དེ་རིང་ཚེ་བརྟན་རྡོ་རྗེ་མ་བུ་གསུམ་གྱིས་གོམ་བགྲོད་མགོ་འཛུགས་གནང་སོང་།

ཨ་མ་རྒན་མོར་མ་ཎི་མཁོ། །
སྲིང་མོ་ཆུང་ཆུང་སློབ་སྦྱོང་མཁོ། །
ཁྱོད་རང་ཉིད་ལ་ཁྱིམ་ཚང་མཁོ། །
རྩོམ་དེབ་དཔར་ན་བོད་དོན་རེད། །

དཔའ་མཛངས་སྙིང་སྟོབས་ལྡན་པའི་གངས་ཅན་པའི་མ་བུགསུམ། ཁྱེད་ཅག་གི་བླ་ན་མེད་པའི་ལྷག་བསམ་དང་འགྱུར་བ་མེད་པའི་བློས་བཏང་གི་ཁྱོད་སེམས་ལམ གུས་པས་སྙིང་ཁོང་རུས་པའི་གཏིང་ནས་གུས་འདུད་ཞུ།

བོད་ནང་གི་མེ་མཆོད་ལས་འགུལ་དང་ཚེ་བརྟན་རྡོ་རྗེ་སོགས་ཀྱི་འཐབ་རྩོད་ལས་འགུལ་འདི་དག་གིས། རང་ཐག་རང་གཅོད་ཀྱི་ལངས་ཕྱོགས་གསར་བ་དབུ་བརྙེས་པ་མཚོན་ལ། དེ་བཞིན་སྤྱི་འགན་སྒེར་ངོས་ནས་སྒྲུབ་པའི་འགོ་ཚུགས་པའི་ཁ་ཕྱོགས་ཤིག་ཏུ་སྣང་ངོ་།།

མ་བུ་གསུམ་གྱི་བོད་གངས་ལྗོངས་ཀྱི་ཆོས་དང་རིགས་གཞུང་ཆེད་དུ་གོམ་བགྲོད་ཀྱི་དབུ་འཁྲིད་གནང་བ་རྗེས་སུ་ཡིད་རང་ལན་བརྒྱར་ཞུ། གྲུབ་འབྲས་ཡག་པོ་ཐོབ་པར་ཤོག།

ཁྱེད་ཅག་ལམ་དུ་ཆས་སྐབས་མི་མང་གིས་མིག་ཆུ་བཞུར་གྱིན་ཡོད། ཁྱེད་ཅག་ཕེབས་པ་གཟི་བརྗིད་དང་དཔའ་ངར་གྱིས་འཚོ་བཞིན་ཡོད། ཁྱེད་ཅག་ནི་ང་ཚོ་དང་ནམ་ཡང་འབྲལ་བ་མེད།
ངས་ཀྱང་མིག་ཆུ་ཞིག་དང་ཁ་བཏགས་ཤིག་གིས་ཁྱེད་ཅག་སྐྱེལ་མ་ཞུས་ཡོད། དེ་ནི་སེམས་གཏིང་ནས་བཞུར་བའི་སྐྱོ་ངལ་གྱི་ཚོར་བ་ཡིན་ལ། འགྲེལ་བཤད་མ་ངེས་པའི་ཚོར་བ་ཞིག་གི་རླབས་རྒྱུན་ཡིན།
མི་འགྱུར་གངས་ཕྲུག་ལགས། ང་ཚོ་ནམ་ཡང་ཁྱེད་ཅག་དང་ཁ་ཐག་ཉེ་ལ། ཁྱེད་ཅག་དང་མཉམ་དུ་ཡོད།
བསྟན་འཛིན་ནོར་བཟང་གིས་གཞུང་འབྲེལ་མ་ཡིན་པའི་ཚོགས་པ་ལྔ་ཞེས་འུར་སྐད་བསྐྱོན་ནའང་། ཚོགས་པ་དང་མི་སྒེར་གྱི་འཚངས་ཁ་ཤིག་ཤིག་གིས་ཁ་བཏགས་དང་མིག་ཆུ་འབུལ་སྟངས་ནི་བསླད་མེད་པའི་མི་མང་གི་རེ་བ་དང་། ཡིད་ཆེས། དམ་ཚིག་ཡིན་པས་་་་་་ཨ་ཅེ་ལྡོམ་པོ་དང་། བརྩེ་བའི་ལྷ་མོ་སྐྱིད་་་་ཁྱེད་ཅག་ལ་དཀའ་ཁག་ཅི་ཙམ་ཡོད་པ་ནི་ང་ཚོ་ཐུན་མོང་གི་ཡིན་པས། སེམས་སྟོབས་དང་ལ་བརྒྱ་རྒྱུན་བསྲིངས་ཡོང་བའི་རེ་བ་བཅས་ཕུལ།

ཆེས་བཀུར་བར་འོས་བའི་བདག་གི་ཁྱིམ་རྒྱུད་དགའ་བོ།
ཁོ་བོ་ཆུང་ཆུང་ད་ལྟ་ལྷོ་ཕྱོགས་ཀྱི་གྲོང་སྡེ་ཆུང་ངུ་ཞིག་ན་གནས་ཡོད་པས།
བདག་གིས་ངེས་བར་དུ་འདི་ན་ཡིད་འགུལ་གྱིས་ངུ་བཞིན་པའི་རྒན་པོ་འདི་དག་གི་
ཚབ་བྱས་ནས་ཁྱེད་ཅག་གི་ཆོད་སེམས་བརྟན་པའི་མི་རིགས་འཐབ་རྩོད་ལ་སྙིང་ཐག་པ་
ནས་ཐུགས་རྗེ་ཞུ། འདི་ནི་རླུང་འཕྲིན་གྱི་འགྲམ་ན་མིག་ཆུ་ཤམ་ཤམ་དང་མཆོད་ཁང་གི་ནང་ན་སྨོན་ལམ་ཕུར་ཚུགས་སུ་འདེབ་པའི་ཞིང་གྲོང་འདིའི་མི་སེར་ཚང་མས་སེམས་བསམ་པའི་ཚབ་མཚོན་ཙམ་ཡིན་པས། ཁོ་བོས་དྲ་ལམ་འདི་ནས་རང་ཉིད་གཏོགས་པའི་འདི་གའི་མི་མང་ཚང་མས་ཚབ་བྱས་ནས་ཐུགས་རྗེའི་བླ་ལྷག་ཏུ་ཞུ་བ་དང་ཆབས་ཅིག་་་་་་ཨ་མ་སྡོམ་པོོ་སྐྱིད་དང་ཨ་ཇོ་ཚེ་བརྟན་རྡོ་རྗེ། ད་དུང་རང་ཉིད་ཀྱི་སློབ་གྲོགས་ལྷ་མོ་སྐྱིད་བཅས་ཀྱི་བྱ་བཞག་ཡིད་བཞིན་དུ་འགྲུབ་པའི་སྨོན་ལམ་ཡང་ཡང་འདེབ། ཐུགས་རྗེ་ཆེ།

ཁྱེད་མ་བུ་གསུམ་གྱིས་ཉེན་ཁ་དང་དཀའ་ངལ་ཇི་ཡོད་ཤེས་བཞིན་དུ་བློས་བཏོང་གནངས་ནས་བོད་མི་སྐྱིད་སྡུག་མཉམ་མྱོང་དང་སྡུག་སེམས་མཉམ་བསྐྱེད་ཁ་ཙམ་ཚིག་ཙམ་མིན་པ་དངོས་གནས་ལག་ལེན་གནངས་བར་འདིར་རྗེས་སུ་ཡིདརངས་ཞུ་གིན་ཡིན།
དེ་དང་མཉམ་རང་ཉིད་ངོས་ནས་ཀྱང་རང་ནུས་གང་ཡོད་དང་ཐབས་ཤེས་གང་དྲགས་བྱེད་ནས་མི་རིགས་འདི་དང་རྒྱལ་ཁབ་འདིའི་ཆེད་དུ་ལས་འགུལ་སྣ་གང་མང་སྤེལ་ཅི་ཐུབ་བྱེད་ངེས་ཡིན།།

རྒྱལ་གཅེས་ལྷག་བསམ་ཅན་གྱི་ཁྱེད་མ་བུ་གསུམ་ལ་སྙིང་ཁོང་རུས་པའི་གཏིང་ནས་རྗེས་སུ་ཡི་རང་ཞུ་རྒྱུ་དང་། དཀའ་ཚེགས་དང་ཉེན་ཁ་ཤིན་ཏུ་ཆེ་བའི་ལས་འགུལ་འདིར་གྲུབ་འབྲས་གཟེངས་སུ་ཐོན་པ་ཞིག་ཡོང་བའི་སྨོན་འདུན་ཞུའོ།།།

དེ་རིང་ངས་མ་ལོ་ཞིག་གིས་རང་གི་མི་རིགས་ལ་བཅངས་བའི་ལྷད་མེད་དག་གཙང་གི་སེམས་པ་དེ་ཚོར་སོང། དེ་རིང་ངས་ཕུ་བོ་ཞིག་གིས་རང་གི་རྒྱལ་ཁབ་ཀྱི་ཆེད་དུ་བློས་གཏོང་བྱས་པའི་འགྱུར་མེད་དཔའ་སྟོབས་ཀྱི་ཆོད་སེམས་དེ་རྟོགས་སོང་། དེ་རིང་ངས་ནུ་མོ་ཞིག་གིས་རིགས་ཀྱི་ཕུགས་འདུན་ལ་བརྩོན་པའི་ཡལ་མེད་རྒྱལ་ཞེན་གྱི་ལ་རྒྱ་དེ་མྱོང་སོང་། མདོར་ན་དེ་རིང་ངས་ཁྱིམ་ཚང་ཞིག་གིས་ཡོད་ཚད་མི་རིགས་དང་རྒྱལ་ཁབ་ཀྱི་ཆེད་དུ་ཕུལ་བའི་རླབས་ཆེན་གྱི་བྱུང་རབས་ཤིག་རྙེད་སོང་།།
མིག་ཆུས་སྐྱེལ་མ་བྱས་ཡོད།

ཀུན་གྱིས་སྲེད་ཞེན་གཞི་མ་སྲིད་པའི་ནོར།།
བློ་ཡིས་བཏང་ནས་ས་ཡ་དྲུག་གི་ཆེད།།
ཇི་སྲིད་ཚེ་ཡི་ཀ་བ་མ་འགྱེལ་བར།།
འཐབ་རྩོད་གོམ་པ་བསྟེན་པའི་ཆོད་སེམས་འདིས།།
མང་མང་སེམས་ལ་དྲན་སྐུལ་རི་མོ་ཕབ།།
མ་བུ་གསུམ་གྱི་གོམ་བགྲོད་ལས་འགུལ་འདིས།།
རེ་བ་སྟོང་གི་མེ་ཁ་གསོ་ངེས་པས།།
མ་བཅོས་སེམས་ནས་ཡི་རང་ཕྱག་བགྱི་འོ།།

རྩོམ་པ་པོ་ཚེ་བརྟན་རྡོ་རྗེ་མ་བུ་གསུམ་གྱི་བོད་སྐྱོད་ཞི་བའི་གོམ་བགྲོད་དེ་ལམ་འགྲོ་དང་བྱ་བཞག་ཐམས་ཅད་ལྷུན་གྱིས་འགྲུབ་པར་ཤོག གཞན་ཡང་བཙན་བྱོལ་ཁྲོད་ཀྱི་མི་སྣ་སྐྲག་ཅན་དཔེར་ན་་་་་་་་་་་་་་་་ཤར་ཕྱོགས་ཁུག་རྟ་དང་་ཨ་རིག་དགེ་མཐོང་།་་་ཀླུ་མཁར་བྱམས།་་་་་་་་་་རབ་བཙན་པ་ལ་་་་་ལྟ་བུ་སོགས་ནས་ཀྱང་ཁོ་མ་བུ་གསུམ་གྱི་ལམ་སྟོན་གནང་བ་ལྟར་་་་་་་་་་་་་་་་རང་ཐད་ནས་ཁ་ཡོད་ལག་ཡོད་ཀྱི་ལས་འགུལ་རེ་སྤེལ་ན་ཕྱོགས་གང་ཐད་ནས་དགེ་མཚན་ཆེ་དྲན།་

ང་ཡང་ཁྱེད་མ་བུ་གསུམ་དང་མཉམ་དུ་འགྲོ་བསམ་གི ངས་ད་རུང་གསན་ཚུལ་ཡག་པོ་མ་ཤེས་ནས་ལྷག་སོང་ཟིག

རྩོམ་པ་པོ་ཚེ་བརྟན་རྡོ་རྗེ་མ་བུ་གསུམ་གྱི་བོད་སྐྱོད་ཞི་བའི་གོམ་བགྲོད་དེ་ལམ་འགྲོ་དང་བྱ་བཞག་ཐམས་ཅད་ལྷུན་གྱིས་འགྲུབ་པར་ཤོག

གྲོགས་ཤ་ཁྲག་རུས་གསུམ་ལ་ནམ་ཡང་བར་ཆད་མེད་པའི་སྨོན་ལམ་དང་བསམ་དོན་ཡིད་བཞིན་འགྲུ་བའི་སྨོན་ལམ་ཡོད། སྐུ་ཚེ་རིང་།