.jpg)
བྷེལ་རྗེམ་གནས་སྡོད་བྱམས་པ་ལགས་ཀྱིས་འདི་གར་གནས་ཚུལ་བཏང་འབྱོར་བྱུང་བ་ལྟར་ན། ཉེ་ལམ་བཙན་བྱོལ་བོད་མིའི་སྒྲིག་འཛུགས་བཀའ་སྤྱི་གཉིས་ཀྱིས་གསལ་བསྒྲགས་བསྐྱངས་དོན་ལྟར། ཁ་སང་ཕྱི་ཚེས་ ༨ རེས་གཟའ་ལྷག་པའི་ཉིན་གྱི་དགོང་མོའི་ཆུ་ཚོད་ ༥ བ་ནས་ ༧ པ་བར་བྷེལ་རྗེམ་བོད་རིགས་ཚོགས་པས་གོ་སྒྲིག་འོག རྒྱལ་ས་བྷེལ་སེལ་དུ་ཡོད་པའི་ཡུ་རོབ་གྲོས་ཚོགས་མདུན་ཐང་དུ། ས་གནས་བོད་ཀྱི་གཞོན་ནུ་ཚོགས་པ་དང་ས་གནས་ཆུ་བཞི་སྒང་དྲུག ཡུ་རོབ་བོད་རྒྱ་མཉམ་འབྲེལ་མཐུན་ཚོགས ཡུ་རོབ་རྒྱལ་སྤྱིའི་བོད་དོན་ལས་འགུལ་ཁང་། ཝ་ལམ་སེ་ (Vlaamse) བོད་ཀྱི་གྲོགས་ཚོགས། ཧྥ་རན་ཆེ་ (French) བོད་ཀྱི་གྲོགས་ཚོགས། ཡུ་རོབ་གྲོས་ཚོགས་ཀྱི་ལས་བྱེད་དང་དོན་གཅོད་ཀྱི་ལས་བྱེད། ཕྱི་རྒྱལ་བོད་དོན་རྒྱབ་སྐྱོར་བ་དང་བོད་མི་བཅས་མི་ ༤༠༠ ཡས་མས་མཉམ་ཞུགས་ཀྱིས། བོད་ཀྱི་རྒྱལ་དར་དང་བོད་མིའི་གདུང་སེམས་མཉམ་བསྐྱེད་ཀྱི་འཕྲེད་དར་སོགས་འཕྱར་ཏེ་མར་མེ་རྔམ་སྟོན་གྱི་ལས་འགུལ་སྤེལ་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
བྷེལ་རྗེམ་དུ་ཡོད་པའི་བོད་རིགས་སྤུན་ཟླ་ཚོས་བོད་ནང་གི་བོད་མི་ཚོ་གདུང་སེམས་མཉམ་སྐྱེད་བྱེད་པ་བསྟོད་བསྔགས་ཡོད། ཡིན་ན་ཡང་ང་ཚོའི་སྐད་འབོད་སྐབས་སུ་བོད་རིགས་ཚང་མའི་བོད་མི་རིགས་གི་བོད་ཆེས་གོན་དགོས་པ་དེ་གལ་ཆེན་ཅིག་རེད། སོ་སོའི་མི་རིགས་གི་སྲོལ་རྒྱུན་དེ་མཚོན་ཐུབ། མི་རིགས་རེ་ལ་ཁྱད་ཆོས་དེ་ཡོད་པ་སྟོན་ཐུབ་དགོས། སྐད་དང་ ཡི་གེ་ གོན་ཆས་སོགས་སྤེལ་དགོས།
འདི་ལྟར་ལས་འགུལ་གནང་པ་ལ་ཡི་རང་ཡོད་སྤུན་ཟླ་ཚོ་ས་ཕྱོགས་གང་སར་ངོ་རྒོལ་གནང་པ་ཡག་པོ་རེད། མུ་མཐུད་དུ་ཡིན།
འོ་ཡཱ། ཁྱེད་རྣམ་པ་ཚོ་རང་གི་ལྟོ་རྒྱབ་ཁོ་ནའི་ཆེད་དུ་ཕྱིའི་རྒྱལ་ཁབ་ཁག་ཏུ་སོང་ནི་མིན་པར་ང་ལ་ཡིད་ཆེས་ཡོད་ལ། འདས་ཟིན་པའི་དཔའ་བོ་དང་དཔའ་མོ་ཚོའང་དེ་བཞིན་ཡིན་རྒྱུ་རེད། སོང་ཙང་ཡིད་ཆེས་དེའི་ཐོག་ནས་རྐང་པ་ས་ལ་ཞོགས་དང་། གཟི་བརྗིད་དང་ལ་རྒྱ་ཡིན་ལ། འདས་ཟིན་པ་དང་། ད་ཡོད་ཀྱི་བོད་མིའི་སྙིང་གི་དྲོད་ཐིག་ཀྱང་ཡིན། བོད་རྒྱལ་ལོ།