ཟས་བཅད་ངོ་རྒོལ་བ་རྣམ་པའི་གཟུགས་པོ་སྐྱོ་རུ་འགྲོ་བཞིན་འདུག

བོད་དོན་ལས་འགུལ་འདི་ཚོར་རྗེས་སུ་ཡི་རང་ཞུ།ྲ

ཁོང་རྣམ་པ་གསུམ་ལ་རྗེས་སུ་ཡི་རངས་དང་། བསྔགས་བརྗོད་བླ་ལྷག བཀའ་དྲིན་ངོས་ཟིན་བཅས་ཡོད་ཞུ་བ་དང་སྦྲགས ། སྐྱབས་རྗེ་ཤིང་བཟའ་རིན་པོ་ཆེ་ལགས་གཞིས་བྱེས་དད་ལྡན་སྤྱི་དང་།ཁྱད་པར་མགོ་ལོག་རྭ་རྒྱ་དགོན་དམངས་དང་།མཚོ་ནུབ་བོང་སྟག་དགོན་དམངས་སྤྱི་སོགས་ཀྱིས་ཉིད་ལ་བཅང་བའི་དད་འདུད་དང་།ཡིད་ཆེས།རེ་བ།དྲན་སྒུག་སོགས་ལ་ཐུགས་བསམ་བཏང་ནས་སྐུ་ལུས་ལ་བདག་རྒྱག་རོགས །སྐུ་སྲོག་ལ་དེ་ལས་ཀྱང་།ཞུ་ཞུ་ཞུ །

འཛམ་གླིང་མི་དམངས་ལངས་ནས་རང་དབང་རྩོད། །
གངས་ཅན་བོད་པ་ཉལ་ནས་རང་དབང་རྩོད། །
གན་རྡིས་བསྟན་པའི་ལམ་ཁ་རྙིང་པ་དེ། །
དུས་རབས་གསར་པར་བེད་སྤྱོད་ཡོད་དམ་མེད། །

ཁུག་རྟ་ལགས་མི་རིགས་རང་སྐྱོང་མེད་པ་བཟོས་ཏེ་ཀྲུང་ཧྭ་རྒྱ་རིགས་ཆེན་པོར་གཅིག་བསྒྱུར་བྱ་དགོས་ཟེར་བ་འདི་ལ་ཞིབ་ཀློག་བྱ་རོགས།

དྲ་གྲོགས་རྣམ་པ་ལགས།

ཁྱེད་ཚོ་ཕེབས་ནས་བསམ་ཚུལ་གླེང་བ་དགའ་ཡོད། ཕྲན་ཤར་ཕྱོགས་ཁུག་རྟ་སྒེར་ངོས་ནས་དབུ་མའི་ལམ་ལ་ཡིད་ཆེས་བརྟན་པོ་ཡོད་མཁན་ཞིག་ཡིན། དེ་ཡོད་སྟངས་ཁ་བརྡ་རིམ་པས་བྱས་ན་གསལ་བོ་ཡོང་གི་རེད།

༡ ད་ལྟའི་བོད་མི་མང་གི་མདུན་ལམ་ལ་འགན་ཁུར་ཡོད་པའི་དབུ་མའི་ལམ་གྱི་སྲིད་བྱུས་དང་འགལ་ཟླའི་ལས་དོན་ནམ་བྱུང་ལ་ད་བར་སྤྱན་ཞལ་བཙུམས་ནས་བཞུགས་པ་རེད། ང་ལ་དེ་འདྲའི་བཟོད་སྲན་མི་འདུག

༢ དབུ་མའི་ལམ་གྱི་ཕྱིར་དུ་ལངས་ཕྱོགས་གཞན་པ་གཉའ་གཅོག་པའི་འདོད་པའང་མེད། གཉའ་གཅོག་ཐུབ་ཀིའང་མ་རེད། ལས་དེ་ལྟར་བྱས་ན་ག་རེ་བྱུང་མིན་ལོ་རྒྱུས་ཀྱང་ཡོད་པ་རེད།

༣ ཁྱིམ་ཚང་གཅིག་གི་ནང་མི་མང་ཁའི་གྲོས་དོན་ལ་སྤུན་ཟླ་ཉུང་ཤས་ཀྱིས་ག་དུས་ཡིན་ནའང་། ལྟོས་མེད་ཁྱད་གསོད་ཞེ་ཅིག་བྱས་ཆོག་པ་རྩ་བ་ཉིད་ནས་མེད། དོན་དག་གིས་སྤུན་ཟླ་རིང་དུ་ཐུང་དུ་འགྲོ་བ་ཆོས་ཉིད་རེད། ང་ཚོ་འཇིག་རྟེན་པ་རྐྱང་རྐྱང་རེད།

༤ ང་དང་ང་འདྲ་བ་བོད་མི་མང་ཆེ་བས་བོད་རིགས་ཡོངས་ལ་དོན་དམ་གྱི་རང་སྐྱོང་རྩོད་ཀྱི་ཡོད། བསམ་ཚུལ་དེ་༧གོང་ས་མཆོག་དང་གཞུང་མང་གིས་ ༡༩༦༢ དང་། ༡༩༧༢། ༡༩༧༩ ལོ་བཅས་རིམ་པར་གསལ་བཏོན་བརྒྱུད་མི་མང་གིས་གཏན་འབེབས་གནང་ཡོད། ཞི་བའི་དོན་ཚན་ལྔ་ནས་སྐྱོང་བསམ་འཆར་བར་རྒྱལ་སྤྱི་དང་རྒྱ་ནག་གི་གནས་བབ། རང་ཕྱོགས་ཀྱི་ལྗིད་ཁོག་རྒྱབ་ལྗོངས་དང་བཅས་པར་གཞིགས་ནས་དུས་བསྟུན་མཁས་མཛངས་ཀྱི་འགྱུར་བ་རིམ་པར་ཕྱིན་ཡོད།

༥ མཐའ་མའི་འབབ་ས་༼རང་སྐྱོང་གི་བསམ་འཆར་༽ཡིག་ཐོག་ནས་འཛམ་གླིང་ཡོངས་བསྒྲགས་ཐོག་༢༠༠༨ ལོར་རྒྱ་ནག་གཞུང་ལ་སྤྲད་ཟིན། རྒྱ་ནག་གིས་དེ་ལ་རྣམ་དཔྱོད་དང་ཁྲིམས་མཐུན། ཆབ་སྲིད་ཀྱི་ཆོད་སེམས་ལྡན་པའི་ལན་གནང་ཐུབ་མེད་པས། གདུག་རྩུབ་དང་དྲག་སྤྱོད་དབང་ཤེད། དཔལ་འབྱོར་བསླུ་བྲིད་མ་གཏོགས། དོན་དངོས་རང་རེའི་གཞུང་མང་རྣམ་པར་རྒྱལ་ཡོད།

༦ བོད་གཞུང་མང་གཞི་རྩ་དེར་བརྟན་པོ་དང་ཡིད་ཆེས་ཆེན་པོའི་ཐོག་གནས་མུས་ཡིན་པས། རྒྱ་ནག་གི་རྒྱལ་དར་མེར་བསྲེགས་རྒྱུའི་གནས་བབ་ཁྱོན་ནས་སླེབས་མེད། དེ་ལས་ལྡོག་སྟེ་དེ་དག་དང་འགལ་བའི་ལངས་ཕྱོགས་འཛིན་དགོས་པ་ཡིན་ལ། འཛིན་བཞིན་ཡོད།

༧ དར་དམར་བསྲེགས་མཁན་དང་འཕྱར་མཁན་གཉིས་ཀྱི་བར་དུ་སྐད་ཆ་སླེབས་སྟངས་མེད་པ་འདྲ་འང་། རྒྱ་ནག་གི་རྩ་ཁྲིམས་ཀྱིས་དར་དམར་ལ་ཁེག་ཐེག་བྱས་ཡོད། དར་དམར་ལ་ཁེག་ཐེག་བྱས་པ་ནང་བཞིན་གྲངས་ཉུང་མི་རིགས་ལའང་ཁེག་ཐེག་འགན་སྲུང་བྱས་ཡོད། ང་ཚོས་འགན་སྲུང་དེ་དག་རྩོད་ཀྱི་ཡོད་པས། དར་དམར་མེར་བསྲེགས་དང་ཐ་དད་པའི་ལངས་ཕྱོགས་འཛིན་དགོས་པའང་དུས་ལ་བབས་འདུག

༨ རྒྱ་ནག་གིས་ཁ་ཕྲལ་བ་ཟེར་བ་དེ་ད་བར་དོ་སྣང་གེ་མ་བྱུང་ཡང་། དར་དམར་བསྲེགས་པ་སོགས་ཀྱི་བྱ་སྤྱོད་ལས། རྒྱ་ནག་གཞུང་ལའང་དེ་བསྟུན་གྱི་སྒྲུབ་བྱེད་ཡོད་པ་ཚོར། དེ་བས་རྒྱ་ནག་གཞུང་གིས་ཁ་ཕྲལ་བ་ཉུང་ཤས་ཤིག་ལས་མེད་པའང་ཁས་ལེན་ངེས་པར་དུ་གནང་དགོས་རྒྱུ་རེད་ལ། ཉུང་ཤས་དེའི་བྱས་པ་ཡོད་ཚད་བོད་གཞུང་མང་གཉིས་ཀའི་མདུན་ལམ་ཐོག་མི་གཡུག་རྒྱུ་དང་། ལྷག་ཏུ་འཆམ་མཐུན་དང་གུ་ཡངས། གྲོས་མོལ་གྱི་རྒྱལ་བོ་༧གོང་ས་མཆོག་ལ་མཚན་སྨད་ཞུ་གཞིར་དེ་བས་ཀྱང་བེད་སྤྱོད་མ་གནང་རོགས།

ཤར་ཕྱོགས་ཁུག་རྟ་ལགས་དེ་རིང་གི་ཁྱེད་ཀྱི་སྐད་ཆ་མདོར་བསྡུས་ན་ཚིག་འདི་གཉིས་རེད། རིན་པོ་ཆེ་ཚང་དར་དམར་བསྲེགས་མཁན་ཞིག་རེད། ང་དར་དམར་འཕྱར་མཁན་ཞིག་རེད་ཟེར་བ་འདི་ཁྱེད་ཀྱིས་བྲིས་པའི་མཆན་རེད།
དེས་ན་ཁྱེད་དར་དམར་འཕྱར་མཁན་ཞིག་ཡིན་ན་བཙན་བྱོལ་དུ་ཡོང་དོན་མི་འདུག དར་དམར་འཕྱར་ནས་ཕྱིར་ལོག་བྱོས་དང་གུང་ཁྲན་གཞུང་གིས་ཁྱེད་ལ་ཕེབས་བསུ་བྱེད་ངེས་རེད། བོད་ཀྱི་གཞོན་ནུ་ལྷན་ཚོགས་ལ་ད་ལྟའི་བར་དུ་བཙན་བྱོལ་ཏུ་་མི་ལོ་ལྔ་བཅུའི་ནང་རྒྱ་ནག་གཞུང་གིས་ཧམ་བཤད་ལས་ཁ་བྲལ་བ་རེད་ཟེར་བ་མ་གཏོགས་གཞན་སུ་ཞིག་གིས་ཀྱིས་དེ་འདྲ་ལབ་མྱོང་མཁན་བྱུང་མྱོང་མེད། ད་ལྟ་གཞོན་ལྷན་གྱི་དར་དམར་མེར་བསྲེགས་དང་ཁྱེད་ཚོའི་ལས་འགུལ་འདི་རིགས་ནི་ཁ་ཕྲལ་ལོག་སྤྱོད་ཀྱི་བྱ་བ་ཡིན་པ་ངས་མུ་མཐུད་གསལ་བཟོ་གནང་ངེས་ཡིན།ཁྱེད་ཀྱིས་བླུན་བཤད་འདི་ཐལ་དྲགས་པ་མ་རེད་དམ། དབུ་མའི་ལམ་ལས་འགུལ་ཁང་ནི་༧གོང་ས་སྐྱབས་མགོན་ཆེན་པོའི་དགོངས་གཞིའི་ལས་དོན་བསྒྲུབ་མཁན་ཞིག་ཡིན་ན། གོང་གསལ་སྐད་ཆ་འདིའི་རིགས་ལ་དབུ་མའི་ལམ་ལས་འགུལ་ཁང་གི་ཚོགས་གཙོ་གཞོན་དང་རྒྱུན་ལས་དག་གིས་འགན་འདི་ཁུར་དགོས་པ་ཞིག་ཆགས་ཡོད་པས་རྗེས་སུ་་ཆེས་མཐོའི་ཁྲིམས་ཁང་དུ་གཏུགས་བཤེར་བྱ་རྒྱུ་ཡིན།

བསྔགས་བརྗོད་ཡོད་བསྟོད་བསྔགས་ཡོད། བོད་མི་རིགས་ལ་ཕན་པའི་བྱ་བཞག་ཤིག་ཡིན་ན་དེ་ལ་ག་དུས་ཡིན་ན་རྒྱབ་སྐྱོབ་བྱེད་མཁན་ཞིག་ཡིན། ང་དང་ཁྱོད་ཀྱི་སྐད་ཆ་དེ་ཚོ་མཇུག་རྫོགས་རོགས། བཙན་བྱོལ་བ་ཚོ།

མདོ་སྨད་སྤྱི་འཐུས་ལའང་ལངས་མྱོང་བའི་ཨ་ཁུ་རྭ་རྒྱ་བློ་དབང་ལགས།

ཤིང་བཟའ་ཚང་དང་ངེད་གཉིས་ཀྱི་ནང་ཁོག་གསལ་བཤད་ཞུ་དགོས་པ་ཅང་མི་འདུག དེ་བཞིན་སྒེར་གྱི་འབྲེལ་བའི་སྐོར་འདིར་བཀོད་དགོས་དོན་མི་འདུག ཁྱེད་སྤྲུལ་སྐུ་མེད་ཤུལ་ནས་བླ་བྲང་དུ་བཞུགས་བསྡད་ན་སེམས་ལ་ལྷོང་ལྷོང་པོར་ཡོད་ངེས་ཀྱང་།

ངས་བཤད་བཞིན་པ་དེ་རྦད་དེ་ཁྱེད་ཀྱི་སེམས་ཁམས་དེ་དང་འབྲེལ་བ་ཅི་གང་ཡོད་པ་མ་རེད། རིན་པོ་ཆེ་ཚང་དར་དམར་བསྲེགས་མཁན་ཞིག་རེད། ང་དར་དམར་འཕྱར་མཁན་ཞིག་རེད། དེ་དེ་རིང་གི་ངེད་གཉིས་ཀྱི་ཁྱད་པར་རེད། ཁྱེད་ཀྱིས་ཀྱང་ལོས་ཤེས། ངས་སྐད་ཆ་དེ་རུ་བཤད་ཀྱི་ཡོད། དེ་ལ་ཁྱེད་ཀྱང་བཤད་རྒྱུ་ཡོད་ན་ཤོད་དང་ཞེ་དྲག་བགྲོ་གླེང་གི་འདུན་པ་ཡོད།

དེ་མིན། ཁྱེད་ཡག་ང་བཙོག་གི་སྐད་ཆ་ང་དང་ང་འདྲ་བ་ཚོར་གང་ནས་འཛའ་རྒྱུ་ར། ཁྱེད་འདྲ་བོ་དགེ་སློང་དག་ལ་དེ་བས་ཀྱང་མི་འཛའ་ཡ། སྐད་ཆ་ཟེར་བ་དེ་བཤད་ཀྱིན་བཤད་ཀྱིན་གཏིང་ལ་ཟུག་འགྲོ་རྒྱུ་ཞིག་ཡོད་ནི་རེད། ཁྱེད་སྐུ་ཞབས་ཞོགས་དུང་ཚང་ལའང་ཅིག་བཤད་ཀྱི་ཡིན་ཟེར་མཁན་ཞིག་ཡིན་དུས། སྐད་ཆ་བཤད་ས་ནས་རླུང་ལངས་ན་ད་དཔེ་བསགས་ཚར་བ་རེད། དེ་ཙམ་ཡིན། སྐུ་ལྷོད་ལྷོད་གནང་རོགས། ཧཧཧ

༼རང་བཙན་ཕར་འཆོར་རྒྱུ་ཡོད་ན། ཚུར་ལེན་རྒྱུ་ལོས་ཡོད།༽འདི་རེ་བ་དང་། སེམས་ཤུགས་རེད། རེ་བ་དང་སེམས་ཤུགས་ཀྱི་ངང་ན་མི་གྲོངས་བཞིན་ཡོད་ལ། སྐྱེ་བཞིན་ཡོད། འདི་ལ་སུ་ཞིག་གིས་ཀྱང་དགག་བྱ་གནང་མི་ཐུབ། ཟས་བཅད་རྐོམ་གཅོད་ཀྱི་ལས་འགུལ་འདི་དངོས་གནས་དྲན་མི་བཟོད་པ་དང་། བྱེད་མི་ཕོད་པ་ཞིག་རེད། མི་སུ་ཡིན་རུང་སྡུག་བསྔལ་གྱིས་མནར་ནས་སྡོད་པ་ལས་ཤི་ན་བཟང་གི་རེད་ཟེར་རྒྱུ་རེད་ལ། དངོས་གནས་ལམ་སང་ཤི་སོང་ན་དྲན་རྒྱུ་མྱོང་རྒྱུ་མེད་པ་འདྲ་བོ་ཞིག་འདུག་གཱ སྐུ་མཁྱེན། དེ་རིང་ཉིན་དྲུག་པ་རེད། མཚམས་འཇོག་གནང་རོགས་དང་། ང་ཚོས་ཐབས་གཞན་བཙལ་ན་འགྲིག་གི་རེད།

ཤར་ཁུག་ཁྱོད་མ་དགའ་གད་སོང་རུང་མ་འཐད་ལ་གཤག་སོང་བའི་དབང་དུ་བཏང་རུང་། རང་ལུས་ལོངས་སྤྱོད་དང་བཅས་པ་བློས་བཏང་བས་དཔའ་བོ་ཚོ་ནམ་ཡིན་ཡང་གཏོང་ཕོད་དང་སྙིང་སྟོབས་ཀྱིས་ཕྱུག་ཅིང་། ཐོག་མཐའ་བར་གསུམ་དུ་རིག་གཞུང་དང་མི་རིགས་ཀྱི་སྲོག་ཤིང་དུ་འགྲེངས་བཞིན་ཡོད་པ་རེད། འདི་ལ་ཁྱེད་ཀྱིས་ངན་སྨོས་བརྗོད་པ་ཙམ་གྱིས་ལོ་རྒྱུས་ཀྱི་ཉེས་ཅན་པར་ཆགས་འགྲོ་བ་ཞིག་དང་། ཁྱེད་མ་འཐད་ན་རྩ་དོན་ལ་མི་ཕན་པའི་སྒྲུབ་བྱེད་ཅིག་གནམ་སའི་བར་ན་དཔེར་མ་མཆིས། གང་ལྟར། སྐྱབས་རྗེ་ཤིང་བཟའ་རིན་པོ་ཆེ་གསུང་རྩོམ་ནང་དུ་རང་ལུས་མེར་བསྲེགས་མཚམས་འཇོག་དགོས་པའི་ཁྱེད་ཚོས་འབོད་སྐུལ་དེ་གནས་ལུགས་དང་རྒྱུ་མཚན་གྱིས་མནན་ཡོད་པས་ཁྱོད་མ་དགའ་བ་ཡིན་སྲིད་མོད། སྐྱེས་ཕོ་མོ་ཉེར་གསུམ་ཙམ་བསྲེགས་ཟིན་པ་དང་། གཞན་དང་གཞན་ཡང་ཆུ་ལ་མཆོངས་པ་དང་། མེ་མདས་བཀྲོངས་པ་ལ་སོགས་པའི་ཚེ་སྲོག་གྲངས་མེད་པ་ཤོར་བའི་དགོས་དོན་དེ། མེར་བསྲེགས་མཚས་བཞག་ན་འགྲུབ་རྒྱུ་ཡིན་པའི་མངོན་རྟགས་སམ་གདེངས་ཚོད་ཅི་འདྲ་ཡོད། ཁྱེད་རང་གི་བྱུང་བའི་ནང་ཡང་སྤྲུལ་སྐུ་ཞིག་བཅའ་ཨེ་ཐུབ་ཀྱིས་རེ་བ་གནམ་ལ་འཕྱར་ནས་ད་ལྟའི་བར་འགོར་ཞིང་། བྱིས་པའི་ལབ་ནས་བླངས་འདྲའི་འཆལ་གཏམ་སྐོར་ཞིག་ལས། བོད་མི་རིགས་ཀྱི་ཆེད་དུ་ཀི་ཆེན་པོ་ཞིག་བཏབ་པའི་སྐོར་ཡང་མེད་བཞིན་དུ། ཤེས་རབ་དང་བློ་སྤོབས། ལྷག་བསམ་དང་གཏོང་ཕོད་ཀྱིས་ཕྱུག་པའི་སྐྱེས་བུ་ཆེན་པོ་འདི་ཚོར་དོན་མེད་ངན་ཁག་དཀྲི་བ་དེ་མཚམས་བཞག་ན་མཛེས་ཤིང་། གལ་ཏེ་མུ་མཐུད་དུ་སྤྱི་སྐད་བསྒྲགས་ནས་ཉལ་ས་འཚོལ་བར་འདོད་ན་སླར་ཡང་ཤི་ཟིན་པ་ཞིག་གི་རྣམ་ཤེས་ཡིན་ངེས་པའི་ངོ་སྦྱོར་རེ་འཚོལ་དུ་རྒྱུགས་དང་དེས་དགའ་ངེས། དེ་མིན་མི་རིགས་རང་སྐྱོང་དང་། རང་བཙན་སོགས་ཆེན་པོ་ཆེན་པོ་དེ་ཚོ་ཁྱོད་ལྟ་བུ་གཡོ་རྒན་དག་ལ་མཛའ་བོ་མི་འདུག་པ་ངེས་སུ་ཆུག

ངས་ཐོག་མར་ཁྱེད་ཚོའི་ལས་དོན་དེ་བོད་ལ་ཕན་ཐོག་མིན་ལ་མ་ལྟོས་པར་འཚམས་འདྲི་ཞུ་རྒྱུ་ཡིན། དེ་དང་འབྲེལ་ནས་ཁྱེད་ནས་མེ་ལྕེ་ལས་འགུལ་ཐད་བྲིས་པའི་བསམ་ཚུལ་ལ་ཞིབ་ལྟ་བྱས་པ་ཡིན། ཕོ་ཁྱོ་གའི་སྐད་ཆ་གསལ་བོ་ཞུས་ན། བསམ་ཚུལ་གྱི་འཁོར་འགྲོས་འདི་ལས་མེད་པ་ཞིག་གིས་སྲོག་དོར་ཀྱང་ཆོག་གི་འདུག་ལ་མ་དོར་ནའང་ཁྱད་པར་མེད་པ་གསལ་བོ་རེད་འདུག་པས། སྤྱིའི་རྒྱབ་ལྗོངས་ནས་ངེད་ལ་གླེང་སློང་བྱ་རྒྱུའི་འདུན་པ་གང་ཡང་མེད།
ངས་རང་གི་ལངས་ཕྱོགས་དང་གཞིས་བྱེས་བོད་མིའི་བསམ་འདུན། བཙན་བྱོལ་གྱི་མི་ལོ ༥༠ ལྷག་གི་བཞུད་འགྲོས་ལ་ཞིབ་ལྟ་བྱས་ནས་ཁྱེད་ཚོ་ཟས་བཅད་ངོ་རྒོལ་པ་དག་ལ་ག་རེ་བརྗོད་འདོད་སོང་ཞེ་ན། ཁྱེད་རྣམས་ནི་དངོས་གནས་དེ་རིང་སང་ཉིན་གྱི་བོད་མིའི་མངོན་འདུན་ལས་རྒྱབ་ཀྱིས་ཕྱོགས་པའི་ཁ་ཕྲལ་བ་ཞེ་ཅིག་རེད་ལ། རང་ལུས་མེར་བསྲེགས་བཏང་བའི་དཔའ་བོ་དག་གི་དཀྱིལ་སྙིང་༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་པ་ཆེན་པོ་མཆོག་བོད་དུ་གདན་འདྲེན་ཞུ་རྒྱུ་དང་། རིག་གནས་ངོ་བོ་ངོས་འཛིན་སྣུམ་གྱིས་ཟོས་པ་ལྟ་བུའི་མི་སེར་སྤེལ་བའི་སྲིད་བྱུས་འཕྲལ་དུ་མཚམས་འཇོག་དགོས་པ་གཉིས་དང་ཅི་ཙམ་འབྲེལ་བ་ཡོད་མེད། ནུས་བ་ཐོན་མེད་ཞིབ་ཏུ་བསམ་བློ་གཏོང་དགོས་པ་ཞིག་རེད།
རང་བཙན་གྱི་མངོན་འདོད་ནི་དེང་སང་བསམ་ཚུལ་ཙམ་གྱི་ངོ་བོར་གནས་ཡོད། བསམ་ཚུལ་ཙམ་གྱིས་ཅི་གང་མི་འགྲུབ་པ་དང་འགན་འཁྱོག་གི་མེད་པ་ཁྱེད་ཚོ་དག་ལ་གསལ་ཞིང་གསལ་བ་ལྟར། ཅི་སྟེ་ཁྱེད་ཚོ་ཁ་ཕྲལ་བ་ཉུང་ཤས་ཀྱི་བྱེད་སྟངས་འདི་རིགས་གོང་གི་རྩ་དོན་གཉིས་སྒྲུབ་རྒྱུར་རྒྱ་ནག་གཞུང་གི་ལག་པ་འཕྱི་སར་འགྱུར་བཞིན་པ་འདིའི་འགན་ཁུར་ཡོད་ཚད་ཁྱེད་ཚོ་ལྟ་བུ་དག་ལ་ཡོད་པ་རེད། དེ་ལས་ཀྱང་དེང་གི་བོད་མིའི་མངོན་འདོད་སྒྲུབ་རྒྱུར་གེགས་རྐྱེན་དུ་ཕྱིན་པ་ཡིན་ན་འགན་དེ་མི་འཁུར་རང་འཁུར་ཆགས་ཀྱི་རེད།
ངས་དགའ་ལྡན་ཕོ་བྲང་བའི་བྱུང་རབས་ནས་བཤད་ན་འདྲ་ལ། བཙན་བྱོལ་མི་ལོ་ལྔ་བཅུ་ལྷག་གི་བྱུང་རབས་ནས་བཤད་ན་འདྲ་ལ། ༧རྒྱལ་མཆོག་བཅུ་བཞི་པ་ཆེན་པོ་ལས་ཆོལ་ཁ་གསུམ་ལ་བཀའ་དྲིན་ཆེ་བ་མེད་ལ། ཐ་ན། ད་ལྟ་ཁྱེད་རང་ཡོད་སའི་མཉམ་འབྲེལ་རྒྱལ་ཚོགས་ལ་ཕུལ་བའི་སྙན་ཞུ་དང་པོ་ ༡༩༥༩ ལོར་རེད། དེར་གསལ་གཟིགས་ཀྱིས་བསམ་བློ་ཞིག་བཏང་བ་ཡིན་ན། སྐབས་དེར་ས་མཚམས་ཅི་ལྟར་བཅད་འདུག ཡིན་ནའང་༧རྒྱལ་མཆོག་འདིའི་ཐུགས་སྟོབས་རྒྱས་མཚམས་ཅི་ལྟར་ཐག་གིས་བཅད་ཅིང་སྐབས་དང་དུས་སུ་དགོངས་གཞི་གང་བཏོན་ལས་ལྷག་ཅིག་བོད་སྐྱོབ་ཐབས་ལམ་མེད་པ་རིག་པ་དང་དངོས་ཡོད་གཉིས་ནས་གསལ་རྟོགས་ཐུབ་ངེས་ལ་སོང་། མ་མཐར་ཁྱེད་ཚོ་ཁ་ཕྲལ་བ་དག་གིས་༧རྒྱལ་མཆོག་བཅུ་བཞི་པ་ཆེན་པོ་འདི་བོད་དུ་གདན་འདྲེན་ཞུ་རྒྱུར་འགན་ཞིག་ཅི་ནས་ཀྱང་ཁྱེར་རོགས།
ཁྱེད་ཚོའི་ཟས་བཅད་ངོ་རྒོལ་ནི་འགན་ཁུར་མེད་པའི་བསམ་ཚུལ་འཛིན་མཁན་གྱི་ལས་ཀ་བྱ་སྟངས་ཤིག་དང་། གཞུང་མང་ལ་འགན་ཁུར་ཡོད་པའི་བསམ་ཚུལ་དང་མི་སྣ་གང་ཡང་མིན་གཤིས། གལ་སྲིད་དེ་ལྟར་གཤེགས་སོང་བ་ཡིན་ན། ལོ་རྒྱུས་ཀྱིས་ཅི་ཞིག་གསལ་ཁ་གནང་མིན་ད་དུང་ཐེ་ཚོམ་འབའ་ཞིག་གི་གནས་སུ་མཆིས།
ངེད་ནི་དབུ་མའི་ལམ་གྱི་དགོངས་དོན་བརྒྱུད་༧གོང་ས་བཅུ་བཞི་པ་ཆེན་པོ་བོད་དུ་གདན་འདྲེན་ཞུ་མཁན་དང་། ཆོས་རིག་རྩ་ཡལ་གཏོང་འཆར་ལ་རང་སྐྱོང་གི་ཐོབ་ཐང་འོག་སྲུང་སྐྱོབ་བྱ་མཁན་ཞིག་ཏུ་སོང་། ༢༠༠༨ ལོར་སྤྲད་པའི་བསམ་འཆར་ལ་མཇུག་གནོན་རྒྱག་གཅིག་འཆོང་གཅིག་བྱ་མཁན་ཞིག་རང་བཞིན་གྱིས་ཆགས་ཡོད་པས། ད་ལྟ་གཞོན་ལྷན་གྱི་དར་དམར་མེར་བསྲེགས་དང་ཁྱེད་ཚོའི་ལས་འགུལ་འདི་རིགས་ནི་ཁ་ཕྲལ་ལོག་སྤྱོད་ཀྱི་བྱ་བ་ཡིན་པ་ངས་མུ་མཐུད་གསལ་བཟོ་གནང་ངེས་ཡིན།