དེ་རིང་ངྷ་ས་སྟོད་པ་སྐྱིད་སྡུག་ཚོགས་ཁང་དུ་དབུ་མའི་ལམ་ལས་འགུལ་ཁང་གི་ཚོགས་ཆེན་ཐེངས་གསུམ་པ་ཚོགས་ཏེ། བཀའ་ཟུར་ཟམ་གདོང་རིན་པོ་ཆེ་མཆོག་གིས་ལོ་རྒྱུས་ཀྱི་དུས་སྐབས་སོ་སོའི་བོད་ཀྱི་ཆབ་སྲིད་གནས་བབ་དང་། ལམ་དབུ་མའི་མདུན་ལམ་སྐོར་བཀའ་སློབ་བསྩལ་ཡོད།
དེ་རིང་ཕྱི་ཚེས་ ༡༢ ཉིན་ངྷ་ས་སྟོད་པ་སྐྱིད་སྡུག་ཚོགས་ཁང་དུ་དབུ་མའི་ལམ་ལས་འགུལ་ཁང་གི་ཚོགས་ཆེན་ཐེངས་གསུམ་པ་མགོ་འཛུགས་གནང་ཡོད་ཅིང་། མཛད་སྒོའི་སྐུ་མགྲོན་གཙོ་བོར་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་གཙོས་འབྲེལ་ཡོད་སྤྱི་འཐུས་ཁག་ཅིག་དང་། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། ཚོགས་ཞུགས་པ་དང་ས་གནས་མང་ཚོགས་བཅས་ཁྱོན་མི་ ༡༠༠ ལྷག་མཉམ་ཞུགས་གནང་འདུག ཐེངས་འདིའི་ཚོགས་ཆེན་དེ་ཕྱི་ཚེས་ ༡༢ ནས་ ༡༦ ཉིན་བར་འཚོགས་རྒྱུ་ཡིན་པ་དང་། ཚོགས་འདུའི་ཉིན་མཐའ་མར་རྒྱུན་ལས་གསར་འདེམས་དང་གྲོས་ཆོད་ཁག་འཇོག་རྒྱུ་ཡིན་འདུག
མཛད་སྒོའི་ཐོག་མར་སྐུ་མགྲོན་གཙོ་བོ་མཆོག་གིས་སྣང་གསལ་མར་མེ་ཞལ་འབྱེད་གནང་རྗེས་ཚོགས་ཞུགས་པ་ཡོངས་ཀྱིས་ཐུན་མོང་ཐོག་བོད་རྒྱལ་ཁབ་ཆེན་མོའི་རྒྱལ་གླུ་བཏང་བ་དང་། བོད་ནང་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་པ་ཚོར་མྱ་ངན་ངག་བཅད་སྐར་མ་གཅིག་གནང་སོང་། དེའི་རྗེས་དབུ་མའི་ལམ་ལས་འགུལ་ཁང་གི་འགན་འཛིན་ཡོན་ཏན་རྒྱ་མཚོ་ལགས་ཀྱིས་ཚོགས་པ་དེའི་ལས་བསྡོམས་སྒྲོག་སྦྱངས་གནང་བའི་ནང་། ད་བར་དབུ་མའི་ལམ་འགུལ་ཁང་གིས་ས་གནས་འདྲ་མིན་ནང་ཞི་བའི་གོམ་བགྲོད་དང་བགྲོ་གླེང་ཚོགས་འདུ། བསྔོ་སྨོན་འདུ་འཛོམས། ཡིག་ཆ་འགྲེམས་སྤེལ། ཟབ་སྦྱོང་གོ་སྒྲིག མ་དངུལ་འཚོལ་བསྡུ། སྐུ་མདུན་ལ་མཚན་སྨད་ཞུ་མཁན་ཚོར་དུས་ཐོག་ལན་འདེབས་གནང་བ་སོགས་ལས་འགུལ་འདྲ་མིན་སྤེལ་ཡོད་སྐོར་འཁོད་ཡོད་འདུག སྤྱི་འཐུས་ཟླ་བ་ཚེ་རིང་ལགས་ཀྱིས་དབུ་མའི་ལམ་ལས་འགུལ་ཁང་གི་རྩིས་ཁྲ་གསལ་བཤད་དང་སྦྲགས། ༢༠༡༠ ལོའི་ཟླ་ ༣ ཚེས་ ༣༠ ཉིན་ནས་ ༢༠༡༢ ཟླ་ ༨ ཚེས་ ༡ ཉིན་བར་དབུ་མའི་ལམ་ལས་འགུལ་ཁང་ལ་ཁྱོན་ཡོང་འབབ་ཧིན་སྒོར་འབུམ་ ༨ བྱུང་ཡོད་པའི་ཁྲོད་འགྲོ་སོང་ཧིན་སྒོར་འབུམ་ ༦ ཙམ་ཕྱིན་ཡོད་སྐོར་བརྗོད་སོང་།
མཛད་སྒོའི་སྟེང་ཟམ་གདོང་རིན་པོ་ཆེ་མཆོག་གིས་དབུ་མའི་ལམ་ལས་འགུལ་ཁང་གིས་མང་ཚོགས་ཀྱི་མདུན་སར་རྩིས་ཁྲ་གཙང་བཟོ་གནང་བར་བསྔགས་བརྗོད་དང་འབྲེལ། བོད་དེ་དང་པོ་སྲིད་པ་ཆགས་སྐབས་ནས་སྟོབས་ཆེན་རྒྱལ་ཁབ་རྒྱ་གར་དང་རྒྱ་ནག ཨུ་རུ་སུ། སོག་པོ་བཅས་ཀྱི་བར་དུ་གནས་ཡོད་ཀྱང་། ༡༩༥༡ ལོའི་བར་བོད་ལ་སྟོབས་ཆེན་རྒྱལ་ཁབ་སུས་ཀྱང་ཆ་ཚང་དབང་སྒྱུར་བྱས་པའི་ལོ་རྒྱུས་མེད་པར། སྤྱི་ལོ་མ་བྱུང་གོང་གི་བརྒྱ་ཕྲག་གཉིས་པའི་དུས་དཀྱིལ་ནས་བརྒྱ་ཕྲག་དགུ་པའི་དུས་དཀྱིལ་བར། བོད་ནི་དབུས་ཨེ་ཤ་ཡའི་གླིང་ཆེན་ནང་མི་ཚང་མས་ཞེད་སྣང་བྱ་སའི་སྟོབས་ཆེན་རྒྱལ་ཁབ་ཅིག་གི་ངོ་བོར་གནས་ཡོད་ཚུལ་དང་། བོད་སིལ་བུར་ཐོར་རྗེས་སུའང་བོད་མི་རྣམས་ས་གནས་སོ་སོའི་སྲིད་གཞུང་གིས་དབང་སྒྱུར་བྱས་ཏེ་ལོ་བརྒྱ་ཕྲག་ཁ་ཤས་ཕྱིན་ཡོད་པ། བརྒྱ་ཕྲག་བཅུ་གསུམ་པའི་ནང་འཛམ་གླིང་སྟེང་སྐད་གྲགས་ཡོད་པའི་སོག་པོའི་དམག་དཔོན་ཇིང་གེ་སི་ཁེན་གྱིས། ཤར་ནུབ་ཀྱི་རྒྱལ་ཁབ་མང་པོི་དབང་དུ་བསྡུས་སྐབས་བོད་དེའང་སོག་པོའི་དབང་འོག་ཏུ་ཕྱིན་ཏེ། ༡༢༡༤ ལོ་ནས་༡༢༦༠ རེ་གྲངས་བར་ལོ་ ༤༠ རིང་སོག་པོའི་མངའ་འོག་ཏུ་བསྡད་ཡོད་སྐོར་དང་། འགྲོ་མགོན་ཆོས་རྒྱལ་འཕགས་པས་བོད་ཆོལ་ཁ་གསུམ་ལ་དབང་བསྒྱུར་སྐབས་བོད་ཀྱི་མངའ་དབང་བསྐྱར་གསོ་བྱུང་རྗེས། བོད་ཀྱི་མངའ་དབང་དེ་བོད་པ་ནང་ཁུལ་དུ་འཕྲོག་རེས་བྱས་པ་མ་གཏོགས། ཁྱིམ་མཚེས་རྒྱལ་ཁབ་ཚོས་དབང་བསྒྱུར་བྱས་པའི་གནས་སྟངས་བྱུང་མྱོང་མེད་པ་དང་། ༸གོང་ས་ལྔ་པ་ཆེན་པོས་དགའ་ལྡན་ཕོ་བྲང་སྲིད་གཞུང་བཙུགས་ཏེ་ཡུན་རིང་མ་ཕྱིན་བར་བོད་ཤར་ཕྱོགས་ཀྱི་ས་ཆ་ཁ་ཤས་རྒྱ་འོག་ཏུ་ཕྱིན་ཡོད་ནའང་། སྤྱིའི་གནས་བབ་ཐོག་བོད་ཀྱི་ཆབ་སྲིད་མངའ་དབང་ལྷིང་འཇགས་ངང་གནས་ཐུབ་བྱུང་ཡོད་པ། བཙན་བྱོལ་གྱི་གནས་སྐབས་སུའང་དབུ་མའི་ལམ་གྱི་སྲིད་བྱུས་ལ་རྒྱ་རིགས་མང་ཚོགས་ཀྱིས་ངོས་ལེན་གནང་གིན་ཡོད་པ་མ་ཟད། དབུ་མའི་ལམ་གྱི་སྲིད་བྱུས་ཀྱིས་རྒྱ་ནག་མང་གཙོའི་ལམ་ཕྱོགས་ཐོག་སྐུལ་འདེད་གཏོང་ཐུབ་ཡོད་སྐོར་སོགས་གསུངས་སོང་།
གསར་འགོད་པས་བཀའ་ཟུར་ཟམ་གདོང་རིན་པོ་ཆེ་མཆོག་ལ་ཚེ་བརྟན་རྡོ་རྗེ་མ་བུ་གསུམ་གྱིས་བོད་རྒྱའི་རྒྱལ་དར་འཁྱེར་ཏེ་གོམ་བགྲོད་ལས་འགུལ་སྤེལ་བཞིན་པ་དེར་གཟིགས་ཚུལ་ག་རེ་ཡོད་མེད་དྲིས་པར། “ རྒྱ་མིའི་དར་ཆ་འཁྱེར་འགྲོ་བཞིན་འདུག་ཟེར་བ་ངས་དེ་རིང་གསར་པ་གོ་ཐོས་བྱུང་བ་ཡིན། རྒྱ་ནག་རྒྱལ་དར་མེར་བསྲེགས་གཏོང་བ་དེ་ང་རང་བཀའ་ཤག་ནང་ཡོད་སྐབས་ཀྱང་ཡག་པོ་མ་རེད་ཅེས་ལབ་མྱོང་ལ། ད་ལྟ་ཡང་དེ་ག་རང་ཡིན། ང་ཚོས་ཁ་གཏད་བྱེད་སྐབས་མི་རིགས་ཤིག་གི་བརྩི་མཐོང་དང་མཚོན་རྟགས་ཡིན་པ་ཞིག་ལ་དམའ་འབེབས་བཏང་ན། འཚེ་མེད་ཞི་བའི་ལམ་དང་མཐུན་གྱི་མེད་པ་མ་ཟད། བྱེད་སྟངས་དེས་ང་ཚོའི་འཐབ་རྩོད་གནས་ཚད་དམའ་སར་ལྷུང་འགྲོ་ཡི་ཡོད་པ་རེད། དེ་ནི་མི་དཀྱུས་མ་ཞིག་འཁྲུག་པ་བརྒྱབ་པའི་བཟོ་འདྲ་བོ་ཙམ་ལས། མི་རིགས་དང་རྒྱལ་ཁབ་བར་གྱི་འཐབ་རྩོད་ཀྱི་རྣམ་པ་ཞིག་སྟོན་ཐུབ་ཀྱི་མེད། ང་ཚོས་རྒྱ་ནག་གི་རྒྱལ་དར་བསྒྲེངས་དགོས་པ་རེད་ཟེར་གྱི་ཡོད་པ་མ་རེད་ལ། དེ་ལྟར་བསམ་མཁན་ཡང་ཡོད་པ་མ་རེད། རྒྱ་ནག་རྒྱལ་དར་ལ་མེར་བསྲེགས་གཏོང་བ་དང་རྡོག་རྫུས་བཏང་ན། དེ་བཟང་སྤྱོད་དང་མཐུན་པ་ཞིག་ལ་ངོས་འཛིན་ཞུ་ཡི་མེད། གོམ་བགྲོད་ནང་ཞུགས་མཁན་ཁོང་རྣམས་ཀྱིས་བོད་དང་རྒྱ་ནག་གི་རྒྱལ་དར་འཁྱེར་གྱི་ཡོད་ན། ང་རང་སྒེར་ངོས་ནས་དེ་ལ་ངོ་རྒོལ་བྱ་འདོད་གང་ཡང་མེད། ངས་བལྟས་ན་ཁོ་རང་ལ་རྒྱབ་ལྗོངས་ཀྱི་དགོངས་པ་བཞེས་སྟངས་ཤིག་ཏན་ཏན་ཡོད་ཀྱི་རེད། ཁོང་གི་ཀུན་སློང་དེ་གསལ་པོ་མ་ཤེས་བར་ང་ཚོས་ཡག་སྡུག་བཤད་ས་འགྲོ་ཡི་མ་རེད། ” ཅེས་གསུངས།
དབུ་མའི་ལམ་གྱི་སྲིད་བྱུས་ཀྱིས་རྒྱ་ནག་མང་གཙོ་ཅན་དུ་འགྱུར་བར་ཤུགས་རྐྱེན་ཐེབས་ཀྱི་ཡོད་མེད་དྲིས་པར། “ རྒྱ་ནག་གི་མི་སུ་ལ་སྐད་ཆ་དྲིས་ན། མི་བརྒྱ་ཆ་ ༩༠ ཙམ་གྱིས་བོད་པ་ཁ་བྲལ་དུ་སོང་ན་འགྲིག་གི་མ་རེད་ཟེར་གྱི་རེད། རྒྱ་རིགས་མང་ཆེ་ཤོས་ཀྱིས་རྒྱ་བོད་གཉིས་མཉམ་འབྲེལ་ཐོག་སྡོད་དགོས་པ་རེད་ཟེར་གྱི་ཡོད། རྒྱ་ནག་མ་འོངས་རྩ་ཁྲིམས་ཟིན་བྲིས་རྒྱག་མཁན་ཚོས་ཀྱང་། རྒྱ་ནག་ལ་མང་གཙོ་ཆགས་ཀྱང་ལོ་ཤས་རིང་བོད་རྒྱ་ནག་དང་ཁ་མ་བྲལ་བར་སྡོད་དགོས་པ་རེད། དུས་ཡུན་གང་འཚམ་སོང་རྗེས་གཞི་ནས་མཉམ་འབྲེལ་ཐོག་སྡོད་པའམ་རང་ཐག་རང་གཅོད་ཀྱི་གདམ་ག་སྤྲད་ན་འགྲིག་གི་རེད་ཟེར་གྱི་ཡོད། ད་བར་ང་རང་བོད་རྒྱ་ནག་དང་ཁ་བྲལ་ཏེ་རང་བཙན་བྱས་ན་འགྲིག་གི་རེད་ཟེར་མཁན་གཅིག་མ་གཏོགས་ཐུག་མ་སོང་། དབུ་མའི་ལམ་གྱི་སྲིད་བྱུས་དེས་རྒྱ་ནག་མང་གཙོ་དོན་གཉེར་བ་གཙོས་པའི་རྒྱ་རིགས་ཚོར་འབྲེལ་བ་གནང་བདེ་བོ་ཆགས་ཡོད་ལ། ཁོང་ཚོར་ཀྱང་ཁ་བྲལ་བ་དང་མཉམ་དུ་ལས་ཀ་བྱེད་ཀྱི་འདུག་ཟེར་མཁན་ཡོད་པ་མ་རེད། སྔོན་མ་ཡང་༸གོང་ས་མཆོག་གིས་ཕྱི་སྡོད་རྒྱ་མི་ཚོར་ཐེངས་མང་པོ་འབྲེལ་བ་གནང་གི་ཡོད་པ་རེད་ལ། གཞུང་གི་ངོས་ནས་ཀྱང་ཚོགས་འདུ་དེ་འདྲ་སྐོང་གི་ཡོད་པ་རེད། མ་འོངས་པར་ཡང་ལས་དོན་ཐོག་ལ་དབུ་མའི་ལམ་གྱི་སྲིད་བྱུས་ཀྱིས་ཕན་ཐོགས་ཆེན་པོ་ཡོང་གི་རེད་ ” ཅེས་གསུངས།
ཕྱི་དྲོིའི་ཚོགས་ཆེན་སྟེང་བོད་མི་མང་སྤྱི་ཚོགས་གཙོ་སྤེན་པ་ཚེ་རིང་མཆོག་དང་བཀའ་ཟུར་ཐུབ་བསྟན་ལུང་རིགས་རྣམ་གཉིས་ཀྱིས། ཚོགས་ཞུགས་པ་ཚོར་བོད་ནང་རང་ལུས་མེར་བསྲེགས་གཏོང་བཞིན་པའི་ལས་འགུལ་གྱི་ངོ་བོ་དང་དེའི་ཤུགས་རྐྱེན་སྐོར་དང་། རྒྱལ་སྤྱིའི་སྟེང་དབུ་མའི་ལམ་གྱི་སྲིད་བྱུས་ལངས་ཕྱོགས་རྒྱབ་སྐྱོར་ཅི་ཙམ་ཡོད་མེད་ཐོག་གཏམ་བཤད་གནང་རྒྱུ་ཡིན་འདུག དབུ་མའི་ལམ་ལས་འགུལ་ཁང་ལ་རྒྱ་བལ་གཉིས་སུ་ས་གནས་ཡན་ལག་ལས་ཁུངས་ ༡༨ དང་ཁྱོན་ཚོགས་མི་ ༡༦༠༠༠ ཙམ་ཡོད་འདུག
ཧ་ཧ་ཧ་། རེད་རེད་ལྷམ་གྱི་རིན་ཐང་ག་ལ་ཡོང་སྐྱབས་སུ་མཆིས་སྐྱེས་བུ་འདི་འདྲ་ལ་སྐྱོད་བརྗོད་ན་མི་རིགས་གཞན་རྣམས་ནས་བཞད་གད་བྱེད་ཀི་རེད་ད་་་་་་།
གསེར་འབྲུག་སྡེར་ལྔ་ལགས། ཁྱེད་ཀྱིས་གསལ་བཤད་དེར་ངར་མོས་མཐུན་ཡོད། འོན་ཀྱང་ངའི་གོ་བ་ལེན་སྟངས་ནོར་མེད་ན་ཁྱེད་ཀྱི་སྔ་རྩོམ་ཤོ་ལོ་ཀ་གཉིས་ཀྱི་ཕྱི་མའི་ཚིགས་རྐང་གཉིས་པ་དང་གསུམ་པའི་ནང་དོན་དང་ད་ལྟའི་གསལ་བཤད་གཉིས་ཀྱི་ནང་དོན་གཏན་ནས་མི་འདྲ་བར་སྣང་། སྔ་མས་རྒྱ་སྒོར་ལ་ཞེན་ནས་བོད་བཙོང་བ་དང་། ཕྱི་མས་རྒྱར་ཧ་ཅང་བསྟུན་མཁས་ཆེ་དྲག་པ་དང་། གཞོན་ནུ་ཚོགས་པ་སོགས་རང་བཙན་འདོད་མཁན་དག་ལ་རྡང་ཟུག་ཆེ་བ་སོགས་ཀྱི་སྐྱོན་གཉིས་ཀྱི་བར་ཆད་ཧ་ཅང་ཆེ་སྙམ། གཞན་དུ་ན་ངས་ཉིན་ཤས་སྔོན་བྲིས་པའི་ཚིགས་བཅད་འདིར་གཟིགས། དཀའ་སྡུག་ཡོད་དགུ་གཞོན་ནུ་ཚོགས་པས་ལེན། །ཁ་རྡུང་ཡོད་དགུའང་གཞོན་ནུ་ཚོགས་པས་ཟེད། །རྡུང་སྡིག་ཡོད་ཚད་གུང་ཁྲན་ཏང་གིས་གཏོང་། །དེ་ལ་བསྟོད་འདི་ཟམ་གདོང་བླ་མའི་ཆོས། །
སྐད་ཆ་མདོར་བསྡུས་ནས་བཤད་ན།
དབུ་མའི་ལམ་ལས་འགུལ་ཁང་ཟེར་བ་དེ་ནི་དོན་ངོ་མ་ཏང་ཡོན་རྒན་པོ་ཁ་ཤས་ཀྱི་ཕོར་པ་དང་། ཟམ་གདོང་བླ་མས་རྒྱ་ནག་ལ་སྤྲེལ་ལད་འཁྲབ་བྱེད་ཀྱི་ལག་ཆ་ཡིན།
བོད་མི་གསོན་པོ་བསྲེགས་ཀྱང་ཅི་མི་སྙམ།།
དར་དམར་མེ་ལ་སྦར་ན་སྙིང་རྩ་ན།།
རྒྱ་ངོ་སྲུང་ཆེད་མི་རིགས་རྩ་བཞིན་འདོར།།
རྒྱ་མིའི་གོ་ཆོད་མི་སྣ་མིན་པར་སྨོན།།
བོད་གཞུང་ལོ་མང་རྒྱ་གཞུང་ཆ་ལུགས་ཅན།།
བསྒྱུར་བཅོས་དམར་པོའི་གོས་ཀྱིས་སྲིད་དབང་བཟུང་།།
རྒྱ་དམར་གཞུང་ལ་སྲི་ཞུ་སྒྲུབ་ནུས་ན།།
གུང་ཁྲན་ཏང་ཡོན་གཅིག་དང་ཁྱད་གཞན་ཅི།།
རྒྱ་སྙི་ལགས་སུ་སྙན་ངག་འདི་ཆེད་དུ་ཕུལ།
ཡུལ་གྱར་གྱི་མཚེར་ས་ལགས།
ཉིད་ཀྱིས་འཆར་སྣང་ལ་མོས་མཐུན་མེད་ཀྱང་དམིགས་བསལ་དགག་བྱ་མེད། འོན་ཀྱང་མི་ང་ནི་ཁྲི་ཟུར་རིན་པོ་ཆེར་དད་པ་དང་དག་སྣང་མེད་ཀྱང་བོད་བརྒྱུད་ནང་སྟན་གྱི་བླ་སྤྲུལ་ཞིག་ཡིན་པའི་ཆ་ནས་གུས་བརྩི་ཡོད་མཁན་ཞིག་ཡིན། རེད་དེ་ཁོང་གིས་ཁྲི་པ་ལས་ཐོག་སྐབས་ཆབ་སྲིད་ཐད་ཡོད་ཚད་རྒྱ་བསྟུན་གྱིས་མཛད་རྗེས་ལ་ནམ་ཡང་མོས་མཐུན་མེད་ལ་ནམ་ཡང་ངོ་རྒོལ་མཐའ་གཅིག་ཏུ་ཡོད། མ་ཟད་ད་རེས་གསར་འགོད་པས་བཅར་འདྲི་དང་ལེན་གནང་སྐབས་དར་དམར་བསྲེགས་པས་ཐུགས་ཕམས་ཆེན་པོ་ཡོད་ཚུལ་དང་། རྒྱ་མི་རིགས་ཀྱི་བརྩི་མཐོང་དང་མཚོན་རྟགས་ལ་དམའ་འབེབས་བཏང་ཚུལ། འཚེ་མེད་ཞི་བའི་ལྟ་གྲུབ་དང་འགལ་ཚུལ་གླེང་ནས་རྒྱ་རྒོལ་གྱི་ལས་འགུལ་ནུས་མེད་གཏོང་ཐབས་ལས། དོན་དངོས་ཀྱི་བོད་ཕྱི་ནང་གཉིས་ནང་མེར་བསྲེག་ལས་འགུལ་རྒྱུན་མཐུད་སྤེལ་དགོས་པའི་རྒྱུ་རྐྱེན་ཟུར་ཙམ་ཡང་མི་གླེང་བར་དར་དམར་ལ་གལ་ཆེན་དོན་ཆེན་རྩིས་ནས་ནང་ཁུལ་ལ་ཁ་རྡུང་གཏོང་བའི་རྣམ་འགྱུར་ཡ་མ་བརླ་འདི་ཅི་འདྲའི་ཡ་མཚན་མ་རེད་པས།
ཡང་ཅིག་བཤད་ན་ཁོང་གིས་གསར་གཏོད་གནང་བའི་མགོ་འབུལ་ལུས་འབུལ་དང་འབྲས་བུ་དོན་སྟོང་གི་དབུ་མའི་ས་ལམ་གྱི་རང་སྐྱོང་མངོན་འདོད་ཡིག་ཆ་དེ་ཀྲུང་ནན་ཧེའེ་ནས་ནམ་ཡང་ངོས་ལེན་མེད་མཁར་རང་བཙན་རྣམ་པ་དུ་མར་དབྱེ་བའམ་མིང་འདྲ་མིན་བཏགས་པ་མ་ཟད་བསྒྲུབ་མི་ནུས་པའི་ཆ་རྐྱེན་སྣ་མང་དང་བཅས་ཕྱིར་རྡ་སར་ལོག་ཕེབས་པ་མ་རེད་པས།
གླིང་ཚ་མ་བུ་གསུམ་གྱི་ཆོད་སེམས་གཏོང་ཕོད་ལ་ཡི་རངས་དང་བསྔགས་བརྗོད་ཚད་མེད་ཡོད་ཀྱང་མི་རྒོད་ལགས་ཀྱིས་བསྟོད་སྟོངས་ལྟ་བུར་མོས་མཐུན་མེད། འདི་ལྟ་བུར་བསྟོད་མཁན་དག་ལ་ཕྱོགས་ཞེན་དང་། ཀུན་སློང་ངན། དེ་བཞིན་བེད་སྤྱོད་ལོག་པ་གཏོང་བའི་སྣང་ཚུལ་ཡོད། རང་གི་བསམས་ཚུལ་ཙམ་ཡིན་པས་ནོར་འཁྲུལ་ཡོད་ན་དགོངས་སེལ་ཞུ།། །།
མཆན་ནོར་སེལ་ཞུ།།།
སྙིང་སྟོབས་རི་ལྟར་བརྗིད་པའི་གངས་ཅན་པ།།
ཆོད་སེམས་མཚོ་ལྟར་ཟབ་པའི་ཨ་མདོ་པ།།
གདུང་སེམས་ཧྲིལ་གྱིས་སྒྲིལ་བའི་མ་བུ་གསུམ།།
རྩམ་བཟན་མགོ་ནག་ཡོངས་ལ་མིག་དཔེ་བཟང་།།།།
བོད་བལ་རྒྱ་གསུམ་དར་སྣ་ཕྱག་ཏུ་སྟེགས།།
རྒྱལ་བལ་བོད་གསུམ་ལྷམ་གྱིས་ངལ་བ་བཅད།།
གསུམ་ལྡན་ཨ་མདོ་ཆོས་ལྡན་ཞིང་ས་བ་།།
གེགས་མེད་རྩ་དོན་མྱུར་སྒྲུབ་སྨོན་འདུན་ཞུ།།
སྙིང་སྟོབས་རི་ལྟར་བརྗིད་པའི་གངས་ཅན་པ།།
ཆོད་སེམས་མཚོ་ལྟར་ཟབ་པའི་ཨ་མདོ་བ།།
གདུང་སེམས་ཧྲིལ་གྱིས་སྒྲིལ་བའི་མ་བུ་གསུམ།།
རྩམ་བཟན་མགོ་ནག་ཡོངས་ལ་མི་དཔེ་ཡིན།།།།
ཁམས་ནས་འཁྲུངས་ཀྱང་དབུས་ལ་ཐོས་བསམ་མཛད།
བཙན་བྱོལ་གོམས་ཀྱང་ཏང་ལ་བློ་དཀར་ཅན།
བོད་ཞེན་ཡོད་འདྲ་ཏང་ཞེན་ཚ་པོ་ཅན།
གསུམ་ལྡན་བླ་མ་གང་དེར་ནན་གྱིས་འདུད།
མཁས་པའི་རྣམ་དཔྱོད་ལྡན་པའི་སྐྱེ་བོ་དེ། ཟམ་གདོང་བླ་མ་ལས་གཞན་སུ་ཡང་མེད།
གངས་ཅན་ལེགས་བྱང་གཙེགས་སུ་འཛིན་མཁན་དེ། བླ་མ་ཟམ་གདོང་སྐུ་ཚེ་ཁྲི་ལོར་བརྟན།
ཕྲན་ཟམ་གདོང་རིན་པོ་ཆེར་སྐྱོན་མང་པོ་མཐོང་མཁན་ཞིག་ཡིན་ཀྱང་གསེར་འབྲུག་སྡེར་ལྔས་བཤད་པར་མོས་མཐུན་མེད། ཟམ་གདོང་བླ་མ་རྒྱར་བསྟུན་མཁས་ཆེ་དྲགས་པ་ལས་རྒྱར་དགའ་ཆེ་བ་མིན། དེ་བཞིན་གཞུང་སྒེར་གང་གིས་ཀྱང་རྒྱ་སྒོར་ཟོས་རབས་མེད་པས་ཁ་ནས་ཐོན་ཚད་ཕན་གཏམ་མ་ཡིན་པ་ཤེས་པར་གནོངས།
བཟོ་བཅོས་དེ་སེ་ཡོད་པ་ཞུ།
ཁམས་ནས་འཁྲུངས་ཀྱང་དབུས་ཀྱི་དཔྱོད་སྒོ་ཅན།
རྡ་སར་གོམས་ཀྱང་ཏང་གི་བློ་མིག་ཅན།
རྒྱལ་ཞེན་མེད་ཀྱང་ཏང་ཞེན་ཚ་བོ་ཅན།
གསུམ་ལྡན་བོད་བཏང་བླ་མར་སྐྱབས་སུ་མཆི།
ཐོས་པས་འབྲས་བུ་སྡུག་ཁ་ནང་ལ་གཏད།
བསམ་པས་ཡིད་ནང་དར་དམར་ཁོ་ན་ལས།
གོམས་པས་རྒྱ་ཞེན་བླ་ན་མེད་པ་ཞིག།
གསུམ་ལྡན་བླ་མ་བོད་པའི་རྒྱན་མ་ཡིན།
ཡང་ན།
ཐོས་པས་དུག་ཁ་བོད་པའི་ནང་དུ་གཏད།
བསམ་པས་ཡིད་ལ་རྒྱ་སྒོར་ཁོ་ན་ལས།
གོམས་པས་སྲིད་དོན་ཚོང་པ་འཁྲུལ་མེད་ཞིག།
གསུམ་ལྡན་བླ་མ་གུང་ཁྲན་ཏང་ཡོན་རེད།
ཟམ་གདོང་རིན་པོ་ཆེ་རྒྱ་ལ་དགའ་ཞེས་བརྗོད་ན་ཐལ་ཆ་ཆེ་ཡང་ནོར་འཁྲུལ་གྱི་འདུ་ཤེས་ཤིག་གི་ཐོག་ནས་རྒྱ་ལ་བསྟུན་མཁས་ཆེ་དྲགས་པ་དངོས་ཡོད། དེ་བཞིན་མང་གཙོ་དང་རང་དབང་ཞེས་བརྗོད་བཞིན་རང་དང་ལྟ་གྲུབ་མི་མཐུན་པ་དག་ལ་སྡང་ཟུག་ཆེ་བའང་མིག་ཟིན་ལག་མཐོང་རེད། དཔེར་མཚོན་ཙམ་གཞོན་ནུ་ཚོགས་པ་བཞག་ན་འགྲིགས། དེ་བཞིན་བསམས་ཚུལ་མང་ཡང་དུས་བབ་ཚང་གིས་འགོད་ཀྱི་རེད་བསམས་པའི་རེ་བ་མེད་པས་དེ་ཙམ་ཡིན།
ངས་བལྟས་ན་ཟམ་གདོང་བླ་མ་ལྟ་བུ་ཞིག་སླར་ཡང་ལོ་ལྔ་རིང་བཀའ་ཁྲིའི་རྐུབ་སྟེགས་ཟིན་པ་ཡིན་ན། སུམ་བཅུ་དུས་དྲན་སྐབས་སུ་བོད་རྒྱལ་དར་དང་མཉམ་དུ་རྒྱའི་རྒྱལ་དར་ཡང་འགྲེང་ངེས་རེད་འདུག །ཨ་ཁ། ངོ་མ་རྒྱ་དགའ་ས་ནས་འཁྲུངས་པའི་བོད་རིགས་རང་རེད།
ང་ཡང་ལམ་དབུ་མ་པར་མོས་པས། རྒྱ་ནག་རྒྱལ་དར་འཕྱར་བསྒྲེང་དགག་མེད་ཀྱང་།
རྒྱརིགས་དཔོན་ངན་བཞི་ནི། ཆེ་བདུག་རྩུབ། མའོ་ཙེ་ཏུང་། ཆེས་ཀླ་ཀློ། ཏིང་ཤའོ་་ཕིང་།
ཆེས་མུན་ནག ཛང་ཛིན་་མིན། ཆེས་རྗེས་ལུས། ཧུའུ་ཆིན་ཐའོ། ཡིན་པ་ལ་ཡིན་པའི་ངོས་འཛིན་མཐར་ཕྱིན་དགོས་པ་ལ་ཤུགས་རྒྱག་མཁན་ཅིག་ཡིན་ལགས།
རྒྱ་ནག་ང་ཚོའི་དགྲ་ཟླ་མིན། །
རྒྱ་རིགས་བོད་མིའི་དགྲ་བོ་མིན། །
རྒྱ་དར་སྡང་དགྲ་དེ་བས་མིན། །
འོན་ཀྱང་རྒྱ་གཞུང་བསྟན་དགྲའོ། །
རྒྱ་ནག་གི་རྒྱལ་དར་དང་བོད་པའི་རྒྱལ་དར་གཉིས་ཀ་མཉམ་དུ་འཁྱེར་ཏེ་གོམས་བགྲོད་བྱེད་པ་དེར་དོན་སྙིང་ཆེན་པོ་ལྡན་འདུག་སྙམ། དེས་གོམས་བགྲོད་པའི་ཆབ་སྲིད་ཀྱི་གོ་རྟོགས་ཤེས་ཐུབ་པ་མ་ཟད་འཐབ་རྩོད་ཀྱི་ཐབས་ལམ་དོན་དངོས་དང་འཚམས་པ་ཐག་རྗེ་ཉེར་བཏང་བ་རེད། ངའི་རེ་བར་མཆན་འདེབས་མཁན་རྣམས་ནས་ཁ་སང་དུས་བབས་ཚང་གིས་རྒྱའི་གསར་འགོད་པ་ཅི་ཧྲོའི་མན་ལ་བཀའ་དྲི་གནང་བའི་༼དོན་དག་ཆུང་ཚེགས་ནས་བརྩམས་ཏེ་ཆེན་པ་རྩོད་དགོས་༽བརྗོད་དོན་ལ་གླེང་མང་ཙམ་བླང་ན་ང་ཚོར་ཕན་པའི་དངོས་ཡོད་ཀྱི་ཤེས་བྱ་མང་པོ་ལེན་རྒྱུ་འདུག་སྙམ།
རྒྱ་རྙི་ནད་པ་གནས་ཚང་གསུམ།།
མཐུན་སྒྲིལ་དཀྲུག་གི་གཞི་མ་ལ།།
གང་ལས་གང་སྡིག་མེད་ན་འང་།།
རང་ངོས་མ་ཟིན་མཁས་བར་རློམ།།
ལོ་ངོ་བཅུ་ཕྲག་རིང་ལ།།
དམར་པོའི་ལས་དོན་བསྒྲུབས་ཀྱང་།།
འགྱོད་གནོང་མེད་པའི་ཉེས་ཅན།།
དབུ་ཚོགས་སློབ་སྟོན་མཚང་ཆེ།།
རྒྱ་རྙི་ཟམ་རྙི་དངུལ་ལོའི་དོག་པ་གཡོ།།
གཞན་སྨོད་ཟམ་བསྟོད་མུན་པའི་འཁོར་ལོར་བཅིབས།།
ཀ་ངོ་ཡིག་ངོ་ཆོད་པའི་རང་སྣང་ཅན།།
བོད་ལ་ཉི་མ་གཉིས་པ་ག་དུས་ཤར།།
ཟམ་གདོང་བླ་མ་གསེར་གྱི་ཉི་མ་འདྲ།།
མཁས་པའི་དཔྱོད་ཤེས་དེང་གི་ཚན་རིག་འདྲ།།
གནའ་དེང་འཇུག་སྒོ་ཀུན་ཤེས་ཀུན་གྲོལ་རེད།།
བོད་ཀྱི་བསྟོད་པ་འཐེན་སའི་དཔའ་རྒོད་ཡིན།།
ཨ མདོའི་ཕོ་འཁྱམ་འགའ་ཡི་ཁ་རྩ་ན།།
སྙན་འཁྱོར་འབྲི་ཀློག་ཙམ་ཀྱི་ང་རྒྱལ་ཡོད།།
དོན་གྱི་མཁས་པའི་ཡོན་ཏན་མཐོང་འདོད་ན།།
ཟམ་གདོང་བླ་མའི་ཕྱོགས་སུ་མགོ་བོ་སྒུར།།།
རྒྱལ་དར་མེ་ལ་བསྲེགས་པའི་ཚོར་བ་དང་།།
བོད་ཀྱི་སྐད་ཡིག་རྨོངས་པའི་ལྐུགས་རྟགས་གཉིས།།
དོན་གྱི་འགལ་བའི་ཕུང་པོར་རི་ལྟར་གྲུབ།།
རྨོངས་སེལ་འདོད་ན་ཟམ་གདོང་བླ་མར་བཀུར།།།
རྒྱ་རྙི་ཁྱད་ཀྱིས་བསྟོད་པའི་བསྟོད་པ་འདི།།
ཟམ་གདོང་བླ་མ་ལག་མཐིལ་སྐྱུ་རུ་འདྲ།།
དེ་ལ་ནོང་ནས་བལྟ་བ་མུན་པས་འགྲིབ།།
ངས་ཀྱང་འདི་བཞིན་བསྟོད་པ་ཞུ་འོས་ཀྱང་།།
དུས་བབ་ཚང་གི་ཆུ་སྐྱུར་བྱེད་ངེས་པས།
གང་ལ་སྙིང་གིས་བསྔགས་བརྗོད་ལན་བརྒྱར་ཞུ།།།།
དབུ་མའི་ལམ་ཡིད་སྟོན་ཡོད།
རིན་པོ་ཆེ་གི་གསལ་བཤད་དཔེ་ཡག་པོ་གནང་འདུག་ཐུགས་རྗེ་ཆེ།
སྤུན་ཟླ་ཚོའི་ལུས་མེར་བསྲེགས་ཀྱང་ཅི་མི་སྙམ་ལྷོད་ཅིག་གེར།། དགྲ་བོའི་དར་བསྲེགས་ཚེ་ངོ་རྒོལ་བྱེད་མཁན་གྱི་ཏང་གི་སྐུ་ཚབ་བླ་མ་ཟམ་གདོང་ཚང་། དེ་རིང་གི་གསུང་སྟངས་ལ་བལྟ་དུས་སྔོན་གྱི་བོད་སྡོད་ཨམ་བན་ཚོ་ཡིད་ལ་འཁོར་བ་ཞིག་རེད། བོད་རྒྱལ་ལོ།།
དབུ་མའི་ལམ་གྱི་བཀོད་སྒྲིག་ཡག་གི་ད།།
ཉན་པའི་མི་ཚོའི་མི་ཚེ་ཡོལ་ཚར་འདུག །
གཉིས་ཕན་དབུ་མའི་སྲིད་ཇུས་ཡག་གི་ད།།
རྒྱལ་ཞེན་ཅན་གྱི་མི་ཚོ་ཚར་གྲབས་འདུག །
བོད་སོག་པའི་འོག་ཏུ་ཤོར་དུས་དང་༸གོང་ས་ལྔ་བའི་སྐབས་སུ་བོད་ཤར་ཕྱོགས་ཀྱི་ས་ཆ་འགའ་རྒྱ་ལ་ཤོར་ཚུལ། དབུ་མའི་ལམ་གྱི་ཁེ་ཕན། ཚེ་རྡོ་རྗེ་མ་བུ་གསུམ་གྱིས་བོད་དང་རྒྱ་དམར་གྱི་དར་ཆ་ཁྱེར་བ་སོགས་ཀྱི་ལ་བཀའ་ལན་གནང་པ་དོན་སྙིང་ལྡན། ད་དུང་བོད་སོག་གི་སྐོར་དེ་དང་༸གོང་ས་ལྔ་བའི་སྐོར་དེ་ཚོ་ཞིབ་གསལ་རེ་བྱུང་ན་དེ་བས་ཕན་ལ།
༸གོང་ས་མཆོག་དང་ཟམ་གདོང་རིན་པོ་ཆེ་གཉིས་ཕུད་པའི་སྐད་ཆ་ལྗིད་ཁོག་ཅན་དང་དོན་སྙིང་ལྡན་པ་ཞིག་བཤད་མཁན་ཧ་ཅང་དཀོན་ཚོད་དུ་འདུག་སྙམ།
༸གོང་ས་མཆོག་དང་ཟམ་གདོང་རིན་པོ་ཆེ་གཉིས་ཅི་ནས་ཀྱང་སྐུ་ཚེ་ཡུན་དུ་བརྟན་དགོས། བོད་མི་རིགས་རིག་གཞུང་གི་ཆེད་དུ།
གང་ལྟར་ཚོགས་ཞུགས་པ་ཚོས་གཉིད་ཀྱིན་ཀྱིན་ཉན་ཚོད་འདུག་ལ། མང་ཆེར་རྒན་རྒོན་རྐྱང་རྐྱང་རེད། ཁོང་ཚོར་ལམ་དབུ་མའི་ཟབ་སྦྱོང་སྤྲད་ཀྱང་ལག་ལྟར་བྱེད་རག་བར་གྲོང་འགྲོ་ས་མ་རེད་དམ།
རིག་པའི་རྣམ་དཔྱོད་ཅན་གྱི་རྒན་པོ་ཞིག།
དོན་གྱི་གནད་ལ་ཟུག་པའི་མཁས་པ་ཞིག།
ལུགས་གཉིས་ཁོང་དུ་ཆུབ་པའི་བཙུན་པ་ཞིག།
ཟམ་གདོང་བླ་མ་དོན་གྱི་མཁས་དབང་ཡིན།།
གནས་ཚང་ནད་པ་ལ་སོགས་ཁ་མཁས་ཚོ།།
སྟོང་བཤད་ལག་ལེན་མེད་པའི་རྒད་པོ་ཚོ།།
འ་འུར་ཚོར་བའི་རྗེས་འབྲངས་ཆོལ་ཆུང་ཚོ།།
ཟམ་གདོང་བླ་མའི་ལྷམ་གྱི་རིན་ཐང་མེད།།
དཀའ་སྡུག་ཡོད་དགུ་གཞོན་ནུ་ཚོགས་པས་ལེན། །ཁ་རྡུང་ཡོད་དགུའང་གཞོན་ནུ་ཚོགས་པས་ཟེད། །རྡུང་སྡིག་ཡོད་ཚད་གུང་ཁྲན་ཏང་གིས་གཏོང་། །དེ་ལ་བསྟོད་འདི་ཟམ་གདོང་བླ་མའི་ཆོས། །
ཐོས་པས་ཆོས་སྲིད་རིག་ལམ་མི་ཚེར་སྦྱངས།།
བསམས་པས་ཡིད་ལ་གང་དྲན་ངག་ནས་བརྗོད།།
གོམས་པས་རྒྱ་ནག་གུང་དྲན་དབུ་འཕང་བསྟོད།།
གསུམ་ལྡན་བླ་མ་གང་དེ་བོད་པའི་རྒྱན།།
ང་ཡང་ལམ་དབུ་མ་པར་མོས་པས། རྒྱ་ནག་རྒྱལ་དར་འཕྱར་བསྒྲེང་དགག་མེད་ཀྱང་།
རྒྱརིགས་དཔོན་ངན་བཞི་ནི། ཆེ་བདུག་རྩུབ། མའོ་ཙེ་ཏུང་། ཆེས་ཀླ་ཀློ། ཏིང་ཤའོ་་ཕིང་།
ཆེས་མུན་ནག ཛང་ཛིན་་མིན། ཆེས་རྗེས་ལུས། ཧུའུ་ཆིན་ཐའོ། ཡིན་པ་ལ་ཡིན་པའི་ངོས་འཛིན་མཐར་ཕྱིན་དགོས་པ་ལ་ཤུགས་རྒྱག་མཁན་ཅིག་ཡིན་ལགས།
ཁམས་ནས་འཁྲུངས་ཀྱང་དབུས་ཀྱི་དཔྱོད་སྒོ་ཅན།
རྡ་སར་གོམས་ཀྱང་ཏང་གི་བློ་མིག་ཅན།
རྒྱལ་ཞེན་མེད་ཀྱང་ཏང་ཞེན་ཚ་བོ་ཅན།
གསུམ་ལྡན་བླ་མ་གང་དེ་བོད་པའི་རྒྱན།