ཉེ་བའི་དུས་ནས་རྒྱལ་ཚོགས་དྲུང་ཆེ་ཟུར་བ་ཀོ་ཧྥེ་ཨན་ནན་རྒྱལ་ཚོགས་དང་ཡུ་རོབ་མཐུན་ཚོགས་ཀྱི་དམིགས་བསལ་འཐུས་ཚབ་བྱེད་དེ།སེ་རི་ཡའི་གཞུང་དང་གྱེན་ལངས་ཤོག་ཁག་བར་ཞི་འགྲིག་གྲོས་མོལ་བྱེད་ཀྱི་ཡོད་པ་ལྟར།དེ་རིང་ནས་སེ་རི་ཡའི་གཞུང་གིས་ཀོ་ཧྥེ་ཨན་ནན་གྱི་གྲོས་དོན་གཞིར་བཞག་གིས་གྱེན་ལངས་མང་ཚོགས་སྟེང་མེ་མདའ་རྒྱག་པ་དང་དྲག་གནོན་བྱེད་པའི་བྱ་སྤྱོད་མཚམས་འཇོག་བྱས་ཡོད་འདུགའོན་ཀྱང་།ད་སྔ་གྲོང་ཁྱེར་དང་ས་གནས་ཁག་ཏུ་ཡོད་པའི་གཞུང་གི་དྲག་ཆས་དམག་མི་ཕྱིར་འཐེན་བྱེད་རྒྱུར་ཁས་ལེན་བྱས་ཡོད་ཀྱང་ལག་བསྟར་བྱས་པའི་བདེན་དཔང་ཁ་གསལ་བྱུང་མེད་སྟབས།ནུབ་ཕྱོགས་རྒྱལ་ཁབ་ཁག་གིས་མུ་མཐུད་སེ་རི་ཡའི་གཞུང་གིས་ཆོད་དོན་ཁག་ལག་བསྟར་བྱེད་མིན་ལ་རྟོག་ཞིབ་བྱ་དགོས་པའི་སྐུལ་མ་གཏོང་བཞིན་ཡོད་འདུག
སེ་རི་ཡའི་ནང་ཡོད་པའི་རྒྱལ་ཁབ་ཕྱི་ནང་གི་རྟོག་ཞིབ་མི་སྣ་ཁག་གིས་བརྗོད་པ་ལྟར་ན།ཀོ་ཧྥེ་ཨན་ནན་གྱི་གྲོས་དོན་དེའི་ཉིན་མཐའ་མ་ཁ་སང་ཕྱི་དྲོའི་ཆུ་ཚོད་༦བར་དུ་ཡིན་ཡང་།ཁ་སང་ཕྱི་དྲོ་སེ་རི་ཡའི་གྲོང་ཁྱེར་མང་པོའི་ནང་རྒྱུན་ལྡན་ལྟར་མེ་མདའ་དང་འབར་གས་སོགས་ཀྱི་སྒྲ་ཐོས་རྒྱུ་ཡོད་ཀྱང་།ད་ནངས་ཞོགས་པ་ནས་མེ་མདའ་རྒྱག་པ་དང་འགད་རྫས་གཏོར་པ་སོགས་ཀྱི་སྒྲ་མཚམས་འཇོག་བྱས་ཡོད་འདུགའོན་ཀྱང་།གྲོས་དོན་གཞན་ཁག་ཇི་ཙམ་དོན་ཐོག་ཏུ་འཁེལ་གྱི་ཡོད་མེད་ད་དུང་བཤད་ཁག་པོ་ཡིན་ཚུལ་བརྗོད་འདུག
གསར་འགོད་པ། བནྡེ་སྐྱབས།
སི་རི་ཡ་ལ་དྲག་གནོན་སྤྱོད་པ་དེ།།
དམར་དམར་མདོང་རྩུབ་པ་ནས་བྱུང་ཤས་ཆེ།།
གང་དུ་དྲག་རྩུབ་དར་ན་དེ་ཡི་ཡུལ།།
རྒྱ་དམར་པ་དང་གྲིབ་གཟུགས་འདྲེས་མ་རེད།།།།