ཁ་སང་རྔ་པ་ཁུལ་འཛམ་ཐང་བར་མ་ཞང་དུ་རྒྱ་དམག་གིས་དམར་གསོད་བཏང་ཟིན་པ་ཁོང་གི་མིང་ལ་ཨོ་རྒྱན་ཟེར་ཞིང་རང་ལོ་ ༢༠ ཡིན་འདུག
ཟླ་འདིའི་ཕྱི་ཚེས་ ༢༦ ཉིན་རྔ་པ་རང་སྐྱོང་ཁུལ་འཛམ་ཐང་རྫོང་ནས་རྒྱ་གཞུང་གིས་མེ་མདས་དམར་གསོད་བྱས་པའི་བོད་མི་དེ་ནི། འཛམ་ཐང་རྫོང་བར་མ་ཞང་ཤོས་མདའ་སྡེ་བའི་སྤོས་ཐར་ཚང་གི་ཕ་སྤོས་ཐར་གྱི་བུ་རང་ལོ་ ༢༠ ཡིན་པ་ཨོ་རྒྱན་ཞུ་བ་ཁོང་ཡིན་འདུག་ལ། ཉིན་དེར་ཡི་གེ་སྦྱར་འགྲེམས་ཀྱིས་འཛིན་བཟུང་བྱས་ཟིན་པའི་རི་སྤུངས་ནོར་མོའི་བུ་ཐར་པ་དང་ཨོ་རྒྱན་གཉིས་རྒྱ་ནག་གི་སློབ་གྲྭ་ཞིག་ཏུ་མཉམ་དུ་སློབ་གཉེར་བྱེད་བཞིན་ཡོད་ཀྱང་། སློབ་གྲྭ་དེའི་མིང་དང་ས་གནས་ཤེས་རྟོགས་མ་བྱུང་།
ཤོས་མདའ་སྡེ་བ་ནི་བར་མ་ཤང་ནས་སྤྱི་ལེ་གསུམ་ཙམ་གྱི་སར་ཡོད་པའི་ས་མ་འབྲོག་གི་སྡེ་བ་ཞིག་ཡིན་ཞིང་། དེ་རིང་སྟེ་ཕྱི་ཚེས་ ༢༧ ཉིན་བར་མ་ཞང་དང་ཉེ་འཁོར་གྱི་སྡེ་བ་ཚང་མར་ཉེན་རྟོག་པ་དང་དམག་མི་འབོར་ཆེན་ཆེད་གཏོང་གིས་བོད་མི་རྣམས་སྒོའི་ཕྱིར་འཐོན་དབང་ཙམ་ཡང་མེད་པར་དམ་དྲག་བྱེད་བཞིན་སྟབས། རྒྱ་དམག་གིས་དམར་གསོད་བཏང་བའི་ཨོ་རྒྱན་གྱི་ཕུང་པོ་ནང་མི་ལ་རག་ཡོད་མེད་ཤེས་རྟོགས་མ་ཐུབ། དེ་མིན། བར་མ་ཞང་ནས་སྤྱི་ལེ་གསུམ་ཙམ་གྱི་སར་ཡོད་པའི་ལྷ་དབང་དགོན་པའི་གྲྭ་པ་ ༤ འཛིན་བཟུང་བྱས་ཡོད་ཀྱང་མིང་སོགས་ཤེས་རྟོགས་མ་ཐུབ།
གནས་ཚུལ་མཁོ་གཏོང་བ། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
ཁ་བ་གངས་ཅན་ཆེད་དུ་རང་སྲོག་ཤོར་བའི་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་ཡོད། དེ་ཚོའི་ཆེད་དུ་བསྔོ་བ་སྨོན་ལམ་གང་མང་ཡོད། རབ་ན་འཁོར་བ་ཐར་བ་དང་། དེ་མིན་བདེ་འགྲོ་མཐོ་རིས་ལ་སྐྱེ་བར་ཤོག དུས་གསུམ་བསགས་པས་དགེ་བ་དང་། གདོད་ནས་ཡོད་པའི་དགེ་བ་འདིས། འགྲོ་རྣམས་བདེ་ཆེན་ས་ལ་འགོད་པར་ཤོག།
ཁ་སང་དེ་རིང་བོད་ནང་དུ་ག་ཤོད་ཅིག་གསོད་འགུ་གུག་ཤོད་གཉིས་གསོད་འགུ་ཟེར་ནས་རྫ་མཁན་དང་སྤེལ་མཁན་མང་པོ་འགུ་ཡིན་ན་ཡང་དཔང་རྟགས་པར་ཙམ་ཡང་མེད་པ་ཆི་རེད
བོད་ནང་དུ་ཞི་བའི་སྐད་འབོད་བྱས་པའི་སྐབས་སུ་རྒྱ་གཞུང་གིས་དྲག་གནོན་བྱས་པའི་བོད་མི་རྣམས་ཀྱི་དཔར་དང་། མིང་། ས་གནས། དུས་ཚོད། ལོ་གྲངས། ཕོ་མོ་སོགས་ཁ་གསལ་རག་ཐུབ་པ་བྱ་རྒྱུ་དེ་ཧ་ཅང་གི་གལ་ཆེན་པོ་ཞིག་རེད།
ང་ཚོའི་རྒྱལ་གཅེས་ཀྱི་དཔའ་བོ་དང་དཔའ་མོ་ཚོས་བློས་གཏོང་རབ་དང་རིམ་པ་གནང་ཡོད་ཀྱང་མང་དག་ཞིག་ལ་དོན་དངོས་ཀྱི་དཔར་རིས་དང་ཡིད་རྟོན་འཕེར་བའི་གསར་འགྱུར་ལྟ་བུ་ཞིག་བྱུང་ཐུབ་ཀྱིན་མེད།
འདས་པོ་ཨོ་རྒྱན་ཁོང་། ༸ཨོ་རྒྱན་རོན་པོ་ཆེ་༸ཞབས་དྲུང་དུ་སྐྱེ་བར་ཤོག །དགེའོ། །
ཀཱི་ཀཱི་བསྭོ་བསྭོ་ལྷ་རྒྱལ་ལོ། །
སངས་རྒྱས་བསྟན་པའི་དགྲ་བོ་རྣམས། །
རྡུལ་ཕྲན་ཙམ་ཡང་མ་ལུས་པ། །
སྐད་ཉིད་དུ་རྡུལ་དུ་རློགས། །
ཀཱི་ཀཱི་བསྭོ་བསྭོ་ལྷ་རྒྱལ་ལོ། །
གཞིས་ལུས་སྤུན་ཟླ་ཡོངས་རྒྱལ་ལོ། །
བཟློག་གཅིག་བཟློག་གཅིག་ནག་ཕྱོགས་བཟློག །
ནག་ཕྱོགས་བསྟན་དགྲ་རྒྱ་དམར་བཟློག །
ཀཱི་ཀཱི་བསྭོ་བསྭོ་ལྷ་རྒྱལ་ལོ། །
སྐུ་པར་ལེན་ཐུབ་བྱེད་རྒྱུ་གལ་ཆེ།