གཟའ་སྤེན་པའི་ཞོགས་པར་བཞུགས་སྒར་ལྷ་རྒྱལ་རིར་མདོ་ཁམས་ཆུ་སྒང་རྒྱུན་ལས་ཁང་གིས། མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་སྒྲིག་འཛུཊ་དབུ་བརྙེས་པའི་དུས་དྲན་ཐེངས་ ༥༣ པ་སྲུང་གཙི་ཞུས་འདུག
ངྷ་ས་ས་གནས་མདོ་ཁམས་ཆུ་བཞི་སྒང་དྲུག་རྒྱུན་ལས་ཁང་གི་གོ་སྒྲིག་འོག ཁ་སང་སྔ་དྲོའི་ཆུ་ཚོད་ ༧། ༣༠ སྟེང་བཞུགས་སྒར་ངྷ་ས་ལྷ་རྒྱལ་རིར་མཆོད་རྟེན་མདུན་ཐང་དུ། མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་སྒྲིག་འཛུགས་དབུ་བརྙེས་པའི་དུས་དྲན་ཐེངས་ ༥༣ སྲུང་གཙིའི་མཛད་སྒོ་ཚོགས་ཡོད་ཅིང་། མཛད་སྒོའི་སྐུ་མགྲོན་དུ་བོད་མི་མང་སྤྱི་འཐུས་རྒྱུན་ལས་སྐུ་ཚབ་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་གཙོས་སྤྱི་འཐུས་ཁག་ཅིག་དང་། དབུས་བོད་མིའི་སྒྲིག་འཛུགས་ཀྱིོ་གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ། ངྷ་སར་གནས་སྡོད་མདོ་སྟོད་མང་ཚོགས་བཅས་ཁྱོན་མི་བརྒྱ་ལྷག་འདུ་འཛོམས་བྱུང་ཡོད།
མཛད་སྒོའི་སྟེང་སྤྱི་འཐུས་རྒྱུན་ལས་སྐུ་ཚབ་དགེ་བཤེས་སྨོན་ལམ་མཐར་ཕྱིན་ལགས་ཀྱིས་སྤྱི་འཐུས་ལྷན་ཚོགས་ཀྱི་གསུང་འཕྲིན་སྒྲོགས་སྦྱང་གནང་ཡོད་པ་དང་། ཆུ་སྒང་དབུས་རྒྱུན་སྐུ་ཚབ་སྤྱི་འཐུས་དགེ་བཤེས་ཚེ་རིང་པོ་ལགས་ཀྱིས། མདོ་ཁམས་ཆུ་སྒང་དབུས་སྤྱི་ཁྱབ་རྒྱུན་ལས་ཁང་གི་ཡོངས་ཁྱབ་གསུང་འཕྲིན་སྒྲོགས་སྦྱང་གནང་ཡོད་འདུག
ཆུ་སྒང་དྲན་དགོས།གསར་རྙིང་བརྗེད་དགོས།
མདོ་ཁམས་ཆུ་བཞི་སྒང་དྲུག་བསྟན་སྲུང་དྭངས་བླང་དམག་གི་སྒྲིག་འཛུགས་འདི་འདས་པོ་དམ་པ་ཨ་འབྲུག་མགོན་པོ་བཀྲ་ཤིས་མཆོག་གིས་ཆེད་འཛུགས་གནང་བའི་དྲག་པོའི་སྒྲིག་འཛུགས་ཤིག་ཡིན་ཡང་དེང་སང་མིང་དེ་ཆོལ་ཁ་ཞིག་ལ་ངོས་འཛིན་བྱེད། མ་ཟད་དེ་ཡང་གསར་རྙིང་གཉིས་སུ་གྱེས་ཡོད་པ་འདི་ནི་ཇི་འདྲའི་ཕངས་པ་ཞིག་རེད་ཨང་། བོད་མི་རིགས་འདིའི་གྱོང་གུད་ཅིག་ཅི་ལ་མིན། ས་གནས་གཅིག་ནས་གསར་པ་ཚང་གིས་བསང་གསོལ་གཅིག་བཏང་རྗེས་ཡང་རྙིང་པ་ཚང་སླེབས་ནས་བསང་གསོལ་ཞིག་གཏོང་། དུས་ནམ་ཞིག་ལ་གཉིས་ཀས་མཉམ་དུ་བསང་བསོལ་གཏོང་ཐུབ་བམ།
གོང་དུ་མི་ཉག་བཙན་པོ་ཟེར་བ་ཞིག་གིས།
བསྟན་སྲུང་དང་བླངས་དམག་ཟེར་བའི་མིང་འདོགས་སྟངས་འདི་ལ་བསམ་ཚུལ་བྲིས་འདུག་པ་དེ་དངོས་གནས་ཡག་པོ་གསུང་འདུག
འདིས་ང་ཚོས་ལོ་རྒྱུས་ནང་གི་ཆོས་ལུགས་པའི་ཆོས་འཇིག་རྟེན་གཉིས་དང་མི་མཐུན་བྱུང་རབས་ཀྱི་ནག་ཉེས་གསལ་འདོན་བྱེད་ཀྱིན་འདུག བསམ་བློ་ཞིབ་ཏུ་བཏང་ཚེ་ང་ཚོ་ངོ་ཚ་དགོས་པའི་ཐ་སྙད་ཅིག་་རེད་འདུག རྗེས་མ་ནས་རྒྱལ་སྲུང་དམག་གི་སྒྲིག་འཛུགས་གསུངས་ན་ཡག་པོ་འདུག།
ང་ནི་ཁམས་ཕྲུག་དག་མ་གཅིག་དང་། ཁམས་ཞེན་དུང་སེམས་དག་མ་ཡོད་མཁན་གཅིག་དང་།
སྔོན་བྱུང་ལོ་རྒྱུས་ལ་དོ་སྣང་ཡོད་པ་གཅིག་དང། སྔོན་བྱོན་དཔའ་བོ་རྣམས་ཀྱི་གཟི་ཤུལ་དང་ལེགས་བྱས་ལཡི་རང་ཞུ་མཁན་གཅིག་ཡིན༌།
ཡིན་ན་ཡང་སྐྱུག་བྲོའི་ཚོར་སྣང་གི་ཁྲོད་དུ་བློ་ཕམ་པའི་དབུགས་རིང་ཞིག་དང་སེམས་སྐྱོ་བའི་མིག་ཆུ་ཞིག་བཏང༌། མི་རབས་གོང་མ་རྣམས་ཀྱི་བཀའ་དྲིན་དང་ཕྱག་རྗེས་རི་མོ་ལ་རྗེས་དྲན་བྱས།
འུ་ཅག་ལ་བཞག་པའི་གཅེས་ནོར་གྱི་ལོ་རྒྱུས་རི་མོ་ལ་ཕྱི་བལྟས་རེ་དང་བསམ་བློ་རེ་གཏོང་སྐབས། སྙིང་རེ་རྗེ། ཁྱེད་རྣམས་ཀྱི་མཛད་རྗེས་དང་དམིགས་ཡུལ་། ལངས་ཕྱོགས་དང་སྒྲིག་གཞི།
ཡོད་ཚད་འུ་ཅག་གི་འགན་ཁུར་དང་རྒྱུན་འཛིན་དགོས་ན་ཡང་། ་མེས་པོ་རྣམས་ཕམ་དགོས་པ་ཞིག་ལ་མི་སྣ་རེ་ཟུང་གིས་སྒེར་གྱི་འཁོན་འཛིན་སྐྱེན་པས་གཞུང་དོན་དང་
སྒེར་དོན་མཉམ་བསྲེས་དང་མཉམ་སྡེབ་བྱས་ནས་ཁམས་རིགས་དང་ཁམས་ཕྲུག་ནང་ཁུལ་དབང་ཆ་དང
མིང།་སྙན་གྲགས་དང་དཔལ་འབྱོར་ཁེ་ཕན་སོགས་ཀྱི་ཆེད་དུ་ད་དུང་ཆུ་སྒང་གསར་རྙིང་ཞེས་པའི་མི་
མཛེས་པ་འདི་ད་ལྟ་ཡང་ཡོད། མི་རིགས་དང་བོད་ཀྱི་རྩ་དོན་གང་ལ་ཡང་འགན་ཁུར་མི་དགོས་པའི་རང་སྣང་གང་འཆར་གྱི་ལས་ཀ་དང་ལས་འབྲས་དཔང་བཞག་མེད་པའི་ལས་དོན་རྩམས་པའི་གྲུབ་འབྲས་ནི་ད་དུང་ཆུ་སྒང་གསར་རྙིང་ཞེས་
པའི་མིང་འདི་གནས་ཡོད།
ཁམས་རིགས་ཀྱི་མི་སྣ་འགོ་གཙོ་དཔོན་པོ་དང་འོག་མི་དམངས་ལྷག་བསམ་དང་ཤེས་ཡོན་ཅན་མང་པོ་ཡོད་ན་ཡང་དཀའ་ངལ་དེ་བསེལ་མི་ཐུབ་པའི་རྒྱུ་མཚན་གང་ཡིན།་སྣེ་ཁྲིད་མཁན་མི་སྣ་རེ་ཟུང་དང་བསམ་མེད་རྗེས་འབྲང་པཁ་ཤས་ཤིག་ལ་ཐུག་ཡོད་པ་ཤེས་དགོས།
ཚེ་རིང་པོ་དང་སྨོན་ལམ་མཐར་ཕྱིན་གཉིས་ནང་དཀྲུག་གི་ཕུང་འདྲེ་བྱེད་རབས་ལས་འཇོན་རབས་མེད་ཚོད་འདུག
སྔོན་གཤེགས་དཔའ་བོ་ཚོ་བློ་ཕམ་གི་མ་བཅུག་ན་འགྲིགས་འདུག་གསར་རྙིང་འཁྲུག་རྩོད་དེ་མཐོང་ན་སྐྱུག་བྲོ་བ་གཅིག་རེད་ བདེ་ཁ་ཅན་ལ་ཕམ་ཁ་ དེང་དུས་་་་འདི་ཅི་མ་ཉན་ན???????
སྔོན་གྱི་དཔའ་བོ་དག་གི་དྲིན་ལས་མི་འདི་ཚོས་སྙན་སྙན་འགྲིག་འགྲིག་གི་ལས་སྣ་ཚོགས་ཤིག་ལས་ཀྱིན་འདུག་པས། དགེ་ལས་སྐྱོན་ཆེ་བར་མངོན་ནོ།
མདོ་ཁམས་ཆུ་བཞི་སྒང་དྲུག་གི་དཔའ་བོ་རྣམས་ཀྱི་བཀའ་དྲིན་དང་ལོ་རྒྱུས་རྗེས་དྲན་བྱས་པ་ལ་
ཡི་རང་དང་སྔགས་བརྗོད་ཡོོད༎
ཡིན་ན་ཡང་བསམ་ཚུལ་ཞིག་ཞུ་དགོས་པ་ནི།བསྟན་སྲུང་དང་བླངས་དམག་སྒྲིགས་འཛུགས་ཅེས་པའི་མིང་འདི་དུས་རབས་འདིའི་མི་ཆོས་དང་བསམ་བློ་ཀུན་སྤྱོད་དང་མི་མཐུན་ལ།ནང་བསྟན་ཆོས་ལུགས་ཀྱི་
ལྟ་གྲུབ་དང་དེ་བས་མི་མཐུན་པ་ཞིག་རེད།
དུས་རབས་འདིའི་ནང་ཆོས་ཀྱི་ཆེད་དུ་དམག་རྒྱབ་པ་དང་ཆོས་ལུགས་སྲུང་སྐྱོབས་ཀྱི་ཆེད་དུ་དམག་རྒྱབ་ནས་མི་གསོད་ཕྲག་སྦྱོར་བྱས་ཐུབ་ན།དཀོན་མཆོག་གི་དྲུང་དུ་སྐྱེས་ཐུབ་པ་དང་སྡུག་བསྔལ་ལས་ཐར་ཚུལ་བཤད་པའི་ཆོས་ལུགས་རྣམས་ཀྱི་རིན་ཐང་སྟོང་ཟིན་པ་དང་།ལྟ་གྲུབ་དེ་དག་སྨྲ་བའི་ཆོས་ལུགས་རྣམས་
འཕྱ་སྨོད་ཀྱི་གམས་སུ་གྱུར་ཡོད།
ནང་བསྟན་ཆོས་ལུགས་ཀྱི་ལྟ་གྲུབ་ནང་འཚེ་མེད་ཞི་བའི་ལམ་འབའ་ཞིག་བསྟན་པ་དང་བཤད་སྒྲུབ་གཉིས་གྱིས་སྒོ་ནས་བསྟན་པ་སྲུང་དགོས་པ་ལས།དམག་མའི་སྒྲིག་འཛུགས་ཤིག་ནས་བསྟན་པས་སྲུང་བ་ནི་མི་རིགས་ཤིང་།དམག་རྒྱབ་ནས་བསྟན་པ་སྲུང་བ་དགོས་པའི་ལྟ་བའི་རྣམ་བཞག་ནི་་ཀུན་གྱིས་འཕྱ་སྨོད་བྱེད་པའི་ཁ་ཆེན་ཆོས་ལུགས་ཀྱི་ལྟ་ཚུལ་གཅིག་རེད།
བསྟན་སྲུང་དང་བླངས་དམག་མའི་སྒྲིག་འཛུགས་ཞེས་པའི་མིང་འདི་བོད་པའི་ཆོས་ལུགས་དང་ཐ་ན་ལམ་ལུགས་སྲོལ་དང་མི་མཐུན་པ་ཞིག་ཡིན་པ་ནི་གསལ་པོ་རེད། དེས་ན་ངེས་པར་དུ་མིང་འགྱུར་བ་གཏོང་དགོས་པའི་དུས་ཚོད་རེད། ཐོག་མར་དབུ་བཙུགས་པའི་སྐབས་དེར་མིང་འདི་འདྲ་ཞིག་དགོས་པའི་རྒྱུ་མཚན་ཡོད་ཆོག་ཀྱང༌། ད་ལྟ་སྐབས་སུ་དམག་མི་དང་མཚོན་ཆ་ནས་འབྲུ་ཙམ་གྱི་མཐོང་རྒྱུ་མེད་པའི་ཚོགས་པ་ཞིག་མིང་དེ་འདྲ་ཞིག་བཏགསཔ་ནི་གད་མོ་ཤོར་བའི་གནས་རེད།
མ་ཟད་ཚོགས་པའི་མཚོན་རྟགས་དེ་ཡང་ངེས་པར་དུ་འགྱུར་བ་གཏོང་དགོས་པ་ནི་གོང་གི་རྒྱུ་མཚན་བཤད་པ་དང་གཅིག་མཚུངས་རེད།