རྒྱ་ཡིག་ལོ་ཙཱ་བའི་སློབ་མ་གསར་བསྡུའི་གསལ་བསྒྲགས།

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་དང། དགའ་ལྡན་ཕོ་བྲང་གི་ཡིག་ཚང་གིས་སློབ་སྟོན་འོག ལུགས་བཟང་པཎ་ཌི་ཏ་ཆོས་ཚོགས་དང་ས་རཱ་བོད་ཀྱི་མཐོ་སློབ་ཟུང་འབྲེལ་གྱིས། རྒྱ་ཡིག་ནང་བསྟན་ལོ་ཙཱ་བའི་འཛིན་གྲྭ་ཞིག ༢༠༡༡ ལོར་ས་རཱ་བོད་ཀྱི་མཐོ་སློབ་ཁང་དུ་གསར་བཙུགས་བྱས་པ་དེའི་ཐོག་འདི་ལོ་ཁ་སྐོང་སློབ་མ་གྲངས་ ༥ གསར་བསྡུ་བྱེད་རྒྱུ་དང། ཞུགས་བློ་ཡོད་པ་རྣམས་ནས་གཤམ་གསལ་ཆ་རྐྱེན་ཚང་བའི་སྙན་ཞུ་ ༢༠༡༢ ཕྱི་ཟླ་ ༣ ཚེས་ ༡༠ འགྱངས་མེད་འབུལ་དགོས། ༢༠༡༢ ཟླ་ ༣ པའི་ཚེས་ ༡༥ ཉིན་ས་རཱ་མཐོ་སློབ་ཏུ་འབྱོར་ཐོ་འགོད་རྒྱུ་དང། ཡིག་རྒྱུགས་འཕྲོད་པ་རྣམས་ལ་སློབ་སྦྱོང་གི་དུས་ཡུན་ལོ་གཉིས་རིང་མཐུན་རྐྱེན་ཡོངས་རྫོགས་དང་ཙག་ཙིག་ཉོ་དངུལ་ཟླ་རེར་ཧིན་སྒོར་ ༡༠༠༠ སོགས་འདི་གའི་ཚོགས་པ་ནས་འགན་ལེན་ཞུ་བཞིན་ཡོད་པས། རིས་མེད་ཆོས་རྒྱུད་ཀྱི་དགོན་སྡེ་ཁག་ནས་དགེ་འདུན་པ་ཞུགས་འདོད་ཡོད་པ་རྣམས། གཤམ་གསལ་ཁ་བྱང་ཐོག་འབྲེལ་བ་ཡོང་བ་ཞུ།

དགོས་ངེས་ཆ་རྐྱེན།

༡ ༽ རྒྱ་ཡིག་ཤེས་ཚད་འཛིན་གྲྭ་དགུ་པ་ཐོན་པའམ་དེ་དང་དོ་མཉམ་གྱི་ཤེས་ཚད་ཡོད་པ།

༢ ༽ སློབ་སྦྱོང་མུ་མཐུད་ལོ་གཉིས་རིང་རྒྱུན་འཁྱོན་ཐུབ་པའི་ཁས་ལེན་དགོས་པ།

༣༽ ཉེ་དུས་བརྒྱབ་པའི་ (Passport Size) འདྲ་པར་གཉིས།

༤༽ དབུ་ཕར་རབ་འབྱམས་པ་ཐོན་པའི་ལག་འཁྱེར་འདྲ་བཤུས།

༥༽ གཟུགས་པོ་བདེ་ཐང་ཡིན་པའི་སྨན་པ་ཚད་ལྡན་གྱི་ངོ་སྦྱོར་ཡི་གེ།

༦༽ བོད་མི་ཡིན་ཚེ་ (RC) དང་དཔྱ་ཁྲལ་ལག་དེབ་ཀྱི་འདྲ་བཤུས། དེ་དག་མེད་ཚེ་རང་ཉིད་གང་དུ་ཡོད་པའི་ཚོགས་པའི་འགན་འཛིན་གྱི་ངོ་སྦྱོར་ཡི་གེ་བྱུང་ཡང་འཐུས།

༧༽ རང་ཉིད་ཡོང་ཁུངས་དགོན་པའི་དགག་བྱ་མེད་པའི་ཡི་གེ་དགོས།

༨༽ རང་ཉིད་གང་དུ་བཞུགས་སའི་ཁ་བྱང་དང། ཁ་པར་ཨང། གློག་འཕྲིན་ཁ་བྱང་ཁ་གསལ་དགོས་པ་བཅས།

ས་རཱ་བོད་ཀྱི་མཐོ་སློབ་དང་ལུགས་བཟང་པཎ་ཌི་ཏའི་ཆོས་ཚོགས་ཟུང་ནས་ ༢༠༡༡ ཕྱི་ཟླ་ ༢ ཚེས་ ༨ ཉིན།

འབྲེལ་གཏུགས་ཁ་བྱང།

Dorje Tashi
CHTS. P.O. Sarah, Dharamsala-176215
Distt. Kangra (H.P.) INDIA
E-mail: dortassi@yahoo.co.in
Mobile No: 09857557457