཆོད་འབུལ་བྱས་ཟིན་པ་དག་ལ་གདུང་སེམས་མཉམ་སྐྱེད་དང་མྱ་ངན་གུས་འདུད་ཞུས་ཡོད་འདུག
སྐབས་དེར་མོན་གྷོ་ས་གནས་དྲུང་ཆེ་བློ་བཟང་ཕུན་ཚོགས་ལགས་ནས་མི་མང་ལ་འབུད་རྡུང་དཀྲོལ་གསུམ་གྱི་ལས་འགུལ་གྱི་དགོས་པ་རྒྱུ་མཚན་ངོ་སྤྲོད་དང་། གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་ཚོགས་གཙོ་སྐུ་ཞབས་ཚེ་དབང་ལགས་ཀྱིས་རྒྱ་ནག་སྲིད་འཛིན་ཧུའུ་ཅིན་ཐའོ་གཙོས་རྒྱ་དམར་དཔོན་རིགས་ཚོར་རྒྱ་བོད་དབྱིན་གསུམ་ཐོག་༼ རྒྱ་ནག་དམར་པོའི་གཞུང་ལ་ཞི་རྒོལ་གྱི་ལས་འགུལ་ཉིན་རེ་ལས་ཉིན་རེ་ཇེ་ཆེར་འགྲོ་བཞིན་པའི་གནད་དོན་གང་ལ་ཐུག་ཡོད་དམ།༽ ཞེས་པའི་ཡི་གེ་ཞིག་འབུལ་རྒྱུའི་གསར་འགོད་གསལ་བསྒྲགས་སྤེལ་ཡོད་པ་མ་ཟད། བོད་མི་མང་སྤྱི་འཐུས་བློ་བཟང་སྙན་གྲགས་ལགས་དང་། སྤྱི་འཐུས་འཇིགས་མེད་འབྱུང་གནས་མཆོག་རྣམ་གཉིས་ཀྱིས་ལས་བོད་ནང་གི་གནས་སྟངས་དང་འབྲེལ་བའི་གཏམ་བཤད་གནང་ཡོད་འདུག
འདི་ནི་སྐབས་གསུམ་པའི་གངས་ལྗངས་རང་བདེན་རྩོད་ལེན་མཐུན་ཚོགས་ཀྱི་རྒྱུན་ལས་གསར་པས་གོ་སྒྲིག་སྣེ་འཁྲིད་འོག བོད་པའི་རྩ་དོན་ཐོག་ལས་འགུལ་སྤེལ་ཐེངས་དང་པོ་དེ་ཆགས་ཡོད།
གནས་ཚུལ་གཏོང་མཁན། སྦེལ་ཀོབ་བློ་དར།
རྗེས་སུ་ཡེད་རང་ཡོད།
སོ་སོར་སྒེར་གྱི་ཁེ་ཕན་དང་མ་འབྲེལ་དབར་བོད་མི་ས་ཡ་དྲུག་གི་བདེ་དོན་ལ་དམིགས་ནས་ལས་འགུལ་སྤེལ་མཁན་ཡོངས་ལ་དམིགས་བསལ་གྱི་རྗེས་སུ་ཡི་རང་ཞུ་རྒྱུ།
རྗེས་སུ་ཡིད་རང་ཞུ་རྒྱུ་རང་རེད།
རྗེས་སུ་ཡི་རང་ཡོད། ལས་འགུལ་གྱི་སྐུ་མགྲོན་མང་ཆེ་བ་ཡང་། གནད་ཡོད་མི་སྣ་ཤ སྟག་གདན་འདྲེན་ཞུས་ཡོད་པ་འདྲ། གཞུང་འབྲེལ་མིན་པའི་ཚཽགས་པ་རྟག་ཏུ་རྒྱས་པར་ཤོག
རྗེས་སུ་ཡི་རང་ཞུ། མྱ་ངན་དང་གསོལ་སྨོན་ཐམས་ཅད་བོད་བསྟན་པ་ཆབ་སྲིད་ཀྱི་བདེན་མཐའ་མྱུར་དུ་གསལ་བའི་རྒྱུར་གྱུར་ཅིག