ཁ་སང་ཉིན་གུང་མཚོ་ལྷོ་ཁུལ་མི་རིགས་སློབ་འབྲིང་གི་སློབ་མ་རྣམས་ཀྱིས་ཡར་ལངས་ངོ་རྒོལ་བྱས་ཡོད་པ་ལྟར། སློབ་གྲྭའི་དགེ་སློབ་ཁག་ཅིག་འཇུ་བཟུང་བཀག་ཉར་བྱས་ཡོད་འདུག
ངྷ་ས་གནས་སྡོད་བསྟན་འཛིན་སྨོན་ལམ་ལགས་ཀྱིས་ཁ་པར་བརྒྱུད་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཁ་སང་ཕྱི་ཚེས་ ༡༧ ཉིན་གྱི་ཉིན་གུང་ཙམ་ལ་མཚོ་ལྷོ་བོད་རིགས་རང་སྐྱོང་ཁུལ་མི་རིགས་སློབ་འབྲིང་གི་སློབ་མ་རྣམས་ཀྱིས་ཡར་ལངས་ངོ་རྒོལ་བྱས་ཡོད་པ་ལྟར། གནས་ཚུལ་དེར་རྐྱེན་བྱས་ནས་རྒྱ་གཞུང་གིས་སློབ་གྲྭའི་དགེ་སློབ་ཁག་ཅིག་འཇུ་བཟུང་བཀག་ཉར་བྱས་ཡོད་འདུག
ད་ལྟའི་ཆར་སློབ་གྲྭའི་ཕྱི་ནང་གང་སར་བཀག་སྡོམ་ནན་མོ་བྱེད་ཀྱི་ཡོད་པ་མ་ཟད། དྲ་རྒྱ་དང་ཁ་པར་བརྒྱུད་ལམ་སོགས་ལ་ལྟ་རྟོག་ནན་མོ་བྱེད་བཞིན་ཡོད་སྟབས། ཞིབ་ཕྲའི་ག་ནས་ཚུལ་ཤེས་རྟོགས་བྱུང་མི་འདུག
གསར་འགོད་པ། དོན་གོ
གསར་འགོད་པས་གནས་ཚུལ་ཁུངས་ལྡན་འགོད་དགོས་ནའང་། གནས་ཚུལ་མཁོ་སྤྲོད་པའི་མིང་དང་ས་གནས་སོགས་མ་བཀོད་ན་བཟང་སྙམ་ལ། བོད་ནས་གསར་འགྱུར་ལེན་ནའང་ལུང་འདྲེན་ཡང་དག་བྱེད་པ་ལས་སྐད་དངོས་སུ་རླུང་འཕྲིན་ནང་མ་བཀོད་ན་བཟང་སྙམ།