གཟའ་པ་སངས་ཉིན་ཨ་རིའི་ནང་རླུང་འཚུབ་ཀྱི་རྐྱེན་པས་སྡོད་ཁང་དང་རྒྱུ་དངོས་ལ་གཏོར་སྐྱོན་ཆེན་པོ་བཟོས་ཡོད་པ་མ་ཟད། ཉུང་མཐར་མི་ ༢༨ རྐྱེན་ལམ་དུ་བཏང་པའི་གནས་ཚུལ་བྱུང་འདུག
ཁ་སང་ཕྱི་ཚེས་༢ཉིན་ཨ་རིའི་ལྷོ་ནུབ་ས་ཁུལ་ཁག་ནང་རླུང་འཚུབ་དྲག་པོ་གཡུགས་ཏེ། ཤིང་སྡོད་བཅག་པ་དང་རླངས་འཁོར་ཁུར་པ། ཁང་ཀླད་རླུང་གིས་ཁྱེར་པ་སོགས་བྱུང་ཡོད་ཅིང་། རླུང་འཚུབ་ཀྱི་ཉེན་འཚབ་ཆེ་ཤོས་དེ་ཨ་རིའི་ཨིན་ཌི་ཡ་ཎ་(Indiana) མངའ་སྡེ་དང་ཀེན་ཊུག་ཀེ་(Kentucky)། ཨོ་ཧེའོ་(Ohio) སོགས་ཀྱི་ནང་བྱུང་ཡོད་འདུག་ལ། ད་སྔ་ཤེས་རྟོགས་བྱུང་པ་ལྟར་ན་གཟའ་པ་སངས་ཉིན་ཨིན་ཌི་ཡ་ཎ་གཅིག་པུའི་ནང་མི་ ༡༥ རླུང་འཚུབ་དོན་རྐྱེན་འོག་རྐྱེན་འདས་སུ་གྱུར་ཡོད་འདུག
ད་ལྟ་རླུང་འཚུབ་གཏོང་སྐྱོན་ཐེབས་ཡུལ་གང་སར་མྱུར་སྐྱོབ་རུ་ཁག་དང་དམག་མི་བཏང་སྟེ། རྨས་སྐྱོན་ཕོག་མཁན་དང་སྡོད་ཁང་ལ་གཏོར་སྐྱོན་བྱུང་རིགས་མྱུར་སྐྱོབ་བྱེད་ཀྱི་ཡོད་པ་དང་། ཤི་རྨས་ཀྱི་ཁ་གྲངས་ཀྱང་འཕར་བཞིན་ཡོད་འདུག ཤི་རྨས་ཐེབས་མཁན་ཕལ་ཆེ་བ་ཤིང་སྡོང་ཆགས་པ་དང་རླངས་འཁོར་རྡབ་སྐྱོན་བྱུང་པ། ཁང་པ་རྡུབ་པ་སོགས་ལ་བརྟེན་ནས་རྐྱེན་ལམ་དུ་ཕྱིན་ཡོད་འདུག
གསར་འགོད་པ། བནྡེ་སྐྱབས།
འབྱུང་བ་རླུང་དང་ཆབ་སྲིད་དྲག་པོའི་རླུང་།།
ངན་གཡོ་རླུང་དང་མགོ་བདེ་དྲན་འཁྲུལ་རླུང་།།
འཇིག་རྟེན་མི་ཆོས་རླུང་དང་ལྷ་ཆོས་རླུང་།།
ཐམས་ཅད་རྒྱུ་འབྲས་རྟེན་འབྱུང་རླུང་ལ་འཐིམ།།