དེ་རིང་ཕྱི་དྲོར་བོད་ཨ་མདོ་མཚོ་ལྷོ་ཆབ་ཆ་ཁུལ་མི་རིགས་དགེ་འོས་སློབ་གྲྭའི་སློབ་མ་ཚོས་རྒྱ་གཞུང་ལ་ཞི་བའི་རྔམ་སྟོན་ཁྲོམ་སྐོར་གནང་ཡོད་འདུག
དེ་རིང་ཕྱི་དྲོར་རྒྱ་གར་ལྷོ་ཕྱོགས་སེ་རྭ་དགོན་པའི་དགེ་འདུན་པ་འཇམ་དབྱངས་ལགས་ཀྱིས་ཕ་ཡུལ་མཚོ་ལྷོ་ཆབ་ཆ་ཁུལ་ཐོག་སྡོད་པའི་བོད་མི་ཞིག་ལ་ཁ་པར་བརྒྱུད་གནས་ཚུལ་ཐོས་གསལ་ལྟར་ན། དེ་རིང་ཉིན་རྒྱབ་བོད་ནང་གི་ཆུ་ཚོད་ ༤ ཡས་མས་ལ་མཚོ་ལྷོ་ཁུལ་མི་རིགས་དགེ་འོས་སློབ་གྲྭའི་སློབ་མ་རྣམས་ཀྱིས་ཐོག་མ་སློབ་གྲྭའི་སྒོ་རྭའི་ནང་ནས་མགོ་འཛུགས་ཀྱིས་༼ སྐད་ཡིག་འདྲ་མཉམ། མི་རིགས་འདྲ་མཉམ ༽ ཞེས་ངོ་རྒོལ་སྐད་འབོད་དང་། དེ་ནས་སློབ་གྲྭའི་ཕྱི་ལོགས་སུ་ཐོན་ཏེ་རྔམ་སྟོན་ཁྲོམ་སྐོར་བྱས་ཡོད་འདུག
གནས་ཚུལ་མཁོ་སྤྲོད་པའི་བརྗོད་པ་ལྟར་ན། སྐབས་དེར་རྒྱ་ནག་གི་དྲག་ཆས་ཉེན་རྟོག་པ་དང་དམག་མི་འབོར་ཆེན་བསླེབས་ཏེ་སློབ་མ་སྐོར་ཞིག་འཇུ་བཟུང་སོགས་ཛ་དྲག་གི་གནས་སྟངས་ཆགས་ཡོད་འདུག གནས་ཚུལ་མཁོ་སྤྲོད་པས། “ད་ངེད་གཉིས་སྐད་ཆ་མཚམས་འཇོག་བྱེད། སྲང་ལམ་ཡོངས་ཟང་ཟང་གིས་ཉེན་ཁ་ཆེན་པོ་ཆགས་འདུག ཁ་པར་གྱི་ལམ་ནས་འདི་ལྟར་བརྗོད་ན་རྒྱ་གཞུང་གི་ལྐོག་ཉན་བྱས་ཡོད་པས་ཉེན་ཁ་ཧ་ཅང་ཆེན་པོ་ཡོད་པ་རེད” ཅེས་ཁ་པར་གཏོང་མཚམས་བཞག་ཡོད་འདུག
མཉམ་གཅིག་ཡར་ལངས་ལུས་འགུལ་སྤེལ་བ་ཡིན་ན་ནུས་ཤུགས་ཤིག་ཐོན་ངེས་ཅན་རེད་འདོད། ཆོལ་ཁ་ཆོས་ལུགས་དབྱེ་བ་མེད་པར་ཆོག་སྒྲིལ་ངང་ངོ་རྒོལ་ལུས་འགུལ་སྤེལ་རྒྱུ་གལ་ཆེན་རེད།
གངས་ཅན་ལྗོངས་ཀྱི་ཆོས་སྲིད་བྱ་བའི་གདུགས།།
འདེགས་པའི་སྲི་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།
༸ གོང་ས་སྐྱབས་མགོན་ཡིད་བཞིན་ནོར་བུས་གསུངས།།
གང་དུ་དྲག་གནོན་ཡོད་ན། དེ་རུ་ངོ་རྒོལ་ཡོད།
གཙོ་འཛིན་མའོ་ཙེ་ཏུང་གིས་གསུངས།།
བོད་རྒྱལ་ལོ།
འདི་ལྟར་རང་དོན་བློས་བཏང་གི་སྙིང་སྟོབས་ལ་གུས་བརྩི་རྟག་ཏུ་ཞུས་དང་ཞུ་བཞིན་ལགས། ཐུགས་རྗེ་ཆེ།
ཨ་ལེ་ཁྱེད་སེམས་ཤུགས་ཆགས་སོང་ནི་མ་རེད་པ་ཤིང་ལོ་དྲ་གྲོགས་ལགས
ཨོ་ད་ཡིན་ན་འགྲིག་འདུག རྨ་ལྷོ་རེབ་ཀོང་དང་། མཚོ་ལྷོ་ཆབ་ཆ་གཉིས་མདོ་སྨད་མཚོ་སྔོན་ཁོངས་གཏོགས་ཀྱི་བོད་རིགས་ཤེས་ཡོན་ཅན་མང་ས་ཞིག་རེད། འདི་གཉིས་ཀྱི་བོད་རང་དབང་གི་འབོད་ཚིག་འདིས། དུས་ད་གཟོད་བོད་མདོ་སྨད་ཀྱི་གྲ་གྲུ་ཐམས་ཅད་ལ་སྣུམ་གྱིས་ཟིན་པ་ལྟར་ཁྱབ་རྒྱུ་ཡིན་པ་མ་ཟད། བོད་རང་དབང་གི་འབོད་སྒྲ་འདི་གོང་གསལ་ཁུལ་དེ་གཉིས་ཀྱི་རྫོང་ཁུལ་བཅུ་གཉིས་ཙམ་གྱི་བོད་རོང་འབྲོག་མང་ཚོགས་ཀྱི་སེམས་ཀྱི་རྨིང་ལ་ཐིམ་རྒྱུ་རེད། བོད་རྒྱལ་ལོ། ཆོལ་ཁ་གསུམ་རྒྱལ་ལོ།
ལྷག་བསམ་དང་ལ་རྒྱས་ཕྱུག་པའི་མི་རིགས་འདིའི་གསོན་རྩ་རྣམས་ཀྱི་ཡར་ལངས་འདིར་བཀའ་དྲིན་བླ་མེད་ཆེ།
འདིའི་སློབ་མ་ཚོར་བོད་ཡིག་མི་དགོས་ལ་བོད་སྐད་ཀྱང་མི་ཤོད། ད་བོད་ནང་གི་སློབ་ཕྲུག་ཚོས་རེ་བ་དང་ཡིད་ཆེས་བྱེད་ས་རང་ཉིད་ལས་གཞན་མེད། འདི་དག་གི་སྐབས་སློབ་ཕྲུག་ཚོས་ངེས་པར་དུ་ལུས་ངག་གི་བྱ་སྤྱོད་ཚད་ལྡན་གནང་རྒྱུ་གལ་ཆེ།