ཨ་རིའི་ཕྱི་འབྲེལ་དྲུང་ཆེ་ཧེ་ལཱ་རེ་ཉིན་གཉིས་རིང་འབར་མའི་ནང་ཕྱི་འབྲེལ་གཟིགས་སྐོར་དུ་ཕེབས་ཏེ། འབར་མའི་དམངས་གཙོ་བཅོས་བསྒྱུར་དང་ཕྱི་འབྲེལ་བཅས་ཀྱི་སྐོར་ལ་གྲོས་བསྡུར་བྱས་འདུག
ཟླ་ ༡༡ པའི་ཚེས་ ༣༠ དང་ཟླ་འདིའི་ཚེས་ ༡ བཅས་ཉིན་གཉིས་རིང་ཨ་རིའི་ཕྱི་འབྲེལ་དྲུང་ཆེ་ཧེ་ལཱ་རེ་ཁི་ལེན་ཊོན་འབར་མར་ཕྱི་འབྲེལ་གཟིགས་སྐོར་དུ་ཕེབས་ཏེ། འབར་མའི་ཕྱི་སྲིད་བློན་ཆེན་དང་སྲིད་འཛིན་ཐེན་སེན་བཅས་ལ་ཐུག་འཕྲད་ཀྱིས་འབར་མའི་དམངས་གཙོ་བཅོས་བསྒྱུར་སྐོར་ལ་གྲོས་བསྡུར་བྱས་ཡོད་འདུག་ལ། དེ་ནི། ཉེ་ཆར་ཤར་ཨེ་ཤ་ཡའི་ཚོང་ལས་ཚོགས་ཆེན་སྐབས་ཨ་རིའི་སྲིད་འཛིན་ཨོ་བྷ་མས་འབར་མའི་དམངས་གཙོ་རང་བཞིན་གྱི་བཅོས་བསྒྱུར་ལ་བསྔགས་བརྗོད་དང་འབར་མ་དང་ཨ་རིའི་བར་གྱི་ཕྱི་འབྲེལ་མགོ་འཛུགས་བྱ་རྒྱུའི་ཁྱབ་བསྒྲགས་ལག་བསྟར་བྱས་པ་ཞིག་ཆགས་ཡོད་འདུགཧེ་ལཱ་རེ་ཡིས་ཐེངས་འདི་འབར་མའི་ཕྱི་སྲིད་བློན་ཆེན་དང་སྲིད་འཛིན་སོགས་ལ་ཐུག་འཕྲད་བྱས་ཏེ། འབར་མའི་ནས་དམངས་གཙོའི་ལམ་ལུགས་ལག་བསྟར་བྱ་ཐབས་དང་། འབར་མ་དང་ཨ་རིའི་ཕྱི་འབྲེལ་འཕེལ་རྒྱས་སྐོར་ནས་གྲོས་བསྡུར་བྱས་ཏེ། དམངས་གཙོ་བཅོས་བསྒྱུར་ཡོང་པའི་རེ་བ་བྱེད་བཞིན་ཡོད་པ་དང་། ཨ་རི་དང་འབར་མའི་ཁ་གཏད་ཚོགས་པ་བཅས་ཀྱིས་འབར་མའི་གཞུང་དང་མཉམ་དུ་ངང་རྒྱུན་རིང་པོ་དང་མཐུན་འགྱུར་བྱ་དགོས་སྐོར་བརྗོད་ཡོད་འདུག
ཐེངས་འདིའི་ཨ་རིའི་ཕྱི་འབྲེལ་དྲུང་ཆེ་འབར་མའི་ནང་ཕྱི་འབྲེལ་གཟིགས་སྐོར་དུ་ཕེབས་པ་འདི་ནི། ཕྱི་ལོ་ ༡༩༥༥ རྗེས་ཀྱི་ཨ་རིའི་གཞུང་འབྲེལ་མཐོ་རིམ་མི་སྣ་འབར་མའི་ནང་གཞུང་འབྲེལ་ཐོག་ཕེབས་པ་ཐེངས་དང་པོ་ཆགས་ཡོད་འདུག
གསར་འགོད་པ། བནྡེ་སྐྱབས།
ཨན་སང་སོའུ་སྐྱེས་ལ་ཐུག་འཕྲད་བྱས་པ་དེ་དམིགས་གསལ་གྱི་གལ་ཆེན་པོ་རེད། གསར་འགྱུར་འདིའི་ནང་ལ་དེའི་ཟུར་ཙམ་ཡང་བཀོད་མི་འདུག
འབར་མ་ཡར་རྒྱས་ཆེན་པོ་འགྲོ་བཞིན་པ་ནི་དགའ་འོས་པ་ཞིག་རེད། ད་ནི་རྒྱ་ནག་ཡང་འབར་མའི་རྗེས་སུ་འགྲོ་དགོས།