གཟའ་པ་སངས་ཉིན་ཁམས་སྡེ་དགེ་རྫོང་གཉན་སྒོར་ཞང་རེག་པ་གྲོང་ཚོའི་བཀྲ་ཤིས་ཞུ་བ་ཞིག་གིས་རྒྱ་མིའི་ལས་ཁུངས་ཤིག་ལ་འབར་རྫས་གཡུགས་ཏེ་འདས་གྲོངས་སུ་ཕྱིན་འདུག
ཁ་སང་ཁམས་སྡེ་དགེ་ཕྱོགས་ཀྱི་བོད་མི་ཞིག་གིས་རང་ལུས་མེར་བསྲེགས་བཏང་བའི་གནས་ཚུལ་ཞིག་ཐོན་པ་དེ་ནི། མེར་བསྲེགས་བཏང་བ་མ་ཡིན་པར། འབར་རྫས་འགས་འཐོར་གྱིས་འདས་གྲོངས་སུ་ཕྱིན་པ་ཞིག་ཡིན་འདུག ཕྱི་ཚེས་ ༢༤ ཉིན་གྱི་ཐོ་རངས་ཆུ་ཚོད་ ༣ དང་སྐར་མ་ ༥༠ ཙམ་ལ་ཁམས་སྡེ་དགེ་རྫོང་དབོན་ཐོག་ཞང་འགྱུར་མདའ་གྲོང་ཚོའི་རང་ལོ་ ༣༢ ཡིན་པའི་ཟླ་སེ་འམ། མིང་གཞན་ལ་བཀྲ་ཤིས་སུ་འབོད་པའི་བོད་མི་ཞིག་གིས། གཉན་སྒོར་ཞང་རེག་པ་གྲོང་ཚོ་དང་ཝ་པཱ་གྲོང་ཚོ་གཉིས་ཀྱི་བར་དུ་ཡོད་པའི་རྒྱ་མིའི་ལས་ཁུངས་ཤིག་ལ་འབར་རྫས་གཡུགས་ཏེ། ལས་ཁུངས་ལ་གཏོར་སྐྱོན་ཚབས་ཆེན་བཏང་ཡོད་འདུག་ལ། དེ་དང་མཉམ་དུ་ཁོ་རང་ཡང་རྐྱེན་ལམ་དུ་ཕྱིན་ཡོད་འདུག སྐབས་དེར་སྡེ་དགེ་རྫོང་ཉེན་རྟོག་པས་ཁོང་གི་ཕུང་བོ་རྫོང་ཐོག་ཏུ་འཁྱེར་ཡོད་པ་དང་། ཁ་སང་ཕྱི་ཚེས་ ༢༧ ཉིན་གྱི་ཞོགས་པར་རྒྱ་དམག་གི་དམ་དྲག་འོག་མ་ཎི་ཀེ་མགོ་ཞེས་པའི་ས་གནས་སུ་ཕུང་བོ་མེར་བསྲེགས་བཏང་ཡོད་འདུག
ཁ་སང་སྔ་དྲོར་གསར་འགོད་པས་ངྷ་སར་གནས་སྡོད་ཕ་ཡུལ་སྡེ་དགེ་ནས་ཡིན་པའི་དཔའ་ཆེན་ལྷུན་འགྲུབ་ལགས་སུ་བཅར་འདྲི་ཞུས་པར། “ ཚེས་ ༢༧ ཉིན་གྱི་ཞོགས་པ་སྔ་བོ་ཐའེ་ཝན་དུ་ཡོད་པའི་ཕ་ཡུལ་གཅིག་པའི་གྲྭ་བ་ཞིག་གིས། ཟླ་སེ་ལགས་ཀྱིས་རང་ལུས་མེར་བསྲེགས་བཏང་འདུག་ཅེས་ལབ་སོང་། ཕ་ཡུལ་སྡེ་དགེ་ཕྱོགས་སུ་ཁ་པར་མཐུད་ཐུབ་གྱི་མི་འདུག གནས་ཚུལ་གསལ་བོ་མིན་ཡང་མི་ཅིག་གིས་ངོ་རྒོལ་བྱས་ཏེ་གྲོངས་ཡོད་པ་བརྒྱ་ཆ་བརྒྱ་རེད། གནས་ཚུལ་ཛ་དྲག་ཡིན་སྟབས་ངས་ལམ་སང་གསར་ལམ་ཁག་ལ་བཤད་པ་ཡིན། དེའི་རྗེས་རྒྱ་ནག་ནང་ཡོད་པ་ཞིག་ལ་ཁ་པར་མཐུད་ཐུབ་སྟེ་གནས་ཚུལ་ཅུང་གསལ་བོ་ཆགས་སོང་། ཟླ་སེ་ལགས་ཀྱིས་རང་ལུས་མེར་བསྲེགས་བཏང་བ་མིན་པར། རེག་པ་གྲོང་ཚོའི་རྒྱ་མིའི་ལས་ཁུངས་ཤིག་ལ་འབར་རྫས་གཡུགས་ཏེ་ཁོ་རང་ཡང་མཉམ་དུ་གྲོངས་འདུག དེ་དུས་ཁོང་གི་ལག་ཏུ་འགྱིག་དམ་ཆེན་པོ་ཞིག་གི་ནང་དུ་ས་སྣུམ་བཟུང་འདུག་ཟེར། དེ་ནི་ཁོང་གིས་རྒྱ་མིིའི་ལས་ཁུངས་ལ་འབར་རྫས་གཡུགས་རྗེས་རང་གི་ལུས་ལ་ས་སྣུམ་གཤོ་སྟེ་མེར་བསྲེགས་གཏོང་རྒྱུའི་འཆར་གཞི་བསྒྲིགས་ཡོད་ས་རེད”ཅེས་བརྗོད་བྱུང་།
སྦིར་ཤེས་རབ་གླིང་གི་གྲྭ་བསོད་ནམས་ཆོས་ལྡན་ལགས་ཀྱིས་གསར་འགོད་པར་བརྗོད་དོན། “ སྐུ་གྲོངས་མཁན་ཁོ་རང་དང་ང་རང་གཉིས་གྲོང་ཚོ་གཅིག་པ་རེད། སྤུན་ཉེའི་འབྲེལ་བའང་ཕྲན་བུ་ཡོད་པ་རེད། སྔོན་མ་ཁོའི་མིང་ལ་ཟླ་སེ་ཟེར་གྱི་ཡོད། ཁོ་གཉན་སྒོར་ཞང་རེག་པ་གྲོང་ཚོར་མག་པར་ཕྱིན་རྗེས་མིང་ལ་བཀྲ་ཤིས་ཟེར་གྱི་ཡོད་ས་རེད། ཕྱི་ཚེས་ ༢༤ ཉིན་ཁོས་འབར་རྫས་དང་ས་སྣུམ་གྲ་སྒྲིག་གིས་རྒྱ་མི་གཏན་སྡོད་བྱེད་སའི་ལས་ཁུངས་ཡོད་ས་དེར་ཕྱིན་ཏེ། འབར་རྫས་གཏོར་ཏེ་རྒྱ་མིའི་ལས་ཁུངས་གཏོར་ཡོད་ས་རེད། དེ་དང་མཉམ་དུ་ཁོ་རང་ཡང་གྲོངས་འདུག ལས་ཁུངས་དེར་གཏོར་ཅི་ཙམ་བཟོས་ཡོད་མེད་ཤེས་ཐུབ་མ་སོང་། དེའི་རྗེས་སྡེ་དགེ་རྫོང་གི་ཉེན་རྟོག་པ་མང་པོ་འབྱོར་ཏེ་ཁོང་གི་ཕུང་བོ་བཙན་འཁྱེར་བྱས་འདུག རྗེས་སུ་ང་ཚོའི་ནང་མི་སྤུན་ཉེ་སྐོར་ཞིག་ཕར་ཕྱིན་ཏེ་ཕུང་པོ་ཚུར་ལེན་ཐབས་བྱས་ཀྱང་སྤྲད་མི་འདུག ” ཅེས་བརྗོད་བྱུང་།
དེ་རིང་གསར་འགོད་པས་བསྐྱར་དུ་རྫོང་གསར་བཤད་གྲྭའི་གྲྭ་ངག་དབང་བཟང་པོ་ལགས་སུ། དེའི་རྗེས་སུ་གནས་ཚུལ་ག་རེ་བྱུང་ཡོད་མེད་དྲིས་པར་ཁོང་གིས་ “ ཁས་ཉིན་བཀྲ་ཤིས་འདས་གྲོངས་སུ་ཕྱིན་རྗེས། རྒྱ་མིའི་ཉེན་རྟོག་པས་བཙན་འཕྲོག་བྱས་ཡོད་ཀྱང་། རྗེས་སུ་དགོན་པའི་མཁན་པོ་གཙོས་པའི་གྲྭ་བ་ ༦ དང་ཁོང་གི་ཉེ་འབྲེལ་བཅས་མི་ ༡༡ ཉེན་རྟོག་ལས་ཁུངས་སུ་ཕྱིན་སྐབས། བཀྲ་ཤིས་ཀྱིས་ཕུང་བོ་བདག་པོ་རྒྱག་ཆོག་ཀྱང་། ཕྱིར་གྲོང་ཚོའི་ནང་དུ་འཁྱེར་མི་ཆོག་པའི་བཙན་བཀའ་བཏང་ཡོད་སྟབས། ཁ་སང་ཕྱི་ཚེས་ ༢༧ ཉིན་གྱི་སྔ་དྲོར་སྡེ་དགེ་རྫོང་དང་གཉན་སྒོར་ཞིང་གཉིས་ཀྱི་བར་དུ་ཡོད་པའི་མ་ཎི་ཀེ་མགོ་ཟེར་བའི་ས་དེར་བཀྲ་ཤིས་ལགས་ཀྱི་ཕུང་པོ་མེར་བསྲེགས་གཏོང་དགོས་བྱུང་འདུག སྐུ་ཕུང་ཞུགས་འབུལ་སྐབས་མཐའ་འཁོར་དུ་རྒྱ་ནག་གི་དམག་མིས་བསྐོར་ནས་བསྡད་འདུག་ཟེར” ཅེས་བརྗོད་བྱུང་།
ཁོས་མུ་མཐུད་དུ་བརྗོད་པར། “ ནམ་རྒྱུན་ཁོ་རང་མི་དྲང་མོ་ཞིག་ཡོད་པ་རེད། ཁོས་འབར་རྫས་གཡུགས་སའི་ལས་ཁུངས་དེ་རྒྱ་གཞུང་གིས་རེག་པ་གྲོང་ཚོ་དང་ཝ་པཱ་གྲོང་ཚོ་གཉིས་ལ་ལྟ་རྟོག་བྱེད་པར་ཆེད་དུ་བཙུགས་པའི་ལས་ཁུངས་ཞིག་རེད། ལས་ཁུངས་དེ་གསར་རྒྱག་བྱེད་སྐབས་ས་གནས་མི་མང་གིས་མོས་མཐུན་མེད་པའི་རྣམ་འགྱུར་ཤུགས་ཆེན་བསྟན་ཡང་། ས་གནས་མང་ཚོགས་ཀྱི་སྐད་ཆར་སྣང་མེད་བྱས་ཏེ་བཙན་ཤེད་ཀྱིས་ལས་ཁུངས་དེ་བརྒྱབ་འདུག ཐེངས་འདིར་ཁོང་གིས་ལས་ཁུངས་དེ་གཏོར་ཆེད་འབར་རྫས་གཡུགས་ཡོད་ཀྱང་། འབར་རྫས་ཀྱི་ཤུགས་ཚད་ཀྱིས་ཁོ་རང་གི་མགོ་དང་ལུས་པོ་ཡང་དུམ་བུར་བཏང་འདུག་ཟེར། ” ཅེས་བརྗོད་བྱུང་།
ཟླ་སེ་འམ་མིང་གཞན་ལ་བཀྲ་ཤིས་ཞེས་པ་ཁོང་ནི་ཁམས་སྡེ་དགེ་དབོན་ཐོག་ཞང་འགྱུར་མདའ་གྲོང་ཚོར་སྐྱེས་ཤིང་། ཕ་མིང་ལ་རྡོ་བ་དང་མ་མིང་ལ་པད་མ་དབང་མོ་ཟེར་གྱི་ཡོད་འདུག ཁོང་རང་ལོ་ ༡༧ ཙམ་ལ་གཉན་སྒོར་ཞང་རེག་པ་གྲོང་ཚོའི་བུ་མོ་ཡ་སྐྱིད་ཞུ་བ་ཞིག་གི་མག་པར་ཕྱིན་ཡོད་པ་དང་། ད་ཆར་ཁོང་ལ་ཕྲུ་གུ་བུ་མོ་གཉིས་ཡོད་པ་ལས་ཆེ་བའི་མིང་ལ་སྐལ་བཟང་དབང་མོ་ཟེར་ཞིང་རང་ལོ་ ༡༡ ཡིན་འདུག་ལ། བུ་མོ་ཆུང་བའི་མིང་ཤེས་རྟོགས་མ་ཐུབ་ཀྱང་ད་ལྟ་ལོ་ ༥ ལ་སོན་ཙམ་ཡིན་འདུག
གསར་འགོད་པ། དོན་གོ
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
དེ་རིང་བར་དུ་གོ་མ་སོང་། སྐྱིད་ད་ཧོ་ད། ཁ་ཆེའི་སྔོན་ནས་བོད་པ་སྡར་མའི་ངོ་ཚ་དེ་འཕྱི་ཙམ་བྱས་པ་རེད། ང་སྐྲག་ཤོད་སྐྱག་ཤོར་དག་ལ་སྟོན་པས་བྱམས་སྙིང་བརྗེ་དང་ལས་རྒྱུ་འབྲས་ཀྱིས་སེམས་གསོ་གནང་ཡོད་པས་ཡིན་འདོགས་ཀྱིས་སྡོད་ཆོག་མོད། ཚུད་མཇེ་བཅད་པའི་ལན་དུ་ཕར་རྣ་བཅད་བའི་བཟོད་པ་ཆེན་མོ་འཚེ་བ་ཡིན་མིན་གྱི་བགྲོ་གླེང་བྱེད་པ་ངོ་ཚ། ང་ལྟར་ཤི་རོ་ཡིན་ན་ངག་བསྡམས་ཤེས་ན་མི་མཛེས་སམ།
ཟླ་སེ་བདེ་བར་ཅན་ལ་སྐྱེ་བར་ཤོག ཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿ
ཝ་རྔ་མ་ཤ་ལེ་བྲོས་པ་ལས།།སྟག་འཛུམ་དྲུག་ཉི་ལེ་ཤི་ན་བཟང་།། དཔའ་རྒོད་མཆོག་གུས་འདུལ་རྗེས་སུ་ཡིད་རངས་ཞུ།། རྒྱ་གུང་ཕྲན་བསད་ན་སྡུག་པ་མེད།།རྒྱ་བོད་སྤོར་གསད་ན་དྲག་སྤྱོད་མིན།།ལགས་སོ་ལགས་སོ་དཔའ་རྒོད་དག
འབར་རྫས་གཡུགས་པ་ཙམ་གྱིས་འཚེ་བའི་ལས་སུ་འགྲོ་ན་ཧ་ཅང་ཐལ་དྲག་པ་རེད། གཙོ་བོ་སེམས་ཅན་གྱི་འཚེ་སྲོག་ལ་གནོད་སྐྱོན་བཏང་ཡོད་ན་འཚེ་བའི་ངོ་བོར་ངོས་འཛིན་འོས་པ་ཡིན། དཔའ་བོ་ཟླ་སྲས་མཆོག་གིས་ཞོགས་པ་སྔ་པོ་ཆུ་ཚོད་གསུམ་པ་ནས་འགད་རྫས་སྤར་དོན་དེས་སྲོག་གཅོད་འཚེ་བའི་ལས་བྱེད་འདོད་མེད་པ་དེ་བདེན་དཔང་བྱེད་ཐུབ་པ་ཞིག་རེད་དོ།།
གལ་སྲིད་འབར་རྫས་ས་སྟོང་ཞིག་ལ་གཡུག་ནའང་འཚེ་བའི་གྲས་ལ་འཇོག་འོས་སམ། ཁང་པ་ཁ་ཤས་ཤིག་དང་ཡང་ན་བཅའ་དངོས་འགའ་ཤས་གཏོར་ན་འཚེ་བར་རྩི་མི་རུང་ངོ་།
མི་མེད་ཁང་སྟོང་ཞིག་གཏོར་བ་འཚེ་བའི་ལས་ཤིག་ཡིན་དོགས་མེད། དཔའ་བོའི་མཛད་རྗེས་ལ་བསྔགས་བརྗོད་ཞུ། བརྡ་ལན་ཡག་པོ་ཞིག་སྤྲད་འདུག
དཔའ་རྒོལ་ཁོང་ལ་རྗེས་སུ་ཡི་རངས་ཞུ་རྒྱུ་ཡིན།ཡག་པོ་འདུག་དགྲ་ཤ་ལེན་རྒྱུ་ནི་བོད་མི་རིགས་ཀྱི་ཐུན་མོང་གི་འདུ་ཤེས་ཤིག་ཏུ་ཆགས་ཡོད།རྒྱ་ནག་གཞུང་གིས་སྲིད་ཇུས་ལ་བསྐྱར་ཞིབ་དང་བསྐྱར་བཅོས་བྱེད་དགོས་པའི་དུས་ལ་བབ་ཡོད་པ་མ་གཏོགས་འདི་ནི་གཉའ་གནོན་ལས་འུ་ཐུག་ཐབས་ཟད་ལས་བྱུང་བ་ཞིག་ཡིན་པ་ལས་གཞན་མ་རེད།
དྲ་འབུ་དག་གིས་འདྲ་མིན་ལབ་ན་ཡག་པོ་མཏོང་མ་སོང་།
དཔའ་བོ་འདིས་མ་འོང་པར་ང་ཚོས་ཀྱང་རྒྱལ་སྤྱིའི་དྲག་རྒོལ་ཚོ་ཇི་བཞིན་བྱེད་ཐུབ་པ་དང་། བྱེད་འདོད་ཡོད་པའི་རྣམ་འགྱུར་གསལ་བོ་བསྟན་འདུག
ཟླ་ཟེ་ལགས་ཀྱིས་ཁང་པ་སྟོང་བ་ཞིག་གཏོར་ན་དེ་དྲག་པོ་རེད་ཅེས་ཁ་ཚོད་གཅོད་མཁན་དག་ནི་ངས་བལྟས་ན་ཅུང་སྔ་དྲགས་པ་རེད། ཟླ་སེ་ལགས་ཀྱིས་ཀྱང་སྔ་གཞུག་གང་སར་དགོངས་བཞེས་ཀྱིས་མཚན་གུང་ནང་ན་རྒྱ་མི་བོད་མི་སུ་ཡང་མེད་པའི་སྐབས་ལ་ཁང་བ་དེ་གཏོར་འདུག དེའི་ཕྱིར་འདི་ནི་དྲག་པོའི་ལས་འགུལ་གྱི་གྲལ་དུ་ནམ་ཡང་འགྲོ་ཐབས་མི་འདུག་སྙམ། ཚོར་མེད་སྲོག་མེད་ཀྱིས་ཁང་བ་ཞིག་གཏོར་བ་དེ་ནི་འཚེ་བཅས་དྲག་ལས་ཞིག་ལ་གཞར་ཡང་འགྲོ་ཐབས་མེད་པས། ་དྲ་གྲོགས་ཚོས་གླེང་ཕྱོགས་ལ་གཟབ་ནན་ཞུ་དགོས། ངས་བལྟས་ན་འདི་ནི་འཚེ་བ་མེད་པའི་ལས་འགུལ་ཞིག་ཡིན་པ་མ་ཟད། རྒྱ་ནག་ཉེན་བརྡ་ཞིག་བཏང་བའང་ལགས་པས། དཔའ་བོ་ཁོང་ལ་རྗེས་སུ་ཡི་རངས་དང་། ཁོང་གིོ་བྱེད་ཐབས་ལ་བསྔགས་བརྗོད་ཞུ་འདོད་བྱུང་སོང་།
དཔའ་བོའི་མཛད་རྗེས་ལ་བསྔགས་བརྗོད་ཞུ། རྒྱ་མི་འདི་ཚོ་གཅིག་ལས་མིན་ན་ཡང་ཉུང་རུ་གཏོང་དགོས་ངེས་རེད། དེ་མིན་དགེ་སྡིག་བཤན་འབྱེད་གཤིན་རྗེ་ཆོས་རྒྱལ་ལ་ཡང་ཁུ་ཚུར་ཞིག་བརྡེག་འདོད་བྱུང་། ལས་འགུལ་ནང་སྐར་ཆའི་དུས་ཡུན་ཙམ་ཡང་ཞུགས་མྱོང་མེད་པའི་མལ་ས་དྲོན་མོའི་ནང་ནས་གཅིག་གཅིག་མེག་མེག་སྡུག་སྡུག་ལབ་མཁན་ང་དང་ང་འདྲ་བ་ཚོའི་ཞལ་ལ་སྐྱག་པས་མཆོད།
འཁོན་སེམས་དང་བཅས་པའི་ངོ་རྒོལ་འདི་རིགས་ཅིས་ཀྱང་འབྱུང་སྲིད། འདིས་ཉེན་བརྡ་ཞིག་གཏོང་གིན་ཡོད། འདི་གཏོར་བཅོམ་ལ་གཏོགས་ན་ཡང་ཧ་ཅང་ཆུང་ངུ་ཞིག་རེད། ཡང་གཅིག་བཤད་ན་འདི་ཡང་རང་སྲོག་བློས་གཏོང་གི་བྱེད་ཐབས་རིགས་ཤིག་རེད། གང་ལྟར་རང་སྲོག་རང་གཅོད་ཀྱིས་ངོ་རྒོལ་གྱི་རྣམ་འགྱུར་ཤུགས་ཆེན་བསྟན་ཡོད་པ་ཙམ་ལས་གཞན་སྲོག་ལ་རྒོལ་བའི་དྲག་སྤྱོད་པའི་རིགས་ལ་མི་གཏོགས།
གངས་ཅན་པའི་ཕོ་རྒོད་ཟླ་སེ་ལ། ཡུལ་གྱར་བ་ངས་སྙིང་དབུས་ནས་གུས་བཏུད་ཞུ།
ཁྱེད་འདྲ་བའི་ཕོ་རྒོད་ཁ་ཤས་ད་དུང་ཡོང་དགོས་ངེས་རེད།
རྒྱ་དམར་ཀྱིས། དམར་སྒར་དང་། དངུལ་ཁང་། ཟམ་ཆེན་ཁག། ཆུ་གློག་ས་ཚུགས་ཆེ་ཁག། རྣམ་ཐང་། མེ་འཁོར་ནང་བཅས་སུ་ངེས་པར་ཅན་དུ། འབར་རྫས་ཀྱི་གཏོར་དགོས། ད་དུང་དཔོན་ངན་རེ་གཉིས་ཡང་། ལྐོག་བསད་བྱེད་དགོས་ངེས་རེད། དེ་ནས་རྒྱ་དམར་ཀྱིས་ག་རེ་བྱས་སོང་བལྟ་ཡོང་།
ཚེ་སྲོག་བློས་གཏོང་བྱས་པ་འདི་མི་རིགས་ཀྱི་ཆེད་དུ་ཡིན་པས་སྙིང་ནས་གུས་འདུ་ཞུ་གཞིན་ཡོད། ཡིན་ཡང་རྣམ་པ་དྲག་ལས་ཡིན་པས་ན་རྒྱ་དམར་སྲིད་གཞུང་ལ་ཁེ་ཚོང་རག་པ་རེད།
ད་ཡིན་ན་བོད་ནང་གི་བོད་པ་ཚོའི་སྙིང་སྟོབས་དེ་ཇེ་ཆེ་ནས་ཇེ་ཆེ་རེད། ངོ་མས་སྐྲག་ནི་ཟིག་རེད། ལས་འགུལ་འདི་འདྲ་ནི་དྲག་པོ་རེད། འོན་ཀྱང་མཐར་ཐུག་ལམ་ཁ་འདི་འདྲ་ཞིག་ལས་མ་རག་ན་ཅི་བྱེད། ང་ཚོས་གྲ་སྒྲིག་ཡག་གཙོག་གཉིས་མ་བྱས་ན་དཀའ་ས་རེད་འདོད་ཀི
ཟླ་སེ་ལགས་ཀྱི་མཛད་རྗེས་ལ་སྙིང་ཐག་པ་ནས་གུས་འདུད་དང་ཐུགས་རྗེ་ཆེ་ཞུ། དེ་མིན་བདེ་ས་སྐྱིད་ས་ཤིག་ནས་ཟས་ཐུན་གཅིག་ཀྱང་གཅོད་མི་ཐུབ་པའི་ང་དང་ང་འདྲ་བའི་བཀྲ་ཤིས་སོགས་ལ་སྐྱག་པ་ཟོ་ཟེར་འདོད་བྱུང་།
ང་ཚོས་ཁོང་ལ་གུས་རྩི་དང་། བྱེད་ཐབས་ལ་རྗེས་སུ་དེ་འདྲ་མི་ཡོང་བའི་འབོད་སྐུལ་ནན་མོ་བྱས་ན་འགྲིག་གི གཞན་ལས་འགུལ་འདི་དང་འདི་འདྲ་ལ་སྐུལ་མ་གང་ནས་ཐེབས་དང་། ཇི་ལྟར་ཐེབས་ཀྱིན་ཡོད་པའི་ཕྱོགས་སུ་ང་ཚོ་བཙན་བྱོལ་བ་ཚོས་བསམ་གཞིགས་བྱ་དགོས་སའང་ཡོད་སྲི
སྤྱིར་འབར་རྫས་བེད་སྤྱད་ནས་འགོག་རྒོལ་བྱེད་པ་ནི་དྲག་པོའི་ཐབས་ལམ་ཞིག་ཡིན་པ་ནི་བདེན་པ་རེད། དེ་ང་ཚོས་ངོས་ལེན་བྱེད་དགོས་པ་ཡིན། ཁ་ཆེ་བ་ཞིག་གིས་ལས་འགུལ་འདི་འདྲ་སྤེལ་སྐབས་དྲག་པོའི་ལས་ཡིན་དགོས་ལ་བོད་མི་ཞིག་གིས་སྤེལ་སྐབས་མ་རེད་ཟེར་ན་དྲང་པོའི་སྐད་ཆ་མིན།
བཀྲ་ཤིས་ཟེར་བ་ཁོང་ད་ལྟ་ཁམས་གསུམ་འགྲོ་བ་རིགས་དྲུག་གང་དུ་གནས་ཡོད་ན་ཡང་མྱུར་དུ་སྤྱན་རས་གཟིགས་ཀྱི་ཞིང་དུ་སླར་ཡང་སྐྱེ་བའི་སྨོན་འདུན་ཞུ།
ཨོྃ་མ་ཎི་པདྨེ་ཧྰུཾ། བོད་ཁ་བ་ཅན་གྱི་ཆེད་དུ་གཅེས་པའི་ཚེ་སྲོག་བློས་བཏང་བ་ནི་བློ་ཡུལ་ལས་བརྒལ་ཞིང་གཟི་བརྗིད་ལྡན་པ་ཉག་གཅིག་རེད་དེ། ད་དུང་ལམ་ཁ་འདི་ཅུང་སྔ་དྲགས་འདུག ཁྱེད་ཀྱི་སེམས་ཁོང་ན་བཟོད་དཀའ་བའི་སྙིང་ནད་དང་གནོན་དཀའ་ཤ་འཁོན་ཡོད་པས་ཁྱེད་ལ་དངོས་གནས་ཁེགས་མི་འདུག་མོད། ད་དུང་འདི་ནི་ཅུང་སྔ་དྲགས་འདུག དངོས་གནས་སྔ་དྲགས་འདུག
གོང་ན་མཆན་སྤེལ་བ་ཞིག་གིས་རྒྱལ་བ་རིན་པོ་ཆེའི་ཐུགས་དགོངས་དང་འགལ་རབས་ཀྱི་མཆན་ཞིག་སྤེལ་འདུག དེ་དངོས་གནས་ཡག་པོ་མི་འདུག མེར་སྲོག་གཏོང་མཁན་རྣམས་དང་ཁོང་གི་བློས་གཏོང་འདྲ་འདྲ་རེད་ལ། མི་རིགས་ཀྱི་དོན་ཆེན་བསམ་པའང་འདྲ་འདྲ་རེད། དེའི་ཕྱིར། འདི་ལ་རྒྱལ་བ་རིན་པོ་ཆེའི་དགོངས་པའི་ཚད་གཞི་འཇལ་ན་དངོས་གནས་ཡག་པོ་མི་འདུག
དེའི་ཕྱིར་དྲ་བདག་གིས་མཆན་དེ་འདྲ་འོང་ན་མི་འགོད་རྒྱུ་གལ་ཆེན་རེད་ལ། གོང་གི་དེའང་བསུབ་རྒྱུ་གལ་ཆེན་རེད།
ཚུར་རང་ཉིད་སྲེག་ཐུབ་མཁན་ཞིག་གི་བློ་སྟོབས་ལ་འགྲན་ཟླ་མེད་ཅིང་དཔའ་རྩལ་ལ་ཞུམ་པ་བྲལ། ཡིན་ནའང་། ད་བར་རྒྱ་གཞུང་ལ་ཞི་འབོད་ངང་རེ་བ་བྱས་ཏེ་ཡོང་བའི་མི་རིགས་འདིས། རྒྱ་ནག་གིས་བོད་མི་འབུམ་ཚོ་མང་པོ་བསད་པའི་ལོ་རྒྱུས་མཁྱེན་གྱི་ཡོད་རུང་། རང་གི་དཔའ་རྩལ་དེ་རྒྱ་ཕྱོགས་སུ་ནམ་ཡང་སྐོར་མྱོང་མེད། ད་དུང་རྒྱ་ནག་གི་གདུག་རྩུབ་ཉིན་རེ་ནས་ཅེ་ཆེར་འགྲོ་སྐབས་རང་ཉིད་མ་ཤི་སྔོན་དུ་གཞན་ཞིག་གསོད་པའི་ཐབས་ལམ་མི་ཡོང་ངམ་བསམ་པའི་སེམས་ཁྲལ་སུ་ལའང་ཡོད་པས། རྒྱ་ནག་གི་དཔོན་རིགས་ཚོས་ངེས་པར་རྩེད་མོ་རྩེད་མི་རུང་བར་བསམ་བློ་ནན་མོ་གཏོང་དགོས།
ཟླ་སེ་ལ་མ་ཎི་འདོན།
ལས་འགུལ་འཚེ་བ་མེད་པ་སྤེལ་དགོས། འཚེ་བ་བྱས་ན་༸གོང་ས་མཆོག་གི་དགོངས་གཞི་དང་ཡང་མི་མཐུན། བོད་པའི་གནས་བབ་དང་མི་མཐུན།
ཕྱིན་ཆད་ལས་འགུལ་ག་རེ་སྤེལ་ན་ཡང་འཚེ་བ་མེད་པ་གལ་ཆེ་ནི་རེད།