བྷར་ཛིལ་གྲོས་ཚོཊ་ནང་ཆབ་སྲིད་ཚོཊ་པ་འདྲ་མིན་གྱི་གྲོས་ཚོཊ་འཐུས་མི་ ༢༡༥ ཙམ་གྱིས། ཡུལ་དེར་གྲོས་ཚོཊ་བོད་དོན་རྒྱབ་སྐྱོར་ཚོཊ་པ་འཛུཊ་རྒྱུའི་གསལ་བསྒྲགས་སྤེལ་འདུག
ཟླ་འདིའི་ཕྱི་ཚེས་ ༡༣ ཉིན་ཚོགས་པའི་ལྷོ་ཨ་མེ་རི་ཁའི་བྷལ་ཛིལ་རྒྱལ་ཁབ་ཀྱི་གྲོས་ཚོགས་ཚོགས་འདུའི་སྟེང་། བྷར་ཛིལ་གྲོས་ཚོགས་འཐུས་མི་སྐུ་ཞབས་ཝེལ་ཊར་ཧྥེལ་ཌི་མན་ (Walter Feldman ) ལགས་གཙོས་པའི་ཡུལ་དེའི་ཆབ་སྲིད་ཚོགས་པ་འདྲ་མིན་གྱི་གྲོས་ཚོགས་འཐུས་མི་ ༢༡༥ ཙམ་གྱིས། མཚན་རྟགས་བསྡུ་རུབ་ཀྱི་ལམ་ནས་བྷར་ཛིལ་གྲོས་ཚོགས་བོད་དོན་རྒྱབ་སྐྱོར་ཚོགས་པ་གསར་འཛུགས་གནང་རྒྱུའི་གསལ་བསྒྲགས་བསྐྱངས་ཡོད་འདུག་ལ། གྲོས་ཚོགས་བོད་དོན་རྒྱབ་སྐྱོར་ཚོགས་པ་དེའི་ངོས་ནས། མ་འོངས་པར་བོད་མི་ཚོར་མིང་དོན་མཚུངས་པའི་རང་སྐྱོང་གི་གནས་བབ་ཚད་ལྡན་ཞིག་རག་ཆེད། རྒྱ་ནག་གཞུང་གིས་༸ཏཱ་ལའི་བླ་མ་མཆོག་གི་སྐུ་ཚབ་བར་གྲོས་མོལ་བསྐྱར་གསོ་གནང་རྒྱུར་འབད་བརྩོན་ཞུ་རྒྱུ་ཡིན་འདུག
སྐབས་དེའི་ཚོགས་ཆེན་སྟེང་གྲོས་ཚོགས་འཐུས་མི་སྐུ་ཞབས་ཝེལ་ཊར་ཧྥེལ་ཌི་མན་ལགས་ཀྱིས། འཐབ་རྩོད་འདི་ནི་བོད་མི་རིགས་འཐབ་རྩོད་ཁོ་ན་ཙམ་མིན་པར། འགྲོ་བ་མིའི་ཐོབ་ཐང་སྲུང་སྐྱོབ་བྱེད་མཁན་གཞུང་དང་གཞུང་འབྲེལ་མིན་པའི་ཚོགས་པ་ཚང་མའི་འགན་འཁྲི་ཡིན་ཚུལ་དང་།འཐབ་རྩོད་འདི་བརྒྱུད་དེ་འཛམ་གླིང་ནང་འཚེ་མེད་ཞི་བའི་རིག་གཞུང་གོང་འཕེལ་དུ་བཏང་སྟེ། འཛམ་གླིང་ཞི་བདེ་ལྡན་པ་ཞིག་བསྐྲུན་ཐབས་གནང་དགོས་རྒྱུ། རིག་གཞུང་ནི་རྒྱལ་ཁབ་ཀྱི་ཆེ་མཐོང་དང་མཚོན་རྟགས་ཡིན་སྟབས། ཁོང་སྒེར་ངོས་ནས་བོད་མིའི་འཐབ་རྩོད་ལ་མཐའ་གཅིག་ཏུ་རྒྱབ་སྐྱོར་ཞུ་རྒྱུ་ཡིན། དེ་བཞིན་བྷར་སིལ་རྒྱལ་ཁབ་ནི་འཛམ་གླིང་སྟེང་གི་གལ་གནད་ཆེ་བའི་རྒྱལ་ཁབ་ཞིག་ཆགས་ཡོད་པའི་ཆ་ནས། བྷར་ཛིལ་གཞུང་མང་གཉིས་ཀྱིས་བོད་མི་རིགས་ཀྱི་དཀའ་ངལ་སྣང་མེད་དུ་འཇོག་ཐབས་མེད་སྐོར་བརྗོད་འདུག
གསར་འགོད་པ། དཔལ་ལྡན།
ད་ནི་ཡར་བཤད་མར་བཤད་ཇི་ཞིག་བྱས་ཀྱང་། གནས་ལུགས་ནི་གནས་ལུགས་རང་ཡིན་པའི་དོན་དངོས་བདེན་པ་དེ་ཇེ་གསལ་ནས་ཇེ་གསལ་རེད། ད་མི་སྐྱོན་གི། ཉན་ནས་འདུག་ད།
དོན་བཟང་ལ་ཡིད་རངས་ཞུ།