སྐུ་ལུས་མེར་བསྲེགས་མི་གཏོང་རྒྱུའི་འབོད་སྐུལ།

དུས་བབ་གསར་ཁང་གི་བྱེད་རྣམས་ལ་དྲི་བ་ཞིག་དྲི་རྒྱུ་ལ་ངའི་བསམ་ཚུལ་ཅིའི་ཕྱིར་མ་སྟོན་པ་ཡིན་ནམ? ངའི་བསམ་ཚུལ་དེ་བརྗོད་གཞི་དང་མ་མཐུན་པ་གང་ཡང་མེད་ ཡང་ན་ངའི་བསམ་ཚུལ་དེའི་རིགས་སྟོན་ཆོག་གི་མེད་པ་ཡིན་ནམ?   གང་ཡིན་ཞེ་ན་ངའི་བསམ་ཚུལ་ཐེང་མ་ཁ་ཤས་སྟོན་མ་བྱུང་། བྱས་ཙང་སྐད་ཆ་འདི་དྲིས་པ་ཡིན་ཁྱེད་རྣམས་དགོང་འགལ་མེད་པ་ཞུ།

ཤར་སྤྲུལ་དམ་ཆོས་རྒྱ་མཚོ་ཟེར་བ་འདིས་ཅི་ཡང་མི་ཤེས་པར་ད་དུང་ཅིག་ཅིག་མུག་མུག་དགོས་སྐོར་ངོ་ཚ་མེད་པ་ག་རེས་ཡིན་ནམ། དཔེར་ན། གཞན་ཡང་སྲིད་སྐྱོང་བཀའ་ཤག་དང་སྤྱི་མཐུན་གྲོས་ཚོགས། ཁྲིམས་བཟོ་ལྷན་ཚོགས་བཅས་ལ་སྙིང་དབུས་ནས་འབོད་སྐུལ་ཞུ་རྒྱུ་ལ། ཟེར་བར་ལྟོས་དང་། སྤྱི་མཐུན་གྲོས་ཚོགས་ཟེར་བ་ཞིག་མི་འདུག་ སྤྱི་མཐུན་མ་རེད། སྤྱི་འཐུས་རེད་སྤྲུལ་ཁོ། སྤྱི་འཐུས་ལྷན་ཚོགས་ལབ་ཚར་དུས་ཡང་བསྐྱལ་ཁྲིམས་བཟོ་ལྷན་ཚོགས་ཟེར་དགོས་ཡོད་མ་རེད་སྤྲུལ་ཁོ། སྤྱི་འཐུས་ལྷན་ཚོགས་དང་ཁྲིམས་བཟོ་ལྷན་ཚོགས་གཉིས་གཅིག་པ་རེད་སྤྲུལ་ཁོ། འདི་ཙམ་ལས་ཅང་མ་ཤེས་ན་ཞལ་བཙུམ་ནས་བཞུགས་ཤིག་སྤྲུལ་ཁོ། སྤྲུལ་ལོ་ཁྱེད་ཀྱིས་རང་ལུས་མེ་བསྲེགས་མི་གནང་པར་ས་ཡིག་བསྡུས་ལ་མཉམ་འབྲེལ་ཚོགས་ཀྱིས་དོ་སྣང་ཡོང་པ་ཞིག་གནང་དང་། ཨང་སྤྲུལ་སྐུ་ཚང་། ཨང་སྐུ་ལོ་ཚང་། ཨང་སྤྲུལ་ཁོ་ཚང་། ཨང་ཤར་སྤྲུལ་ཚང་། ད་དུང་ལྷོ་སྤྲུལ་དང་། ནུབ་སྤྲུལ་དང་། བྱང་སྤྲུལ་བཅས་ཀྱིས་རྨོངས་འཆར་རེ་ཐོན་དང་། ཅི་ཡང་མི་ཤེས་ཤིང་། ཉམས་མྱོང་མེད་པའི་སྐུ་ལོ་འདི་ཚོ་མཁྱེན། ཤར་སྤྲུལ་དམ་ཆོས་རྒྱ་མཚོ་མཁྱེན་ནོ། །ཤར་སྤྲུལ་དམ་ཆོས་རྒྱ་མཚོ་མཁྱེན་ནོ། །ཤར་སྤྲུལ་དམ་ཆོས་རྒྱ་མཚོ་མཁྱེན་ནོ། །ཨང་སྐྱབས་སུ་མཆི།

ད་ཁྱེད་ཀྱིས་སྐུ་ལུས་མེར་སྲེག་མ་གཏོང་རོགས་ཞེས་རེ་སྐུལ་ཞུས་རྗེས་མེར་སྲེག་གཏོང་མཁན་ཇེ་མང་དུ་འགྲོ་སོང་ངོ་། དེ་ལས་འབོད་སྐུལ་ཤུགས་ཆེ་ཙམ་ཞུས་ན།  མེར་སྲེག་གཏོང་མཁན་མང་དྲགས་མེད་ན་ཉུང་དྲགས་མེད་ཡ།། དཔའ་བོ་ཚོ་རེ་རེ་བཞིན་གཤེགས་སོང་ན་ཕམ་པ་ལ།།

རྒྱབ་སྐྱོར་ཡོད།

སྲོག་གི་འགྲོ་སོང་ཆ་ཚང་བློས་གཏོང་བའི་གྲ་སྒྲིག་ཡོངས་སུ་གྲུབ་ཟིན་པའི་མྱི་ཞིག་ལ། གསེར་གྱི་བུམ་པ་ཁོག་སྟོང་ཞིག་ཀྱང་བློས་མི་ཐོང་བའི་མི་ཞིག་གིས་གན་བྱོས། འདི་བྱོས་ཞེས་སྐྱག་ལངས་ལ་ཤོར་བའི་བཀའ་བཀོད་དེ་འགྲོ་ཨེ་མྱོང་ངམ། 
འདང་མ་བརྒྱབར་སྐད་ཆ་བཤད་ཀ

བོད་དོན་འཐབ་རྩོད་པ་ཚོ་རྒྱ་དམར་གྱིས་བཙན་གྱིས་འགོག་བཞིན་ཡོད་ལ། སྐོར་ཞིག་གིས་ཐབས་ཀྱིས་འགོག་བཞིན་ཡོད། བཙན་དབང་བྱས་མ་བྱས་ཙམ་ལས་དོན་ལ་བོད་དོན་འཐབ་རྩོད་ལ་བར་ཆད་གཏོང་བཞིན་པ་གཅིག་པ་རེད། འོ་ན་ཚང་མ་ཉལ་ནས་སྡོད། བོད་དོན་འཐབ་རྩོད་འདི་མཐའ་གང་ཞིག་ལ་ཟགས་ན་ཟགས་བཅུག ཚང་མ་གཟིམས་བདེ།

ཆོས་འཕེལ་གྱི་གསུང་ལ་མཐའ་གཅིག་ཏུ་རྒྱབ་སྐྱོར་ཡོད་ གསུང་པར་ལ་མངོན་པར་བསྟོད་དོ། དམ་པའི་སྐྱེས་བུ་སྐུ་ཞབས་འཇམ་དཔལ་ཡེ་ཤེས་མཆོག་ཐར་ལམ་ལ་བར་ཆད་མེད་པའི་སྨོན་འདུན་ཞུ།

ཤར་སྤྲུལ་ཟེར་བ་འདིས།

༼དེས་ན་རྣམ་དཔྱོད་ལྡན་པའི་ཐབས་ལམ་ནི། སྐྱ་སེར་དབྱེ་བ་མེད་པའི་ཐོག་ནས། སོ་སོས་ཤེས་འཇོན་ལ་དཔག་པའི་རང་ཉིད་གནས་ཡུལ་གྱི་མི་མང་ནང་གང་ཐུབ་འབྲེལ་བཤད་དང་རོགས་སྐྱོར་གྱི་མཚན་རྟགས་གང་མང་བསྡུ་རུབ་ཐོག གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་བརྒྱུད། ས་གནས་གཞུང་དང་དབུས་གཞུང་བཅས་ནས་རིམ་པས་རྒྱབ་སྐྱོར་ཐོབ་ཐབས་ལ་འབད་བརྩོན་གནང་བ་ཡིན་ན། དེ་དག་ལ་རིམ་གྱིས་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་དང་། མཉམ་འབྲེལ་རྒྱལ་ཚོགས་སོགས་ནས་རྟོག་ཞིབ་བྱ་རྒྱུའི་ཕན་ནུས་ངེས་བརྟན་ཐོབ་སྲིད། ༽

འདི་ཁྱེད་རང་གིས་མེར་བསྲེག་མ་གཏོང་། འདི་ལྟར་བྱེས་དགོས་པའི་ཞེས་པའི་ལམ་སྟོན་རེད། ད་ལམ་སྟོན་འདི་ཙམ་ལས་མེད་ན། ད་ལྟ་བོད་མི་སུམ་ཅུ་སོ་བཞིས་རང་ལུས་མེར་བསྲེགས་བཏང་ཡོད། འདི་ཚོའི་ཁྲོད་དུ། ལྷ་སྡེ་མི་སྡེས་སྤྱི་གཙུག་གི་བླ་མ་དང་བསླབ་པ་སློབ་གཉེར་མཐར་ཕྱིན་མཁན་གྱི་ངེས་པ་དོན་གྱི་མཁས་པ། གཞན་ཡང་ཞིང་པ་དཀྱུས་མ་བཅས་ཁྱེད་རང་ཁྱེད་འདྲ་བ་ལས་སྔོན་ཐོན་དུ་བགྲངས་ཆོག་པ། མཁས་པར་བགྲངས་ཆོག་པ། མཁྱེན་དཔྱོད་གཉིས་ལྡན་དུ་བགྲངས་ཆོག་པ་ཞེ་ཅིག་གིས་འདམས་པའི་ལམ་ཁ་འདི་ཕན་མེད་དུ་སྒྲོག་པའི་ཁ་ཕོ་ཆེ་བ་ཙམ་ལ་ཅི་ཡང་མེད་དེ། བཤད་སྟངས་འདི་ནི་དམ་པ་ལྷ་ཆོས་ཕར་ཟད། འཇིག་རྟེན་མི་ཆོས་ཀྱི་ལུགས་ཀྱང་མི་མཁྱེན་པའི་རང་རྟགས་བསྟན་པར་མཐོིང་སོང་། སླད་ཕྱིན་ཆད་གླེན་བཤད་འདི་འདྲ་མི་གནང་བའི་རེ་བ་ཡོད།

སྤྱིར་དྲ་འབུ་ཁ་ཤས་ཀྱིས་ཁྱི་ཁ་ཙུམ་དགོས་ཚུལ་དང་དེ་མིན་ན་ཁྱི་སྐྱག་སྟེར་ཚུལ་ལྟ་བུའི་ཤ་ཟའི་སྐད་དེ་དག་བྱུང་ངས་བཤད་མི་འདོད། སྤྲུལ་སྐུའི་མང་ཅན་ཞིག་ཡིན་པ་ཁྱོད་ལ་སྐད་ཆ་འགའ་བཤད་ན། དང་པོ་ཁྱོད་ཀྱིས་བཤད་པ“འདི་ནི་བདེན་པའི་འཐབ་རྩོད་ཅིག་ཡིན་པ་ལས། ཨུ་ཚུགས་ངང་རང་སྲོག་རང་གིས་གཅོད་པ་འདི་ནི་རྣམ་དཔྱོད་དང་ལྡན་པའི་ཐབས་ལམ་ཞིག་རྩ་བ་ནས་མིན།”ཞེས་པ་འདི་ཁྱོད་ཀྱིས་བདེན་པ་གང་ཡིན་དང་རྫུན་པ་གང་ཡིན་དབྱེ་འབྱེད་མ་ཤེས་བ་ཞིག་དང་བདེན་པ་རྩོད་སྟངས་ཡང་མ་ཤེས་བ་ཞིག་སྟེ། བདེན་པ་རྩོད་ལུགས་ནི་འཚེ་བ་མ་བྱས་པར་ཅི་ལྟར་བརྩད་ནའང་ཆོག་པ་ཞིག་ཡིན་པ་ལས་“ཨུ་ཚུགས་”བདེན་པ་མིན་པ་དང་“མཚན་རྟགས་བསྡུ་རུབ”བདེན་པ་ཡིན་པའི་སྒྲུབ་བྱེད་ཅི་གདའ། འདི་དག་ལ་འབྲས་བུ་མི་ཐོན་པ་༸གོང་ས་མཆོག་གི་མ་མཁྱེན་གོང་ཁྱོད་ཀྱིས་ཅི་ལྟར་མཁྱེན་སོང་ཐལ་འདི་གཅིག་ཡིན། ང་ཚོ་བོད་འདི་ད་དུང་ཡང་བླ་སྤྲུལ་གྱིས་སྣེ་ཁྲིལ་ན་གང་དུ་ཡང་ཤར་སྐྱོད་བྱེད་པ་ཤེས་ཤེ་སྐྱབས་རྗེ་ཤིང་བཟའ་རིན་པོ་ཆེ་ལས་གཞན་ཁྱོད་དང་ཁྱོད་ལྟ་བུ་གདོང་ལ་མི་ཐོན་པ་ཅི་ཡིན་འདི་གཅིག་ཡིན། ཁྱོད་ཀྱི་བྲིས་རྩོམ་གྱི་འགོ་ལྔ་གང་དུ་ཡང་མྱེ་བསྲེག་ལས་འགུལ་འདི་ལ་སྣང་ཆུང་གྱི་ཆ་དང་ཟུར་མང་པོ་ཞིག་འདུག་པ་འདི་ཁྱོད་རང་སྣང་མཐོ་རྒྱུ་ཅུང་མང་དྲགས་པ་ཞིག་ལས་གཞན་གང་ཡང་མཐོང་མི་ཐུབ་པ་འདི་གཅིག་ཡིན། སྤྱི་འཐུས་ལྷན་ཚོགས་དང་ཁྲིམས་བཟོ་ལྷན་ཚོགས་གཉིས་སུ་བགྲང་འདུག་པ་འདི་ཡང་ཁྱོད་བོད་དོན་ལ་དོ་སྣང་ཡོད་མཁན་ཞིག་མིན་པ་ཤེས་ཀྱི་འདུག་འདི་གཅིག་ཡིན། ཡང་རྒྱ་ནག་ལ་འཇར་པན་གྱིས་བཙན་འཛུལ་སྐབས་དག་བོད་ལ་སྤྱར་བ་འདི་ཡང་ཧ་ཅང་མ་ཤེས་བ་ཞིག་སྟེ། སྐབས་དེ་དང་སྐབས་འདིའི་བར་ལ་དུས་རབས་ཀྱིས་བར་ཆོད་པ་དང་མི་རབས་ཀྱིས་བར་ཆོད་པ་བསམ་བློ་གསར་བའི་བར་ཆོད་ཧ་ཅང་ཆེ་བས་འདི་གཉིས་གཤིབ་ས་མི་འགྲོ་བ་འདི་ཤེས་དགོས་འདི་གཅིག་ཡིན། ཨུ་ཚུགས་ལ་ཟམ་གདོང་རིན་པོ་ཆེའི་ད་དུང་རེ་བ་རྒྱག་གི་འདུག་དུས་ཁྱོས་ཚོད་ཚོད་ལ་ཅིག་མཁྱེན་ཁུལ་མ་བྱེད་མིན་མིང་ཐོ་ཟེགས་བསྐྱལ་ཡིན་རྒྱུ་རེད་འདི་གཅིག་ཡིན། ད་དུང་ཁྱོས་ཚིག་ཐག་ཆོད་པའི་ངང་“ ང་ཚོས་སྤུན་ཟླ་ཚོས་རང་སྲོག་རང་གི་བཅད་པའི་ཐབས་ཤེས་འདི་དག་གོང་ཞུས་ལྟར་ཕན་ཐོགས་མེད་པ་མ་ཟད།”ཟེར་བ་འདི་ཅི་འདྲའི་དགོད་བསྐྱལ་ཞིག་མ་རེད་དམ།

དམ་ཆོས་ཟེར་བ་འདིས་ག་རེ་ཟེར་གྱིན་ཡོད་དམ།སྐད་ཆ་འདི་དག་གནའ་སྔ་མོ་ཞིག་ནས་བཟུང་མི་མང་གིས་བཤད་བཞིན་ཡོད་པས་ད་ལྟ་སྐད་ཆ་འདིར་རུལ་དྲི་བྲོ་བ་མ་གཏོགས་ཅི་ཡང་མི་འདུག རང་ལུས་མེར་སྲེག་གཏོང་བ་ནི་རང་འགུལ་སྒོས་གསོན་པ་ལས་འཆི་བ་བཟང་འདུག་ཅེས་པའི་མཚོན་དོན་ཡིན་ལ།དེ་ནི་གཅིག་གོ་གཉིས་ཆོད་དུ་གྱུར་ཡོད་པ་རེད།མེར་སྲེག་གཏོང་བ་དེས་བོད་དོན་ལ་སྔར་ལས་ལྷག་པར་འཛམ་གླིང་ཡོངས་ཀྱི་མི་དམངས་ཁྲོད་ངེས་ཤེས་ཟབ་མོ་ཞིག་སྤྲད་པ་མ་ཟད།རྒྱ་ནག་པོའི་གདུག་རྩུབ་ཆེན་པོ་དེའང་གོ་ལ་ཧྲིལ་པོ་འདིར་ཁྱབ་གདལ་དུ་བཏང་ཡོད།དེ་ནི་ང་ཚོ་བོད་ཀྱི་བདེན་དོན་འཐབ་རྩོད་ཐད་ལ་རྒྱལ་ཁ་ཆེན་པོ་ཞིག་ཐོབ་ཡོད་པ་རེད།
འོན་ཀྱང་ཕྱི་རྒྱལ་ཁག་གི་སྲིད་གཞུང་གིས་བོད་དོན་ཚབས་ཆེན་ཡིན་པ་ཤེས་ཞོར་དུ་བདེན་དོན་ལག་ལེན་མ་བྱས་པ་དེ་ནི་བོ༹ད་དོན་འཐབ་རྩོད་ཕམ་ཉེས་སུ་བྱུང་བ་ཅི་ཡང་མཚོན་མི་ཐུབ་བོ།
བོད་མི་རང་གིས་རང་ཉིད་སྐྱོབ་པ་ལས་གཞན་སུ་ཞིག་གིས་ལག་ཡོང་རེ་མེད་ཚེ་སྐེ་མི་བསྲིང་པ་ནི་ངོ་ཚོ་ཀུན་གྱིས་ཤེས་གསལ་རེད།

སྤྱི་མོས་གྲོས་ཆོད་ཅིག་དང་གསར་འགོད་བསྒྲགས་གཏམ་ཞིག

ཐོབ་ཐང་རྣམས་མུ་མཐུད་འཚེ་མེད་ཞི་བའི་ཐབས་ལམ་གྱི་རྒྱ་ལས་མ་འགོངས་པར་རྩོད་ལེན་ཞུ་རྒྱུ་གལ་འགངས་ཆེ་བའི་གཞེན་སྐུལ་ནན་ཏན་ཞུ

བོད་ཀྱི་རྩ་དོན་ལ་ཉེ་བར་མཁོ་བའི་མི་ཆའི་མཐུན་འགྱུར་སྐྲུན་སྟེ་འཐབ་རྩོད་སྲ་བརྟན་དུ་གཏོང་ཐུབ་པ་བྱུང་ན་བོད་ཀྱི་རྩ་དོན་ལ་ཕུགས་རྒྱང་རིང་པོའི་དགེ་མཚན་ཆེ་བ་ཡོད། དེར་བརྟེན་ང་ཚོས་སླར་ཡང་བོད་མི་ཚོར་འུ་ཐུག་གི་བྱ་སྤྱོད་རིགས་མ་སྤེལ་རོགས་ཞེས་དྲན་སྐུལ་ཞུ་རྒྱུ་ཡིན།
འདི་བོད་ཕྱི་ནང་གཉིས་ཀྱི་མིའི་ཚེ་སྲོག་གི་ཁྱད་པར་ཡིན་རྒྱུ་མ་རེད།

བོད་ཀྱི་ཆབ་སྲིད་དང་། གནད་དོན། ཆོས་དང་། ལྷག་པར་ཐེག་ཆེན་དོན་ལ་ཞིབ་འཇུག་མཐིལ་ཕྱིན་མ་བྱས་པའི་གཏམ་འཆལ་སྣ་ཚོགས་ཤིག དོན་གྱི་བོད་ཀྱི་རྒྱལ་གཅེས་ཆོས་གཅེས་ཀྱི་སྐུ་གཤེགས་དཔའ་བོ་དཔའ་མོ་འདི་དག་གི་གཤེགས་རྗེས་སུ་སྨྲ་བ་འདི་དག་སོ་སོས་ཀུན་སློང་རྣམ་དག་གིས་སྨྲས་པ་ཡིན་སྲིད་ཀྱང་ཤུལ་ལུས་གཞི་བྱེས་གཉིས་ཀྱི་དབུ་ནག་བོད་པ། ལུས་སེམས་གཉིས་ལ་མནར་གཅོད་མྱོང་བཞིན་པ་རྣམས་ལ་མཚོན་ན། རྨའི་ཐོག་ཏུ་རྒྱ་ཚ་བཞག་པ་བཞིན། སྙིང་གཏིང་ལ་ཟུང་ངུ་འབྱིན་བྱེད་ཙམ་དུ་ཟད་དོ།

གོང་ས་སྐྱབས་མགོན་ཆེན་པོ་དབུས་པའི་གཞིས་བྱེས་བོད་མི་མགོ་ལ་ཚད་ལྡན་གྱི་ཀླད་པ་དང་། ཁོག་ཏུ་བོད་བཙན་པོའི་གདུང་རྒྱུད་ལས་ཆད་པའི་སྙིང་ཁམས་ཡོད་ཚད་ཀྱིས། ཐབས་ཤེས་ཡོད་དགུ་རྩལ་དཀྲུག་གིས། འཚེ་མེད་ཞི་བདེའི་ལམ་རྩ་བའི་རྨང་གཞིར་བཞག་ནས་མི་ལོ་བརྒྱ་ཕྱེད་ལྷག་གི་རིང་ཉིན་མཚན་དུས་ཀུན་དུ་བོད་དོན་ལ་འབད་ཀྱང་།
ལམ་ལྷོང་གང་ཡང་མ་སོང་བ་མཁྱེན་གསལ་ཐོག ད་དུང་རྒྱ་གཞུང་གིས་བོད་ཀྱི་ལོ་རྒྱུས་དང་རྒྱལ་རབས་ལ་གསར་བཟོས་རྙིང་བསྣན་གྱིས་འཁྱོག་བཤད་དང་། གོང་ས་མཆོག་ལ་གཞི་མེད་ཀྱི་བཀུར་འདེབས་རང་ཅག་ཁ་བ་རི་བས་ཁ་ནས་བཏོན་ནུས་རྒྱུ་ཕར་ཚད་དུ་བཞག་ཁོག་ཏུ་རྨི་ལམ་ཚུན་དུ་དྲན་མི་ཕོད་པ་འཛེམ་ཟོན་མེད་པ་སྨྲ་རྐྱང་བྱེད་པ་དང་།
སྤྱང་གྲུང་དང་སྙིང་སྤོབས་ལྡན་པའི་བོད་པའི་གསར་ཚར་རྣམས། ཉེས་མེད་ཉེས་འཛུག་གིས་མནར་གསོད་དངོས་ལྐོག་གཉིས་ཆར་ནས་ཅི་ཐུབ་གང་ཐུབ་བྱེད་པ་དང་། སློབ་ཁང་མཛེས་ཆོས་ཅན་བརྩིགས་ན་ཡང་། ཏང་ལ་དགའ་ཞེན་ཡོད་མཁན་གྱི་བོད་ཡིག་ཀློག་སྦྱོར་ཙམ་ཡང་མི་ཐུབ་པའི་དགེ་རྒན་ཤ་སྟག་བསྐོས་ནས་བོད་ཀྱི་གསར་ཚར་རྣམས་མི་རིགས་ལས་དུད་འགྲོའི་གྲལ་དུ་མངག་པའི་ཆ་གཞི་ཉེས་ཚབ་ཅན་གཏིང་བ་དང་།
ལོ་གྲངས་སྟོང་ཕྲག་མང་པོའི་་ལོ་རྒྱུས་ཅན་གྱི་རིགས་གཞུང་དང་། ཆོས་ལུགས། གོམས་བཤིས་ཡོངས་རྫོགས་ལན་ཚ་ཆུ་རུ་གཏིམ་པ་བཞིན་གཡོ་སྒྱུ་ཕྲམ་གསུམ་གྱི་སྤྱོད་ངན་ཅན་གྱི་ཧིན་གྱི་རྒྱ་རིགས་ནང་དུ་ཡལ་བར་བྱེད་པའི་ངན་ཇུས་ཆ་ཚང་གཏིང་བ་དང་།
སོ་སོའི་སྐད་དང་རིགས་གཞུང་གོམས་བཤིས་ལ་ལོངས་སུ་སྤྱད་པའི་རང་དབང་དོན་གྱིས་མེད་པར་བཟོས་ནས་། གནད་འགག་འདི་དག་ཤེས་་མཁན་གྱི་བོད་པ་རྣམས་རིམ་གྱིས་མེད་པར་བཟོ་བ་སོགས། མདོར་ན་དམྱལ་བ་མི་ཡུལ་དུ་ཕོས་པའི་དུ་ཁ་བོད་ནང་དུ་གནས་པས་མྱོང་བཞིན་པ་ཡིན་པ་དེ། འཛམ་གླིང་སྤྱི་ཡིས་ཤེས་དགོས་ན་ཡང་། རྒྱ་གཞུང་གི་དཔལ་འབྱོར་དང་སྟོབས་ཤུག་གི་གྲིབ་ནག་འོག་དུ་སྒྲིབ་ནས། འཛམ་གླིང་སྐྱེ་བོ་ཀུན་ཀྱང་ལོང་པ་ཤ་སྟག་ཏུ་བསྒྱུར་ཡོད།
ང་ཚོ་ལ་ང་ཚོའི་གནས་ཚུལ་དེ་འཛམ་གླིང་ཡོངས་ལ་ཕྱི་གསལ་ནང་གསལ་བྱེད་པའི་དཔལ་འབྱོར་ནི་མེད་ལ། དམག་མཚོན་གྱི་སྟོབ་ཤུགས་དེ་ལས་ཀྱང་མེད།

གཞན་གྱི་ཞི་བདེའི་ཐབས་ལམ་ཇི་ལྟར་སྤྱད་ནས་འབད་ཀྱང་། མཐོང་ཆུང་སྣང་མེད་བཞག་རྐྱང་བྱས་པས། བོད་ཀྱི་དཔའ་བོ་དཔའ་མོ་དེ་དག་གིས་ལམ་འགག་ཆེས་མཐའ་མི་ནང་གི་མཐའ་མ། ཨུས་ཐུག་ཐབས་ཟད་ཀྱི་ལས་ཁ་རང་ལུས་མེད་སྲེག་གཏོང་ནས་འཛམ་གླིང་སྐྱེ་བོ་རྣམས་ལ་ངེད་ཅག་བོད་གྱི་དངོས་ཡོད་གནས་ཚུལ་དེ་སྒྲོགས་རྒྱུ་དེ་གདེམས་པ་རེད།

སྲོག་མཆོད་ཀྱི་ལས་ཀ་འདི་ནི་མི་ཞིག་གི་གཞན་གྱི་ཐབས་ལམ་གང་ཡང་མ་རྙེད་ནས་གདམ་པའི་ལས་ཀ་ཞིག་ཡིན་པ་དེ་ཤེས་པར་གྱིས།

ཁོང་རྣམ་པའི་ལྟ་བ་གང་ཡིན་པ་དང་། ཀུན་སློང་གང་ཡིན་པ་དེ། མགོ་ལ་ཀླད་པ་ཚད་ལྡན་ཞིག་ལྡན་ནས་ཤེས་ཐུབ སོ་སོའི་སྲོག་ལ་ཐུག་ཀྱང་གཞན་ལ་གནོད་པ་མི་བྱེད་ཟེར་བའི་དམ་བཅའ་དེ་ལ། འཚེ་བ་མེད་པའི་ལྟ་གྲུབ་དང་ཉམས་ལེན་ཟེར་འཇོག་པ་ལས་ཁས་སྙན་པོ་ཞིག་བཤད་ཤེས་པ་ཞིག་ལ་ཟེར་གྱི་མ་རེད། ད་ལྟའི་དཔའ་བོ་འདི་དག་གིས་སོ་སོའི་སྲོག་ལ་ཐུག་ཀྱང་གཞན་ལ་གནོད་པ་ནུས་ན་ཡང་བྱེད་ཀྱི་ཡོད་མ་རེད།

ཀུན་སློང་ཡང་གཞན་ཁོ་ནའི་ཆེད་དུ་ཡིན་པ་གསལ་བོ་རེད། སྐུ་གཤེགས་ཀྱི་དཔའ་བོ་དཔའ་མོ་དེ་དག་གིས་ང་ཚོའི་དལ་འབྱོར་འདི་རྙེད་པ་དཀའ་བ་ཡིན་པ་ཤེས་མཁན་ཤ་སྟག་རེད། འོན་ཀྱང་རྙེད་དཀའ་བ། སོ་སོ་སྒེར་ལ་མཚོན་ན་ཡོད་ཚད་ལས་དགའ་ཤོས་ཀྱི་ཚེ་སྲོག་དེ། གཞན་གྱི་བདེ་སྡུག་ཁོ་ནའི་ཆེད་དུ་གཏོང་པ་འདི་ལ། བདག་བས་གཞན་གཅེས་ཟེར་འཇོག་རྒྱུ་མིན་ན། བདག་ལས་གཞན་གཅེས་ཟེར་བའི་དོན་བསྐལ་བའི་བར་དུ་སུས་ཀྱང་འགྲེལ་མི་ཤེས།
དེས་ན་ཆོས་རྗེས་བླུན་པོ་སྨྲ་བ་ཉུང་ན་མཛེས་གསུང་པ་ཤིན་ཏུ་མད་དོ།

འོན་ཀྱང་ངས་ང་ཚོ་བོད་རྣམས་གཅིག་རྗེས་གཉིས་འཐུད་ཀྱིས་མེ་རུ་འཆང་དགོས་རེད་ཞུ་རྒྱུ་རྨི་ལམ་ཚུན་དུ་དྲན་མི་སྲིད་ན་ཡང་། སྐུ་གཤེགས་དམ་པ་རྣམས་ལ། སྙིང་གཏིང་ནས་གུས་འདུད་དང་། དེ་དག་གིས་མི་རིགས་ཆེད་དུ་འཆང་བའི་བརྩེ་སེམས་ལ་བཀའ་དྲིན་རྗེས་དྲན། བོད་ཀྱི་བསྟན་པ་ཆབ་སྲིད་ཀྱི་དོན་དུ་གཏོང་བའི་བོད་མི་རྣམས་ཀྱི་སྙིང་སྟོབས་ལ་བསྟོད་བསྔགས་སོ་སོས་མ་ཤེས་ན་མ་གཏོགས་པ་བྱེད་པ་ལས། སོ་སོས་བོད་དོན་ལ་སྐད་འབོད་ཙམ་ཡང་རྒྱག་རེ་མེད་བཞིན། སྐུ་གཤེགས་ཐུབ་མཁན་རྣམས་ཀྱི་མཛད་རྗེས་ལ་ནོར་དང་མ་ནོར་ཟེར་བརྗོད་པའི་ཁ་དེ་རྒྱ་གཞུང་དང་དེའི་ཕྱོགསག་ཏོགས་མིན་པ་སུ་ལའང་ཡོད་འོས་མེད།

གནས་ཚང་གིས་གསུང་བ་དེ་བདེན་པ་རེད།
སྤྱིར་བོད་མི་རིགས་ཀྱི་ལས་འགུལ་འདི་ལས་དབང་གི་སོ་ཁ་ནས་མ་བརྒལ་བར་སུས་ཀྱང་བསྒྱུར་མི་ནུས་ལ་འགོག་ཡང་མི་ཐུབ།

བྱང་ཆུབ་སེམས་དཔའ་དྲི་མེད་ཀུན་ལྡན་བདུད་རི་ཧ་ཤིང་ལ་ཕེབས་དུས་སློང་མི་བྱུང་ན་བུ་དང་ཆུང་མ་དང་། རང་གི་སྲོག་ཀྱང་སྟེར་བའི་དམ་བཅས། བཙུན་མོ་མནྡེ་བཟང་མོས་ཁོང་གི་ཕྱག་ཕྱིར་འཁྲིད་པའི་གསོལ་བ་བཏབ་དུས། ང་ཡི་སྦྱིན་པའི་བར་ཆད་མི་བྱེད་ན་འཁྲིད་ཆོག་གསུངས་ནས་ཁྲིད་པ་རེད། ལམ་བར་ནས་ཡོ་བྱད་དང་སྲས་མིང་སྲིང་དང་། མནྡེ་བཟང་མོ། ཐ་ན་ཁོང་གི་སྤྱན་བཅས་སྦྱིན་པ་བཏང་བ་རེད། དེ་ལ་གཟུགས་ཅན་གཟུགས་མེད་སུས་ཀྱང་བཀག་འགོག་གནང་མེད། ཐུགས་བསམ་བཞེས་དགོས་ཡ། སྤྱོད་འཇུག་ནང་ལུས་སྲོག་སྦྱིན་གཏོང་བྱེད་པའི་གནས་སྐབས་གང་འདྲ་ཞིག་ཡིན་མིན་དང་དེ་ཕལ་བ་ཞིག་གིས་མི་ནུས་པ་གསུངས་པ་དག་ལ་གཟིགས་དགོས།

མེ་ལྕེ་ལྷེམ་ལྷེམ་དུ་མཆེད་བཞིན་པའི་དང་ཐོག་དེར་ངེད་ཅག་སྐོར་ཞིག་ནས་འདི་ལྟར་ལྷག་བསམ་ཅན་གྱི་ཞི་རྒོལ་དཔའ་རྒོད་དག དུས་ཚོས་སྐར་མ་འགར་རྫོགས་མི་ཉན་པའི་འབོད་སྐུལ་ནན་མོ་བྱས་པ་ཡིན། འགོག་ཐབས་མ་བྱུང་སོང་།

ད་ལྟ་མེ་མཆོད་སོ་གཅིག་གི་མཚམས་ནི་གནས་བབ་ཛ་དྲག་ཅིང་རེ་བ་ཆེ་བའི་གཡོ་འགུལ་ཅན་གྱི་སྐྱོགས་མཚམས་ཤིག་ཏུ་སླེབས་པས་བཀག་མི་རུང་བར་འདོད་དོ།

བོད་ཀྱི་དཔའ་བོ་དཔའ་མོ་རྣམས་རྒྱལ་གྱུརད་ཅིག