ཟླ་འདིའི་ཕྱི་ཚེས་ ༢༢ ཉིན་༸གོང་ས་མཆོག་བཞུགས་སྒར་ནས་ཆིབས་ཐོན་གྱིས་གྷ་གྷལ་མཁའ་ལམ་བརྒྱུད་ལྡི་ལིར་ཕེབས་རྒྱུ་ཡིན་འདུག་ལ། སྐབས་དེར་༸གོང་ས་མཆོག་གིས་ལྡི་ལི་གཙུག་ལག་སློབ་ཆེན་གྱི་ཐང་ཆེན་དུ། དགེ་ལས་སློབ་ཕྲུག་དང་ས་གནས་མང་ཚོགས་ལ་༼ ཤེས་ཡོན་དང་འབྲེལ་ཏེ་བཟང་སྤྱོད་གོང་དུ་གཏོང་ཐབས ༽ཞེས་པའི་བརྗོད་གཞིའི་ཐོག་བཀའ་སློབ་བསྩལ་རྒྱུ་དང་། ཕྱི་ཟླ་ ༣ ཚེས་ ༣༡ ནས་ཕྱི་ཟླ་ ༤ ཚེས་ ༡ ཉིན་བར་གནས་མཆོག་མཚོ་པདྨ་རུ་འཚོགས་བཞིན་པའི་སྨོན་ལམ་གྱི་ཚོགས་མགོན་དུ་ཆིབས་བསྒྱུར་གྱིས་མང་ཚོགས་ལ་གསུང་ཆོས་བསྩལ་རྒྱུ་ཡིན་འདུག
ཁམས་སྤྲུལ་རིན་པོ་ཆེ་མཆོག་གིས་ཇི་ལྟར་གསོལ་འདེབས་ཞུས་དོན་ལྟར། ཕྱི་ཟླ་ ༤ ཚེས་ ༣ ནས་ ༥ ཉིན་བར་བཞུགས་སྒར་ཉེ་འདབས་ནོར་གླིང་དུ་གསར་འཛུགས་བྱས་པའི་འཆི་མེད་དགའ་ཚལ་གླིང་དགོན་པའི་ཚོགས་རའི་ནང་། ས་གནས་མང་ཚོགས་ལ་གསུང་ཆོས་དང་བཀའ་བརྒྱད་ཀྱི་བཀའ་དབང་བཅས་བསྩལ་རྒྱུ་དང་། ཕྱི་ཟླ་ ༤ ཚེས་ ༡༤ ཉིན་ནས་དུས་ཡུན་བདུན་ཕྲག་གཉིས་ཙམ་རིང་ཨ་རིར་ཆིབས་བསྒྱུར་གྱིས་ཆོས་ཕྱོགས་ཀྱི་མཛད་འཕྲིན་ཁག་བསྐྱང་རྒྱུ་ཡིན་འདུག
གསར་འགོད་པ། དཔལ་ལྡན།
བདེན་པ་ཉིད་རྒྱལ་གྱུར་གཅིག
བཀྲ་ཤིས་འོད་སྣང་འབུམ་དུ་འཕྲོ་བའི་གཟིས།།
ནག་ཕྱོགས་མུན་པའི་གཡུལ་ལས་རྒྱལ་གྱུར་ཅིག།
ཁོང་གི་མཛད་པ་ལ་བར་ཆད་མེད་པར་སྨོན། ནག་ཕྱོགས་ཀྱི་བསམ་ངན་གང་ཡིན་ངའི་སྟེང་དུ་ཡོང་བར་ཤོག བླ་མ་མཁྱེན་